Húsgögn - Furuviður Bístrósett (8 Niðurstöður)

Hvernig þú velur réttu húsgögnin 

Ertu að plana að innrétta heimilið eða skrifstofuhúsnæðið? Húsgögn eru nauðsynlegur hluti af öllum híbýlum og vinnurýmum. Hús er ekki heimili án húsgagna og skrifstofan væri svo sannarlega ekki fullbúin án réttu húsgagnanna. Húsgögn gefa þér þægilegan stað til að sitja, borða eða skrifa og þau geta einnig haft gríðarleg áhrif á heildarútlitið í rýminu.

Það getur verið yfirþyrmandi að þurfa að velja ný húsgögn, hvort sem þau eru fyrir nýtt heimili eða gamalt. Þetta á sérstaklega við ef þetta er í fyrsta skiptið sem þú kaupir húsgögn og veist ekki hvar þú átt að byrja. Þú getur valið hvaða húsgögn sem er en þó þarftu að hafa ýmsa þætti í huga til að tryggja að þú veljir vel.

Við erum þér innan handar ef þú ert ekki viss um hvaða húsgögn þú þarft fyrir eignina þína. Þessar ítarlegu leiðbeiningar aðstoða þig við að velja húsgögn sem bæta hagnýtni og stíl við rýmið. 

Mismunandi tegundir húsgagna

Ótalmargar mismunandi tegundir eru til af húsgögnum. Áður en þú byrjar að skoða húsgögn fyrir heimilið eða skrifstofuna þá er sniðugt að þú kynnir þér mismunandi tegundir húsgagna. Við leiðum þig hér í gegnum ýmsa valkosti til að hjálpa þér að átta þig á því hvaða tegundir húsgagna þig vantar fyrir rýmið.

Stofuhúsgögn

Stofan er ávallt hjarta heimilisins þar sem hún er samverustaður fjölskyldunnar. Því er mikilvægt að þú finnir húsgögn sem hjálpa þér að skapa hagnýtt, þægilegt og fallegt heimili. Gakktu úr skugga um að nóg sé af húsgögnum fyrir alla og hafðu einnig nóg pláss til að auðvelt sé að ganga um. Algengustu tegundir stofuhúsgagna eru sófar, einingasófar, stólar, sófaborð, bekkir, opnar hillur, bókaskápar og sjónvarpsstandar.

Borðstofuhúsgögn

Borðstofan er ómissandi á öllum heimilum þar sem hún er miðpunktur fjölskyldukvöldmáltíða og vinahittinga. Borðstofan er einnig tilvalinn staður fyrir rólegri stundir eins og sunnudagssteikina með makanum eða morgunkaffið í einrúmi. Stundir eins og þessar krefjast réttu húsgagnanna. Algengustu gerðir borðstofuhúsgagna eru borðstofuborð, hliðarstólar, hægindastólar, barstólar og kollar.

Svefnherbergishúsgögn

Ólíkt öðrum herbergjum þá veitir svefnherbergið þér meira frelsi hvað varðar hönnun. Það er þrátt fyrir allt aðeins undir þér og makanum þínum komið hvernig húsgögnin í svefnherberginu eiga að vera. Best er að hafa svefnherbergið hagkvæmt og þægilegt. Val þitt á rúmi hefur mikil áhrif á svefngæðin og því er afar mikilvægt að þú áttir þig á því hvaða tegund þú vilt velja. Aðrar tegundir húsgagna sem þú þarft fyrir svefnherbergið eru dýnur, speglar, kommóður, kistur, náttborð og bekkir.

Skrifstofuhúsgögn

Hvort sem þú vinnur heima eða á skrifstofu þá þarftu þægilegt og vel skipulagt rými sem ýtir undir góða vinnu. Meðalstarfsmaðurinn eyðir 8 – 10 klukkustundum á dag í að vinna, sem er auðvitað þónokkuð mikill tími. Þægindi skrifstofuhúsgagnanna hefur áhrif á það hversu mikið og vel þú vinnur. Af þessum sökum ættirðu aðeins að kaupa húsgögn á netinu sem eru þægileg. Algengustu gerðir skrifstofuhúsgagna eru skrifstofuborð, skrifstofustólar og skjalaskápar.

Hvaða efniviður er réttur fyrir húsgögn?

Ótrúlegt nokk þá hefur efniviðurinn sem þú velur fyrir húsgögnin þín mikil áhrif á útlit og ásýnd eignarinnar. Þegar mismunandi efniviðir eru bornir saman þá er sniðugt að þú hafir í huga útlit, notagildi (þ.e. fyrir heimilið eða skrifstofuna), verðflokk, rakastig og annað. Þú þarft einnig að hafa í huga hvaða rými húsgögnin eiga að fara í. Eftirfarandi eru algengustu efnin fyrir húsgögn.

Viður

Viður er án efa vinsælasti efniviðurinn og hann er stöðugur, náttúrulegur, tímalaus og klassískur efniviður sem hefur verið notaður í inni- og útihúsgögn í óramörg ár. Flest húsgögn á heimilum eru úr viði. Hvort sem um er að ræða svefnherbergi eða garð þá er viður einn besti efniviðurinn fyrir einstök húsgögn. Viðarhúsgögn eru frábær leið til að gefa eigninni náttúrulegt útlit. Mismunandi viðartegundir eru í boði og þar má nefna tekkvið, eikarvið, akasíuvið og fleiri.

Hver viðartegund er einstök hvað varðar byggingu og útlit og þú færð því ávallt einstakt útlit. Tekkviður er einstaklega vinsæll þökk sé miklum styrk og endingu. Hátt olíuinnihald gerir hann ónæman fyrir vatni, meindýrum og veðri. Viður er tilvalinn fyrir hvaða heimili sem er.

Plast

Plast er létt og fjölhæft og er vinsælt efni í húsgögn þar sem hægt er að móta það í nánast hvaða form sem er. Það er ódýrt og hentar bæði til notkunar innan- og utandyra. Húsgögn úr plasti fást í ýmsum litum sem henta stíl og smekk hvers og eins. Plast hefur þó tilhneigingu til að missa styrk með tímanum. Plast í hærri gæðaflokki er sterkara og þolir betur erfið veðurskilyrði þegar það er notað utandyra, en það kostar þó nokkuð meira en venjulegt plast.

Ryðfrítt stál

Stál er létt og endingargott og er annað sígilt efni sem er frábært val fyrir húsgögn. Eins og nafnið gefur til kynna þá tærist ryðfrítt stál ekki né ryðgar eða litast auðveldlega. Það er vinsælt val fyrir útihúsgögn þar sem það þolir allskyns veðráttu. Húsgögn úr ryðfríu stáli ættu að endast í mörg ár með viðeigandi umönnun og viðhaldi. Húsgögn úr ryðfríu stáli fást í mismunandi gerðum og stærðum sem oft eru fyrirferðarlitlar og þægilegar í geymslu og virka vel með allskyns hönnunum.

Gler

Gler er tiltölulega nýtt af nálinni hvað varðar húsgagnasmíði en það hefur fljótt orðið afar vinsæll efniviður í nútímalegum innréttingum. Helsti kosturinn við gler er að auðvelt er að beygja það í form sem gætu reynst ómöguleg með önnur efni. Hert gler er oft notað í húsgögn. Glerhúsgögn eru oft í minimalískri hönnun og eru þekkt fyrir fegurð og fágun.

Vefnaður

Vefnaður er annar vinsæll efniviður fyrir húsgögn. Hann sést oft á bólstruðum sófum og stólum þar sem hann er mjúkur, hlýr og afar þægilegur. Varanleiki efnisins fer eftir flokknum og innihaldi efniviðarins. Efnið teygist ekki eins og leður en fæst þó í ótalmörgum litum og mynstrum. Algengustu efnin eru m.a. bómull, flauel, hör og júta. Veldu efni sem er veðurþolið, eins og pólýester og akrýl. 

Pólýrattan

Rattan er einn besti efniviðurinn fyrir húsgögn, bæði inni og úti, þar sem það er bæði fjölhæft og náttúrulegt. Þó getur það verið dýrt og erfitt í viðhaldi. Til allrar hamingju fæst gerviútgáfa af efninu sem kallast pólýrattan. Húsgögn úr pólýrattani eru með náttúrulegu útliti, krefjast lítils viðhalds og eru þar að auki létt. Þau eru auk þess endingargóð og fást í allskyns lögunum, stærðum og hönnunum. Pólýrattan er frábær efniviður fyrir útihúsgögn þar sem það þolir allskyns veðráttu.

Samsettur viður

Samsettur viður þekkist einnig sem manngerður viður og hann er samsetning af trjákurli og aukaafurðum frá viði sem sett er saman með lími og síðan þjappað saman svo að varan líti út eins og viður. Algengustu tegundir samsetts viðar eru krossviður, spónaplata (MDF) og samlímt timbur. Húsgögn framleidd úr samsettum viði eru endingargóð og þola raka. Þetta efni er góður kostur til að búa til stílhrein húsgögn eins og fataskápa, bókahillur og eldhússkápa.

Hvaða stærð húsgagna ættirðu að velja?

Þegar þú verslar húsgögn þá er gott að velja hluti sem passa vel við eignina þína. En hvernig veistu hvaða stærð húsgagna þú þarft? Það fer allt eftir herberginu. Eftirfarandi eru leiðbeiningar til að hjálpa þér að velja réttu stærðina.

• Áttaðu þig á tilgangi rýmisins

Til að nýta rýmið vel þá er mikilvægt að þú áttir þig á því hvernig þú vilt nota herbergið. Ef þú ert t.d. með stóra fjölskyldu þá skaltu skoða mjúka sófa sem rúma nokkuð marga. Sniðugt er að velja sófaborð í stærra lagi ef fjölskyldunni finnst gott að borða í stofunni.

• Mældu eignina

Það síðasta sem þú vilt gera er að kaupa sófa eða garðbekk og komast svo að því að húsgagnið passar ekki vel í rýmið. Ótrúlegt nokk þá kaupir fólk oft húsgögn á netinu án þess að vera búið að taka mál rýmisins eða húsgagnsins. Það gæti virst óþarfi að þurfa að mæla húsgagnið eða rýmið, en betra er þó að gera það til öryggis til að forðast vesen eftir afhendingu. Taktu mál á lengd og breidd veggja, gólfa og hæð herbergis.

• Hannaðu útlitið

Ef þú veist hvað þú vilt og hvernig þú vilt að húsgögnin passi þá ættirðu að geta fundið réttu húsgögnin fyrir rýmið. Sniðugt er að búa til teikningu af rýminu þar sem það gefur þér skýrari mynd af því hvernig rýmið mun líta út þegar húsgögnin eru komin á sinn stað. Ef fjölskyldan elskar t.d. að horfa á sjónvarpið og þú ert að leita að sófa sem býður upp á mikið setupláss þá hjálpar skipulagið þér að ákvarða hvaða sófa þú þarft.

• Áttaðu þig á stílnum þínum

Stíllinn sem þú velur hefur einnig áhrif á stærð húsgagnanna í hverju rými. Stórt og nútímalegt húsgagn hentar best í stórt rými eða útisvæði. Hins vegar virka húsgögn í bóhemstíl vel fyrir lítil herbergi. Stærð húsgagnanna gæti verið sú sama en þau geta þó auðveldlega litið misstór út þegar þau eru komin í rýmið. Mismunandi húsgögn í sömu stærð hafa mismunandi sjónræn áhrif í sama rýminu.

Hvernig velurðu húsgögn sem virka vel saman?

Nú þegar þú veist hvaða efni og stærð húsgagna þú átt að velja þá er næsta skrefið að velja hluti sem fara vel saman. Þó að þú vitir kannski hvaða húsgögn þig langar til að kaupa þá þýðir það ekki að þú vitir hvernig þú eigir að setja þau saman. Marga dreymir um að skapa persónulegt rými með allskyns húsgagnahönnunum. Eftirfarandi leiðbeiningar hjálpa þér að velja húsgögn sem virka vel saman og skapa rými með góðu jafnvægi.

• Litir: Þú getur notað liti til að binda saman húsgögn í mismunandi hönnunum. Veldu liti sem parast fallega saman, t.d. svartan og appelsínugulan eða fjólubláan og bláan. Ef þú vilt bæta hlutum í mismunandi litum við herbergið þá skaltu passa að bakgrunnurinn sé í hlutlausum lit eins og dröppuðum eða hvítum.

• Mynstur: Afar notalegt er að vera í herbergi sem blandar saman mismunandi mynstrum á fallegan hátt. Efni með andstæðum litum og djörfum mynstrum binda saman rými með húsgögnum sem virka ekki vel saman.

• Efni: Ef þú kýst lituð viðarhúsgögn þá er sniðugt að velja húsgögn í sama litatóninum. Þú getur einnig blandað saman ljósum og dökkum viði en vertu þó viss um að vera með nokkurn veginn jafn mörg húsgögn í hverjum lit til að koma jafnvægi á rýmið. Málmur er frábær valkostur fyrir nútímaleg herbergi en hann er hugsanlega ekki besti kosturinn fyrir formleg rými. 

Hér hjá vidaXL bjóðum við upp á mikið úrval húsgagna. Skoðaðu úrvalið okkar til að finna réttu húsgögnin fyrir eignina þína.