Eldhús & matargerð Room Borð - Drappaður (16 Niðurstöður)

Borðstofu- og eldhúsborð fyrir sérhverja fjölskyldu

Hvort sem þú átt stóra fjölskyldu og ert með stóra stofu eða býrð í lítilli íbúð í borginni, þá er eldhúsborð algjörlega ómissandi. Matarborð er yfirleitt miðpunktur borðstofunnar en það skiptir í rauninni ekki máli hvort það sé í sjálfri borðstofunni eða í eldhúsinu. Það ætti í rauninni bara að vera á þeim stað þar sem fjölskyldan safnast saman til að borða og spjalla um liðinn dag.

Hér hjá vidaXL bjóðum við upp á fjölbreytt úrval af borðstofu- og eldhúsborðum úr ýmsum efnum. Hér finnurðu borðplötur úr málmblöndum, viði, gleri og öðrum efnum. Svo færðu auðvitað líka fallega stóla sem passa við glænýja eldhúsborðið þitt. Taktu þér góðan tíma til að skoða úrvalið okkar af borðstofuborðum og eldhúsborðum svo að þú finnir alveg örugglega borð sem hentar þörfum þínum, stíl og heimili.

Veldu rétta efniviðinn fyrir eldhúsborðið

Það er mikilvægt að þú takir réttu ákvörðunina þegar þú kaupir nýtt borðstofuborð eða eldhúsborð. Þetta þýðir að þú þarft að átta þig á því hvaða efniviðir líta best út við innréttingarnar þínar. Þar sem þú kaupir auðvitað ekki nýtt borðstofuborð sérstaklega oft þá þarftu að sjá til þess að þú veljir borð sem er bæði traust og endingargott. Þannig geturðu notið þess að borða kvöldverð við borðið í áraraðir. Hjá vidaXL eru eftirfarandi efniviðir vinsælastir þegar kemur að borðstofuborðum og eldhúsborðum:

• Mangóviður

• Akasíuviður

• Tekkviður

• MDF og spónaplata

• Gler

Skoðum aðeins hvert af þessum efnum svo að þú fáir betri skilning á því hvaða efni myndi henta þér best.

Mangóviður 

Eldhúsborð úr mangóviði er frábær viðbót við borðstofuna. Þessi harðviður er með þéttu æðamynstri í dökkbrúnum og hunangslituðum tónum. Smáatriði eins og þessi gera mangóvið afar vinsælan þegar kemur að húsgögnum. Mangóviður er þar að auki afar endingargóður og hann er því fullkominn í eldhúsborð. Með eldhúsborði úr mangóviði færðu húsgagn með tímalausum glæsileika. Eldhúsborðin okkar úr mangóviði eru yfirleitt með málmgrind sem gerir þau tilvalin fyrir hvaða innréttingar sem er. 

Akasíuviður 

Ef þig dreymir um að eignast eldhúsborð í einstakri hönnun þá ættirðu að íhuga að næla þér í borð úr akasíuviði. Hér hjá vidaXL kunnum við að meta fegurðina við náttúrulegan við, þá sérstaklega suðrænan við á borð við akasíuvið. Til að undirstrika náttúrulegt æðamynstrið og áferðina þá eru öll eldhúsborðin okkar úr akasíuviði með náttúrulegum frágangi. Brúnir borðsins fylgja því yfirleitt upprunalegri lögun trésins, sem getur verið alveg stórkostlega fallegt. Veldu eldhúsborð úr akasíuvið og hannaðu glæsilega borðstofu.

Tekkviður

Tekk er endingargóður harðviður sem er afar fallegur. Eldhúsborð úr tekki eru tilvalin á sveitaleg heimili. Hvert borð er þurrkað í þurrkofni og fínpússað fyrir þessa sléttu áferð sem við elskum öll. Við mælum með því að þú veljir eldhúsborð úr tekki með útskornum fótum ef þú vilt bæta tímalausum stíl við borðstofuna.

MDF og spónaplata

Við elskum öll náttúrulegan við en hann getur oft verið frekar dýr. Vissirðu að þú hefur kost á því að velja glæsileg og endingargóð húsgögn á verði sem er viðráðanlegra? Skoðaðu úrvalið okkar af eldhúsborðum úr MDF og spónaplötu ef þig langar í ódýrara borð sem er alveg jafn fallegt og borð úr gegnheilum við. Hér erum við að tala um eldhúsborð sem eru traust og slitsterk með fallegum áferðum. Hjá vidaXL finnurðu allskyns eldhúsborð úr MDF og spónaplötu sem eru byggð til að endast.

Gler

Hver segir að þú getir ekki átt eldhúsborð úr gleri? Eldhúsborð úr gleri eru fallegur kostur fyrir nútímalegar borðstofur og öll borðin hjá vidaXL eru einstök. Hert gler, hvort sem það er glært eða svart, tryggir góða endingu og fágun. Glerborð með málmfótum eða málmgrind eru byggð til að endast og þau gefa borðstofunni nútímalegt útlit.

Í hvaða lögun ætti eldhúsborðið að vera?

Þú trúir okkur kannski ekki, en hið fullkomna eldhúsborð er í rauninni til. Ef þú ert í miðjum klíðum við að hanna borðstofuna eða eldhúsið og ert ekki viss um hvaða lögun þú eigir að velja fyrir borðið, þá getum við svo sannarlega hjálpað þér. Skoðum aðeins nokkra mismunandi möguleika svo að þú getir valið lögun sem hentar þínu rými, stíl og þörfum sem best.

Rétthyrnd eldhúsborð

Rétthyrnt eldhúsborð er klárlega vinsælasti kosturinn. Rétthyrnt lögunin býður upp á ríflegt pláss fyrir dágóðan hóp af fólki. Þó getur það tekið þónokkuð gólfpláss og þessi lögun borðs virkar því best í stórri borðstofu. Helsti kosturinn við að vera með rétthyrnt eldhúsborð er að þú getur sleppt ímyndunaraflinu lausu hvað varðar stóla og bekki. 

Sporöskjulaga borð

Það eru tveir meginhlutir sem skilja rétthyrnd og sporöskjulaga borð að. Þau bjóða upp á sama plássfjöldann en sporöskjulaga borð er léttara í sjón. Þetta hjálpar til við hönnun herbergisins, sérstaklega ef þig langar til að hafa borðstofuna hlýja og heillandi. Svo gefa rúnnaðar brúnir sporöskjulaga borðs rýminu mýkra yfirlit.

Ferhyrnd eldhúsborð

Ferhyrnt eldhúsborð setur veitingastaðarblæ á heimilið. Þessi tegund borða virkar frábærlega í ferhyrnd rými þar sem hún undirstrikra samhverfur. Þó er gott að hafa í huga að þótt þessi borð líti glæsilega út þá taka þau líka þónokkuð pláss. Til að minnka gólfplássið sem borðið tekur þá mælum við með því að þú veljir ferhyrnt eldhúsborð með mjórri fótum.

Kringlótt eldhúsborð

Kringlótt eldhúsborð býður upp á ýmsa kosti. Þú getur auðveldlega spjallað við alla í kringum borðið og svo er auðvelt að bæta við aukastól fyrir aukna nánd. 

Barborð fyrir minni rými

Býrðu í lítilli íbúð eða er svæðið þar sem þú borðar lítið? Þá er mikilvægt að þú notir plássið skynsamlega. Barborð gæti hugsanlega verið besta lausnin fyrir þig. Þar sem borðið er hærra en önnur borð þá gefur það rýminu opið yfirbragð og svo tekur það ekki of mikið gólfpláss.

Góð ráð við val á rétta eldhúsborðinu

Þegar þú verslar eldhúsborð þá borgar sig að kynna sér málið fyrirfram. Við bjóðum gjarnan upp á nokkur góð ráð:

• Skoðaðu vandlega hvert þú vilt setja nýja borðið. Mældu bæði rýmið og borðið til að forðast vonbrigði. Góð leið til að sjá fyrir sér hversu mikið pláss borðið mun taka í rýminu er að setja dagblöð á gólfið í sömu lögun og stærð og borðið sem þú ert að spá í.

• Veldu borð sem passar við hönnunarstílinn þinn. Viðarborð er afar fallegt í klassískum eða sveitalegum innréttingum. Blanda af viði og málmi gefur heimilinu iðnaðarlegt yfirbragð. Borðplata úr gleri passar við hvaða innréttingar sem er.

• Hafðu plássfjöldann í huga. Gakktu úr skugga um það sé pláss fyrir stóla fyrir alla. Ef ekki þá gætirðu valið að vera með bekk í staðinn.

• Lögun borðsins þarf að passa við restina af innréttingunum. Kringlótt borð gæti til dæmis auðveldlega verið fallegt en það getur ekki verið upp við vegg. Hugsaðu um rýmið og húsgögnin sem eru nú þegar í rýminu áður en þú velur nýja eldhúsborðið þitt.

Hver er rétta stærðin til að borðhaldið sé sem þægilegast?

Lögun og stærð matarborðsins hefur áhrif á það hvernig rýmið lítur út og hvernig stemningin er. Ekki hafa of troðið í borðstofunni eða eldhúsinu. Best er að hafa ríflegt pláss í kringum borðið svo að það sé pláss fyrir alla. Skoðum þetta aðeins betur.

Hversu hátt ætti eldhúsborð að vera?

Stöðluð hæð eldhúsborðs er um 71-76 cm. Þetta tryggir rétta líkamsstöðu við setu. Til að tryggja rétta líkamsstöðu er einnig gott að velja stóla eða bekki sem eru í 45-50 cm hæð. Ef þú vilt vera með barborð þá er stöðluð hæð 101-106 cm, sem þýðir að stóllinn ætti að vera í 71-75 cm hæð.

Eldhúsborð fyrir tvo

Notalegt borðhald fyrir tvo krefst borðplötu sem er að minnsta kosti 61 x 71 cm. Kringlótt borð fyrir tvo þarf að vera með allavega 60 cm þvermáli.

Eldhúsborð fyrir fjóra

Til að geta auðveldlega boðið upp á pláss fyrir fjóra þá þarftu borðplötu sem er 122 x 76 cm. Ef þú velur kringlótt borð, veldu þá borðplötu með 100 cm þvermáli.

Eldhúsborð fyrir sex

Rétthyrnt eða sporöskjulaga borð í stærð 183 x 76 cm er tilvalið fyrir sex manns. Þvermál kringlótts borð ætti að vera um 120-140 cm.

Eldhúsborð fyrir átta

Rétta stærðin á rétthyrndu eða sporöskjulaga borði fyrir átta er um 244 x 76 cm. Kringlótt borð ætti að vera með allavega 170 cm þvermáli.

Verslaðu nýja eldhúsborðið þitt í netverslun vidaXL

Hér hjá vidaXL bjóðum við upp á fjölbreytt úrval af borðstofuborðum og eldhúsborðum í allskyns efnum, lögunum, litum og stærðum. Við ættum án efa að eiga borð sem lítur stórkostlega út á heimilinu þínu líka. Ef þú ert með spurningar eða þarft hjálp við að velja rétta eldhúsborðið þá er þér velkomið að hafa samband við þjónustuverið okkar. Við aðstoðum þig með gleði.