Val á vinnubekk fyrir næsta verkefni

Hvort sem verkefnið er lítið eða stórt þá er vinnubekkur einn mikilvægasti búnaðurinn sem þú þarft til að geta klárað verkefnið. Frábær vinnubekkur heldur verkfærunum þínum vel skipulögðum og tryggir þannig öryggi á vinnusvæðinu. Þar að auki mun rétt vinnuborð í bílskúrnum gefa þér plássið sem þú þarft til að vinna vinnuna fljótt og á árangursríkan hátt. Þetta gerir þér einnig kleift að vinna með stóra hluti og veita smáatriðunum eftirtekt.

Vinnubekkir eru hins vegar mikil fjárfesting. Því þarftu að átta þig á því hvaða þarfir þú ert með og hvaða möguleikar eru í boði svo að þú getir valið rétta bekkinn fyrir þig. Þetta getur hins vegar verið nokkuð flókuð fyrir flesta kaupendur þar sem mikið úrval er af bekkjum sem hannaðir eru í mismunandi tilgangi. Sem betur fer höfum við útbúið þessar einföldu leiðbeiningar til að aðstoða þig við að finna rétta vinnubekkinn fyrir verkstæðið þitt.

Skoðaðu mismunandi gerðir af vinnubekkjum

Þú hefur úr nokkrum mismunandi gerðum af vinnubekkjum að velja úr. Valið ætti að mestu leyti að fara eftir því hvaða þarfir þú ert með. Hvernig ætlarðu að nota vinnubekkinn? Ætlarðu að nota hann fyrir málmvinnslu, trésmíði eða eitthvað annað? Ertu í leit að bekk með geymsluplássi? Hér eru helstu tegundir vinnubekkja.

Vinnubekksborð

Vinnubekksborð er vinsælasta tegund vinnubekks þökk sé einfaldri hönnun og sterkri byggingu. Þessi tegund vinnubekks er með borðplötu og fótum sem geta verið úr annað hvort viði eða málmi. Flestir þessara bekkja eru ekki með geymslurými og þú þarft því að finna út úr annarri geymslulausn fyrir verkfærin þín. Hins vegar gæti hugsast að þú finnir vinnubekksborð með einni hillu undir borðplötunni. Þar sem þessir bekkir eru með opnum grunni þá eru þeir tilvaldir fyrir verkefni þar sem þú þarft að nota þvingu með skrúfstykki.

Vinnubekksskápar

Vinnubekksskápur býður upp á mikið geymslupláss sem gerir hann að frábærum valkosti fyrir fólk sem þarf að geyma mörg verkfæri. Bekkir með geymslulausnum eins og skápum, skúffum og hillum veita þér greiðan aðgang að verkfærunum þínum og tryggja auk þess öryggi. Það getur verið hættulegt að skilja verkfæri eftir á víð og dreif. Flestir vinnubekksskápar eru gerðir úr málmi og kosta oft meira en aðrir möguleikar. Hins vegar eru þeir góð fjárfesting þar sem þeir eru traustir og spara þér kostnað og ómak við að þurfa að kaupa aðrar geymslulausnir.

Færanlegur vinnubekkur

Þessi vinnubekkur er nákvæmlega eins og hann hljómar - þú getur fært hann til þegar þú vilt. Það eru til tvær gerðir af færanlegum vinnubekkjum: Rúllubekkir og samanbrjótanlegir bekkir. Rúllubekkur, eða hreyfanlegur vinnubekkur, er traustur og með hjólum við botn fótanna sem gera þér kleift að færa bekkinn. Hægt er að læsa hjólunum á sinn stað þegar þess þarf. Samfellanlegir vinnubekkir eru yfirleitt minni og léttari en rúllubekkir. Þeir ráða þó yfirleitt við flest verkefni.

Veggfestur vinnubekkur

Veggfestir vinnubekkir eru frábærir í lítil rými þar sem þeir nota ekkert gólfpláss og nýta þannig plássið vel. Helsti kosturinn við þessa bekki er að þú getur hengt þá í hæð sem hentar þér, sem getur gert vinnuvettvanginn mun þægilegri. Það er þó mikilvægt að þú hafir í huga að veggfestir bekkir eru ekki nógu sterkir til að bera sömu þyngd og vinnubekkir með traustum fótum og svo eru þeir ekki eins slitsterkir.

Hvaða efni ættirðu að velja fyrir borðplötuna?

Mikilvægustu atriðin sem þarf að hafa í huga við kaup á vinnubekk er að vinnuyfirborðið sé endingargott og að undirstaðan sé sterkbyggð. Hinn fullkomni vinnubekkur ætti að vera með fjórum sterkbyggðum fótum og sögunarbúkka sem undirstöðu til að gefa nægan stuðning. Lykillinn að því að velja rétta efnið er að átta sig á því hvers konar vinnu maður þarf að nota vinnubekkinn við. Hér að neðan skoðum við algengustu efnin fyrir vinnubekki.

Vinnubekkir úr viði

Þessir vinnubekkir eru gerðir úr gegnheilum viði. Þeir eru sterkir og byggðir til að geta borið umtalsverða þyngd og staðist erfiðar vinnuaðstæður. Hægt er að nota þá til að vinna ýmis verk á borð við samsetningu, viðhald og viðgerðir. Flestir viðarvinnubekkir eru gerðir úr harðviði sem þolir mikið álag. Þétt æðamynstur harðviðarins gerir hann einnig ónæman gegn rispum og dældum sem oft fylgja skrúfstykkjum og þvingum. Ef viðarbekkjum er viðhaldið vel þá geta þeir enst í mörg ár.

Vinnubekkir úr málmi

Málmbekkir eru bæði slitsterkir og endingargóðir og þeir endast í áraraðir jafnvel með mikilli notkun. Bekkirnir eru gerðir úr mismunandi stykkjum af málmi sem eru logsoðin saman til að gefa bekknum sterka byggingu. Vinnubekkir úr málmi eru besti kosturinn ef verkefnið þarfnast notkunar á harðgerum efnum. Ólíkt viðarbekk þá brotnar málmbekkur hvorki né flísast. Ef þú ert í leit að bekk sem þolir allskyns barsmíðar þá ætti málmur að vera fullkominn kostur. Málmvinnubekkir eru einnig góður kostur fyrir verkefni sem fela í sér vinnu með leysiefnum eða olíu þar sem afar auðvelt er að þurrka af málmyfirborði. Málmvinnubekkir eru fáanlegir í tveimur efnum: stáli og áli. Stál er traust, sterkt og ryðþolið, á meðan ál er létt, endingargott og tæringarþolið.

Vinnubekkir úr plasti

Vinnubekkur úr plasti ætti að vera alveg nógu slitsterkur ef verkefnin sem þú þarft að vinna við eru nokkuð einföld og bekkurinn þarf ekki að geta staðist mikið slit. Plastvinnubekkir eru ódýrir og léttir og þeir eru því tilvaldir fyrir verk sem þarfnast notkunar á raftækjum eða kemískum efnum. Þessir eiginleikar gera plastbekki hins vegar minna viðeigandi fyrir erfið verkefni. Plastbekkir geta ekki borið mikla þyngd og svo eru þeir ekki eins endingargóðir og bekkir úr viði eða málmi. Þeir eru í rauninni hannaðir fyrir létta eða meðalmikla notkun. Þeir eru frábærir við vinnu eins og pökkun og samsetningu á vörum eða til skrifstofunota.

Vinnubekkir úr MDF

Vinnubekkur úr MDF er ódýrari kostur við bekk úr gegnheilum viði eða málmi. Þessi tegund vinnubekkja er vissulega ekki eins slitsterk og viðarbekkir og málmbekkir en hún er þó nógu sterk til að þola meðalerfið verkefni. Yfirborðið helst slétt eftir notkun og þú getur notað þvingur án nokkurra vandræða. Þar að auki er MDF með jöfnu yfirborði og þú upplifir því enga hnúta eða harða staði. Helsti gallinn við vinnubekki úr MDF er að þeir taka auðveldlega á sig bletti. Þeir gleypa auðveldlega raka í sig, sem hefur áhrif á styrk efnisins.

Hvaða stærð vinnubekks er best?

Val á réttri stærð af vinnubekk hjálpar þér að gera sem mest úr plássinu. Stærð vinnubekksins þarf að vera í takt við stærð og lögun vinnusvæðisins. Eftirfarandi eru leiðbeiningar varðandi val á réttri stærð á vinnubekk.

Hæð

Fjarlægðin frá grunni vinnuborðsins að borðplötunni er eitt mikilvægasta atriðið sem þarf að hafa í huga. Stöðluð hæð vinnubekkja er 84 – 91 cm. Þú finnur einnig hæðarstillanlega bekki sem gera þér kleift að stilla hæðina nákvæmlega eftir þínum þörfum. Þetta gerir bekkinn mun fjölhæfari fyrir fólk á öllum aldri, sama hversu hávaxið eða lágvaxið það er. Bekkjunum fylgir þó yfirleitt aukakostnaður og svo eru þeir oft ekki eins slitsterkir og bekkir með fastri hæð.

Breidd

Yfirborðið sem þú vinnur við skiptir öllu máli þegar kemur að vinnubekkjum. Stöðluð breidd vinnubekkja er á bilinu 60 cm til 3 metrar og þú hefur því úr gríðarmiklu úrvali að velja til að finna vinnubekk sem hentar þínum þörfum. Hins vegar er mikilvægt að þú mælir rýmið fyrirfram til að tryggja að það sé nógu stórt fyrir vinnubekkinn sem þú ert að spá í. Hafðu einnig í huga að stærra er ekki alltaf betra þegar kemur að vinnubekkjum. Þú þarft ekki að velja 3 metra breiðan vinnubekk ef minni bekkur er meira en nóg.

Góð ráð til að halda vinnubekknum vel skipulögðum

Fólk vinnur auðvitað að allskyns mismunandi verkefnum við vinnubekkinn og hann getur því auðveldlega orðið sóðalegur. Óreiðukennt vinnusvæði er ekki aðeins óþægilegt við vinnu heldur getur það einnig skapað hættu fyrir þig og aðra. Hér eru nokkrar ábendingar til að halda vinnubekknum snyrtilegum og vel skipulögðum.

• Hámarkaðu aðgengi að verkfærum

Ein besta leiðin til að auka skilvirkni á vinnusvæðinu er að tryggja að þú náir auðveldlega í öll verkfærin þín. Ef plássið er af skornum skammti þá gæti verið sniðugt fyrir þig að fá þér gatatöflu. Þessi uppsetning er með fjöldan allan af krókum festum á töflu sem geta borið tólið þín. Með gatatöflu þarftu ekki að stoppa í miðju verkefni til að leita að rafknúnum handbor eða hamri. Öll verkfæri sem þú þarft eru vel skipulögð á einum stað. 

• Bættu nýtingu rýmisins

Lykillinn að því að skapa vel skipulagt rými er að nýta plássið á snjallan hátt. Bekkir með skúffum, hillum og skápum geta hjálpað þér að nýta plássið sem best. Því meira geymslurými sem þú hefur, því auðveldara er að halda rýminu skipulögðu. Notaðu skilrúm til að geyma litla hluti eins og skrúfur, nagla, boltar, rær o.s.frv. Þú getur einnig valið færanlegan vinnubekk með skápum til að geta flutt vinnustöðina þína hvert sem er, fljótt og örugglega.

• Notaðu merkimiða

Merkimiðar eru frábær leið til að halda vinnusvæðinu vel skipulögðu, hvort sem þú vinnur upp á eigin spýtur eða með öðru starfsfólki. Besta leiðin til að merkja verkfæri er annaðhvort að skrá notkunina eða vörumerkið á þau. Starfsfólkt getur einnig merkt tólin með nafni til að koma í veg fyrir að tólin blandist saman. Þetta gæti kannski virkað óspennandi verkefni en það er klárlega þess virði þar sem það heldur rýminu vel skipulögðu og eykur afkastagetuna til muna.

• Passaðu að það sé næg lýsing

Vinnubekkir þurfa mismunandi verklýsingu til að veita aukna lýsingu fyrir ákveðin verkefni, jafnvel í bílskúr með nægilegri birtu. Það kemur þér líklegast á óvart hversu mikill munur hlýst af góðu vinnuljósi.

Verslaðu fyrsta flokks vinnubekki fyrir hvaða bílskúr sem er hjá vidaXL

Við bjóðum upp á feiknamikið úrval af hágæðavinnubekkjum í mismunandi efnum, stærðum og lögunum sem henta þörfum hvers og eins. Við bjóðum meðal annars upp á vinnubekki frá leiðandi framleiðendum til að tryggja viðskiptavinum okkar vörur sem uppfylla hæstu iðnaðarstaðla. Hvort sem þú ert vélvirki eða smiður þá bjóðum við upp á allra bestu vinnubekki sem völ er á. Skoðaðu vöruúrvalið okkar í dag til að finna hinn fullkomna vinnubekk fyrir vinnusvæðið þitt.