Val á sturtuvegg fyrir baðherbergið

Fjárfesting í góðum sturtuvegg er frábær leið til að bæta birtu og snert af fágun við baðherbergið. Sturtuveggur verndar einnig baðherbergisgólfið gegn vatnsskvettum sem geta verið hættulegar og ýtt undir myglu- og bakteríumyndun. Þegar sturtuveggurinn er kominn upp verður hann auðveldlega meginfókus baðherbergisins. Því er mikilvægt að þú veljir vegg sem er flottur.

Þrátt fyrir að horn á baðherberginu sé algengasta staðsetningin fyrir sturtuvegg þá er hægt að hafa sturtu nánast hvar sem er í rýminu svo lengi sem pípulagnir leyfa það. Sturtuveggir og klefar fást í fjölmörgum stílum og því getur verið flókið að velja réttu vöruna. En hafðu engar áhyggjur – við erum hér til að hjálpa þér að finna rétta sturtuvegginn. Lestu því áfram!

Skoðaðu mismunandi gerðir af sturtuveggjum

Lögun og stærð baðherbergisins og sturtubotnsins ákvarðar í rauninni hvernig sturtuvegg eða klefa þú getur valið. Sturtubotninn er undirstaða sturtuklefans og því er mikilvægt að ganga úr skugga um að honum sé komið rétt fyrir. Eftirfarandi eru helstu gerðir af sturtuklefum.

Fjórðungsbogaveggur

Fjórðungsbogaveggir í sturtuna eru sennilega algengasta tegund sturtuklefa. Þessi tegund er sérstaklega algeng í nýjum byggingum þar sem rúnnuð glerhönnunin passar fullkomlega í plásslítil horn og hámarkar þannig plássið. Tvær mismunandi tegundir af fjórðungsbogum fást þegar kemur að sturtuklefum: Hefðbundinn fjórðungsbogi og stærri fjórðungsbogi. Fjórðungsbogaveggir fást einnig í ýmsum hönnunum og stílum sem henta smekk og þörfum hvers og eins. Flestar einingarnar eru með rennihurðum þar sem þetta er besta leiðin til að spara pláss. Hins vegar er einnig hægt að finna gerðir með hurðum á lömum sem opnast út.

D-laga sturtuklefar

Þessar tegundir sturtuklefa eru svipaðar fjórðungsbogaeiningum að því leytinu til að þær eru plásssparandi. Þótt fjórðungsbogar séu hins vegar byggðir til að passa í plásslítil horn þá eru D-laga veggir hannaðir fyrir baðherbergi sem eru jafnvel ekki einu sinni með hornum. Þessir sturtuklefar eru yfirleitt með rennihurðum þótt þú finnir vissulega alveg einingar sem opnast til hægri eða vinstri, eða eru með tvöföldum útopnunarhurðum.

Ferkantaðir sturtuklefar

Ferhyrntur sturtuklefi er nákvæmlega eins og hann hljómar - hann er ferkantaður í laginu. Sem slíkur býður hann upp á meira sturturými en aðrir sturtuveggir. Þessir veggir henta best fyrir baðherbergi með ríflegu rými. Ferkantaðir sturtuklefar eru yfirleitt settir upp við vegg en þegar rýmið gefur færi á því þá er hægt að setja þá hvar sem er, jafnvel í miðju herbergisins. Lögun þessara veggja gefur meiri sveigjanleika varðandi hvernig hægt er að setja rammann og hurðina upp.

Rétthyrndir sturtuklefar

Eins og með ferkantaða sturtuklefa þá hentar rétthyrndur sturtuklefi best í stórt baðherbergi. Þeir eru einmitt líka mjög sveigjanlegir þegar kemur að ramma og hurðum. Rétthyrndir sturtuklefar eru yfirleitt settir upp meðfram flötum vegg, en þeir passa þó nánast hvar sem er í baðherberginu.

Fimmhyrndur sturtuklefi

Fimmhyrndir sturtuveggir eru mjög svipaðir fjórðungsbogaklefum. Þrátt fyrir að þeir séu frábært val fyrir smágerð baðherbergi þá veita þeir einnig fínt pláss til að sturta sig. Þeir eru einnig með flatri útidyrahurð sem þýðir að þú hefur mikinn sveigjanleika þegar kemur að því að velja hurð. Fyrir utan rennihurð þá hefurðu einnig kost á að velja tvöfalt samanbrjótanlega hurð, lausfesta hurð eða hurð á lömum. Fimmhyrndir sturtuklefar fást einnig í ýmsum stærðum sem henta ýmsum baðherbergjum.

Sturtuveggur fyrir opna sturtu

Þessi tegund sturtuveggja gerir þér kleift að ganga beint inn í sturtuna án þess að þurfa að opna hurð. Flestir veggir af þessum toga eru gerðir úr þykkum og hertum glerplötum. Plöturnar eru yfirleitt festar við vegginn og alveg niður í sturtubotninn. Þar sem þessir sturtuklefar eru ekki með hurðum (þó að hægt sé að koma þeim fyrir ef þörf krefur) þá er glerplötunum raðað þannig að vatn rennur ekki niður á baðherbergisgólfið. Minimalísk hönnun þessara sturtuklefa hefur gert þá að vinsælum valkosti meðal margra húseigenda.

Hvaða sturtudyr ættirðu að velja?

Við höfum þegar nefnt nokkrar tegundir af sturtuhurðum en skoðum nú aðeins ýtarlegar nokkrar af þeim tegundum sem þú hefur úr að velja þegar kemur að sturtuklefa fyrir heimilið. Hér eru algengustu gerðir sturtuhurða fyrir sturtuklefa.

Lausfestar hurðir

Þessar einföldu sturtuhurðir má setja upp þannig að þær opnist annað hvort inn eða út, allt eftir hönnun baðherbergisins. Þær eru tilvaldar fyrir stór baðherbergi þar sem þær geta tekið þónokkuð mikið pláss við opnun. Þar að auki geta útopnandi hurðir með lausfestingu átt það til að bleyta gólfið þegar þær eru opnaðar, sem þýðir að þær henta best fyrir baðherbergi með stömu gólfi.

Rennihurðar

Ólíkt lausfestum hurðum þá eru rennihurðar frábær valkostur til að spara pláss, sem gerir þær að góðum kosti fyrir lítil baðherbergi. Þessar sturtuhurðar eru algengar í fjórðungsbogaklefum sem eru oft settir í horn til að fá sem mest úr plássinu. Þú getur notað rennihurðar á lítil gestaklósett eða í fataherbergi. Annar kostur við þessar sturtuhurðar er að þær þurfa ekki aukið pláss til að opnast og lokast. Þetta pláss má í staðinn nota til að skapa stærri klefa.

Hurðir á lömum

Hér höfum við aðra einfalda hönnun, en hurðar á lömum má opna og loka eins og venjulegum hurðum. Þær virka best í bognum og beinum sturtuklefum og hægt er að stilla þær þannig að þær opnist annað hvort á vinstri eða hægri hlið. Hurðar á lömum fást í mismunandi stílum sem henta mismunandi hönnunarþemum. Þessar sturtuhurðar eru tilvaldar fyrir baðherbergi með ríflegu plássi þar sem þær opnast út.

Tvöfaldar hurðar

Þessar sturtuhurðar eru ekki aðeins hagnýtar heldur einnig glæsilegar og stílhreinar þökk sé sláandi hönnun. Tvöfaldar hurðar eru hinn fullkomni valkostur fyrir einstaklinga sem vilja gera sturtuklefann að miðpunkti baðherbergisins. Þær eru einnig tilvaldar fyrir fólk með nóg pláss á baðherberginu þar sem hægt er að velja tvöfalt eða þrefalt samanbrot.

Hvaða efni ættirðu að velja fyrir sturtuklefann?

Efnið sem þú velur ákvarðar útlit og endingu sturtuklefans. Þú hefur úr nokkrum mismunandi efnum að velja en algengasti efniviðurinn er gler. Hér að neðan skoðum við algengustu efnin fyrir sturtuklefa.

Gler

Það eru til tvær tegundir af gleri: Perlugler og plasthúðað gler. Perlugler er ákveðin gerð af hertu gleri sem er búið til með því að hita venjulegt gler á háu hitastigi og kæla það síðan niður með háþrýstingi. Þetta gerir það 3 – 5 sinnum endingarbetra en hefðbundið gler. Fyrir utan þol gegn háu hitastigi þá brotnar hert gler einnig í smærri og oddlausari parta, sem dregur úr hættu á tjóni. Plasthúðað gler er hins vegar gert með því að setja lag af pólývínýl bútýral (PVB) á milli tveggja laga af gleri. PVB gerir glerið hart og erfiðara er að brjóta það.

Ryðfrítt stál

Ef þú ert í leit að umhverfisvænum kosti sem auðvelt er að sérhanna og sem endist lengi þá leggjum við til að þú veljir sturtuvegg úr ryðfríu stáli. Allar sturtuklefar úr ryðfríu stáli eru með fallegri og háglansandi áferð. Þeir glansa í hvaða umhverfi sem er – hvort sem það er dimmt, bjart, hefðbundið eða nútímalegt. Sturtuklefar úr ryðfríu stáli eru einnig með brunaþoli. Ryðfrítt stál er enfremur ónæmt gegn ryði og tæringu. Þú getur því stólað á að það líti fallega út í áraraðir.

Akrýl

Sturtuklefar úr akrýl eru ódýrari en klefar úr gleri og málmi. Þeir gefa baðherberginu slétt og glansandi útlit og þarfnast lítils viðhalds. Þar að auki helst efnið heitt og þú þarft því ekki að hafa neinar áhyggjur af því að þurfa að snerta ískalt efnið eldsnemma á morgnana þegar þú skellir þér í sturtu. Akríl er líka vatnshelt þar sem það dregur ekki í sig vatn. Þetta þýðir einnig að það kemur í veg fyrir myglu og mjölsvepp.

Hvaða stærð af sturtuklefa hentar best?

Annað mikilvægt atriði sem þú þarft að hafa í huga þegar þú skoðar sturtuklefa er stærðin á honum. Þú gætir freistast til að velja stóran klefa, en það á aðeins eftir að leiða til gremju og vonbrigða þegar þú setur hann upp. Fyrsta atriðið sem þú þarft að hafa í huga við val á stærð sturtuklefans er hversu stórt baðherbergið er og hversu stór sturtubotninn er. Hefðbundin stærð á sturtuklefa er yfirleitt 800mm x 800mm, en mörgum finnst 1200mm x 900mm þægilegri stærð.

Ef baðherbergisplássið er af skornum skammti þá skaltu íhuga að velja sturtuklefa sem nýtir plássið vel. Þú þarft einnig að taka mið af hæð sturtubotnsins. Flestir sturtubotnar eru í lágri hönnun en stundum þarf að hækka botninn þar sem pípulagnirnar eru fyrir ofan golfið eða frárennslisvatnið þarf meira pláss. Í báðum tilfellum þarftu áhöld til að hækka botninn.

Góð ráð við viðhald sturtuklefans

Það finnst engum gaman að þrífa sturtuklefann þar sem sápuskán og óhreinindi safnast upp á hverjum degi. Því miður er þetta þó eitthvað sem þarf hreinlega að gera þar sem það hefur annars áhrif á ástand baðherbergisins og vellíðan þína. Hér eru nokkrar ábendingar varðandi viðhald á sturtuklefanum.

• Haltu honum þurrum

Helsti óvinur sturtuklefa er raki. Blaut gólf og rakar innréttingar er fullkomin uppskrift á bakteríumyndun. Notaðu þurran klút til að þurrka sturtuna eftir notkun. Haltu sturtunni vel loftræstri til að koma í veg fyrir rakauppsöfnun.

• Komdu í veg fyrir harða vatnsbletti

Ef þú býrð á svæði með hörðu vatni þá geta harðir vatnsblettir byrjað að myndast á glerveggjum sem getur skemmt glerið með tímanum. Þú getur komið í veg fyrir þessa bletti með því að nota gúmmísköfu eða handklæði úr míkrófíber til að þrífa glerið eftir sturtuna.

• Verndaðu þéttingar í sturtunni

Þéttingar á sturtuhurðinni geta skemmst af völdum sterkra efna í hreinsivörum. Þú getur verndað þéttingarnar með því að þrífa þær með volgu vatni og mildri sápu. Gættu þess að botninn sé sérstaklega hreinn.

Ertu í leit að hágæðasturtuklefa? Hér hjá vidaXL bjóðum við upp á mikið úrval af sturtuklefum í mismunandi efnum og stærðum sem henta þörfum hvers og eins. Hvort sem þú ert að byggja upp nýtt heimili eða einfaldlega að endurnýja baðherbergið þá finnurðu frábæran sturtuklefa hjá okkur.