Eldhússkápar - veldu úr allskyns stílum og litum sem falla vel við þinn smekk

Ertu að smíða nýtt eldhús eða skipta út gömlum eldhússkápum? Eldhúseiningar geta haft afar hagnýt og flott áhrif á hönnun eldhússins. Þær eru grunnurinn að eldhúsinu og þær veita mikilvægt geymslurými fyrir eldhúsáhöld af ýmsum toga. Þær bjóða ennfremur upp á mikilvægt borðpláss fyrir matarundirbúninginn og svo setja þær einnig ramma í kringum eldhúsið. Við bjóðum upp á mikið úrval af eldhúsbúnaði fyrir þarfir og smekk hvers og eins, hvort sem þú ert að leita að toppeiningu, botneiningu, horneiningu, ofnskápum eða jafvel búri. 

Ertu í leit að nýjum eldhússkápum? Skoðaðu úrvalið hjá vidaXL

Ef kominn er tími á nýtt útlit í eldhúsinu þá er vidaXL rétti staðurinn fyrir þig- við bjóðum upp á eldhússkápa á góðu verði sem slá ekkert af hvað varðar stíl og gæði. Ótal möguleikar eru í boði þegar kemur að því að hanna og innrétta eldhúsið. Rétt eins og með önnur rými þá eru allskyns trend sem vert er að hafa í huga þegar hanna á eldhúsið. Verslaðu nútímalegar, hagnýtar og endingargóðar eldhúseiningar á góðu verði hjá vidaXL og byggðu upp draumaeldhúsið fyrir minni pening. 

Ein þægileg leið væri að yfirfæra stílinn á heimilinu yfir í eldhúsið. Hugsaðu til dæmis um nútímalegt útlitið á háglansandi eldhússkápum eða sveitalegan stílinn í einingum með framhlið úr viði. Hver stíll hjálpar á sinn eigin hátt við að setja ákveðinn blæ á innréttingarnar. Þetta gætu verið hlutir eins og ljóst og bjart yfirbragð eða hlýr og notalegur svipur. Það skiptir ekki máli hvað það er sem þú vilt fá út úr eldhússkápunum - úrvalið okkar er gríðarstórt og fjölbreytt og þú ættir því ekki að vera í neinum vandræðum með að gera draumaeldhúsið þitt að veruleika. 

Það þarf ekki að vera dýrt að fjárfesta í nýjum eldhússkápum. vidaXL er tilvalinn staður til að finna hágæðaskápa á frábæru verði. Veldu skápa hjá okkur og skelltu í matarboð á örskotsstundu.

Veldu réttu eldhússkápana fyrir þig

Þegar þú gerir upp eldhúsið þitt þá eru ýmsar ákvarðanir sem þú þarft að taka, bæði praktískar og útlitslegar. Eldhúseiningarnar ættu fyrst og fremst að henta þínum þörfum hvað varðar vinnusvæði og geymslurými. Eldhús sem mætir ekki daglegum þörfum þínum mun líklegast ekki endast til lengri tíma. 

Ákvarðanir ættu einnig að mótast af lausu plássi: Stundum þarftu að leyfa sköpunargáfunni að ráða til að fá sem mest út úr litlu eldhúsrými og til að koma auga á þá möguleika sem eru fyrir hendi þegar plássið er af skornum skammti. Ef þú vilt taka vel upplýsta ákvörðun og velja eldhússkápa sem gleðja þig í áraraðir, þá mælum við með því að þú hafir eftirfarandi atriði í huga:

• Tegund - Eldhússkápar fást í mörgum mismunandi lögunum og stærðum sem henta fyrir ýmsa hluta eldhússins og heildarhönnunina alfarið. Ef þú þarft mikið borðpláss fyrir matarundirbúning eða fyrir ómissandi eldhústæki á borð við kaffivél eða örbylgjuofn, þá er mikilvægt að þú leggir áherslu á botneiningarnar. 

Ef þú þarft mikið geymslupláss en plássið er af skornum skammti, þá er gott að fókusera á toppeiningarnar. Hér væri sniðugt að vera með innbyggð kastljós þar sem þau eru hagnýt vinnuljós sem gefa góða stemningu. Þetta er frábær valkostur ef þú vilt ekki nota óþarfa veggrými fyrir ljós.  Þú getur einnig sett hornskápa í eldhúsið til að hornin nýtist sem best. Þetta er kjörinn kostur ef þig langar til að vera með mikið af toppeiningum. Við bjóðum einnig upp á matarbúrseiningar sem eru tilvaldar fyrir einn eða tvo ofna - eða jafnvel örbylgjuofn, ef það hentar betur. Þetta er einnig sniðugt val til að nýta geymslurýmið sem best á lóðrétta vegu.

• Mál - Þegar kemur að geymsluplássi og vinnurými þá hafa mál eldhússkápanna mikil áhrif. Þú getur valið að hafa aukadýpt á skápunum svo að auðvelt sé að fela potta, pönnur og annan eldhúsbúnað. 

Því stærri sem einingarnar eru, því meira eldhúspláss færðu. Þetta hefur þó auðvitað líka áhrif á það hversu mikið pláss eldhússkáparnir taka í rýminu. Reyndu því að koma í veg fyrir að of þröngt verði í eldhúsinu, þá sérstaklega ef þú átt stóra fjölskyldu sem notar eldhúsið mikið.

• Efniviðir - Flestir vilja að eldhúsið sé ekki bara praktískt heldur líka fallegt og með persónulegum svip. Valið á efnivið er mikilvægasti þátturinn þegar kemur að framhlið eldhússkápanna en efniviðurinn hefur einnig mikil áhrif á þrif og viðhald. 

Þetta gæti varðað kámuga putta, mat sem hellist niður eða eldhúsáhöld sem fara inn og úr eldhússkápunum. Hvítar framhliðar sýna betur merki af kámugum puttum, á meðan framhliðar úr viði þurfa meira viðhald en ella.

Eftirfarandi þættir eru þeir mikilvægustu þegar kemur að því að velja tegund eldhússkápanna: Hvernig þú notar eldhúsið dagsdaglega, takmarkanir/möguleikar varðandi pláss og hvað hentar eldhúshönnuninni þinni best. 

Við bjóðum upp á mikið úrval af endingargóðum, hagnýtum og smekklegum eldhússkápum sem hjálpa þér að halda eldhúsinu vel skipulögðu og falla vel inn í aðrar innréttingar heimilisins. Ef þú þarft frekari aðstoð við val á nýjum eldhússkápum þá er þjónustuverið okkar til staðar fyrir þig. 

Sveitalegar, klassískar eða nútímalegar eldhúseiningar?

Áður en þú hefst handa við að rífa niður gömlu eldhúsinnréttingarnar þá er mikilvægt að allir meðlimir fjölskyldunnar séu sammála um stíl og hönnun nýja eldhússins. Það er úr afar mörgu að velja og eldhús er yfirleitt ekki rými sem fólk gerir upp á nokkurra ára fresti. Því er mikilvægt að hugsa fram í tímann.

Hér hjá vidaXL bjóðum við meðal annars upp á sveitalega, klassíska og nútímalega eldhússkápa. Klassískir skápar eru yfirleitt með stílhreinum viðarhurðum í ljósum lit sem skapa ró í eldhúsinu. Ef þú vilt grófara sveitalegt útlit þá er sniðugt að velja dekkri við. Þú getur sameinað þessa tegund skápa við hvítt borð og stóla til að fullkomna útlitið og gefa eldhúsinu dempaðan nútímalegan svip. Við bjóðum einnig upp á ýmsa háglansandi eldhússkápa fyrir fólk sem elskar nútímalegan og minimalískan stíl. Náttúruleg birta endurkastast af yfirborði eininganna og þær eru því afar fallegar í hvaða eldhús sem er.

Ef rýmið er stórt og opið með mikilli náttúrulegri birtu þá getur verið afar stílhreint að velja eldhússkápa með dekkri framhliðum (eins og t.d. dökkum viðarlit eða kolsvörtum) til að koma jafnvægi á ljós og myrkur. 

Ef rýmið er hins vegar í minna lagi eða ekkert sérstaklega vel upplýst þá er betri hugmynd að velja bjartar eða hvítar framhliðar sem fá rýmið til að virka stærra og bjartara. Það sem skiptir þó á endanum mestu máli hvað varðar útlit er hvaða hönnun fær þig til að líða eins og eldhúsið sé hluti af heimilinu.

Feldu uppþvottavélina með þiljum í stíl við skápana

Eldhúsið ætti helst að líta vel út á alla vegu. Ef þú ert til að mynda með viðarþema í eldhúsinu þá stingur iðnaðarleg uppþvottavél auðveldlega í stúf við klassískt útlitið. Lausn á þessu vandamáli gæti verið að setja þil fyrir framan uppþvottavélina í stíl við eldhússkápana. Þannig geturðu gert uppþvottavélina að hluta af eldhúsinu á náttúrulegan og fágaðan hátt.

Hafðu eldhúsáhöldin vel skipulögð

Eldhússkúffur eru frábærar þegar þú þarft að hafa gott skipulag á eldhúsáhöldunum. Skipulagseiningar á borð við skúffur gera þér kleift að hafa reiðu á ýmsum eldhúsáhöldum á borð við hnífapör, spaða, hnífa og ausur.

Annar snjall kostur gæti verið er að setja upp útdraganlegar körfur til að gera þér auðveldara fyrir að ná tækjum, áhöldum og matvörum aftast úr skápnum. Þessi lausn gefur þér auk þess frelsi til að velja frá hvaða horni þú grípur hlutina innan úr skápnum. Ef þú ert með hornskáp í eldhúsinu þá gæti reynst erfitt fyrir þig að ná þeim hlutum sem eru allra aftast. Snúanleg eldhúskarfa er hér afar einföld og gagnleg lausn til gera verkið mun auðveldara. 

Af hverju að kaupa hvern skáp fyrir sig þegar þú getur keypt heilt skápasett í staðinn?

Langar þig til að stækka eldhúsið eða ertu að byggja nýtt eldhús frá grunni? Sparaðu þér bæði fyrirhöfn og peninga með því að velja heilt eldhússkápasett hjá okkur. Settin fást með allt að ellefu aðskildum eldhúseiningum. Við bjóðum upp á ýmsar mismunandi skápahannanir - þar á meðal klassíska hvíta, áberandi svarta eða iðnaðarlega gráa hönnun. 

Það skiptir ekki máli hvort eldhúsið sé stórt eða smátt - eldhússkápasettin okkar eru að öllum líkindum með þeim fjölda eldhúseininga sem þú þarft. Sum af settunum okkar eru meira að segja með hornskápum sem passa fullkomlega í eldhús með góðu horni. Þú getur einnig valið að borga aukalega og bætt borðplötu við. Það hefur sjaldan verið auðveldara að byggja grunninn að draumaeldhúsinu. 

Verslaðu fyrsta flokks eldhússkápa á viðráðanlegu verði

Eldhússkáparnir frá vidaXL eru frábær byrjun á draumaeldhúsinu. Allir skáparnir okkar eru í góðum gæðum og endast í mörg ár. Þegar búið er að setja allt upp þá er komið hentugt geymslupláss fyrir öll eldhús- og borðstofuáhöldin. 

Skoðaðu úrvalið okkar af skápum og eldhúsbúnaði á vidaXL og settu glænýjan svip og stemningu á rýmið. Engin lágmarksupphæð er á pöntun sem þýðir að sending er, óháð stærð, algjörlega ókeypis.