Lýsing (480 Niðurstöður)

Smekklegur ljósabúnaður

Heimili án fallegrar og almennilegrar lýsingar er ekki fullklárað. Með lömpunum okkar geturðu auðveldlega skapað notalegt andrúmsloft með því að undirstrika ákveðna parta af heimilinu. Þú færð ljósabúnað í ýmsum lögunum og stærðum, hvort sem hann er nútímalegur eða klassískur. Fyrir utan skrautgildið þá eru lampar auðvitað líka hagnýtir. Þegar þú borðar kvöldmat á kvöldin þá er yfirleitt þægilegt að geta séð hvað er á disknum. Hér hjá vidaXL bjóðum við upp á frábært úrval af allskyns mismunandi ljósalausnum. Skoðaðu úrvalið hér og finndu hina fullkomnu lýsingu fyrir heimilið þitt.

Lýsingar í mismunandi stílum

Hjá vidaXL færðu frábært úrval af lömpum sem henta fyrir nútímalegar og klassískar innréttingar, og allt þar á milli. Nýmóðins bogalampi með stillanlegum hálsi er tilvalinn við hliðina á sófanum þar sem hann veitir næga birtu til að gleyma sér yfir góðri bók.

Þú finnur einnig lampa úr Philips LivingColors línunni hjá okkur. Þessir lampar gefa heimilinu notalegt andrúmsloft þar sem þeir gera þér kleift að stilla litinn með fjarstýringu. Loftljós í formi luktar hentar frábærlega í sígildar innréttingar. Það er líka mjög nýtískulegt að leika sér með stíla. Prófaðu til dæmis að velja sígildan lampa fyrir nútímalegar innréttingar. Vertu þó viss um að hann passi með húsgögnunum þínum hvað varðar liti.

Búðu til ljósaplan

Þegar þú velur nýjan lampa þá er mikilvægt að hann setji fallegan heildarsvip á rýmið og sé í góðu jafnvægi með öðrum ljósabúnaði. Reyndu að spá í það fyrirfram hvert þig langar til að setja nýja lampann þinn og ef þú ætlar að velja nokkra lampa, reyndu þá að velja þá í svipuðum stíl. Það er auðvitað í fínu lagi ef ljósabúnaður er í mismunandi lögunum og litum, en það er þó mikilvægt að lampar séu í svipuðum stíl. Reyndu að átta þig á því hvaða stíll er í rýminu nú þegar. Er hann nútímalegur? Minimalískur? Bóhemlegur? Það skiptir ekki máli hver stíllinn er svo lengi sem þú velur lampa og ljósabúnað sem hentar stílnum.

Annað gott ráð er að hafa í huga hversu stórt herbergið er. Þarf lampinn að geta lýst upp stórt rými eða ertu í leit að lampa á borð við leslampa fyrir sófaborðið? Þetta eru mikilvægir þættir sem gott er að hafa bakvið eyrað áður en þú kaupir nýjan lampa, þar sem sumir lampar eru sérstaklega hannaðir til að lýsa upp stór herbergi á borð við stofur, á meðan aðrir eru hannaðir til að gefa birtu á kvöldin yfir góðri bók.

Hugsaðu vel um augun og veldu rétta ljósastyrkinn

Eru kaupin á fallegum lömpum nú þegar fullkláruð? Ef svo er þá er mikilvægt að þú veljir réttu ljósaperurnar. Lestur yfir lélegri lýsingu getur verið afar þreytandi fyrir augun og maður vill auðvitað helst forðast það. Það getur verið sniðugt að vera með ljósabúnað fyrir ofan borðstofuborðið eða við hliðina á stól sem gefur meira ljós en meginljós rýmisins. Hlýtt ljós er langbesti kosturinn fyrir augun. Þetta á við um bæði síað náttúrulegt ljós og ljós frá LED perum.

En hvað þarftu annars að hafa í huga þegar kemur að því að velja ljósabúnað sem er góður fyrir augun? Þú þarft til dæmis að dreifa úr lýsingunni þannig að næg birta sé á flestum stöðum á heimilinu. Þegar þú situr við lestur, vinnu eða annað þar sem þú þarft að eiga við smáatriði, þá er mælt með að þú notir beint ljós.

Ljósaábendingar fyrir augun

Skoðum nokkur af uppáhaldsheilræðunum okkar þegar kemur að því að bæta ljósabúnað og sýnileika:

• Gakktu úr skugga um að þú sért með margar ljósalausnir í hverju herbergi. Þetta eykur magnið af ljósi í rýminu án notkunar á sterkum ljósaperum. Notaðu í staðinn hlý LED ljós.

• Eins og við nefndum hér að ofan þá eru hlýjar ljósaperur betri fyrir augun en kalt ljós. Það er því mælt með að þú veljir frekar hlýjar ljósaperur fram yfir kaldar perur.

• Reyndu að lesa, skrifa eða vinna alltaf yfir almennilegu ljós þar sem dimma gæti lagt óþarfa álag á augun. Best er að vera með beint ljós við slík verk.

• Hleyptu eins mikilli náttúrulegri birtu á heimilið og þú getur með því að opna gardínur og gluggatjöld.

Við vonum að þú getir nýtt þér þessar ábendingar. Augun á þér munu allavega þakka þér.

Fjórar tegundir af ljósum

Hefurðu einhvern tímann spáð í hvað ljósin í mismunandi herbergjum eru í rauninni mismunandi? Þú ert líklegast ekki með sömu tegund af ljósum í svefnherberginu og í eldhúsinu. Mismunandi ljós gegna mismunandi tilgangi. Almennt séð þegar við tölum um ljós þá eru til fjórar tegundir. Hver af þessum tegundum er hönnuð í sérstökum tilgangi. Þessar fjórar tegundir eru:

• Skrautljós

• Vinnuljós

• Áhersluljós

• Albirtuljós

Skoðum aðeins betur hverja tegund af ljósi.

Skrautljós

Eins og nafnið gefur til kynna þá er skrautlýsing tilvalin til að setja ákveðinn stíl á heimilið. Með skrautlýsingu geturðu sleppt sköpunargáfunni lausri hvað varðar lit, stærð og hannanir. Skrautljós geta virkilega haft áhrif á rýmið og gefið skemmtilega stemningu. Þau eru falleg bæði innan- og utandyra.

Vinnuljós

Hér höfum við ljós sem er tilvalið fyrir verkefni af ýmsum toga. Þetta gætu verið vinnuverkefni, listavinna, lestur eða skrif. Svo gæti ljósið líka verið tilvalið við eldun á ljúffengum máltíðum fyrir fjölskylduna.

Áhersluljós

Áherslulýsing er tilvalin þegar þú vilt að ljósið skíni á ákveðna staði í rýminu. Þessi tegund lýsingar er frábær ef þú vilt stækka rýmið eða undirstrika ákveðið atriði eða listaverk. Áhersluljós gefa allt að þrisvar sinnum meiri birtu en albirtuljós.

Albirtuljós

Albirtulýsing er björt og kröftug lýsing sem er tilvalin til að lýsa upp allt herbergið. Hún hentar vel í eldhús eða stofu. Þú getur líka verið með albirtulýsingu eða umhverfislýsingu á útisvæðinu. Þessi ljós geta til dæmis verið afar heillandi á veröndinni eða í heimreiðinni og svo gefa þau auk þess ákveðna öryggistilfinningu.

Hugmyndir til að lýsa heimilið fallega upp

Góð lýsing er algjörlega ómissandi og með réttu lýsingunni geturðu skapað heillandi stemningu í öllum herbergjum heimilisins. Þegar kemur að ljósum þá hefurðu úr ýmsu að velja, hvort sem það eru ljósakrónur, leslampar eða veggljós. Við höfum tekið saman nokkrar af uppáhaldsábendingunum okkar fyrir heillandi lýsingu á heimilinu:

• Gefðu stofunni hlýju. Þig langar eflaust til þess að stofan sé hlýr og notalegur staður sem þú nýtur þess að verja tíma með vinum og vandamönnum. Við mælum þess vegna með því að þú sért með hlýtt ljós í stofunni.

• Áberandi loftljós í eldhúsinu. Eldhúslýsingin þarf að vera góð svo að kvöldmaturinn verði fullkomlega gómsætur í hvert skipti. Með áberandi loftljósi geturðu gefið eldhúsinu fallegt og stílhreint yfirbragð en einnig tryggt næga birtu þegar þú eldar.

• Veggljós fyrir forstofuna. Veggljós geta verið afar falleg og þá sérstaklega í forstofunni. Þau gefa rýminu gullfallegan blæ og skapa notalega stemningu í hvert skipti sem þú kemur heim.

• Reyndu að spá í staðsetningu ljósa í svefnherberginu. Þú þarft að hafa í huga hvar þú staðsetur ljósabúnað í svefnherberginu. Það er mikilvægt að ljósin séu staðsett á réttan hátt í samhengi við rúmið. Þú gætir þurft að prófa þig áfram áður en þú finnur réttu lausnina.

• Vertu með ljós í skápunum. Það er ekkert verra en að geta ekki séð öll fötin sín. Við mælum þess vegna með því að þú sért með lýsingu í skápunum.

• Lýstu upp skrifstofuna. Ef þú ert með skrifstofu heimavið þá er mikilvægt að þú sért með almennilega birtu í rýminu svo að vinnuaðstæður séu sem bestar.

• Notaðu ljós sem skraut. Þótt að mestmegnið af ljósabúnaði gegni vissulega hagnýtum tilgangi þá geturðu auðveldlega leyft þér að leika þér með skrautljós. Þú gætir til dæmis sett skrautljós á spegla, handrið eða plöntur. Hér eru ljósaseríur alveg tilvaldar. Þær gefa hvaða inni- og útisvæði sem er notalegt og heillandi yfirbragð.

• Hafðu gaman af þessu. Síðasta heilræðið okkar er að hafa gaman af uppsetningu ljósabúnaðarins. Veldu lampa og ljós sem þú elskar. Leiktu þér með mismunandi laganir, stærðir, efniviði og liti.

Bættu stemningslýsingu við herbergin

Ef þú vilt gefa rýmum heimilisins skemmtilegri eða notalegri blæ þá mælum við með því að þú notir dimmara svo að þú getir auðveldlega stillt birtustigið. Það gæti til dæmis verið notalegt að hafa birtuna aðeins mildari á morgnana eða kvöldin. Eða kannski þarftu meiri birtu þegar þú situr og ert að vinna í tölvunni á kvöldin eða ert að stússast yfir kvöldmatnum. Það er sniðugt að hafa lithitann í huga. Mælikvarðinn á lithita er Kelvin. Fyrir hlýja birtu er best að velja lægri númer.

Verslaðu nýja ljósabúnaðinn þinn í netverslun vidaXL

Hér hjá vidaXL bjóðum við upp á frábært úrval af ljósabúnaði. Þú finnur standlampa, loftlampa og allskyns aðra lampa í netversluninni okkar. Við bjóðum einnig upp á mikið úrval af allskyns ljósaperum svo að þú getir valið alveg nákvæmlega réttu lýsinguna fyrir heimilið. Ef þú ert með spurningar eða þarf aðstoð við að velja réttu lýsinguna fyrir heimilið þitt þá er þér velkomið að hafa samband við þjónustuverið okkar svo að við getum aðstoðað þig.