Sófar fyrir útirýmið

Garðsófar gera mikið fyrir útirýmið, hvort sem þú vilt nýta það til að taka á móti gestum eða njóta þess að slaka á á góðum sumardegi. Með þægilegum sófa geturðu komið þér vel fyrir í tæru útiloftinu þegar þú vilt njóta þín með góða bók eða aðra afþreyingu. Þannig nýtist útirýmið betur og verður notalegra í umgengni.

Hjá vidaXL má finna fjölbreytt úrval garðhúsgagna fyrir hvers konar rými. Garðsófarnir okkar fást í ýmsum stærðum og gerðum, frá fíngerðum stólum upp í umfangsmikil sett sem henta stærri görðum og garðveislum. Garðsófarnir eru gerðir úr mismunandi efnivið og fást í mörgum útfærslum.

Þú finnur hágæðavörur sem gefa garðinum fágað yfirbragð, allt eftir persónulegum smekk og stíl. Skoðaðu úrvalið okkar og gerðu útirýmið þitt að notalegasta svæði hússins!

Besti efniviðurinn fyrir garðsófa

Úr hverju ætti sófinn að vera? Þetta er líklega fyrsta spurningin sem kemur upp í hugann við kaup á útisófa. Þar er úr ýmsu að velja. Það mikilvægasta er að halda í eigin stíl og smekk. Lítum aðeins nánar á kostina sem eru í boði.

Viður

Viðargarðhúsgögn hafa yfir sér sígildan blæ og eru alltaf vinsæl. Þau eru þægileg en þurfa reglulegt viðhald til að verja þau fyrir veðri og áhrifum sólar. Til að einfalda viðhaldið er gott að velja húsgögn úr veðurþolnum viðartegundum á borð við tekk.

Tekk hefur djúpan og fallegan viðarlit og er afar harðgert og slitsterkt. Þá er tekkviðurinn ríkur af olíu frá náttúrunnar hendi, sem eykur veðurþol hans til muna. Eftir því sem tekkið eldist tekur viðurinn á sig nýja mynd sem setur sinn svip á húsgögnin. Viðarhúsgögn eru frábær valkostur fyrir garð í hefðbundnum stíl.

Rattan

Rattan er létt, endingargott og slitsterkt og er einnig afar vinsæll efniviður fyrir garðhúsgögn. Það er auðveldlega hægt að lita það eða mála sem mörgum finnst vera góður kostur. Rétt meðhöndluð rattanhúsgögn þurfa einungis lágmarksviðhald, sem er góður kostur þegar þau standa úti í hvers konar veðri. Einnig er hægt að fá húsgögn með rattanáferð úr léttu og sterku plastefni sem kallast pólýrattan. Þessi húsgögn geta staðið úti í flestum veðrum, enda er efnið vatnsþolið og upplitast ekki í sól. Pólýrattan dregur einnig úr eftirspurn eftir náttúrulegum rattanvið. Rattanhúsgögn henta vel fyrir nútímaleg og notaleg útirými.

Stál og aðrir málmar

Garðhúsgögn úr málmi eru afar traust en þurfa góða púða og sessur upp á þægindi að gera. Smíðajárn getur verið afar þungt. Athugaðu vel að húsgögnin séu ryðvarin til að koma í veg fyrir skemmdir og tæringu. Þá er mikilvægt að reyna að koma í veg fyrir að málmhúsgögn rispist því rispur geta náð undir varnarlagið og geta leitt til ryðmyndunar. Ef vart verður við rispur er best að meðhöndla þær strax með því að pússa svæðið með sandpappír og lakka eða mála yfir það.

Áklæði

Púðar og sessur eru einn mikilvægasti hluti sófans. Þetta á líka við um garðsófa. Áklæði fyrir útisófa eru af ýmsu tagi en það sem hentar þeim einna best eru akrýláklæði. Þetta er efni sem andar en er um leið einstaklega slitþolið. Það heldur einnig lit betur en mörg önnur náttúrulegri efni.

Hvernig á sófinn að vera?

Lykilatriðið þegar kemur að garðhúsgögnum er þægindi. Þó má ekki gleyma því að útlit, smekkur og stíll skiptir líka máli og jafnvel hægt að útbúa útirýmið í sama stíl og er inni á heimilinu. Útirýmið ætti helst að innrétta þannig að það virki opið og bjart. Þess vegna eru útihúsgögn oft með fínni útlínum en innihúsgögn til þess að gera meira úr því plássi sem er til staðar.

Það skiptir einnig máli hvernig útirýmið er notað, hvort það er fyrir félagsskap gesta eða rólegar gæðastundir. Hér eru nokkrar vinsælar týpur af garðsófum:

• Tveggja sæta sófar - Frábær kostur þar sem ekki er mikið um pláss. Tveggja sæta sófinn hentar vel þar sem nánd og notalegheit ráða ríkjum. Til að fullkomna setrýmið er hægt að para sófann með tveimur stökum stólum og borði.

• Einingasófar - Frábærir fyrir stórar fjölskyldur eða þar sem mikill gestagangur er á sumrin. Þessum sófum er hægt að raða saman á mismunandi hátt eftir tilefninu.

• Legubekkir - Ef þú ert að leita að réttum sófa fyrir þægilega slökun um helgar er vert að skoða legubekkina okkar. Þeir henta vel þegar þú vilt koma þér vel fyrir með bók eða bara njóta þess að liggja úti í sólinni. Fyrir enn meiri þægindi er hægt að velja bekk með fóthvílu og skyggni.

Garðsófar og sófasett - atriði sem vert er að hafa í huga fyrir heildarmynd útirýmisins

Stærð og gerð útirýmisins ræður mestu um það hvaða húsgögn henta best. Garðhúsgögnin þurfa að vera nógu stór og þægileg til að hægt sé að njóta útivistarinnar en ekki svo stór að þau taki upp allt plássið. Einnig þarf að íhuga hvaða efniviður hentar best. Ertu til dæmis til í að sjá um viðhaldsfrekan efnivið á borð við timbur?

Skoðaðu húsgögn sem passa við þann stíl sem fyrir er í rýminu. Rattan sófar fara einstaklega vel í hlýlegu útirými í sveitastíl. Fyrir rými þar sem módernískar línur ráða ríkjum eru lágir sófar með hreinum og beinum línum málið. Nokkur góð ráð til að hafa í huga þegar þú velur húsgögn fyrir útirýmið þitt:

Beinar og fágaðar línur setja nútímalegan svip á rýmið.

Einföld húsgögn í módernískum stíl henta afar vel fyrir minímalísk útirými. Veldu falleg viðarborð og útbúðu frábæran setkrók í garðinum.

Rólusófar eru notalegir og góðir fyrir alvöru slökun

Í þeim má koma sér vel fyrir og rugga sér jafnvel í svefn! Mjúkar sessur og púðar gera þá ómótstæðilega þegar þú vilt koma þér virkilega vel fyrir. Rólusófarnir koma sterkir inn um þessar mundir og verða vinsælir næstu misserin. Hægt er að fá þá í bæði tveggja og þriggja sæta útgáfu.

U-laga sófar eru frábærir fyrir gestgjafann sem kann að meta félagsskap í garðinum.

Þá má nota bæði til að taka formlega á móti gestum og sem notalegan fjölskyldukrók fyrir spil eða aðra afþreyingu. Eins og heitið gefur til kynna eru sófarnir í laginu eins og U og því auðvelt fyrir viðstadda að sjá framan í hvert annað og spjalla. Með einingasófum er auðvelt að nýta plássið í útirýminu eins og best verður á kosið. Það má raða þeim í U-laga sófa fyrir gestakomur eða skipta þeim upp í fleiri setsvæði þegar það hentar betur.

Lífgaðu upp á húsgögnin með litríkum sessum og púðum

Púðar í fallegum lit eru frábær leið til að lífga upp á útirýmið. Þótt margir velji hlutlausa tóna fyrir útisvæðið er alltaf ákveðinn sjarmi yfir skærum og björtum litum.

Útbúðu skýli fyrir sófann

Til að gera útiveruna enn ánægjulegri er hægt að koma upp skyggni eða skýli yfir sófann. Þannig má nýta útirýmið betur allan ársins hring. Setsvæðið verður enn notalegra undir þaki og gefur fleiri tækifæri til útiveru.

Góð ráð við leitina að rétta garðsófanum

Rétti sófinn er sá sem þér finnst þægilegt að slaka á í eftir langan dag og fellur að þínum eigin smekk og stíl. vidaXL býður upp á garðhúsgögn í fjölmörgum útfærslum; bæði stærð, gerð og útliti. Hafðu þessar einföldu ábendingar í huga þegar þú leitar að sófa fyrir útirýmið:

• Taktu tillit til veðurfars. Býrð þú á heitu, röku eða þurru svæði? Viður hefur tilhneigingu til að klofna og verpast í miklum hita og þurrki. Málmsófar þola aftur á móti illa að fá á sig saltvatn og því henta þeir ekki vel fyrir garða meðfram strandlengjunni.

• Mældu útirýmið eins nákvæmlega og hægt er. Ekki velja sófa sem fyllir upp í rýmið, sama þótt það sé von á gestagangi á sumrin.

• Taktu ákvörðun um hvar húsgögnin eiga að vera og taktu eftir því hvernig undirlagið er. Á sófinn að standa á grasi? Inni í skýli eða á viðarpalli? Forðastu að láta viðarhúsgögn standa á grasflöt til þess að koma í veg fyrir að þau dragi í sig raka úr jarðveginum.

• Þægindi skipta máli Bættu við aukapúðum með áklæði sem er raka- og mygluvarið.

Af hverju ættirðu að fá þér garðsófa?

Þegar veðrið er gott jafnast fátt á við að eiga gæðastundir úti við, hvort sem það er í sólbaði, leikir og skemmtun með fjölskyldunni eða bara rólegheit með bók í hönd. Garðsófar eru fyrir allt þetta og meira til! Garðsófar gefa heimilinu fallegt yfirbragð og  af þú ert í söluhugleiðingum gefa garðhúsgögn væntanlegum kaupendum betri hugmyndir að nýtingu rýmisins. Ef þú hefur enn ekki ákveðið þig, erum við að endingu með þrjár lykilástæður fyrir því að skella sér á garðsófa.

Garðsófar gera meira úr útirýminu þínu, bæði hvað varðar útlit og notagildi

Garðsófar gera það einfaldara og notalegra að verja tíma úti við á góðum dögum Margir húseigendur einbeita sér að því að innrétta heimilið að innanverðu og útirýmið gleymist. Þó er útirýmið oft það fyrsta sem gestir sjá þegar þeir koma í heimsókn. Garðsófar eru bæði þægilegir og setja notalegan svip á rýmið.

Veldu úr fjölbreyttu úrvali, allt eftir þínum eigin smekk og innréttingastíl. Veldu útihúsgögn sem falla vel að stíl heimilisins, þannig færðu fallegt flæði á milli inni- og útisvæða.

Útivera er holl og skemmtileg

Ferskt útiloft er gott fyrir bæði andlega og líkamlega heilsu. Hversu stórt sem útirýmið er, hefur það möguleikann á að veita þér ánægju og ró. Útivera dregur úr streitu, skerpir andlega einbeitingu og bætir líkamlega heilsu með upptöku D-vítamíns frá sólinni.

Með því að útbúa notalegt rými sem hentar fyrir það sem þú vilt verja tímanum í úti við, bætirðu bæði andlega og líkamlega heilsu.

Hin fullkomna afþreying utandyra

Býðurðu gestum í kaffi og vísar þeim til stofu þegar sólin skín úti? Að sjálfsögðu ekki! Á sumrin gefast frábær tækifæri til að skerpa á félagslegum tengslum. Hvort sem það er spjall með vinum yfir vínglasi, dögurður með fjölskyldunni eða heljarinnar garðveisla eru útihúsgögnin lykilatriði þegar kemur að því að njóta útiverunnar.

Útisófar fást fyrir allar hugsanlegar aðstæður og skapa dásamlegt andrúmsloft í garðinum. Hvort sem þú vilt slaka á í einrúmi eða halda veislu finnurðu réttu húsgögnin hjá okkur.

Flettu í gegnum úrvalið af garðsófum hjá okkur og finndu þann sem hentar þér best.