Armstólar, hægindastólar & svefnstólar - Drappaður (11 Niðurstöður)

Hvernig þú velur fullkominn hægindastól

Hægindastóll veitir ekki bara þægindi og slökun eftir erilsaman dag. Hann getur auðveldlega orðið miðpunktur stofunnar, augnayndi í svefnherberginu eða uppáhaldsstaðurinn til afslöppunar á svölunum eða pallinum.

Ef þér hefur ekki enn tekist að finna hægindastól, þá er tíminn núna. Það getur þó reynst áskorun að velja stól sem uppfyllir allar þínar þarfir. Hvaða tegund af hægindastól er best fyrir þig? Hvaða efni er kjörið fyrir þinn lífsstíl? Hvaða stíll af hægindastólum passar við innréttingarnar hjá þér? Við aðstoðum þig við að meta ýmsar tegundir hægindastóla svo að þú finnir rétta stólinn fyrir þig - stólinn sem bæði bætir hversdaginn og fegrar heimilið.

Ýmsar tegundir hægindastóla

Áður en þú tekur ákvörðun þarftu að hafa í huga hvaða tilgangi stóllinn á að þjóna. Rýmið og fyrirhuguð staðsetning stólsins í rýminu hefur líka áhrif á hvaða tegund hægindastóls hentar best fyrir þig. Hægindastólar fást í ýmsum formum og gerðum og geta því þjónað mismunandi tilgangi. Lítum á algengustu tegundir hægindastóla.

Sígildi hægindastóllinn

Þessi hægindastóll er notalegur stóll með armhvílum sem veitir þægilega setu til lengri tíma. Hönnun hins hefðbundna hægindastóls hefur þó þróast með tímanum, fylgt allskyns tísku og tekið á sig ýmis áhugaverð form. Hvaða stól sem þú endar á að velja, hafðu í huga að stóllinn verður að vera einstaklega þægilegur alveg frá upphafi. Af þessum sökum eru langflestar gerðir af þessari tegund stóla bólstraðar. Stóllinn er ennfremur með bakstoð til stuðnings svo að þú getir komið þér vel fyrir með góða bók. Stóll af þessum toga tekur sig vel út hvar sem er - hvort sem hann er í svefnherberginu, leskróknum eða stofunni!

Hvíldarstóllinn

Ertu í leit að auknum þægindum? Þá er hvíldarstóllinn varan fyrir þig! Þessi stóll hallast í lárétta stöðu svo að þú getir slakað á og lagst aftur yfir bíómynd. Bæði er hægt að hækka fóthvíluna og halla bakstoðinni aftur og því er einfalt og þægilegt að leggjast algjörlega niður. Hvíldarstóllinn er besti kosturinn fyrir stofurými og fæst í ýmsum gerðum.

Áberandi stóllinn

Áberandi stóll getur verið hvaða tegund hægindastóls sem er sem stelur sviðsljósinu í rýminu. Hægindastóll sem grípur samstundis augað í rýminu flokkast sem áberandi stóll, hvort sem hann er hvíldarstóll, egglaga stóll, vængjastóll, hálfhringlaga stóll eða ferkantaður armstóll. Það skiptir engu máli í hvaða rými þessi heillandi stóll er, hann flikkar upp á hvaða innréttingu sem er. Fjólublár egglaga snúningsstóll bætir til dæmis fullkomnu dassi af lit við nútímalegt stofurými. Gulur hægindastóll í svefnherberginu leggur aftur á móti áherslu á notalegheit herbergisins og gefur herberginu líflegt yfirbragð.

Útihægindastóllinn

Það er synd að njóta ekki kvöldsólarinnar útivið í hægindastól ef þú getur, jafnvel þótt útisvæðið sé örsmátt. Hægindastóll úr mangóviði með áklæði úr leðri gæti til dæmis verið fullkominn á svalirnar. Bambusstólar á pallinn eru einnig frábærir til að verja löngum helgarmorgnum útivið. Það eina sem þarf að hafa í huga við val á útihægindastól er að efniviðurinn þarf að vera veðurþolinn.

Hvaða efni er best fyrir hægindastól?

Efniviðurinn sem notaður er við byggingu hægindastólsins hefur áhrif á varanleikann, stílinn og heildarútlitið. Armstólar og hvíldarstólar eru yfirleitt með sterkri undirstöðu úr viði eða málmi til að tryggja stöðugleika. Þægindi hægindastólsins velta á bólstruninni: Stóllinn ætti að vera þykkbólstraður og klæddur efni sem er mjúkt viðkomu. Við hvetjum þig til að meta þarfir þínar, smekk og lífsstíl áður en þú velur úr þessu gríðarmikla úrvali af efnivið. Þú hefur eftirfarandi valkosti:

Armstólar með efni

Efniviður eins og bómull og lín hentar frábærlega fyrir áklæði þar sem hann er bæði mjúkur og endingargóður. Þessi efni eru afar vinsæl og tilvalin til reglulegrar notkunar á heimilum með börnum eða gæludýrum þar sem auðvelt er að þrífa þau með sápu og vatni. Blandað gerviefni er einnig gott val þar sem það hnökrar, krumpast eða upplitast sjaldan og er ennfremur auðvelt í þrifum. Þessi efni líta þar að auki frábærlega út með hnöppum eða fótum og örmum í náttúrulegum við og þá sérstaklega í sveitalegum innréttingum.

Leðurstólar

Leðurstólar (hvort sem þeir eru úr ekta leðri eða gervileðri) eru sígild klassík sem eldist fallega. Leður er endingargott og auðvelt í viðhaldi með þurrum klút. Það er auk þess talið vera lítið ofnæmisvekjandi þar sem það hrindir frá sér ryk og feld. Hvað stíl varðar fellur leðurhægindastóll afar vel inn í iðnaðarlega innréttingu og gefur henni fágað útlit.

Flauelsstólar

Flauel er eitt fallegasta áklæðið fyrir hægindastól. Flauel er ekki bara mjúkt og þægilegt viðkomu heldur ýtir það einnig undir hönnun hægindastólsins. Útlitið og áferðin eru tímalaus og flauelsstóll sker sig því algjörlega úr. Flauel er ekki endilega erfiðara í þrifum en annar efniviður en það eyðist þó hraðar en önnur efni. Það fæst oftast í björtum litum og mynstrum og flauelsstóll hefur því þann kostinn yfir aðra stóla að hann grípur auðveldlega augað í rýminu.

Bambus- eða rattanstólar

Hægindastólar úr framandi efnum eins og rattan eða bambus finnast einnig, þótt sjaldgæfara sé. Þessi húsgögn eru vel smíðuð, endingargóð, sveigjanleg og fok- og vatnsheld. Það þýðir að þú getur notað þau bæði inni og úti, en við mælum þó með því að þau séu varin sérstaklega fyrir veðri til að viðhalda fallegum lit og áferð efniviðarins. Sér sessur fylgja með rattan- og bambusstólum til að tryggja aukin þægindi og bygging stólanna líkir þar að auki eftir náttúrulegri lögun líkamans.

Hvernig á að velja stíl hægindastólsins

Hægindastólar eru ómissandi og þeir fást því í allskyns mismunandi stílum og hönnunum. Þegar þú hefur fundið rétta efnið þá er komið að því að finna rétta stílinn sem hentar heimilinu. Þú getur annað hvort valið hægindastól sem fellur náttúrulega inn í innréttingarnar eða valið stól í mótsetningu við innréttingarnar sem setur einstakan blæ á heimilið. Lítum nú á nokkrar tegundir af fallegum hægindastólum í þekktum stílum til að gera valið örlítið auðveldara.

Nútímalegi hægindastóllinn

Nútímalegi hægindastóllinn þekkist af sléttum línum, fíngerðum smáatriðum og hlutlausum litum. Þetta er þó aðeins grunnurinn í hönnun nútímastólsins. Stóll í svipuðum dúr gæti verið dökkgrár hægindastóll með málmgrunni eða háglansandi stóll eins og silfurlitaður egglaga stóll.

Iðnaðarlegi hægindastóllinn

Auðkenni hægindastólsins í iðnaðarstíl er heillandi samblanda af djörfum efnum (t.d. leðri með málmi eða viði) í glæsilegri hönnun. Armstóllinn sem fellur vel við iðnaðarlega innréttingu er sá stóll sem samstundis grípur augað og vekur tilfinningu af risíbúð í stórborg. Sléttar línur málm- eða trégrindarinnar draga fram glæsileika leðursins og slitið útlit stólsins.

Bóhemstóllinn

Bóhemlegur stíllinn fær þig til að þrá frítíma, afslöppun og rólegra hversdagslíf. Bóhemstóllinn líkir eftir formum og áferðum úr náttúrunni og fyrr en varir verður hann orðinn uppáhaldsstaðurinn þinn til slökunar. Ef það er áberandi stóll sem þú þráir þá er rattanstóllinn í páfuglahönnun tilvalinn. Annar valkostur gæti verið hringlaga armstóll með marglitu handofnu bómullaráklæði sem hressir upp á leskrókinn.

Notalegi sveitastóllinn

Þægindi eru megineinkenni sveitastólsins. Hann hefur yfir sér blæ af gömlum sveitabæ þar sem notalegheitin ráða ríkjum. Sveitastóll er næstum því alltaf þykkbólstraður og klæddur mjúku bómullarefni sem gerir þér kleift að sitja þægilega svo tímunum skiptir. Þú fullkomnar sveitaútlitið með grófu borði til hliðar sem er tilvalið fyrir leskrókinn.

Tillögur fyrir aukahluti með hægindastólnum

Gott er að hafa nokkur atriði bakvið eyrað þegar þú hannar draumastaðinn fyrir stólinn, en þau fara þó eftir því hvar þú vilt hafa hann. Langar þig til að útbúa alhliða svæði þar sem þú getur komið þér fyrir með bók? Eða þarftu fleiri sæti í stofunni nálægt sófanum? Ertu að vonast til að geta sötrað síðdegiskaffið í rólegheitunum útá svölum? Sama hvernig þig langar að nota hægindastólinn þá geturðu auðveldlega hannað stólinn eftir þínum þörfum.

• Ef þig langar að hafa hægindastólinn í leskróknum þá ráðleggjum við þér að setja upp gólflampa til hliðar við stólinn. Beinar útlínur gólflampans undirstrika hönnun stólsins og lampinn gefur þar að auki gott ljós til lesturs.

• Ef þú vilt gera þægilegan hægindastól enn notalegri þá geturðu hent teppi yfir hann sem heldur á þér hita yfir bíómynd. Veldu teppi í andstæðum lit eða mynstri til að gefa stólnum eftirtektarvert útlit.

• Fólk spyr sig oft hvort sófi og hægindastóll eigi að vera samstæðir. Við mælum með því að þú gerir tilraunir með mismunandi efnum og áferðum til að gefa rýminu karakter. Ef sófinn þinn er í minimalískri hönnun þá mun hægindastóll í líflegri hönnun setja skemmtilegan svip á rýmið. Hins vegar gæti hægindastóll í hlutlausum lit dempað rými sem er þegar litríkt.

• Kaffiborð eða hliðarborð er ómissandi við hliðina á hægindastól og tryggir betra notagildi. Það er gagnlegt undir drykkjarföng, bækur og tímarit og er ennfremur tilvalið undir skrautgripi sem undirstrika stílinn þinn.