Stólar

Gæða stólar í öllum stærðum og gerðum 

Ef þú ert að leita að vönduðum stólum er vidaXL rétti staðurinn. Hér finnurðu borðstofustóla, barstóla, hægindastóla, ruggustóla og jafnvel nuddstóla. Fjölbreytt úrvalið gerir það að verkum að þú getur valið úr mismunandi efniviði, við eigum viðarstóla, málmstóla og bólstraða stóla í ýmsum útfærslum og litum.

Hvaða stóll hentar þínum þörfum best? 

Eitt af því mikilvægasta við stól er að það sé þægilegt að sitja á honum. Enginn vill sitja á óþægilegum stól! Þegar það kemur að því að velja réttan stól, eru nokkur atriði sem vert er að hafa í huga. Eitt þeirra er hæð stólsins. Í réttri sethæð, situr þú með iljarnar flatar á gólfinu og hnén beygð í 90° horn. Hæð barstóla þarf ekki jafnmikla nákvæmni og best að miða þá við borðið sem þeir eiga að standa við, hvort sem það er við eldhúseyju eða við hærra borð.

Annað atriði er bólstrun stólsins. Setan ætti að vera nægilega mjúk til að gefa aðeins eftir en þó ekki svo að maður sökkvi ofan í hana. Ennfremur vilja sumir stól með armhvílum, aðrir vilja hátt bak. Sem betur fer fæst þetta allt hjá vidaXL! Vindum okkur í úrvalið og finnum rétta stólinn fyrir þig.

Skrifstofu- og skrifborðsstólar 

Nú þegar margir vinna heima er mikilvægt að nota góðan stól við vinnuna. Réttur stóll gefur bæði stuðning og bætir líkamsstöðuna á meðan setið er. Hjá okkur finnurðu vandaða stóla sem eru hannaðir út frá vinnuvistfræðilegu sjónarhorni og þeir fást í ýmsum útgáfum og efnivið. Á skrifstofu í módernískum stíl er t.d. tilvalið að velja stól með áklæði úr gervileðri og krómaðri grind.

Fyrir þau sem sitja lengi við í einu mælum við með snúningsstól úr slitsterkum og traustum efnivið. Kollar hafa einnig verið mikið notaðir á skrifstofum undanfarið og fást í mörgum litum. Þó er betra að sitja á stól með stillanlegu baki til að sitja í réttri líkamsstöðu. Vissir þú að hjá okkur færðu einnig stóla með nuddi og sætishita? Hljómar það ekki eins og dásamleg afslöppun eftir langan vinnudag?!

Leikjastólar 

Leikjastólar eru hannaðir fyrir tölvuleikjaspilara sem sitja lengi við og þurfa góðan stuðning. Allir leikjastólarnir okkar styðja afar vel við bak og hnakka Hægt er að stilla hæð þeirra og margir hverjir eru með innbyggða fóthvílu fyrir enn betri þægindi. Stólarnir koma í ýmsum útfærslum, t.d. með áklæði úr gervileðri, þéttu möskvaneti eða textílefni og skreyttir með litum eða leikjaþema.

Fullkomnir stólar fyrir svefnherbergið 

Notalegur stóll frá vidaXL er tilvalinn fyrir lestrarhorn inni í svefnherberginu. Þægilegur hægindastóll við gluggann er einstakur staður fyrir kósí síðdegi með bók í hönd. Veldu stól með háu baki og þykkum armhvílum fyrir klassískan svip eða teningslaga stól ef þú vilt hafa svefnherbergið í módernískum stíl. Stólar með svokölluðu fiðrildabaki eru líka dásamlegur minimalískur kostur sem virkar fyrir flest herbergi, hvort sem þau eru í bóhem-stíl eða jafnvel iðnaðarstíl.

Borðstofustólar 

Það er auðvelt að njóta yndislegrar máltíðar eða bjóða vinum í gott matarboð þegar réttu borðstofustólarnir eru komnir í hús. Finndu stílinn þinn, efnið og formið sem þú vilt í úrvali okkar af borðstofustólum.

Svokallaðir sikk-sakk fætur gefa borðstofunni módernískan svip og stólar á snúningsfæti geta hentað fyrir minimalísk rými. Prófaðu þig áfram með mismunandi efni, t.d. við og textílefni saman, eða fáðu þér hið fullkomna skandi-stólasett.

Fyrir hefðbundnara útlit, veldu þá hvítmálaða viðarstóla í hlýlegum sveitastíl. Eða hafðu stílinn eilítið hrárri með einstaklega fallegum stólum úr gegnheilum, indverskum rósaviði.

Klassískir hægindastólar 

Hægindastólar voru fundnir upp fyrir afslappandi stundir. Allir vidaXL hægindastólar eru framleiddir úr hágæða efni og og áklæði, þér til þæginda. Þeir eru fáanlegir í mismunandi stíl, allt frá notalegum wingback-stólum upp í stóla með klassísku bergere útliti. Í hægindastól með stillanlegu baki er hægt að sitja og slaka vel á. Stóll með málmgrind og áklæði úr gervileðri setur nútímalegan iðnaðarsvip á stofuna.

Stillanlegir hvíldarstólar 

Góður hvíldarstóll er einn vinsælasti stofustóllinn, enda eru þeir þægilega bólstraðir og með áklæði sem er afar mjúkt viðkomu. Í þeim er hægt að halla sér aftur og setja fæturna upp á fóthvíluna fyrir einstaka afslöppun yfir sjónvarpinu eða góðri bók eða jafnvel fá sér stuttan lúr.

Klappstólar 

Ef plássið er takmarkað er alltaf gott að eiga klappstóla í geymslunni þegar von er á gestum. Hjá okkur fást klappstólar fyrir bæði inni- og útirými í fjölmörgum útfærslum. Viðarstólar sem hægt er að leggja saman eru afar traustir og koma vel út á öllum heimilum. Ertu kannski að leita að léttari og handhægari stólum, sem jafnvel er hægt að taka með sér í bílinn? Samfellanlegir stólar með stálgrind og sæti úr þéttu möskvaneti eru léttir og einfalt að grípa með sér þegar farið er á ströndina.

Barstólar 

Ef þú ert með hátt matarborð eða stóla við eldhúseyjuna þarftu góða barstóla að sitja á. Réttir barstólar geta gert mikið fyrir rýmið, þess vegna er úrvalið fjölbreytt og allir ættu að finna eitthvað við sitt hæfi. Margir af barstólunum okkar eru með stillanlegri hæð svo allir geti komið sér vel fyrir við borðið. Farðu öruggu leiðina með svörtum eða hvítum stólum fyrir módernískan stíl eða notaðu liti til að lífga upp á rýmið.

Hvaða stíll hentar best? 

Hjá vidaXL má finna gríðarstórt úrval af stólum. Allt frá glæsilegum borðstofustólum til eftirtektarverðra málmstóla, flottra barstóla til fiðrilda- eða nuddstóla; það er allt í boði hjá okkur!

Notaðu stóla í öðrum stíl en borðið, t.d. stóla með málmgrind við sígilt viðarborð, og skapaðu þannig þinn eigin stíl. Í stofunni er einnig hægt að nota sömu hugmynd og blanda saman ólíkum húsgögnum og efniviði. Annars vegar er hægt að velja 2 eins stóla við stofusófann eða velja stóla í andstæðum litum eða stíl fyrir einstaka innréttingu!

Iðnaðarstíll 

Innréttingar í iðnaðarstíl eru djarfar og grófar í útliti. Fyrir hinn fullkomna iðnaðarstíl, skaltu skoða úrvalið okkar af málmstólum í dökkum tónum. Ertu meira fyrir einfalda, svarta stóla eða leðurklædda stóla með stálgrind? Fyrir eldhús eða borðstofu í iðnaðarstíl mælum við með gráum stálstólum sem hægt er að stafla upp. Ef það heillar ekki nógu mikið, geturðu skoðað góða hvíldarstóla í stofuna með stálgrind og dökkbrúnu leðuráklæði.

Módernískur stíll 

Módernískar innréttingarnar eru skilgreindar með einföldum línum og minimalískri hönnun. Teningslaga stólar eru frábærir í stofuna eða svefnherbergið. Og ef þú vilt gera borðhaldið að upplifun, skoðaðu þá textílklædda borðstofustóla á sviffótum úr stáli. Ef rýmið á að vera líflegt og litríkt, skaltu skoða borðstofustóla úr plasti, sem fást í fjölmörgum litum.

Skandinavíustíll 

Skandinavíustíllinn hefur nokkur tímalaus einkenni sem setja svip sinn á rýmið. Fyrir heimili í skandi-stíl er tilvalið að velja t.d. drapplitaða borðstofustóla. Það eru eiginleikar stólsins sem skilgreina hann; til dæmis er þægilegra að sitja á breiðri setu en mjórri og málmfætur eru afar traustir og stöðugir. Skoðaðu úrvalið af skrifstofustólum, þar á meðal finnurðu frábæra hönnun sem er innblásin af skandinavíska stílnum. Glæsileg hönnun, mjúk litapalletta og virðing fyrir náttúrulegum efnivið eru allt eiginleikar þessa einstaka stíls.

Úr hverju eru stólarnir? 

Efniviður stólsins hefur áhrif á þægindi, stíl og endingu. Hjá vidaXL veljum við einungis hágæðaefnivið í alla okkar stóla. Við tókum saman stutt yfirlit yfir eiginleika hvers efnis til að hjálpa þér að finna það sem hentar best.

Textílefni 

Stólar með tauáklæði eru mjúkir viðkomu og þægilegt að sitja á þeim. Þeir eru jafnan vel bólstraðir og ýta undir rétta líkamsstöðu á meðan setið er. Þú getur valið milli fjölmargra ólíkra stóla, allt eftir smekk. Sem dæmi má nefna fiðrildastóla með áprentuðu strigaáklæði, sem eru sannkallað augnayndi á hvaða heimili sem er.

Plast 

Plaststólar hafa fjölmarga kosti; þeir eru léttir, auðvelt að þrífa þá og viðhalda og þeir nýtast á fjölbreyttan hátt. Pólýprópýlen er eitt vinsælasta plastefnið sem notað er við stólaframleiðslu en það er afar traust og sterkt. Svartir eða hvítir stólar eru klassískt val sem passa með flestum gerðum innréttinga. Fyrir líflegri heimili mælum við með því að kynna sér litaúrvalið sem við bjóðum upp á. Plaststólana er hægt að nota hvar sem er á heimilinu.

Rattan 

Rattan stólar henta bæði til notkunar innan- og utandyra. Hvort sem þú velur náttúrulegt eða pólýrattan, skapar það dásamlega stemningu í rýminu. Notaðu rattanstóla með innréttingum í bóhemstíl eða fáðu þér rattanstólasett fyrir garðinn. Með réttu viðhaldi og vörn fyrir veðuröflum halda rattanhúsgögnin útliti sínu vel og þola áralanga notkun. Við bjóðum einnig frábært úrval af sessum og púðum fyrir rattanstóla, bæði í náttúrutónum og skrautlegum litum.

Stál 

Þú getur verið viss um að stálstólarnir koma til með að endast. Stólar með stálgrind eru ekki bara traustir og sterkir, heldur eru þeir með vinsælustu stólunum um þessar mundir. Það er t.d. góð hugmynd að eiga nokkra staflanlega eldhúskolla í iðnaðarstíl. Ef þú vilt hlýrri svip á rýmið er hægt að velja stálstóla með leðurklæddu sæti. Þeir eru þægilegir og vekja athygli gesta!

Flauelsáklæði 

Ef þú vilt stóla sem tekið er eftir skaltu skoða úrvalið okkar af stólum með flauelsáklæði. Flauelsstólar sameina glæsilegt útlit og þægindi, auk þess að vera mjúkir viðkomu og afar sjarmerandi! Ekki hika við að velja líflegan lit á flauelsstólinn, t.d. sterkgrænan eða bláan. Fyrir bjart og notalegt yfirbragð á borðstofuna, er kampavínsbleikur flauelsstóll algjörlega málið!