Fata- & klæðaskápar (227 Niðurstöður)

Finndu fullkominn fataskáp fyrir svefnherbergið

Fataskápur er ómissandi í öll svefnherbergi. Hann býður upp á hirslu fyrir föt, rúmföt, handklæði og annað og heldur svefnherberginu snyrtilegu og vel skipulögðu. Auðvelt er að velja skáp í flottri hönnun sem setur tóninn fyrir restina af herberginu.

Fjárfesting í góðum fataskáp er afar mikilvæg ef þú vilt að svefnherbergið láti þér líða vel um ókomin ár. Fataskápar fást í fjölmörgum gerðum, stærðum, hönnunum og efnum og þú finnur því án efa eitthvað sem hentar þér.

Við hjá vidaXL bjóðum upp á gríðarlegt úrval af fataskápum sem henta öllum gerðum svefnherbergja. Hvort sem þú ert að leita að fyrirferðarlitlum fataskáp fyrir lítið svefnherbergi, hornfataskáp til að spara pláss eða stórum fataskáp fyrir öll fallegu fötin þín, þá finnurðu vafalaust alveg nákvæmlega það sem þú þarft á að halda í úrvalinu okkar.

Fataskáparnir okkar eru ekki einungis hagkvæmir heldur einnig vel hannaðir og þeir gefa því svefnherberginu fágað yfirbragð. Skoðaðu úrvalið okkar til að finna hina fullkomnu geymslulausn fyrir rýmið.

Mismunandi tegundir fataskápa

Fyrsta skrefið í átt að rétta fataskápnum er að skoða mismunandi gerðir fataskápa og kynna sér hvað er í boði. Það er mikilvægt að þú sért viss um að fataskápurinn henti þínum þörfum. Þá er gott að hafa reglulega notkun í huga og hversu mikið þarf að komast í skápinn. Lítum aðeins á mismunandi gerðir fataskápa fyrir svefnherbergið.

Fataskápar með hurðar á hjörum

Fataskápar með hjörum er algengasta tegundin af fataskápum. Hurðar á hjörum opnast út og því er auðvelt að komast að fötunum. Skápar með hjörum fást í mismunandi hönnunum, litum og áferðum og því er auðvelt að finna fataskáp sem hentar fyrir sérhvert svefnherbergi. Þessi tegund fataskáps er frábær leið til að bæta skápaplássi við heimilið. Skápurinn hentar vel í svefnherbergið, búningsklefann eða á ganginn.

Fataskápar með rennihurðum

Fataskápar með rennihurðum eru stílhrein og plásssparandi geymslulausn fyrir nútímaleg heimili. Ólíkt fataskápum með hurðum á hjörum þá renna hurðir þessara fataskápa mjúklega frá einni hlið til annarrar. Fataskápar með rennihurðum henta vel í lítil herbergi, sérstaklega ef skápurinn þarf að vera nálægt rúminu. Þessi tegund skápa er yfirleitt stærri en aðrar og veitir meira pláss fyrir ýmsa hluti. Skáparnir fást auk þess í mismunandi hönnunum sem virka vel með ýmsum innréttingum.

Fataskápar sem hægt er að ganga inn í

Þessi tegund fataskápa er ekki bara stærsta gerðin af fataskápum heldur einnig íburðarmesta gerðin. Hún er draumaskápur flestra og hún býður upp á frábæra leið til að sýna dótið þitt á afar skipulagðan hátt. Þú getur sérsniðið fataskápinn að þínum smekk með því að bæta við slám og hillum fyrir hluti eins og föt, skartgripi, skó og töskur. Mun auðveldara er að velja föt dagsins með fataskáp sem hægt er að ganga inn í.

Frístandandi fataskápar

Eins og nafnið gefur til kynna eru frístandandi fataskápar ekki festir við vegg. Þessi tegund skápa er góður kostur fyrir fólk sem breytir reglulega til í svefnherberginu. Ólíkt innbyggðum einingum er hægt að færa frístandandi fataskápa frá einum stað til annars. Þessir fataskápar eru fáanlegir í mismunandi hönnunum og með mismunandi uppsetningum að innan. Góður kostur fyrir lítil herbergi.

Fataskápar með speglum

Fataskápar með speglum gefa geymslupláss fyrir föt en þeir veita einnig spegil í fullri lengd. Þessi tegund skáps er afar fjölhæft húsgagn sem hentar vel fyrir dökkar innréttingar þar sem speglarnir endurkasta ljósi og fá rýmið til að virka opnara. Annar kostur við fataskápa af þessum toga er að auðvelt er að sjá hvernig klæðnaðurinn lítur út, sem auðveldar valið á dressi dagsins. Speglarnir fela einnig fataskápinn og fá hann þannig til að falla betur inn í svefnherbergið.

Hvaða efni ættirðu að velja fyrir fataskápinn?

Fataskápur er svo miklu meira en bara hirsla til að geyma föt. Hann er stór hluti af innréttingu svefnherbergisins. Því er mikilvægt að velja rétta efnið ef þú vilt undirstrika hönnun svefnherbergisins. Við höfum hér sett saman lista yfir bestu efnin fyrir fataskápa til að auðvelda þér valið.

Samsettur viður

Krossviður er einn vinsælasti samsetti viðurinn. Hann er gerður úr tveimur eða fleiri viðarlögum sem límd hafa verið saman. Viðartrefjum hvers samliggjandi lags er snúið um 90 gráður við næsta lag til að gefa efninu gífurlegan styrk.

MDF (spónaplata) er önnur algeng tegund af samsettum viði sem notuð er í fataskápa. Efniviðurinn er gerður úr leifum af mjúkviði og harðviði sem eru límdar saman og síðan þjappað saman til að mynda þétt þil.

Báðar þessar tegundir af samsettum viði henta frábærlega fyrir fataskápa og geymsluskápa. MDF er þó ekki alveg jafn slitsterkt og krossviður og hentar hugsanlega ekki eins vel í rými með miklum raka, eins og eldhús eða baðherbergi. Mælt er með krossviði sem meginefni í fataskápa.

Viður

Viður er harðger og sígildur í útliti og hann er því einn mest notaði efniviðurinn. Fataskápar úr viði eru með heillandi trefjum sem eldast fallega. Þeir virka einnig vel með nánast hvaða innréttingum sem er. Þeir gefa svefnherberginu hlýju og þú þarft ekki að pússa þá reglulega til að halda þeim í toppstandi.

Málmur

Málmur er þekktur fyrir að vera afar fallegur. Fataskápur úr málmi bíður upp á skemmtilega og flotta leið til að geyma föt. Ólíkt viðarskápum með útskornum og flóknum mynstrum þá eru fataskápar úr málmi einfaldir en jafnframt fágaðir. Þau fást einnig í mismunandi hönnunum sem henta allskyns smekk og óskum.

Plast

Fataskápar úr plasti verða sífellt vinsælli. Þeir eru ónæmir fyrir termítum og myglu og þeir eru léttari en aðrir fataskápar, sem gerir þá auðvelda í tilfærslu og flutningi. Þeir þola einnig fall og draga ekki í sig vatn eða olíu. Ef fjölskyldan er lítil þá eru fataskápar úr plasti frábær valkostur þar sem þeir eru hagkvæmir og taka lítið pláss. Einnig er auðvelt að setja þá saman og taka þá í sundur. Í flestum tilfellum þarf notandinn ekki aðstoð við setja skápinn saman eða taka hann í sundur.

Stál

Fataskápar úr stáli eru þekktir fyrir endingu og rennislétt útlit. Grindin og meginhluti skápsins tekur mjög lítið pláss, sem gerir skáp af þessum toga að frábærum kosti fyrir minni svefnherbergi. Fataskápar úr stáli eru nútímalegir og stöðugir og virka því vel í minimalísk rými. Þeir eru með glansandi áferð sem bætir stíl og glæsileika við hvaða svefnherbergi sem er. Þeir eru einnig afar viðhaldslitlir.

Hvaða stærð fataskáps ættirðu að velja fyrir svefnherbergið?

Rétt stærð á fataskáp getur verið afgerandi hvað varðar geymsluplássið í svefnherberginu. Byrjaðu á því að mæla gólfplássið og veggplássið. Gott er að velja skáp sem er eins stór og þú kemst upp með, þar sem aldrei er hægt að vera með of mikið af skápaplássi.

Mikilvægt er að athuga hvort nóg pláss sé til að opna hurðar og labba um herbergið. Hér eru ráð varðandi hvernig á að velja rétta stærð á fataskáp.

• Breidd: Fataskápar fást í mismunandi breiddum. Ákjósanleg breidd skápsins fer eftir lausu veggplássi á lengdina. Ef pláss er af skornum skammti þá er sniðugt að velja skáp með rennihurðum þar sem slíkur skápur tekur minna pláss en skápur með hurðum sem opnast út á við.

• Dýpt: Rétt dýpt er mikilvæg ef þú vilt gera sem mest úr skápaplássinu. Veldu fataskáp með nógu miklu plássi til að rúma flíkur á borð við jakka og kápur. Hillur og skúffur ættu að vera nógu stórar til að geta rúmað fylgihluti.

• Hæð: Best er að mæla hæð rýmisins áður en þú velur hæð fataskápsins. Fátaskápar fást í mismunandi hæðum og því þarftu að ganga úr skugga um að þú veljir skáp sem er passlegur fyrir laust veggpláss.

Hvernig best er að velja fataskáp út frá tegund svefnherbergisins

Það er líka hægt að velja fataskáp eftir því í hvaða svefnherbergi hann á að fara. Fataskápur í hjónaherbergi er til dæmis oft með fleiri eiginleikum en aðrir skápar. Fataskápur í gestaherbergi er hins vegar yfirleitt í einfaldari kantinum. Hér eru ráð varðandi hvernig á að velja fataskáp út frá tegund svefnherbergisins.

Hjónaherbergi

Fataskápur í hjónaherbergi geymir yfirleitt hina og þessa aukahluti og má því gjarnan vera í stærri kantinum. Algengustu fataskáparnir í hjónaherbergi eru meðal annars skápar sem hægt er að ganga inn í og skápar með samleggjanlegum hurðum. Þú getur sérsniðið fataskápinn í hjónaherberginu með speglahurðum eða öðrum fylgihlutum.

Barnaherbergi

Fataskápur í barnaherbergi þarf fyrst og fremst að vera aðgengilegur. Hann ætti einnig að vera með góðu geymsluplássi og í efnivið og áferðum sem auðvelt er að viðhalda. Þú getur parað fataskáp barnsins við skólatengd húsgögn.

Gestaherbergi

Ólíkt hjónaherbergjum og barnaherbergjum eru gestaherbergi yfirleitt ekki notuð reglulega. Þau eru oft í minni kantinum og eru yfirleitt annað hvort með fataskáp eða sjónvarpskáp. Einfaldur geymsluskápur hentar oft afar vel í gestaherbergi.

Flottar hugmyndir fyrir fataskápinn sem vert er að hafa í huga

Þú þarft ekki lengur að sætta þig við óspennandi svefnherbergishúsgögn. Það er kominn tími á vel skipulagðan fataskáp sem ber af hvað farðar fágun og stíl. Allskyns fataskápar eru á markaðnum í dag og þú þarft því ekki að sætta þig við lummulega og óhagnýta skápa.

Við bjóðum hér upp á nokkrar fataskápshugmyndir sem gera svefnherbergið bæði hagnýtt og stílhreint.

• Fataskápur úr viði er frábær valkostur fyrir bæði hefðbundið og nútímalegt svefnherbergi. Gerir rýmið notalegra

• Dass af köldum eða heitum litum getur flikkað upp á rýmið og gefið því afslappandi andrúmsloft

• Uppfærðu þreyttan fataskáp með „shabby chic“ stíl

• Settu upp hillur nálægt fataskápnum til að auka geymslupláss fyrir aukahluti

• Dökkur viður bætir sígildum og íburðarmiklum blæ við fataskápa sem hægt er að ganga beint inn í

• Skór skipta líka máli. Mundu að vera með nóg af aðgengilegu geymslurými

• Einfaldar og mjúkrennandi rennihurðar virka vel með hlutlausum innréttingum.

Ertu í leit að rétta fataskápnum fyrir skrifstofuna? Skoðaðu heimasíðuna okkar til að fá yfirlit yfir flottustu fataskápana á markaðnum.