Umbreyttu heimilinu með hagnýtum heimilisvörum og skrautmunum
Þegar búið er að innrétta með húsgögnum og stærri hlutum er kominn tími til að bæta litlu hlutunum við. Það eru nefnilega smáhlutirnir sem setja punktinn yfir i-ið þegar kemur að heildarútliti heimilisins. vidaXL fylgist vel með nýjustu trendum og tísku. Hjá okkur færðu fallegar veggskreytingar, smekklega kertastjaka, klukkur í antíkstíl, mjúka púða og margt fleira.
Fallegar skreytingar og hugmyndir fyrir öll herbergi
Notalegt heimili endurspeglar persónuleika íbúanna og hann sést einna best í þeim smáhlutum og skrautmunum sem þú velur. Töfrarnir felast í smáatriðunum og því geta jafnvel minnstu hlutirnir haft mest áhrif á stemninguna í rýminu. Það þarf því oft ekki mikið til þess að gera hús að notalegu heimili. Þó getur verið erfitt að velja réttu hlutina og þess vegna tókum við saman nokkur góð ráð.
Smekklegt stofuskraut
Þegar kemur að skrautmunum fyrir stofuna er úr mörgu að velja, bæði hvað varðar form og stíl. Ef stofan er lítil eða innréttuð í minimalískum stíl er best að velja fáa en athyglisverða hluti. Í stærri stofu getur komið vel út að leggja áherslu á eitthvað eitt, til dæmis stóran spegil eða vegghengt dýrahöfuð. Viltu leika þér með litasamsetningu? Veldu nokkra hluti í mismunandi litum sem þó tóna saman, eins og til dæmis kopar, bláan og grænan. Mildaðu jafnframt litaáhrifin með því að velja mottu í hlutlausari tón.
Notalegt svefnherbergi
Í svefnherberginu þarftu bæði að hvílast og vakna með orku til að takast á við nýjan dag. Vel innréttað herbergi gerir þér kleift að gera hvort tveggja. Byrjaðu á því að gera rúmið notalegra með mjúkum púðum og teppum. Haltu þig við ákveðna litapallettu en brjóttu hana upp með 1-2 hlutum í andstæðum tónum. Gólfmotta gefur herberginu mýkt og stíl. Nýttu náttborð fyrir smáhluti sem ýta undir kósíheit, t.d. kerti eða myndir. Hengdu upp listaverk sem fangar það sem þér finnst fallegt í svefnherberginu
Líflegt eldhús
Í stað þess að skipta út eldhússtólunum er einfalt að skipta um stíl með tilbúnu stólaáklæði. Stólar í líflegum lit, eða jafnvel litum, geta umbreytt rýminu með litlum tilkostnaði. Réttir smáhlutir fyrir eldhúsinnréttinguna geta gefið henni alveg nýjan svip. T.d. geta plöntur hentað vel í eldhúsinu, bæði afskorin blóm í vasa á eldhúsborðinu eða gervipottaplöntur í hillur eða opna skápa.
Uppfærðu baðherbergið
Það eru svo margar leiðir til að stílisera baðherbergið þitt! Handgerðir kertastjakar og kerti með uppáhaldsilminum er tilvalið skraut fyrir baðherbergið. Gerviplöntur í fallegum pottum geta einnig lífgað upp á rýmið og það þarf ekki einu sinni að muna eftir að vökva þær! Fyrir meira áberandi stíl skaltu velja baðmottu og aukahluti í sterkum lit, t.d. gylltum eða svörtum.
Hvaða innréttingastílar eru í boði fyrir heimilið?
Sumir líta á aukahluti og skrautmuni sem lítilvægan þátt í innréttingu heimilisins. Við viljum meina að smáatriðin séu það sem sýnir sköpunargleði íbúanna og skapar heildaryfirbragðið. Til að gera rými að heimili þarf það að endurspegla persónulegan smekk og fagurfræði. Þess vegna bjóðum við upp á fallega skrautmuni sem henta hvers kyns innanhússtíl.
Módernískur stíll
Módernískt rými er minimalískt í hönnun; línurnar eru stílhreinar og formin hrein. Hér eru það einfaldir, vel hannaðir skrautmunir í hlutlausum litum sem viðhalda módernískum tóninum. Rjómahvítir tónar í gólfmottu passa vel á móti svörtum og hvítum myndarömmum sem undirstrika listaverkin á veggjunum.
Iðnaðarstíll
Iðnaðarstíllinn býður upp á djarfar hugmyndir og grófari tón í innréttingum. Dæmigerður iðnaðarstíll ber með sér dökka liti og skrautmuni úr málmi og gleri. Til dæmis eru reykgrár og granít sterkir tónar sem undirstrika stílinn vel. Þessir litir henta vel á t.d. gólfmottur og skrautmuni á borð við veggklukkur á ljósmáluðum vegg. Til að gæta jafnvægis er gott að blanda hlutlausari litum við iðnaðarstílinn.
Bóhem stíll
Hið einstaka bóhem-innblásna heimili fæst með því að blanda saman náttúrulegum efnum og björtum litatónum. Andrúmsloftið verður hlýlegt og einstaklega gestavænt. Gerðu bóhem-rýmið notalegra með gæruskinni í stað gólfmottu. Notaðu hnýtt hengi sem skilrúm eða í staðinn fyrir gardínur fyrir öðruvísi svip. Handunnir kertastjakar og hekluð púðaver undirstrika bóhem-stemninguna enn frekar.
Retró stíll
Hjá okkur fást alls konar heimilis- og fylgihlutir í retró stíl. Við mælum með líflega mynstruðum aukahlutum á borð við púða, teppi og rúmfatnað. Myndaveggur með uppáhaldsljósmyndirnar og listaverk í samstæðum viðarrömmum undirstrikar einnig retró stílinn. Handofnar gólfmottur með mynstri í pastellitum fara einnig vel á retró-heimilinu.
Hvernig er best að velja rétta stærð og hlutföll?
Rýmið getur fylgt nýjustu straumum og tísku án þess að yfirfylla það af óþarfa. Taktu ákvarðanir um skrautmuni og íburðarmeiri hluti út frá stærð rýmisins, tilgangi þess og þeim innréttingum sem eru fyrir í því. Veldu fáa og fíngerða hluti til að viðhalda jafnvæginu í litlu rými. Í stærri herbergjum er hægt að nota plássið bæði til að koma húsgögnum og innréttingum fyrir, en einnig til að skapa svokallað neikvætt rými, eða það sem ekki er notað.
Mynstraðir aukahlutir passa alls staðar inn. Veldu fíngerð mynstur fyrir lítil rými svo það taki ekki plássið alveg yfir. Þegar kemur að skrautmunum þarf að vera jafnvægi í rýminu. Settu upp stakan stóran hlut, 2 miðlungsstóra eða nokkra smærri hluti, í stað þess að yfirfylla alla fleti. Galleríveggur ætti að taka minnst 2/3 af breidd þess húsgagns sem stendur við vegginn, til þess að koma vel út. Þegar þú raðar hlutum á hillu, skaltu byrja á öðrum endanum og raða út frá honum, ekki út frá miðju. Notaðu ólíka hluti sem grípa augað. Ef hlutirnir eru af ólíkri stærð, skaltu hafa þann stærsta úti á enda til að leiða augað eftir hillunni.
Góð ráð fyrir stíliseringu heimilisins
- Það skapar notalega stemningu að blanda saman mismunandi efnivið og áferðum. Við mælum með púðum með dökku loð-áklæði, koparkörfum og koparkertastjökum. Önnur hugmynd er að blanda saman mismunandi áklæði. Þannig er hægt að velja mjúka flosmottu og para með gólf- og/eða sófapúðum með grófprjónuðu áklæði.
- Þegar kemur að aukahlutum fyrir heimilið erum við á því að minna skilar oftast meiru. Með því er átt við að færri, en vel ígrundaðir hlutir, gera meira fyrir rýmið en að fylla það af smáhlutum, bara af því að það er pláss. Þegar aukahlutunum er komið fyrir er best að hafa fjölda þeirra í oddatölu; 3, 5 eða 7 saman. Ef þú ert í vafa, er þríhyrningsuppröðun alltaf klassísk.
- Fjölbreytni leiðir augað um rýmið. Nýttu þér misunandi áferð, form og hæð hlutanna þinna til að skapa andstæður og dýpt.
- Með því að útbúa einhvers konar tengingu milli skrautmuna, kemur þú í veg fyrir að uppsetningin virki óreiðukennd. Til dæmis er hægt að raða hlutunum á bakka til að afmarka uppröðunina, sem kemur ekki bara vel út, heldur er auðvelt að færa bakkann til þegar þörf er á.
