Útistólar

Finndu garðstóla sem henta útisvæðinu

Garðstólar eru hagnýt húsgögn sem mörgum finnst vera ómissandi í garðinn eða á pallinn. Stólarnir bjóða upp á setu fyrir vini og vandamenn og gera útisvæðið þar að auki notalegt. Hvort sem útisvæðið er stórt eða smátt þá er mikilvægt að finna stóla sem henta rýminu og gera það ákjósanlegt bæði fyrir gestagang og einveru.

Garðstólar fást í fjölmörgum gerðum og því getur reynst snúið að finna rétta stólinn fyrir útisvæðið. Ef þú elskar að vera úti og ert í leit að þægilegum garðstól í stíl við garðinn eða pallinn þá geturðu reiknað með okkur. Eftirfarandi leiðbeiningar hjálpa þér að greiða úr hinum ýmsu möguleikum og velja réttu garðhúsgögnin fyrir svæðið.

Úr hvaða efni ætti garðstóllinn að vera?

Með því að velja rétt efni í garðhúsgögnin er hægt að tryggja áralanga nýtingu. Garðhúsgögn fást í mismunandi efniviðum sem hver hefur sína kosti og ókosti. Því er spurningin: Hvernig velurðu rétta efniviðinn fyrir garðstólinn? Hér að neðan lítum við betur á mismunandi valkosti til að hjálpa þér að taka vel upplýsta ákvörðun.

Viður

Viður er harðger og endingargóður og hann er einn vinsælasti efniviðurinn til húsgagnagerðar. Hann hefur sannað sig sem eitt besta efnið við smíðar. Viðarhúsgögn gefa garðinum eða pallinum náttúrulegan blæ sem er kærkominn á útisvæði. Garðstólar úr viði setja þar að auki afslappaðan og fágaðan svip á rýmið.

Hægt er að velja á milli nokkurra viðartegunda. Þar á meðal eru tekkviður, eikarviður og akasíuviður. Tekkviður er vinsælasti viðurinn fyrir garðhúsgögn þar sem hátt olíuinnihald gerir hann ónæman fyrir vatni og skordýrum. Hann eldist líka fallega án þess að þörf sé á vörnum og mikilli hreinsun.

Málmur

Málmur bíður upp á góðan styrk og langan líftíma og hann er því tilvalinn fyrir húsgögn. Hægt er að gera úr honum flókin form sem gefur tækifæri á ýmsum hönnunum. Einnig má nota hann með öðrum efnum sem bæta sínum eigin kostum við blönduna. Þegar kemur að garðstólum er hægt að velja úr nokkrum tegundum af málmi, þar á meðal smíðajárni, stáli og áli.

Smíðajárn er traust, sterkt og endingargott. Það er hinsvegar þungt og hefur tilhneigingu til að ryðga. Málningarlag ætti þó að halda ryði og tæringu í skefjum. Stál er afar sterkt og það er því frábær valkostur fyrir garðhúsgögn sem þurfa að bera mikla þyngd. Það er einnig afar þétt, sem þýðir að það getur tekið á sig dældir án vandkvæða. Það er góður kostur fyrir nútímalega útistóla. Ál er létt, endingargott og ryðþolið. Það er vatnsþolið án húðunar en er þó oft dufthúðað til að bæta enn frekar fok- og vatnsheldni.

Rattan

Garðhúsgögn úr rattan gefa útisvæðinu sígilt sveitaútlit. Náttúrulegt efnið er létt og skapar notalega stemningu á útisvæðinu. Gerviútgáfa fæst einnig í formi pólýrattans, sem verður sífellt vinsælla. Mikilvægt er að hafa í huga að náttúrulegt rattan er ekki vatnshelt. Það hentar því best fyrir yfirbyggðar svalir eða palla. Góðu fréttirnar eru þó að pólýrattan þolir veður og vind og það er því kjörinn kostur fyrir garðhúsgögn.

Bólstrun

Bólstraðir garðstólar eru afar þægilegir. Þeir bjóða upp á góða afslöppun og gefa útisvæðinu heillandi útlit. Þessir þægilegu garðstólar eru klæddir vatnsheldum efnum eins og pólýester, akrýl og vinýl sem anda vel og þola rok og rigningu. Þó er mikilvægt að bólstruð húsgögn séu hulin á veturna.

Plast

Helsti kostur garðstóla úr plasti er að þeir eru algjörlega vatnsheldir, sem þýðr að þú þarft ekki að hylja þá á neinn hátt. Þú getur einnig notað púða í réttu efnunum með stólunum til að auka þægindin.

Hvernig á að velja rétta stærð af garðstól fyrir útisvæðið

Þegar þú verslar garðhúsgögn þá þarftu að tryggja að þau passi fullkomlega í rýmið. Útistólar fást í mismunandi stærðum og gerðum og það getur ruglað marga kaupendur í ríminu. Þú þarft að hafa stærð garðstólsins í huga til að vera viss um að þú veljir rétt. Hér er leiðarvísir til að auðvelda valið.

• Dýpt og breidd

Útistólar með djúpum og breiðum sætum eiga það til að vera þægilegri. Þeir taka þó að sjálfsögðu meira pláss en smærri stólar. Passaðu þig á að velja ekki stól sem er of djúpur fyrir þig þar sem hann gæti reynst óþægilegur til lengdar. Einnig er hægt að velja garðstóla með örmum.

• Hæð

Hæð garðstólsins telst frá sætinu til jarðar. Við val á hæð stólsins er gott að hafa hæð garðborðsins til hliðsjónar. Ef þú ert t.d. með borðstofuborð í garðinum þá er gott að hafa hæðina á stólunum um 46 cm.

Hvernig stíl ættirðu að velja?

Annað mikilvægt atriði sem vert er að hafa í huga þegar þú leitar að garðstól er hvernig stíl þú vilt hafa stólinn í. Stíllinn getur haft mikil áhrif á svip útisvæðisins og því er gott að hafa heildarútlitið bakvið eyrað áður en þú velur stóla. Skoðum hér nokkur mismunandi stílbrigði sem hægt er að velja á milli.

Hefðbundinn stíll

Rattan er einn vinsælasti efniviðurinn á markaðnum. Það hentar frábærlega fyrir afslappað útlit í hefðbundnum garði. Það virkar einnig vel á nútímalegum útisvæðum þegar það er notað með púðum í hlutlausum litum. Viðarstólar eru einnig góður kostur fyrir hefðbundin rými. Tímalaus og klassískur viðurinn setur fallegan og náttúrulegan svip á eignina.

Nútímalegur stíll

Ef þú ert með nútímalegt garð- eða pallsvæði þá er sniðugt að velja garðstóla úr plasti. Bjartir litir og skemmtileg form fríska oft verulega upp á útisvæðið. Flestir plaststólar eru auk þess unnir úr endurunnum efnum og eru því vistvænir. Málmur er einnig frábær valkostur fyrir nútímaleg rými. Slétt yfirbragðið á ryðfríu stáli virkar vel með hvaða nútímalega garði sem er.

Retróstíll

Retróstíllinn á uppruna sinn að rekja til 6. áratugar síðustu aldar. Ef þig langar að bæta áberandi húsgagni við garðinn eða ef þig langar hreinlega að bæta nostalgíu við útisvæðið þá er retróstíll besti kosturinn. Litavalið fyrir retróleg garðhúsgögn er nánast óendanlegt. Litir eins og gulur, blár og rauður bera af. Þú getur einnig valið jarðliti eins og grænan og brúnan. Þessir litir virka vel með allskyns útihlutum. Þegar þú velur efni í retrólegum stíl í garðinn þá skaltu skoða efni sem þola vatn og upplitast ekki.

Bóhemstíll

Ef garðurinn er í bóhemstíl þá eru efni eins og rattan og viður tilvalin. Rattanstólar með lágum hliðarborðum eru örugg leið til að setja afslappaðan svip á garðinn. Einnig má bæta við púðum og teppum með mynstri í jarðlitum.

Hvernig á að viðhalda garðhúsgögnum

Eins og er með allt annað á heimilinu þá þarfnast garðstólar viðhalds. Þegar þú hugsar vel um húsgögnin þá tryggirðu að þau endist í mörg ár. Hér eru nokkur ráð varðandi viðhald sem gott er að hafa bakvið eyrað.

Þrífðu útihúsgögnin reglulega

Þegar óhreinindi safnast upp á útihúsgögnum þá byrja þau smátt og smátt að tærast. Það er því afar mikilvægt að þrífa húsgögnin reglulega. Mismunandi efni krefjast mismunandi hreinsunar. Best er t.d. að hreinsa rattan með fíngerðum bursta. Nóg er hinsvegar að þurrka af plasti með klút eða spúla af því.

Þurrkaðu húsgögnin eftir þrif

Ekki er nóg að þurrka af húsgögnunum eða þvo þau. Þú verður að þurrka húsgögnin eftir þrif til að koma í veg fyrir myglu. Ef mögulegt er skaltu þrífa útihúsgögnin þegar hlýtt er í veðri og leyfa þeim að þorna náttúrulega.

Fjarlægðu myglu um leið og þú tekur eftir henni

Ef þú býrð á röku svæði þá gætirðu tekið eftir að mygla byrjar að myndast á garðhúsgögnunum þínum. Ef það byrjar að gerast þá skaltu fjarlægja mygluna samstundis til að koma í veg fyrir frekara tjón. Notaðu bursta og sápuvatn til að hreinsa viðkomandi svæði og þurrkaðu húsgögnin í náttúrulegri birtu ef mögulegt er.

Forðastu beint sólarljós

Líkt og raki þá geta langvarandi áhrif af beinu sólarljósi skaðað útihúsgögnin þín. Sólarljós til lengri tíma tærir náttúrulegar trefjar garðstólsins. Hægt er að koma í veg fyrir þetta með því að hafa húsgögnin á svæði sem er varið gegn sólinni eða alfarið í skugga.

Húðaðu eða olíuberðu húsgögnin

Þú þarft einnig að bera olíu á náttúruleg efni eins og við og rattan til að halda þeim í toppstandi. Annars verða þau þurr og eiga á hættu að klofna eða fölna. Berðu olíu á garðstólinn nokkrum sinnum á ári, sérstaklega ef þú býrð á þurru svæði.

Af hverju garðstóll er sniðugur í garðinn

Garðsæti eru tilvalin fyrir einstaklinga sem elska útiveru. Garðbekkir og garðstólar eru frábær leið til að fá nóg af fersku lofti og njóta sólarinnar útivið. Margir kostir eru við garðstóla. Lítum nánar á kostina.

• Aukin útivera

Ein bestu rökin fyrir kaupum á garðstólum eru sú að við erum líklegri til að eyða meiri tíma útivið með vinum, vandamönnum eða sjálfum okkur. Útivera eflir ónæmiskerfið, bætir andlega vellíðan og dregur úr einkennum þunglyndis. Hún hvetur okkur einnig til að verja meiri tíma í athæfi á borð við leik og líkamsrækt.

• Hagnýtara útisvæði

Sama hversu fallegur garðstóllinn þinn er þá verður hann líka að uppfylla ákveðnar kröfur. Mikilvægt er að þú áttir þig á því hvernig þú vilt nota stólinn svo að þú fáir sem mest úr honum. Ef þig langar til að útbúa svæði sem rúmar nóg af fólki þá er mikilvægt að þú veljir nógu marga stóla fyrir gestina.

• Heimilið býður upp á meira

Vel hönnuð garðhúsgögn eru frábær fjárfesting og ein besta leiðin til að nýta útisvæðið betur. Þú gætir þurft aðra aukahluti til að fullkomna aðstöðuna. Hægt er að bæta öðrum húsgögnum eins og útisófa og litlum borðum við svæðið til að gera það sem hagnýtast.

Skoðaðu úrvalið okkar af garðhúsgögnum til að finna útistól sem er tilvalinn fyrir eignina þína.