Val á lautarteppi fyrir næsta ævintýrið þitt

Það jafnast ekkert á við að breiða úr lautarteppi utandyra og njóta þess að fá sér snarl og drykki með vinum og vandamönnum. Lautarteppi er þó ekki eitthvað sem við spáum flest í. Það er ekki fyrr en maður er kominn út á kalda jörðina að maður fattar að það hefði verið gott að vera með teppi. Hvort sem jörðin er örlítið mjúk af leðju eða dögg er á grasinu, þá mun vatnshelt lautarteppi koma sér vel til að halda öllum rössum þurrum í útivistinni.

Fyrir utan gott veðurþol þá þarf lautarteppi að vera rifþolið og auðvelt þarf að vera að hrista lauf, gras og annað af teppinu. Það ætti einnig að vera auðvelt að þrífa aðra hluti sem sullast niður eins og vín eða safa. Það eru til allskyns lautarteppi og því getur verið snúið að velja rétta teppið. Sem betur fer höfum við búið til þessar leiðbeiningar til að hjálpa þér að finna rétta teppið fyrir næstu notalegheit undir berum himni.

Hvaða efni ættirðu að velja fyrir lautarteppið?

Efni lautarteppisins er einn mikilvægasti þátturinn þegar kemur að því að velja teppi. Útlit og gæði efnisins ræðst af því hvaða efni þú velur. Hér eru algengustu efnin fyrir lautarteppi.

Nælonteppi

Nælon eða pólýprópýlen er einn vinsælasti kosturinn fyrir lautarferðateppi þar sem það er vatnsþolið, endingargott, andar vel og þornar hratt. Það er líka frábært val fyrir ströndina þar sem auðvelt er að hrista sandinn af teppinu. Nælon er einnig létt og tekur lítið pláss, sem gerir það auðvelt í tilfærslu á hvaða tjaldsvæði sem er. Þar að auki eru nælonteppi ódýr. Hluti af því sem gerir þetta efni nánast óslítanlegt er gervieðli efnanna og trefjanna sem notuð eru við framleiðslu vörunnar. Af þessum sökum er yfirleitt kemísk lykt af nælonteppum fyrst um skeið.

Ullarteppi

Ull er búin til úr náttúrulegum trefjum úr gæruskinni eða hári af sauðfé og öðrum dýrum eins og kanínum, úlföldum og geitum. Helsti kosturinn við ull er að hún veitir einangrun jafnvel þegar örlítill raki kemst í efnið. Þar að auki er ullarteppi brunaþolið og þú þarft því ekki að hafa áhyggjur af því að það kveikni í lautarteppinu þínu þegar þú situr við útieldstæði. Lautarteppi úr ull eru þó þung og þau eru því hugsanlega ekki besti kosturinn á heitum sumarmánuðum.

Flísteppi

Flís er gerviefni sem býður upp á sömu eiginleika og náttúruleiki ullarinnar og það veitir jafnframt þægindi til að njóta útivistarinnar. Lautarferðateppi úr flís veita frábæra einangrun og svo eru þau líka létt. Þau anda, þorna fljótt og hægt er að þvo þau í vél. Helsti gallinn er sá að flís er afar eldfimt.

Hversu stórt ætti lautarteppið að vera?

Annar mikilvægur eiginleiki sem þú þarft að hafa í huga við kaup á lautarteppi er stærð teppisins. Til að ákvarða stærðina er gott að þú reynir að átta þig á því hvernig þú ætlar að nota teppið. Valið er aðallega háð þörfum þínum. Ætlarðu til dæmis í útilegu upp á eigin spýtur eða með fjölskyldu og vinum? Þarftu pláss fyrir mat? Hér eru stöðluð mál á lautarferðateppum allt eftir fjölda fólks.

Par eða tveir einstaklingar – 1,3 x 1,5 m eða stærra

Þrír til fjórir manns – 1,3 x 2 m eða stærra

Fjórir til fimm manns – 1,5 x 2 m eða stærra

Fimm manns eða fleiri – 2 x 2 m eða stærra

Svo er auðvitað hægt að nota minni lautarteppi fyrir börn eða gæludýr. Flestir kjósa þó teppi sem rúmar fleiri manns svo að teppið komi að góðum notum á heitum sumardögum, í lautarferð eða við aðra viðburði. Stærra er alltaf betra, en mundu samt að stórt lautarteppi tekur meira geymslupláss.

Aðrir mikilvægir eiginleikar til að hafa í huga

Burtséð frá efni og stærð þá eru nokkrir mikilvægir eiginleikar sem þarf að gæta að við val á lautarferðateppi. Þegar allt kemur til alls þá er best að velja teppi sem er þægilegt, auðvelt í geymslu og fjölhæft. Það ætti einnig að vera endingargott og auðvelt í þrifum. Hér að neðan skoðum við nokkra mikilvæga þætti sem þú þarft að hafa í huga við val á lautarteppi.

Hvernig þú ætlar að nota það

Lautarteppi ætti að gera borðhald útivið eins þægilegt og hægt er. Hugsaðu um teppið sem grunninn að frábærri lautarferðaupplifun. Þetta er staðurinn sem þú situr á og setur matarborðið á. Gott lautarteppi ætti að vera þægilegt við setu án púða. Það ætti hins vegar líka að veita stöðugt yfirborð fyrir matinn þinn.

Mýkt

Efsta lagið, einnig þekkt sem einangrunarlagið, ætti að vera þægilegt við setu í lengri tíma í senn. Veldu þykkt teppi svo að þú getir haft það notalegt í útiverunni. Flest lautarteppi eru fjölnota, þannig að ef það er mjög kalt á nóttunni og þú ert í útilegu þá ættirðu að geta notað það sem alvöru teppi til að vernda þig gegn kuldanum.

Rakavörn

Frábært lautarteppi ætti að vernda þig gegn raka. Teppi með rakavörðum eiginleikum ætti að virka sem veggur milli þín og jarðarinnar og koma í veg fyrir að rigning, dögg eða mold bleyti fötin þín. Veldu lautarferðateppi með vatnsheldri undirhlið til að halda öllum þurrum. Þú getur líka notað vatnshelt lautarteppi sem regnhlíf ef þú lendir í dembu. Veldu teppi með vatnsþolinni húðun til að tryggja þurra rassa og fætur í útiverunni.

Færanleiki

Þegar þú ferð í lautarferð þá ertu yfirleitt með allskyns hluti sem þú þarft að bera. Þetta gætu verið bollar, diskar, hnífapör, matur og annað. Svo eru auðvitað allskyns aðrir hlutir á borð við hátalara, körfubolta o.s.frv. Þegar þú þarft að bera svona mikið af dóti þá viltu auðvitað helst að lautarteppið sé sem auðveldast í burði. Sem betur fer er auðvelt að brjóta flest lautarteppi saman í fyrirferðarminni lögun til að auðvelda flutning. Það er jafnvel enn auðveldara að bera teppið ef það er með handfangi eða ól. Sumir pökkunarpokar eru með bandi sem virkar þá einnig sem handfang. Ef þú hefur möguleika á því, þá er sniðugt að nota karabínu til að festa teppið við töskuna þína - þannig fækkarðu hlutunum sem þú þarft að bera.

Litur

Þegar það kemur að litum þá erum við öll auðvitað með okkar eigin smekk. Sumir litir henta þó betur til útivistar en aðrir. Bjartir litir eru frábærir fyrir útivist þar sem þeir gera upplifunina heillandi og líflega. Á hinn bóginn geta daufir litir dempað stemninguna. Svo hefurðu líka kost á að velja liti sem falla vel inn í umhverfið. Ef þú ert til dæmis að fara í lautarferð í garðinum, veldu þá grænt eða brúnt teppi sem fer vel við grasið. Ef þú ert að fara í lautarferð á ströndinni, veldu þá bjartari liti.

Auðveld þrif

Það er aldrei hægt að leggja of mikla áherslu á mikilvægi þess að velja lautarteppi sem er auðvelt í þrifum. Við viljum öll borða á hreinu yfirborði. Sem betur fer eru flest vatnsheld lautarteppi hönnuð til að vera auðveld í þrifum. Þú hristir einfaldlega sandinn af eða burstar lauf og gras af teppinu og þá ætti allt að vera komið. Ef teppið er hinsvegar úr tauefni þá gætirðu þurft að þvo það. Athugaðu leiðbeiningar framleiðanda til að sjá hvort það þurfi að þvo teppið í höndunum eða hvort það megi þvo það í vél. Lestu þvottaleiðbeiningar fyrir lautarteppi með vatnsheldri húðun afar vel. Vélaþvottur getur skaddað rakaþéttandi eiginleika á vatnsheldri húðun.

Ábendingar um umhirðu lautarteppa

Þó að lautarferðateppi séu hönnuð fyrir útinotkun þá endast þau ekkert sérlega lengi ef ekki er hugsað vel um þau. Hér eru nokkur ráð varðandi umhirðu til að hjálpa þér að halda lautarteppinu í toppstandi.

• Ekki geyma teppið á rökum stað

Ef þú geymir lautarteppið þitt á rökum stað þá gæti það ýtt undir myglumyndun. Ef þú pakkar blautu teppi niður í flýti og lætur það vera í nokkra klukkutíma þá gætirðu lent í ófögru sjokki. Það er ekki alltaf hægt að ná myglublettum af, jafnvel eftir þvott, og því gæti þetta auðveldlega haft áhrif á gæði teppisins. Rakt teppi gefur líka af sér leiðinlega lykt sem hverfur ekki endilega rakleiðis. Besta leiðin til að halda teppinu í góðu standi er að þurrka það í opnu rými eftir hverja lautarferð. Þegar það er alveg þurrt þá skaltu brjóta það saman og geyma það á þurrum stað þangað til þú notar það næst.

• Fjarlægðu bletti úr teppinu

Margir hafa tilhneigingu til að hunsa bletti þegar þeir koma auga á þá og halda að það verði ekkert mál að fjarlægja blettina seinna. Sumir blettir geta hins vegar verið það þrjóskir að þeir festast algjörlega ef maður bíður með að þrífa þá þangað til maður kemur heim. Ef þú tekur eftir litlum bletti þá skaltu fjarlægja hann eins fljótt og þú getur. Með stærri bletti er sniðugt að leggja teppið í bleyti með hreinsiefni þegar þú kemur heim.

• Fylgdu þvottaleiðbeiningum framleiðanda

Eins og áður hefur komið fram þá bjóða framleiðendur yfirleitt upp á sérstakar leiðbeiningar varðandi þvott á lautarteppum. Það fer eftir því úr hvaða efni teppið er. Ekki er hægt að handþvo sum lautarferðarteppi og svo má ekki þurrka önnur teppi á þvottasnúru. Besta leiðin til að halda teppinu í toppstandi í áraraðir er að fara eftir þvottaleiðbeiningum framleiðanda.

• Ekki láta lautarteppið vera í beinu sólarljósi of lengi

Þótt það sé góð hugmynd að hengja teppið upp til þornunar áður en þú setur það í geymslu, þá verður að taka það af snúrunni á réttum tíma svo að teppið hljóti ekki skaða af of miklu sólarljósi. Sum efni hafa auk þess tilhneigingu til að dofna ef þau eru í sólinni of lengi.

Verslaðu vatnsheld lautarteppi hjá vidaXL

Hér hjá vidaXL bjóðum við upp á mikið úrval af fyrsta flokks lautarferðateppum í mismunandi efnum, gerðum, stærðum og litum. Við eigum teppi frá þekktum merkjum og þú getur því treyst á að þú fáir hágæðateppi sem endist lengi. Skoðaðu fjölbreytt úrvalið okkar til að finna lautarteppi sem er vatnshelt, auðvelt í þrifum og fullkomið fyrir öll veðurskilyrði.