Skapaðu heillandi rými með ljósaseríum

Langar þig til að setja notalega stemningu á heimilið eða garðinn? Ljósakeðjur og seríur eru frábær leið til að setja mjúkan og notalegan blæ bæði innan- og utandyra. Auðvelt er að setja þessa einföldu ljósalausn upp hvar sem er til að flikka upp á rýmið, hvort sem það er herbergi, svalir eða útisvæði.

Þú hefur kannski bara notað ljósaseríur á jólunum, en við bjóðum upp á ýmsar tegundir af ljósum og þú getur því verið með heillandi svip á heimilinu allan ársins hring. LED-ljós eru notaleg og þar að auki orkusparandi, sem þýðir að þú gætir hugsanlega lækkað rafmagnsreikninginn í leiðinni.

Hér hjá vidaXL bjóðum við upp á fjölbreytt úrval af ljósaseríum og keðjum bæði fyrir inni- og útinotkun. Ef þú vilt flikka upp á heimilið, skoðaðu þá úrvalið okkar af rafhlöðudrifnum seríum ásamt seríum sem þú stingur í samband.

Ljósaseríur innivið sem smart lýsing

Settu gáskafullan, afslappaðan eða fágaðan blæ á þreyttar innréttingar með mismunandi ljósaseríum. Nemendur og unglingar velja oft LED ljós eða neon ljósasnúrur í loftið til að gefa svefnherberginu TikTok útlitið sem er svo vinsælt þessa dagana.

Minimalísk LED ljós með hvítum eða hlýjum lituðum ljósum eru frábær möguleiki fyrir fullorðna sem eru í leit að ljósum í fáguðum stíl. Hengdu ljósaseríuna upp í stofunni eða borðstofunni til að gefa rýminu notalegan svip á kvöldin eða til að gera stemninguna skemmtilega þegar gesti ber að garði.

Hengdu upplýstan blómaboga yfir borðið til að hafa gefa rýminu mjúkt vor- eða sumarþema. Svo geturðu líka hengt seríur eða stórar perur yfir vegglistaverk til að gefa rýminu borgarlegt og iðnaðarlegt útlit. Möguleikarnir eru endalausir - það eina sem þú þarft að gera er að sleppa sköpunargáfunni lausri.

Skapaðu heillandi útisvæði með ljósaseríum

Flikkaðu upp á garðinn, veröndina, pallinn eða svalirnar með heillandi LED ljósaseríu. Vinir og nágrannar munu án efa heillast af ljósadýrðinni í garðinum á notalegum kvöldum. Ef þú ert með stórt útisvæði þá er sniðugt að vefja vatnsheldum ljósakeðjum í kringum handrið, tré eða runna til að undirstrika afslappaða stemninguna. Í minni görðum geturðu hengt útiseríur á grindverk eða utan á glugga til að gefa þeim heillandi blæ.

Trúðu okkur þegar við segjum að útiseríur eru algjörlega töfrandi. Það skiptir ekki máli hvort það sé í sumarpartíinu í garðinum, á jólunum, í afmælisveislu eða garðbrúðkaupi - ljósaseríur umbreyta rýminu. Ef þú ert með bakgarð með trjám þá er tilvalið að láta seríurnar hanga á afslappaðan hátt úr trjágreinum til að skapa ævintýralega útistemningu. Seríurnar eru líka einstaklega fallegar þegar þú hengir þær á girðingar.

Settu töfrandi svip á hvaða rými sem er með ljósaseríum

Hér hjá vidaXL elskum við ljósaseríur af því að þær bjóða upp á svo marga möguleika til að vera skapandi. Okkur finnst seríur vera alveg ómissandi í hvaða samkomu sem er. En ekki bara í samkomur - ljósaseríur eru alveg tilvaldar fyrir hversdaginn líka. Af hverju ekki að setja töfrandi svip á daglegt líf? Ljósaseríur gefa venjulegum palli rómantískt og heillandi yfirbragð. Þær eru líka alveg agalega fallegar þegar þú setur þær í krukkur og setur svo krukkurnar í miðjuna á garðborði. Bættu svo nokkrum kertum við samtíninginn og þá er komin rómantískasta stemning í heimi út í garð.

Þú getur auðveldlega gert ljósaseríurnar að föstum hluta af heimilinu, bæði inni og úti. Það er til dæmis kjörið að setja seríu í kringum gólfspegil til að skapa hlýja og notalega stemningu. Eða hvað með að dreifa seríum yfir stórar heimilisplöntur?

Ef þú ert með tröppur þá er sería líka alveg tilvalin þar. Ljósaseríur eru á allan hátt auðveld og ódýr leið til að flikka upp á rými og bæta töfrandi yfirbragði við heimilið. Það skiptir ekki máli hvort þú viljir skapa notalegt andrúmsloft á baðherberginu, nútímalegan blæ í stofunni eða töfrandi stemningu í garðinum - ljósaseríur eru málið.

Hvernig þú hengir seríuna upp til að gera garðinn draumkenndan

Ef þú átt garð þá verðu eflaust dágóðum tíma í honum hvenær sem þú getur. Kannski finnst þér notalegt að sötra morgunkaffið á pallinum. Eða kannski ertu meira fyrir að vera með garðpartí á sumrin. Eins og við nefndum hér að ofan þá eru ljósaseríur tilvalin leið til að gefa útirýminu notalegt andrúmsloft. Þú gætir þó verið að velta fyrir þér hvaða leið er best til að hengja seríurnar upp á fallegan hátt. Við vitum allt um það og getum sagt þér nákvæmlega hvernig best er að hengja seríurnar upp í garðinum eða á pallinum.

Þú þarft fyrst og fremst að velja ljósaseríurnar sem eru sérstaklega hannaðar til að vera notaðar utandyra. Þetta er afar mikilvægt, þar sem innisería mun ekki þola að vera notuð útivið í allskyns veðráttu. Svo þarftu að ákveða hvaða stíl, lit eða tegund af perum þig langar til að vera með á útisvæðinu. Þegar þú hefur ákveðið þig og keypt nýju ljósaseríuna, þá hefurðu úr nokkrum leiðum að velja þegar þú hengir hana á pallinn eða í garðinn:

• Settu ljósaseríuna í krukku og settu krukkuna á borð. Þú getur líka sett krukkur í horn á pallinum. Ljósaseríur í krukkum eru alveg gífurlega fallegar.
• Þú getur dreift ljósunum á handrið eða girðingu.
• Breiddu úr ljósunum á tré eða stórar plöntur til að skapandi ævintýralegt töfraland.

Þetta eru bara nokkrir möguleikar. Það eru ýmsar leiðir í boði til að nýta ljósaseríur á skapandi hátt ef þú vilt bæta hlýju og notalegu andrúmslofti við útisvæðið.

Hvernig þú hengir ljósaseríu á handrið á pallinum

Ertu að spá í hvernig þú átt að fara að því að hengja ljósaseríuna á handrið á pallinum? Engar áhyggjur, þú getur reitt þig á okkur. Þetta er fljótlegt og auðvelt verk. Fylgdu eftirfarandi skrefum og þá er ljósaserían komin á handriðið á augnabliki:

1. Þú þarft fyrst og fremst að næla þér í málband og mæla heildarlengd handriðsins. Þú þarft að vera viss um að serían sé nógu löng til að ná yfir alla lengd handriðsins. Ljósaserían ætti ekki að vera styttri en handriðið því annars muntu ekki geta breitt úr henni yfir allt handriðið.
2. Vertu viss um að serían sé annað hvort tengd við millistykki eða nálægt innstungu áður en þú byrjar að dreifa úr henni.
3. Næsta skref er að nota heftibyssu til að festa ljósin undir handriðið. Reyndu að festa ljósin undir handriðið ef þú getur, þar sem það heldur ljósunum á sínum stað en kemur jafnframt í veg fyrir að heftin séu sýnileg. Passaðu þig á að hefta ekki í gegnum keðjuna.
4. Í lokin skaltu festa perurnar á ef þess er þörf og skoða seríuna.

Ef þú ert með áhyggjur af því að þú munir skadda handriðið þá geturðu alltaf notað útilímband í staðinn fyrir hefti. Þetta var ekki svo flókið, er það? Serían verður komin upp á augnabliki ef þú fylgir þessum einföldu skrefum.

Hvernig þú setur upp ljósaseríur tímabundið

Leiðbeiningarnar hér að ofan eru fullkomnar ef þú vilt setja upp ljósaseríu til frambúðar. Þú gætir þó líka viljað setja upp seríu í takmarkaðan tíma, segjum á jólunum, í garðveislu eða sumarhittingi með fjölskyldu og vinum. Ljósaseríur eru tilvalin leið til að flikka upp á bakgarðinn og það er auðvelt verk að hengja þær upp ef þú fylgir einni af eftirfarandi leiðum (sem krefjast ekki heftibyssu):

• Dreifðu ljósaseríum á milli trjágreina. Þú getur dreift þeim nákvæmlega eins og þér hentar og það er auk þess auðvelt að taka þær niður aftur.
• Breiddu úr seríum yfir plöntur.
• Lýstu upp gangstíga með seríum. Þú getur notað útilímband til að halda þeim á sínum stað ef það verður vindasamt.
• Dreifðu úr þeim yfir eða undir handrið eins og við nefndum hér að ofan. Notaðu þó útilímband í staðinn fyrir hefti.
• Settu seríur utan um girðingar.
• Notaðu krukkur og settu ljósaseríur í krukkurnar. Þetta er afar fljót og auðveld leið til að nota seríu sem skraut.

Það skiptir ekki máli hvernig þú ákveður að nota ljósaseríurnar, við trúum því staðfastlega að seríurnar muni gefa pallinum, veröndinni, garðinum eða öðrum útireit heillandi stemningu samstundis. Ljósaseríur gera þér og gestunum þínum kleift að njóta ljúfra kvölda í garðinum langt fram á nótt. Þegar ljósin eru notuð innandyra þá lýsa þau upp kaldar og dimmar vetrarnætur á töfrandi hátt.

Hengdu ljósaseríuna upp á öruggan hátt

Það er mikilvægt að þú hengir ljósaseríuna upp á öruggan hátt. Nútímalegar seríur eru yfirleitt mjög öruggar hvað varðar hitaútstreymi og því ætti ekki að stafa brunahætta af þeim,  sem er auðvitað frábært. Það er þó ekki mælt með því að þú vefjir hlutum í kringum snúruna eða hengir hluti frá henni þar sem þetta veikir ljósin til lengri tíma. Fylgdu alltaf leiðbeiningunum sem fylgja ljósunum. Ef leiðbeiningarnar segja t.d. til um hversu marga þræði þú mátt tengja saman, þá er mikilvægt að þú farir ekki yfir þann fjölda.

Hér hjá vidaXL bjóðum við upp á fjölbreytt úrval af seríum sem henta bæði innan- og utandyra. Ef þú ert með spurningar eða þarft aðstoð við að velja seríu, þá er þér alltaf velkomið að hafa samband við þjónustuverið okkar. Við aðstoðum þig með gleði.