Heppilegasta hæð garðstóls ræðst af hæð borðsins sem hann stendur við. Flest hefðbundin garðborð eru 75-80 cm á hæð. Heppilegast er að bil milli stólsetu og borðplötu sé ca 26-30 cm, þannig kemst stóll með armhvílum auðveldlega undir borðið þegar hann er ekki í notkun. Þannig má reikna út að sethæð garðstóls sé heppilegust frá 46-51 cm. 

Þegar kemur að strandstólum þarf helst að íhuga hæð þeirra frá jörðu, baklínu- og fellieiginleika, sem og efnivið í sæti og grind. Við höfum mikið úrval af strandstólum af ýmsu tagi og fyrir hvers konar smekk.

Efniviður garðstólanna ræður öllu um viðhald þeirra. Þó eiga allir það sameiginlegt að það þarf að þrífa þá reglulega og geyma þá við réttar aðstæður í vetrarkulda og vonskuveðrum. Það þarf að olíubera viðarstóla reglulega til þess að þeir haldi áferð og útliti eins lengi og hægt er.