Réttu skrifstofuhúsgögnin valin 

Það er hálf-ótrúlegt hvað margt fólk lætur sér í léttu rúmi liggja hvort skrifstofuhúsgögnin sem það notar séu af réttri gerð. Miðað við að mörg okkar verja stórum hluta dagsins á skrifstofu ættu húsgögn og aðbúnaður að vera okkur ofarlega í huga. Rangt skrifborð getur t.d. auðveldlega leitt til stoðkerfisvanda seinna meir vegna lélegrar vinnustöðu.

Þar fyrir utan virðist 8-10 klst vinnudagur enn lengri ef þér líður ekki vel í vinnunni. Hvort sem þú vinnur heima eða í fyrirtækjahúsnæði ætti það að vera forgangsmál að innrétta vinnurýmið samkvæmt þínum þörfum.

Hjá vidaXL finnurðu stórgott úrval af skrifstofuhúsgögnum sem henta margs konar vinnustöðum. Hvaða stíl sem þú aðhyllist, liti, efnivið eða hönnun, finnurðu allt sem þarf á skrifstofuna hjá okkur. Líttu á úrvalið og finndu hin fullkomnu skrifstofuhúsgögn hjá okkur.

Mismunandi skrifstofuhúsgögn

Það er hægt að innrétta skrifstofur á margan hátt en flestar þeirra þurfa að innihalda gott vinnuborð og -stól. Það fer svo eftir persónulegum smekk og þörfum hvers konar vinnusvæði þú vilt útbúa. Hér eru þau húsgögn sem er algengast að finna á skrifstofum.

Skrifborð

Gott skrifborð er nauðsyn á hverri skrifstofu. Skrifborðið er bækistöðin þín og þar þarftu að hafa pláss fyrir tölvubúnað, pappírsvinnu og gagnageymslu, svo eitthvað sé nefnt. Í sumum borðum eru innbyggðar hirslur fyrir ritföng og aukabúnað og/eða sérhannað pláss fyrir vinnutæki. Skrifborðin fást í mismunandi stíl og stærðum. Þetta eru þrjár algengustu gerðir skrifborða:

• Setborð: Oftast minni að umfangi en aðrar tegundir, hefur góðan vinnuflöt úr þunnri borðplötu og opið rými fyrir neðan borðplötuna. Þessi borð henta vel við skriftir, gagnainnslátt eða nám.
• Tölvuborð: Sérhönnuð með borðtölvunotkun í huga. Þau hafa sérhillu fyrir lyklaborð og hillur fyrir tölvuturn og jafnvel skjáinn líka.
• Stórsniðsborð: Þessi borð hafa stóran vinnuflöt og góðar hirslur. Henta vel þeim sem vinna með mikið af gögnum sem þurfa röð og reglu. Stórsniðsborðin eru vel hönnuð og gefa rýminu faglegt yfirbragð. Þau fást í mismunandi lögun, bæði rétthyrnd, L-laga og U-laga.

Skrifstofustólar

Skrifstofustóllinn þinn er jafnmikilvægur og skrifborðið sjálft. Margir skrifstofustólar henta alls ekki fyrir langar setur og eru ekki hannaðir til að sérstilla sethæð, bakstöðu og armhvílur eftir þörfum hvers notanda. Sé tekið tillit til þess tíma sem þú situr í skrifborðsstólnum er nauðsynlegt að velja rétta stólinn. Hér eru algengustu gerðir skrifstofustóla.

• Léttir stólar: Henta við margs konar störf og fást í ýmsum útfærslum. Þessir stólar eru einfaldir í hönnun og geta veitt góðan stuðning við bakið.
• Vinnuvistfræðilega hannaðir stólar: Styðja við náttúrulega stöðu líkamans og hafa notið verulegra vinsælda síðustu ár. Með réttum stuðningi bæta þeir blóðrásina á meðan setið er, bæta setstöðu og koma í veg fyrir verki í baki.
• Stórsniðsstólar: Dýrari útgáfan af skrifstofustólum! Þeir eru einfaldlega þægilegri. Flestir þeirra eru hannaðir út frá vinnuvistfræðilegum sjónarmiðum.

Vinnuborð

Á mörgum vinnustöðum er þörf á fleiri en einu borði. Vinnuborð eru undirtegund skrifborða. Þótt öll skrifborð geti virkað sem vinnuborð, geta ekki öll vinnuborð virkað sem skrifborð. Vinnuborð geta komið sér vel þegar það þarf að flokka pappírsgögn, taka upplýsingar saman á sýnilegan hátt, þegar þarf að halda kynningu fyrir vinnufélaga o.s.frv.

Þau eru yfirleitt létt og einföld að gerð og hafa ekki áfastar hirslur á borð við hillur og skúffur. Vinnuborð getur nýst heilu teymi við skipulag vinnugagna og nýtingu rýmisins. Þau virka vel í miðju rýminu, annað en skrifborð sem flest koma best út við vegg.

Skjalaskápar

Þótt tækni hafi auðveldað gagnageymslu á stafrænu formi eru skjalaskápar ennþá mikilvægir þegar kemur að nútíma skrifstofuinnréttingum. Bæði stór og smá fyrirtæki og öll þar á milli þurfa að hafa einhvers konar gögn aðgengileg á pappírsformi og því er góður skjalaskápur nauðsyn á hverri skrifstofu.

Þeir fást í mismunandi gerðum, stærðum og stílum og henta hvers konar skjalaþörfum. Skjalaskápar fást t.d. lágir með breiðum skúffum, háir með mjóum skúffum, færanlegir og með opnum hólfum. Við val á skjalaskáp þarf að taka tillit til stærðar skjalanna sem þarf að geyma og hversu mikið af gögnum hann þarf að rúma.

Hver er besti efniviðurinn í skrifstofuhúsgögn?

Skrifstofuhúsgögn fást í mörgum mismunandi útfærslum og hægt er að þekkja gæðahúsgögn á þeim efniviði sem notaður er í þau. Ending og gæði húsgagnanna ráðast í efnisvalinu.

Það eru þó ekki allir meðvitaðir um hvar mestu gæðin fást þegar skrifstofan er innréttuð. Algengastu efnin í framleiðslu á skrifstofuhúsgögnum eru m.a. viður, málmur, pólýprópýlen plastefni, MDF og melamín. Lítum aðeins nánar á hvert þeirra fyrir sig.

Viður

Viður er vandaður, endingargóður, náttúrulegur og eitt vinsælasta valið þegar kemur að húsgagnaframleiðslu. Það er auðvelt að halda viðarhúsgögnum við og því henta þau vel sem fyrirtækjainnréttingar. Hægt er að fá skrifstofuhúsgögn úr margs konar viði, allt eftir smekk, kostnaðaráætlun og stærð og tilgangi skrifstofunnar. Tekk er ein vinsælasta viðartegundin þegar kemur að húsgögnum. Það er bæði traust, harðgert og endingargott. Tekkviður inniheldur hærra hlutfall náttúrulegrar viðarolíu en flestar aðrar viðartegundir sem ver viðinn því betur gegn raka og upplitun.

Málmur

Hagnýtur, óbrjótanlegur og endingargóður málmur er annað algengt efni í húsgögnum. Algengt er að blanda saman málmi og annars konar efniviði í skrifstofuhúsgögnum. Þeir málmar sem mest eru notaðir eru stál og ál. Stál er afar sterkt og hefur betri endingu en flestir aðrir málmar en það getur líka verið þungt. Ál er aftur á móti léttara en viðkvæmara fyrir hnjaski. Ef þú þarft að velja á milli þessara tveggja málma skaltu íhuga hvort styrkileiki stálsins sé mikilvægari en þægindi álsins. 

Pólýprópýlen

Pólýprópýlen er afar vinsælt efni fyrir skrifstofuhúsgögn. Þetta er plastefni sem er mótað í rétt form og er sterkt, endingargott og gefur endalausa möguleika í hönnun og útfærslu. Skrifstofuhúsgögn úr þessu efni eru endingargóð, þægileg og vistvæn. Þau eru einnig afar sterk og það þarf að þjösnast ansi vel á þeim áður en þau láta á sjá!

MDF

MDF er frábær valkostur þegar gegnheill viður hentar ekki. Það hefur svipaða áferð og viðarplötur en er ódýrara og hefur ögn lakari endingu. Það er þó sívinsæll efniviður fyrir skrifstofuhúsgögn og hefur til langs tíma verið eitt algengasta efnið í húsgagnaframleiðslu. MDF er einnig umhverfisvænn kostur en í framleiðsluferlinu eru nýttir viðarafgangar úr annarri framleiðslu sem annars hefðu endað sem úrgangur.

Áklæði og vefnaðarvara

Stólar, skemlar og kollar fyrir skrifstofur þurfa einhvers konar áklæði til að hámarka þægindin. Tauáklæði, möskvanet og filt eru algengustu áklæðin á skrifstofustóla. Möskvanet sameinar stíl og notagildi skrifstofustólsins með öndunareiginleikum efnisins sem henta vel fyrir bæði vinnu- og gestastóla. Bólstraðar setur með tauáklæði geta verið fyrirtakskostur fyrir fundaraðstöðu og hægt að velja um margs konar áferð og mynstur. Filt er ekki jafnalgengt og hinir tveir kostirnir en hentar afar vel til að draga úr hávaða og/eða hljóðendurvarpi. Gervileður er einnig vinsæll kostur þegar kemur að skrifstofustólum.

Hvaða húsgögn þarftu á skrifstofuna þína?

Vinnurýmið þarf að henta starfinu þínu. Það hefur ótrúleg áhrif á afköst og vellíðan að velja rétt húsgögn fyrir vinnusvæðið þitt. Þetta á við um bæði borð, stóla og hirslur. Hér eru nokkrir punktar sem hjálpa þér að finna út hvaða húsgögn henta þínu rými best.

Hvað þarftu að gera í rýminu?

Gerðu raunhæft mat á því hvað þú gerir á skrifstofunni og hvaða húsgögn koma að gagni við að ná vinnutengdum markmiðum. Réttu húsgögnin bæta starfsánægju, minnka streitu og auka framleiðni. Mismunandi rekstur kallar á mismunandi innréttingar. Skrifstofur sem vinna með mikið af gögnum þurfa að huga vel að traustum skjalageymslum. Mundu líka að nýtingin skiptir mestu máli, forðastu því að velja húsgögn eingöngu eftir útlitinu. Íhugaðu þó hvaða heildarviðmót viðskiptavinir mynda sér þegar þeir koma inn á skrifstofuna og taktu tillit til sérkenna fyrirtækisins eða vörumerkis, t.d. með litum eða formum. Þegar grunnatriðin eru komin á hreint þarf að huga að smáatriðunum.

Teiknaðu vinnurýmið upp og ákveddu hvar hvert húsgagn á að standa.

Skoðaðu stærð rýmisins vel og veldu húsgögn sem passa inn í það. Ekki gleyma að gera ráð fyrir auðveldu aðgengi að innstungum og að taka tillit til staðsetningar hurða og glugga. Öll þessi smáatriði hafa áhrif á það hvers konar húsgögn henta best.

Byrjaðu á skrifborði og stól

Skrifborð og stólar eru grundvallarhlutirnir þegar kemur að skrifstofuhúsgögnum. Þetta eru þau húsgögn sem þú kemur til með að nota á hverjum degi í margar klukkustundir í senn. Dæmigerður skrifstofustarfsmaður ver stórum hluta vinnutímans sitjandi við skrifborð. Það er hægt að bæta vinnuaðstöðuna til muna með því að velja stól sem er hannaður með vinnuvistfræðilegar þarfir notandans í huga, sérstaklega ef þreytuverkir í baki eða hálsi eru farnir að hrjá hann.

Þægilegt = nauðsynlegt!

Með tilliti til daglegs vinnutíma ættu þægindi alltaf að vera í fyrirrúmi. Réttur stóll við rétt skrifborð getur haft afgerandi áhrif á vellíðan í vinnunni. Þar fyrir utan eru þó aðrir þættir en útlit og þægindi sem þarf að hafa í huga við val á skrifstofuhúsgögnum. Vandaður efniviður getur sparað viðhalds- og endurnýjunarkostnað í framtíðinni.

Viðhald og umhirða skrifstofuhúsgagna

Með réttri umhirðu endast húsgögnin lengur í toppástandi. Hér eru nokkur ráð sem gott er að hafa í huga.

• Hreinsaðu húsgögnin reglulega með rökum klút
• Reyndu eftir fremsta megni að koma í veg fyrir að sól skíni beint á húsgögnin til að forðast upplitun og bletti.
• Gættu þess að húsgögnin séu rétt sett saman og séu alveg traust áður en þau eru tekin í notkun.
• Forðastu að stafla upp húsgagnaeiningum sem eru ekki til þess ætlaðar. Það getur skemmt þau húsgögn sem standa neðar og dregur úr stöðugleika.

Viltu uppfæra vinnurýmið? Skoðaðu úrvalið af skrifstofuhúsgögnum og finndu þau sem henta þér best.