Haltu garðinum snyrtilegum með runnasnyrti
Ef þú átt garð þá langar þig án efa líka til að eiga limgerðissnyrti til að halda garðinum snyrtilegum og fallegum. Með snyrtitóli fyrir runna verður snyrting á garðinum leikur einn. Þau gera verkið mun auðveldara og fljótara. Trúðu okkur þegar við segjum það er algjörlega þess virði að fjárfesta í limgerðissnyrti. Hann umbreytir ósnyrtilegum runnum í fullkomlega vel snyrta runna sem gleðja augað í garðinum. Hér hjá vidaXL bjóðum við upp á snyrta af ýmsum toga og þú ættir því auðveldlega að geta fundið rétta snyrtinn fyrir þig. Skoðaðu úrvalið á netinu á þessari síðu.
Hlutir sem gott er að hafa í huga við val á limgerðisnyrti
Eins og með öll önnur tól þá eru nokkur atriði sem mikilvægt er að hafa í huga við kaup á runnasnyrti. Þú þarft til dæmis að hafa hæð runnans í huga og nálægð við innstungur og slíkt. Hér að neðan skoðum við nokkra þætti sem við mælum með að þú skoðir áður en þú kaupir nýjan snyrti.
Það fyrsta sem þú þarft að gera er að skoða garðinn þinn vel og vandlega. Hér er gott að athuga tegund runnanna ásamt hæð og þykkt. Svo þarftu að átta þig á stærð garðsins og hversu auðveldlega þú nærð með snyrtinum að krókum og kimum garðsins. Ef runnarnir eru til dæmis nálægt vegg eða girðingu þá þarftu að hafa það í huga. Þessir þættir hafa mikil áhrif á stærð snyrtisins og hversu mikið afl hann þarf. Ef það eru margir stórir og þykkir runnar í garðinum þá þarftu kröftugan snyrti í verkið. Ef runnarnir eru nálægt girðingu eða öðru þá er betra að velja stuttan snyrti þar sem þú nærð mun auðveldar inn á lítil svæði með stuttum snyrti.
Þegar þú hefur litið vel yfir garðinn þá þarftu að hafa þætti eins og afl, kostnað, lengd, blaðategund og þyngd í huga. Eins og við nefndum hér að ofan þá þarf snyrtirinn að vera öflugri því stærri og þykkari sem runnarnir eru. Við skoðum þetta nánar þegar við kíkjum á rafmagnssnyrta á móti gassnyrtum.
Svo þarftu auðvitað að hafa kostnaðinn í huga. Þú færð limgerðissnyrta á góðu verði hjá vidaXL, en þú þarft þó að hafa í huga hversu miklu eða litlu þú vilt eyða í snyrtinn þar sem verðflokkarnir geta verið mismunandi.
Lengdin er líka þáttur sem þú þarft að hafa í huga. Ef þú þarft að vinna á þröngu svæði þá getur stuttur snyrtir oft verið málið, á meðan lengri snyrtir gerir jafna snyrtingu auðveldari. Runnasnyrtar geta verið bæði léttir og þungir. Ef þetta er fyrsti snyrtirinn þinn þá mælum við með því að þú veljir léttara módel. Síðast en ekki síst þarftu að hafa tegund blaðsins í huga, þ.e.a.s. hversu langt á milli tannanna þú vilt hafa. Þetta nefnist einnig tannabil. Minna tannabil virkar oftast vel fyrir heimilisnotendur.
Skoðaðu mismunandi gerðir af runnasnyrtum
Nú ættirðu að vera með nokkuð skýra mynd af því hvað þig vantar. Skoðum því aðeins betur mismunandi tegundir af limgerðissnyrtum.
-
Rafmagnssnyrtir. Þetta er vinsælasta valið þegar kemur að runnasnyrtum. Rafmagnssnyrtar eru yfirleitt léttari en aðrar tegundir, sem gerir þá auðveldari í notkun. Þeir eru þar að auki ódýrari og almennt séð hljóðlátari. Það er einnig auðveldara að starta þeim og halda þeim við miðað við gassnyrta. Þeir eiga það þó til að búa yfir minni krafti en gassnyrtar. Rafmagnssnyrtar fást bæði þráðlausir og með snúru.
-
Gassnyrtar. Þessi tegund af snyrtum er þyngri og örlítið flóknari í notkun heldur en rafmagnssnyrtar. Þessir snyrtar eru þó fljótari í notkun og kröftugri en rafmagnsmódel. Þetta gerir gassnyrta tilvalda fyrir faglega notkun.
Almennt séð, ef þú ert að plana að nota snyrtinn heima hjá þér þá er rafmagnssnyrtir að öllum líkindum besta lausnin fyrir þig.
Hvenær þú ættir að nota runnasnyrti og hvenær ekki
Við mælum með því að þú notir ekki runnsnyrti á trjágreinar nema þær séu mjög þunnar. Ef þú þarft að klippa í gegnum þykkar trjágreinar þá þarftu kröftugra tól á borð við runnaklippur. Ef þú þarft hins vegar að snyrta mjóar greinar, limgerði eða runna þá er snyrtitól tilvalið fyrir þig. Ef garðyrkja er ný fyrir þér þá gæti reynst flókið að átta sig á því hvaða tól þú þarft og hvenær þú þarft það. Hvenær þarftu til dæmis runnasnyrti og hvenær þarftu runnaklippur? Hvenær þarftu stangarsög?
Verkfærin eru mörg og sviðið er breytt, og við skulum því fókusera á runnasnyrta í bili. Við mælum almennt með því að þú forðist að nota runnasnyrti á trjágreinar nema þær séu mjög þunnar. Snyrtar búa hreinlega ekki yfir nógu miklum krafti til að skera í gegnum greinar. Í staðinn mælum við með því að þú notir stangarsög á trjágreinar.
Hvernig þú snyrtir ofvaxinn runna án þess að gera út af við hann
Það er skiljanlegt að þú viljir halda garðinum og runnunum þínum fallegum. Þetta þýðir að þú þarft að læra að snyrta garðinn. Með því að snyrta runna hveturðu plöntur og runna til að vaxa enn þykkari og heilbrigðari út, sem er auðvitað það sem flesta garðeigendur dreymir um. Það er líka mikilvægt að hafa í huga að runnar sem blómstra munu vera lengur í blóma ef þeir eru vel snyrtir.
Runnasnyrtar krefjast vissulega færni, tíma og kunnáttu til að ná fullkomnun, en hafðu engar áhyggjur - þú nærð tökunum á þessu á endanum. Við höfum hér tekið saman stuttar leiðbeiningar varðandi hvernig þú snyrtir runnana án þess að eiga á hættu að fara illa með þá.
Búðu til snyrtingarplan
Eins og með allt annað þá er mun auðveldara að snyrta runna ef þú ert með plan. Þú þarft fyrst og fremst að vita hvaða plöntur þú ert að eiga við svo að þú vitir hvenær ársins er best að snyrta þær. Almennt séð er best að snyrta runna þegar raki er lítill, veður er svalt og heiðskýrt er úti. Þetta minnkar hættuna á sýkingu eða að sjúkdómur geri út af við runnana. Ef þú sérð nýtt brum á runnanum þá er það líklegast góður tími til að taka runnasnyrtinn fram. Þegar þú snyrtir runnann, reyndu þá að klippa sem sjaldnast til að koma í veg fyrir að sveppur eða bakteríur komist í opin sárin.
Það fyrsta sem þú þarft að gera er að skera í burt dauðan við. Við mælum einnig með því að þú reynir eins og þú getur að herma eftir náttúrulegri lögun runnanna þar sem þetta kemur í veg fyrir mikla snyrtingu og lögunarvinnu í framtíðinni. Þegar þú notar runnasnyrtinn þá er best að byrja að neðan og skera í stórum strokum upp á við.
Hvenær ættirðu að snyrta runnana þína?
Eins og við nefndum hér að ofan þá getur þetta verið mismunandi eftir plöntum. Þó er hægt að fylgja almennri þumalputtareglu. Almennt séð er best að snyrta runna á veturna yfir dvalartímann. Það er þó enginn kjörinn tími til að fjarlægja dauðan við og minni trjágreinar. Það er sérstaklega mælt á móti því að fólk sem býr í tempruðum hitabeltum snyrti runna seint á haustin þar sem mikið er um sveppagró á þeim tíma árs. Síðvetur eða snemma að vori til er yfirleitt besti tíminn til að draga fram snyrtitólin. Ef snyrtingin felur í sér viðhald á lögun og hæð þá er sumartíminn yfirleitt besti tíminn.
Runnasnyrtar: Viðhald og öryggi
Viðhald og öryggi eru tvö lykilatriði sem þú þarft að kynna þér varðandi runnasnyrta. Það skiptir ekki máli hvaða snyrti þú velur, það er mikilvægt að þú lesir og fylgir leiðbeiningum. Þetta tryggir örugga notkun og langan líftíma. Ef þú átt gassnyrtitól þá þarftu að fylla á það þegar það þarf, og þú þarft að nota rétta eldsneytið fyrir módelið þitt. Þú þarft líka að skipta kveikikertinu út við og við, og tryggja að inntökuloftopið sé hreint.
Þú þarft líka að hafa auga með blöðunum til að tryggja að þau haldi skerpunni - þetta á við allar tegundir af runnasnyrtum. Þú gætir þurft að skipta blöðunum út endrum og eins eða brýna þau. Síðast en ekki síst er mikilvægt að þú þrífir snyrtinn eftir hverja notkun.
Öryggið ætti alltaf að vera í fyrirrúmi þegar þú átt við tól og verkfæri. Runnasnyrtir er aflmikið tól og þú þarft því að setja öryggið í forgang. Þú mátt ekki leika þér með verkfæri með blöðum. Fylgdu leiðbeiningunum vandlega og ef þú ert að nota runnasnyrti í fyrsta skipti þá mælum við með því að þú veljir módel í léttari kantinum. Farðu alltaf varlega með blöðin. Sumir limgerðissnyrtar eru með öryggisatriðum á borð við vörn sem heldur blaðinu frá líkamanum á þér. Þú finnur einnig runnasnyrta sem slökkva sjálfvirkt á afli til blaðsins þegar þú sleppir gikknum. Síðast en ekki síst þá mælum við með því að þú notir augnvörn og hanska við notkun á runnasnyrtinum. Eyrnavörn er líka góð fjárfesting ef snyrtirinn er hávær.
Ef þú þarft aðstoð við að velja runnasnyrtinn þá er þér velkomið að hafa samband við þjónustuverið okkar svo að við getum aðstoðað þig.