Hvernig þú velur réttu hurðina fyrir heimilið

Hvort sem þú ert að byggja nýtt heimili eða gera gamla heimilið upp þá er mikilvægt að þú veljir réttu hurðarnar. Hurðar gera meira fyrir útlit heimilisins en maður skyldi halda. Eitt af því fyrsta sem fólk tekur eftir þegar það kemur inn á nýtt heimili er útidyrahurðin. Þetta gefur gestum fyrstu myndina af heimilinu. Ef framdyrnar eru gamlar og ljótar þá gætu gestirnir auðveldlega áætlað að innviðirnar séu það líka - eða jafnvel verri. Ef hurðin er hins vegar falleg og vel hönnuð þá gefur það heimilinu heillandi blæ.

Í gamla daga var öryggið það eina sem fólk spáði í þegar það valdi útidyrahurð. Í nútímasamfélagi spáir fólk hins vegar í allskyns önnur atriði þegar það velur hurð. Þetta eru þættir á borð við virkni, stíl, útlit og annað. Ef þú ert í leit að réttu hurðinni og ert ekki viss um hvar þú eigir að byrja, þá erum við hér til að aðstoða þig. Þessar leiðbeiningar ættu að leiða þig í gegnum ferlið við að velja hina fullkomnu hurð fyrir heimilið.

Hvaða efni ættirðu að velja fyrir hurðina?

Hurðar fást í ýmsum efnum sem henta mismunandi innréttingum. Hvert efni hefur sína kosti og galla. Efnið sem þú velur ákvarðar útlit og endingu hurðarinnar. Eftirfarandi eru algengustu efnin fyrir hurðar.

Viður

Klassískt og stílhreint val sem er vinsælasti kosturinn fyrir hurðar. Það er auðvelt að skilja hvers vegna viður er algengasti kosturinn fyrir hurðar. Viður bætir mýkt og hlýleika við heimilið. Hurðar úr viði virka vel bæði á nútímalegum og hefðbundnum heimilum. Þar að auki eru viðarhurðar frábær leið til að bæta náttúrulegri fegurð við heimilið. Hægt er að saga við og móta hann og mála á þann háttinn sem hentar bæði virkni og útliti heimilisins. Þú getur valið á milli mjúkviðar og harðviðar, en hinn síðarnefndi er endingarbetri en hinn fyrrnefndi. Eini gallinn við viðarhurðar er að þær krefjast reglulegs viðhalds. Það er einnig hætta á termítárásum og rotnun þegar viður er notaður.

Gler

Glerhurðar eru vinsælasta valið fyrir skrifstofur og það af góðri ástæðu. Helsti kostur við glerhurðar er að þær hámarka náttúrulega birtu og minnka þannig rafmagnskostnað. Vel upplýst og opið rými er gott fyrir afkastagetu. Náttúruleg birta bætir líka skapið þar sem hún inniheldur D-vítamín. Þar að auki gefa glerhurðar rýminu vott af fágun og fagmennsku. Þetta þýðir þó ekki að ekki sé hægt að nota glerhurðar í íbúðarhúsnæði. Flest heimili í nútímalegum stíl eru með glerhurðum. Ólíkt viðarhurðum þá tærast glerhurðar hvorki né rotna. Einnig er auðvelt að þrífa þær. Eini ókosturinn er að þær bjóða ekki upp á það næði sem maður vill yfirleitt hafa á heimilinu. Svo geta þær brotnað eða splundrast undan þrýstingi.

Trefjagler

Þetta efni þekkist einnig sem trefjastyrkt plast en hurðar úr trefjagleri eru bæði traustar og endingargóðar. Annar kostur við trefjagler er léttleikinn, en hann dregur úr togspennu á hurðalamirnar og eykur líkurnar á að hægt sé að opna og loka dyrunum í áraraðir án þess að þær festist. Það er einnig hægt að nota trefjaglershurðar í hvaða loftslagi sem er. Auk þess er efnið ógropið, vatnshelt og rispu- og dældaþolið. Það bólgnar auk þess ekki eða skekkist eins og viður og svo er það auðvelt í viðhaldi. Ókosturinn við trefjaglershurðar er að þær eru afar dýrar.

Ryðfrítt stál

Hurðar úr ryðfríu stáli eru sennilega bestu hurðarnar hvað varðar öryggi. Þær eru einnig einar af endingarbestu hurðunum sem hægt er að fá. Þær eru byggðar til að þola leiðinlegt veður og endast í mörg ár. Hurðar úr ryðfríu stáli þurfa líka afar lítið viðhald. Þó er helsti kosturinn sennilega að ryðfrítt stál ryðgar ekki, sem gerir það að frábæru vali fyrir útidyrahurðar. Á móti kemur þó að hurðar úr ryðfríu stáli eiga það til að vera dýrari en aðrar hurðar.

Hvaða stærð þarftu? 

Þegar þú verslar hurð þá er stærðin alveg jafn mikilvæg og efnið og stíllinn. Ef þú ert að fara að kaupa hurð til að koma í stað gamallar hurðar, þá skaltu ekki mæla núverandi hurðina. Þú ættir frekar að taka mál af dyrakarminum. Athugaðu allar tölur vandlega áður en þú velur hurðina. Mikilvægt er að þú mælir dyrakarminn í millimetrum frekar en tommum. Betra er að velja of stóra hurð heldur en of litla þar sem þú getur alltaf minnkað hurðina í rétta stærð. Eftirfarandi eru leiðbeiningar fyrir að taka mál svo að þú veljir alveg örugglega réttu stærðina af hurð.

Mældu breidd dyranna

Taktu mál innan á dyrakarminum á þremur stöðum: efst, í miðjunni og neðst. Notaðu málband til að mæla breidd þessara þriggja staða á dyrakarminum. Stöðluð breidd á hurðum er 610 mm, 686 mm, 762 mm og 838 mm.

Mældu hæð dyranna

Notaðu nú málbandið til að mæla dyrakarminn að innan frá efsta horninu til neðsta hornsins. Gerðu þetta á hvorri hlið og taktu eftir lengstu lengdinni. Mundu að hafa öll gólfefni í huga. Stöðluð hæð hurðar er 1981 mm, þó það sé vissulega hægt að finna hurðar sem eru 2040 mm á hæð.

Mældu þykkt dyranna

Ef þú ert í leit að nýrri hurð til að koma í staðinn fyrir gamla hurð og þig langar til að halda gamla dyrakarminum, þá þarftu hurð í sömu þykkt og gamla hurðin. Mældu þykkt núverandi hurðarinnar með því að setja málbandið meðfram brúnum dyranna. Þú þarft einnig að taka mál á samskeytunum á dyrakarminum. Hefðbundin þykkt hurða er 35 mm. Þú gætir hins vegar einnig rambað á hurðar með 40 mm þykkt. Eldvarnarhurðir eru 45 mm að þykkt.

Hvaða stílar og hannanir henta best?

Þótt hurðar séu hannaðar til að þjóna einu mikilvægu hlutverki þá þýðir það ekki að þær geti ekki verið stílhreinar. Hurð getur haft mikil áhrif á yfirbragð rýmisins. Við skoðum hér nokkra stíla og hannanir til að hjálpa þér að velja réttu hurðina fyrir heimilið þitt.

Jafnar hurðar

Jafnar hurðar eru í einföldustu hönnuninni af öllum hurðahönnunum sem þú færð. Þær eru í nútímalegri hönnun og líta frábærlega út með viðarspóni. Jafnar hurðar eru tilvaldar fyrir nýmóðins heimili með stílhreinu yfirbragði. Þær eru yfirleitt notaðar innandyra en þó er einnig hægt að nota þær sem útidyrahurð.

Glerjaðar hurðar

Helsti kosturinn við glerjaðar hurðar er að þær hleypa náttúrulegri birtu inn í dimma forstofu eða rými. Hert gler veitir vörn gegn innbrotum eða slysum, á meðan matt og hálfgegnsætt gler er tilvalið fyrir næði. Þú gætir líka hugsanlega getað fundið útidyrahurðar þar sem helmingur eða hluti af hurðinni er hálfgegnsær. Þetta virkar best í hefðbundin rými. Hurðar þar sem helmingurinn er hálfgegnsær eru oft notaðar sem bakgarðshurðar þar sem þær gera þér kleift að sjá út í garðinn.

Hurðar með þiljum

Hurðar með þiljum eru fjölhæfar og vinsælar, bæði innan- og utandyra. Þessar hurðar eru oft notaðar á hefðbundin heimili, þótt þær virki vissulega líka fyrir nútímaleg rými. Hurðarnar eru með mótuðum þiljum í mismunandi hönnunum.

Tvöfaldar hurðar

Tvöfaldar hurðar eru vinsælar og þær bjóða upp á ýmsa kosti hvað varðar hagnýtni og virkni. Þær gera þér til dæmis auðveldara fyrir að færa húsgögn eða raftæki inn og út úr rýminu. Þar að auki fá þær mjóar dyragættir til að virka breiðari, sem fær rýmið til að virka stærra.

Hvernig þú heldur hurðum í góðu standi

Ef þú hugsar vel um hurðarnar þá ættu þær að haldast í toppstandi í mörg ár. Það eru ýmsar leiðir til að viðhalda hurðum, allt eftir því hvort þær eru úr viði, gleri eða málmi. Eftirfarandi eru nokkur góð ráð til að halda hurðum í flottu standi.

• Haltu hurðunum hreinum

Þrif á hurðunum er ein besta leiðin til að halda þeim í góðu standi. Skoðaðu hurðina í hvert skipti sem þú gengur framhjá henni til að ákveða hvort þú þurfir að þurrka af henni. Fylgstu líka með málningunni þar sem þetta er gott merki um það hvort eitthvað sé að. Þú gætir líka viljað skoða hurðina varðandi merki um slit. Haltu útidyrahurðum úr viði eins þurrum og þú getur. Þú gætir til dæmis sett upp dyraskyggni til að koma í veg fyrir að það rigni of mikið á hurðina.

• Skoðaðu umgerðina og lamirnar

Það er einnig mikilvægt að þú skoðir samskeyti á dyrakarminum til að koma í veg fyrir sprungur og skekkjur. Ef raki kemst í gegnum samskeytin þá getur hurðin eða dyrakarmurinn bólgnað út og hætt að passa almennilega. Þú þarft einnig að sjá til þess að skoða lamirnar reglulega. Athugaðu hvort þær séu vel festar við dyrakarminn. Ef þær eru lausar þá skaltu skrúfa þær fastar við dyrakarminn eða bæta við aukalömum á hurðina til að dreifa þyngdinni betur.

• Skoðaðu lása og hurðarhúna

Einfaldasta leiðin til að skoða hurðarhúnana er að taka í þá og ýta þeim upp og niður. Skoðaðu hvort lásinn virki eins og hann á að virka. Hreyfist hann eins og hann á að gera? Gefur hann frá sér skrítin hljóð? Ef svo er þá skaltu smyrja hann með smurolíu og prófa svo aftur. Ef vandamálið er viðvarandi þá eru líkur á því að lásinn og hurðarhúnninn hafi verið rangt uppsett.

Verslaðu hágæðahurðar hjá vidaXL

Ef þú ert í leit að hágæðahurðum sem standast tímans tönn þá þarftu ekki að leita lengra en til vidaXL. Við bjóðum upp á mikið úrval af hurðum í mismunandi efnum, stærðum, gerðum og hönnunum sem henta þínum þörfum. Allar hurðarnar okkar uppfylla hæstu kröfur þar sem við bjóðum aðeins upp á vörur frá leiðandi framleiðendum. Hvort sem þú ert að byggja nýtt heimili eða þarft einfaldlega að skipta um hurð, þá bjóðum við upp á réttu hurðina fyrir þig. Endilega skoðaðu úrvalið okkar til að finna réttu hurðarnar fyrir heimilið þitt.