Demantsskurðarskífa með kæligötum, sem hægt er að nota í borð- og bútsagir eða á slípirokk. Þessi skífa hentar fyrir notkun í iðnaði t.d. við sögun á steypu, granít, múrsteinum og öðru harðgeru efni en einnig má nota hana við umfangsminna handverk, t.d. til að skera keramik og steinleir.

Á skífunni eru góð kæligöt og öll hönnun miðast að því að sögunin sé hröð og nákvæm án þess að kvarnist upp úr því sem sagað er. Allur efniviður í skífunni, bæði stál- og demantsefni, er í háum gæðaflokki og hún endist því afar vel þrátt fyrir mikla notkun. Í framleiðsluferlinu er notuð heitpressun og skífan hentar bæði fyrir þurr- og blautsögun.