Hvernig velurðu rétta barborðið og barstólana?
Barborð og barstólar eru frábær viðbót við eldhús, borðstofu eða heimabar. Rétta barborðið og stólarnir falla vel að rýminu og innréttingunum á heimilinu. Mikilvægast er að stólarnir og borðið séu nógu þægileg til að gestum langi til að verja tíma heima hjá þér.
En hvaða borð og barstóla ættirðu að velja? Og hvað þarftu marga stóla? Hvaða stíll hentar eigninni þinni? Þetta eru nokkur af þeim atriðum sem verður að hafa í huga við leit að barborði og stólum. Barborð og stólar fást í allskyns útgáfum og því getur reynst snúið að finna rétta settið, þá sérstaklega ef þú ert að versla á netinu í fyrsta sinn.
Sem betur fer höfum við útbúið þessa einföldu handbók til að hjálpa þér að finna rétta settið fyrir rýmið.
Hver er rétta hæðin á barborði og stólum?
Eitt af mikilvægustu atriðunum við kaup á barborði og stólum er hversu hátt settið er. Rétt hæð borðs og stóla tryggir þægindi við setu. Þú sparar þér einnig vesenið við að þurfa að teygja þig þegar þú sést á stólinn eða ferð af honum.
Barborð
Ef þú ert í leit að borði sem passar við núverandi stólana þína þá þarftu að tryggja að borðið sé í réttri hæð svo að stólarnir eða kollarnir passi undir það og veiti nægt fótapláss. Hefðbundin hæð á barborðum er 110cm. Þessi tegund borða er oft notuð fyrir morgunverð eða kvöldverð með vinum.
Barstóll
Þegar velja á barstól er þumalputtareglan sú að sætið skuli vera við mjaðmahæð eða aðeins neðar. Það eru tvær leiðir til að mæla hæðina. Fyrsta leiðin er að mæla hæð borðsins og draga svo frá 30–40 cm, allt eftir því hvort hagnýtni eða þægindi séu mikilvægari fyrir þig. Hin leiðin er að mæla fjarlægðina frá gólfi að undirhlið borðsins og bæta síðan 8–10 cm við. Hæðin þín hefur einnig áhrif á hæð stólsins sem þú velur.
Hversu langt á að vera á milli barstólanna?
Ef þú vilt hafa þónokkra stóla við borðið þá verðurðu að tryggja að nóg pláss sé á milli stólanna svo að fólk geti setið þægilega og hreyft sig auðveldlega. Til að ákvarða hversu mikill fjöldi stóla er ákjósanlegur þá er gott að mæla lengd borðsins.
Síðan geturðu reiknað hversu margir stólar komast við borðið með því að skoða hversu mikið bil þarf að vera á milli stólanna. Plássið sem þú ættir að skilja eftir á milli hvers stóls fer eftir breidd stólsætisins og öðrum þáttum eins og snúningi. Eftirfarandi eru leiðbeiningar hvað varðar bil.
Hvaða lögun borðs ættirðu að velja?
Lögun borðsins ákvarðar fjölda stólanna og hefur mikil áhrif á heildarútlitið. Hér eru nokkrar af vinsælustu lögununum.
Kringlótt
Þessi tegund barborðs er tilvalin fyrir lítil rými. Borðin eru yfirleitt á einum fæti og eru með litlum borðplötum sem rúma 2 til 3 manns.
Ferköntuð
Ferköntuð barborð eru frábær valkostur í stað hefðbundinna borðstofuborða. Þau eru fjölbreytt og hægt er að setja þau í horn ef þú átt litla fjölskyldu eða ef lítið er um gestagang.
Rétthyrnd
Þessi tegund barborða býður upp á pláss fyrir fleiri stóla, en á móti kemur að hún tekur meira pláss. Jafnvel minnstu borðin bjóða upp á pláss fyrir fjóra. Þú getur stillt borðinu upp við vegg ef þig skortir pláss.
Hvaða tegundir af barstólum eru til?
Nú þegar þú veist hvaða hæð stóla þú þarft, þá er næsta skrefið að átta þig á því hvaða tegund af stólum þú vilt í rýmið. Skoðum nánar mismunandi gerðir svo að valið verði sem auðveldast.
Án baks
Baklausir stólar eru í einfaldri hönnun og henta vel fyrir lítil rými þar sem tilvalið er að ýta öllum stólunum undir borðið þegar þeir eru ekki í notkun. Þeir eru oftast með rétthyrndum eða kringlóttum sætum og algengt er að þeir séu úr viði. Baklausir stólar eru kannski ekki þægilegasti kosturinn fyrir lengri kvöldsamræður eða kaffihittinga, en þó er auðveldlega hægt að finna vel bólstraða stóla sem veita aukin þægindi. Barstólar með baki veita á hinn bóginn betri stuðning, sem þýðir að þeir eru þægilegri en stólar án baks. Þeir taka þó meira pláss og eru ekki eins auðveldir í geymslu.
Með örmum
Barstólar með örmum eru frábær valkostur fyrir einstaklinga í leit að auknum þægindum. Armarnir veita aukinn stuðning, sem gerir stólinn afar þægilegan. Rétt eins og stólar með baki þá þurfa stólar með örmum meira pláss en bak- og armalausir stólar. Ef þig langar til að kaupa barstól með örmum þá skaltu mæla hæð borðsins til að tryggja að hægt sé að ýta örmum stólanna undir borðið þegar það er ekki í notkun.
Snúningsstólar
Barstólar geta verið þungir og því getur verið erfitt að færa þá til. Snúningsstólar hafa þann kostinn að þú þarft ekki að draga þá frá borðinu þegar þig langar að setjast á stólinn. Þú snýrð einfaldlega sætinu í áttina til þín og hoppar upp á það. Þessi tegund stóla er einnig tilvalin fyrir formlegar samræður. Hins vegar er mikilvægt að hafa í huga að stólar á sviffæti þurfa meira pláss en kyrrstæðir stólar. Svifstólar með örmum þurfa enn meira pláss og því er mikilvægt að hafa í huga hversu mikið pláss eignin býður upp á þegar stólar eru valdir.
Bólstruð sæti
Þessi tegund barstóla er góður kostur fyrir fjölskyldur sem finnst gott að borða í eldhúsinu eða við heimabarinn. Bólstruð seta býður upp á skemmtilegt útlit sem setur formlegri svip á rýmið miðað við efni eins og stál og við. Bólstraðir barstólar gefa einnig kost á aukasætum í stofunni, á veitingastað eða í öðrum rýmum.
Hvaða efni ættirðu að velja fyrir borðið og stólana?
Efniviðurinn er annar afgerandi þáttur sem gott er að hafa í huga við val á barborði og stólum. Sum efni virka betur í ákveðnu umhverfi heldur en önnur efni. Plaststólar eru t.d. tilvaldir fyrir barnafjölskyldur þar sem þeir eru auðveldir í þrifum. Barstólar úr leðri gefa rýminu íburðarmikinn brag en þeir krefjast þó meira viðhalds en aðrir stólar. Viður er góður kostur fyrir eldhús í grófum eða hefðbundnum stíl, en málmur er góður kostur fyrir nútímaleg rými. Hér að neðan skoðum við betur mismunandi efni til að auðvelda valið.
Viður
Viður er tímalaus klassík og náttúruleg fegurðin gefur rýminu hlýlegt og notalegt yfirbragð. Barstólar úr viði henta best fyrir heimili í sveitalegum eða hefðbundnum stíl. Þeir eru einnig tilvaldir til að setja nútímalegan svip á rýmið. Viðarhúsgögn fást í miklu úrvali lita og stílbrigða og því er auðvelt að finna borð og stóla sem henta innréttingum hvers og eins. Viður er tilvalinn fyrir hvaða heimili sem er.
Málmur
Málmur er eitt algengasta efnið í smíði húsgagna. Hann er nokkuð fjölhæfur þar sem hægt er að nota hann í allskyns rými, en þó hentar hann allra best á nútímaleg heimili. Hann passar einnig afar vel í retróleg og iðnaðarleg rými. Barstólar úr málmi eru sterkir og auðveldir í viðhaldi. Allskyns mismunandi tegundir málma eru í boði en stál er þó algengasti málmurinn fyrir barstóla. Stál er sterkt, endingargott, umhverfisvænt og auðvelt í þrifum. Ef stóllinn er hins vegar ekki bólstraður þá er stál hugsanlega ekki besti kosturinn fyrir einstaklinga sem kjósa þægindi yfir stíl. Hart sætið getur verið óþægilegt til setu í lengri tíma.
Rattan
Rattan er náttúrulegt efni sem gefur eigninni sveitalegan sjarma. Það er þó ekki besti kosturinn ef stíllinn á heimilinu er minimalískur. Barborð og stólar úr rattan henta best fyrir rými í hefðbundnum eða grófum stíl. Rattan gefur eigninni hlýju og skemmtilega áferð. Það blandast einnig fullkomlega við önnur viðarhúsgögn og gefur rýminu náttúrulegan brag. Rattan er ennfremur sjálfbært, sem gerir það gott fyrir umhverfið. Það er að auki sterkt og þú getur því reiknað með því að rattanstóllinn haldist fallegur í áraraðir.
Efni
Tauefni er frábær valkostur fyrir einstaklinga sem vilja fyrst og fremst að stólarnir séu þægilegir. Flauel, hör og bómull eru efni sem eru vinsæl á barstóla. Þau anda vel og eru mjúk viðkomu. Barstólar með efni eru með bólstruðum sætum og flestir eru einnig með bólstruðu baki og örmum. Þessi tegund stóla gerir þér kleift að sitja lengi án þess að finna fyrir óþægindum. Stólar með efni eru formlegri og henta því afar vel fyrir hefðbundin og nútímaleg rými. Þó þarf að hafa í huga að efni getur tekið á sig bletti og það er því ekki auðvelt í þrifum. Barstólar með efni eru því hugsanlega ekki besti kosturinn fyrir heimili með börnum eða gæludýrum.
Leður
Leður var eitt sinn dýrt efni en er nú til dags yfirleitt á viðráðanlegu verði. Leður er þekkt fyrir endingu, silkimjúka áferð og náttúrulega áferð. Það er einnig rifþolið og auðvelt í þrifum. Þar að auki andar það vel og heldur því þægilegu hitastigi bæði á sumrin og veturna. Barstólar úr leðri fást í mismunandi litum og þú finnur því án efa stóla sem henta innréttingunum þínum. Þessi tegund stóla gefur heimilinu notalegan svip.
Vinýl
Vínyl líkist leðri en er með glansandi og sléttara útliti. Það endist best af öllum þeim áklæðisefnum sem eru í boði. Barborð og stólar úr vinýl fást í fjölmörgum litum og mynstrum og því ætti ekki að vera neitt mál að finna réttu húsgögnin fyrir heimilið. Vinýl er vatnshelt, dregur ekki í sig bletti og rifnar ekki auðveldlega. Það er einnig auðvelt í þrifum - nóg er að renna blautum klút yfir það. Því er best að velja vinýlklæði á stólana ef þú vilt góða endingu og þægileg þrif.
Ertu í leit að rétta barborðinu og stólunum? Skoðaðu úrvalið hjá okkur.
