Kaupleiðbeiningar fyrir borðstofubekki – góð ráð til að finna rétta bekkinn

Langar þig til að búa til hið fullkomna borðstofusvæði svo að þú getir haft það notalegt með fjölskyldu og vinum? Það er ekki auðvelt verk að finna hina fullkomnu sætislausn. Það er margt sem þarf að hafa í huga – skipulag rýmisins, réttu stærðina, hönnunarsmekk og margt annað. En hvað með borðstofubekk?

Leiðbeiningarnar okkar eru gerðar til að hjálpa þér að velja rétta borðstofubekkinn. Borðstofubekkur er góður kostur fyrir nýmóðins borðstofur. Bekkir hafa átt algjöra endurkomu á síðustu árum, enda eru þeir frábært húsgagn! Þeir eru bæði fjölhæfir og rúmgóðir og henta því fjölmörgum innanhússstílum.

Þó eru ýmsir þættir sem þú þarft að hafa í huga áður en þú verslar bekk. Áttaðu þig á sætisþörfum þínum og veldu bekk sem hentar vinum og vandamönnum. Við kennum þér hvernig þú velur bekk í lit sem kemur jafnvægi á borðstofuna. Svartur er tímalaus en passar hann við bóhemstílinn í borðstofunni þinni? Bekkir eru hagnýtir og svalir en þeir þurfa einnig að vera þægilegir. Svo er einnig mikilvægt að velja rétta efniviðinn fyrir bekkinn þar sem þú hefur úr ýmsu að velja (t.d. viði, bólstrun o.s.frv.). En finnum nú rétta bekkinn fyrir þig!

 

Hvernig þú velur rétta borðstofubekkinn

Áður en lengra er haldið ættirðu að vita af hverju borðstofubekkir eru frábærir:

• Bekkur sparar þér pening - fleiri sæti fyrir minni aur! Hann er hagkvæm lausn sem getur komið í staðinn fyrir 2 eða 3 stóla.
• Frábær fjölhæfni. Bekkir fást í ýmsum tegundum og lögunum, og þú getur því leyft sköpunargáfunni að ráða ríkjum þegar þú hannar borðstofuna.
• Borðaðu með stæl! Borðstofubekkir eru stílhrein, nútímaleg og tímalaus lausn!

Nú veistu af hverju þú ættir að fá þér borðstofubekk og við skulum því skoða hvaða bekkur er réttur fyrir þig. Gott er að byrja á því að taka mál. Auðveldast er að kaupa bekkjasett. Það eina sem þú þarft að gera er að mæla rýmið og vera viss um að nóg pláss sé í kringum settið.

Ef þig langar til að kaupa bekk fyrir borðstofuborð sem þú átt nú þegar, þá skaltu hafa í huga hversu langur bekkurinn á að vera. Fyrst skaltu ganga úr skugga um að bekkurinn sé samhliða við borðbrúnina. Hér gefst þér kostur á að hafa borðbekkinn sérstaklega langan ef borðið gefur færi á því.

Taktu tillit til undirstöðu borðsins – upphækkuð undirstaða tryggir ríflegt pláss, á meðan borðfætur takmarka plássið. Ef þú vilt tylla bekknum undir borðið þá ætti hann að vera að minnsta kosti 10 cm styttri en bilið á milli fóta borðsins.

Ef plássið er af skornum skammti þá hefur stærð bekksins áhrif á hagnýtinguna. Ef skipulagið krefst þess að bekkurinn sé staðsettur upp við vegg þá skaltu ganga úr skugga um að hæð bakstoðarinnar henti núverandi fyrirkomulagi. Hér erum við meðal annars að tala um vegghengd húsgögn, veggmuni og gluggasyllur.

Ekki gleyma að skipuleggja þig fram í tímann! Áttaðu þig á hvað þú þarft mörg sæti og veldu bekk í réttri lengd samkvæmt því. Ráðlögð sætisbreidd fyrir fullorðna er 60 til 80 cm. 

 

Hvaða borðstofubekkur virkar best fyrir þig

Borðstofuborðið þitt verður að passa fullkomlega við bekkinn til að tryggja rétta borðskipulagið. Til að átta þig á því hvaða bekkur hentar best fyrir þig þá mælum við með því að þú skoðir nokkra af þeim valkostum sem eru í boði:

• Borðstofubekkir sem hægt er að setja undir borðið
• Bekkir í fullri lengd
• Bekkir með eða án bakstoðar
• Hornbekkir

Þú ert kannski að velta fyrir þér hvort borðbekkur eigi að passa undir borð. Ákvörðunin er þín og fer algjörlega eftir plássi og smekk. Borðbekkur undir borði lítur notalega út og býður upp á meira sætispláss. Þar að auki geturðu geymt hann undir borðinu þegar hann er ekki í notkun. Okkar ráð er að para hann við borð með miðjufæti til að tryggja sem mest fótapláss.

Langar þig til að vita hversu stór hluti borðsins á að fara yfir bekkinn? Borðið á að fara um 10 til 12 cm yfir bekkinn. Þessi þumalputtaregla virkar best með bekk í fullri lengd til að tryggja bestu sætisþægindin. Bekkur sem er lengri en borðið kemur í veg fyrir að þú náir auðveldlega í diskinn þinn ef bekkurinn er í staðlaðri 60 cm dýpt.

Baklaus bekkur tekur alltaf minna pláss þar sem hann passar undir borðið og nýtir þannig plássið vel. Hann fær rýmið til að virka opnara og bjartara. Ef þægindin eru mikilvæg fyrir þig þá er samt betra að þú veljir bekk með bakstoð. Ef borðstofan er í stærra lagi þá geturðu leyft bekknum að skína sem miðpunktur rýmisins.

Hornbekkur er heimilislegasta lausnin fyrir notalegt skipulag. Ef plássið er ríflegt þá mælum við með því að þú parir bekkinn við vandaða armstóla. Við mælum með borðum á miðjufæti eða sporöskjulaga borðum.

 

Flotti borðstofubekkurinn sem þú átt skilið

Gott er að hafa útlit borðstofunnar í huga áður en þú kaupir bekk. Fjölbreytt efnisvalið gerir þér kleift að ná fram hvaða stíl sem er. Þegar þú kaupir borðstofuborð með baki þá er gott að hafa áferðina stílhreina. Bólstraður bekkur er klárlega þægilegasti kosturinn, á meðan flauel eða gervileður gefur bekknum stórglæsilegt yfirbragð.

Ef þú vilt hafa stílinn afslappaðri þá mælum við með bekk úr viði eða rattan sem þú getur hent litríkum skrautbúðum á. Hvað lit varðar - prófaðu áberandi tóna. Hafðu alla uppsetningu borðstofunnar í huga þegar þú ákveður litaþema. Ef þú vilt helst hafa innréttingarnar minimalískar þá stelur svartur bekkur algjörlega sviðsljósinu í rými í hlutlausum tónum. Ef þú vilt að stíllinn sé hlýlegri, veldu þá jarðliti með nokkrum áberandi litum sem grípa augað.

Borðstofubekkur gæti reynst alveg frábær ákvörðun. Bekkirnir eru fjölhæfir, hagnýtir, plásssparandi og frábærlega fallegir. Áttaðu þig á þörfum þínum og lausu plássi og fylgdu ráðunum okkar til að finna rétta borðstofubekkinn fyrir þig.