Vökvun & Áveita (35 Niðurstöður)

Garðvökvunin auðvelduð: veldu hagkvæmt vökvunarkerfi á viðráðanlegu verði

Garðyrkjufólk veit mætavel að það þarf að hafa fyrir því að gera garðinn fallegan. Sé maður tilbúinn til að leggja þá fyrirhöfn á sig er næsta skref að nota þau tæki og tól sem gera verkið einfaldara.

Fyrir byrjendur í garðrækt, sérstaklega þá sem hafa brennandi áhuga á gróðurumhirðu, er nauðsynlegt að viða að sér breiðri þekkingu á sviðinu. Hér ætlum við að fara yfir nokkrar mismunandi útfærslur af vökvunarkerfum og nauðsynlegum fylgibúnaði og svara þeim spurningum sem gætu brunnið á byrjendum.

Rétt vökvunarkerfi skilar betri uppskeru

Markmiðið með garðyrkjunni er væntanlega ánægðar og heilbrigðar plöntur sem lifa eins lengi og mögulegt er. Ekkert minna væri ásættanlegt þegar maður hefur lagt sig allan fram og hugað að öllum smáatriðum. Hér kemur vökvunarkerfi að góðum notum.

En hvernig velurðu rétta kerfið? Hafðu eftirfarandi í huga þegar þú skoðar vökvunarkerfi fyrir garðinn þinn:

• loftslagið þar sem þú býrð
• skilvirkni vökvunarkerfisins
• vatnsmagn sem kerfið notar
• þitt eigið vinnuframlag þegar kemur að garðinum
• hámarkskostnaður sem þú ert tilbúin/n að leggja út í

Til að finna vökvunarkerfið sem hentar þínum aðstæðum best skaltu kynna þér þá kosti sem eru í boði. Hjá vidaXL má finna vökvunarkerfi í ýmsum útfærslum og yfirgripsmiklar lýsingar á virkni þeirra. Skoðum hvað er í boði!

Helstu gerðir vökvunarkerfa

Vökvunarkerfi fást í mismunandi útfæslum sem henta mismunandi aðstæðum. Það fer svo eftir garðinum sjálfum og hvernig þú vilt vökva hvert þeirra hentar best. Hér eru nokkrar algengustu leiðirnar til að vökva garða og útirými.

Handvirk vökvun

Handvökvun er ódýr og umhverfisvæn. Það eina sem þarf til eru könnur og/eða garðslöngur. Ókostirnir við handvökvun eru sá tími og fyrirhöfn sem það tekur að vökva og því er þetta ef til vill ekki heppileg lausn fyrir stærri garða þar sem mikið er ræktað.

Það þarf einnig að skipuleggja vökvunina eftir þörfum plantnanna sem þú ræktar. Kostirnir eru þó margir. Handvökvun er ódýr og fyrir litla garða getur það verið ánægjustund að ganga á milli plantnanna, skoða ástand þeirra og ræktunarárangur.

Það sem þarf til: Garðkrani Hægt er að skrúfa garðslöngu beint upp á kranann og vökva þannig allt garðsvæðið. Garðkrani kemur sér líka vel þegar þarf að skola hendur eftir garðverkin, skola grænmetisuppskeruna eða til að fylla garðkönnur til að vökva á svæðum sem slanga nær ekki til. Garðslöngur fást í mismunandi lengdum og einnig er gott að eiga garðkönnur í nokkrum stærðum.

Úðarakerfi

Úðarakerfi er nútímaleg og einföld lausn við garðvökvun. Vatnið er leitt í gegnum leiðslur og dæla sér um að pumpa því út í úðahausana. Úðinn dreifist jafnt og þétt yfir svæðið eins og regn svo allur garðurinn fær sama vatnsmagn.

Úðarakerfi notar meira vatn en handvirk vökvun en er frábær lausn fyrir grasflatir og blómabeð. Úðarakerfið sparar einnig tíma þar sem hægt er að nota tímastilli til þess að setja það sjálfkrafa í gang án þess að nokkur þurfi að vera viðstaddur.

*Gagnlegir hlutir: Sjálfvirkur tímastillir fyrir vatnsflæði er nauðsynlegur til að úðarakerfið nýtist sem best Það fer eftir garðinum og þörfum hans hvort þú kýst ventlakerfi eða stafrænt. Annað sem ætti að vera á innkaupalistanum eru úðahausar og rakamælar sem tengjast tímastillinum, til þess að útbúa sértæka vökvunaráætlun.

Dropunarkerfi

Dropunarkerfið er skilvirkt kerfi sem vökvar rætur plantnanna beint. Vatnið er leitt í dropaformi í gegnum slöngu að plöntunum.

Dropunarkerfið er tiltölulega ódýrt, það er er ekki orkufrekt og dregur úr vexti illgresis, þar sem vatnið fer beint í rætur plöntunnar og skapar því ekki kjöraðstæður fyrir illgresi og annan vöxt.

* Gagnlegir hlutir: fyrir þessa tegund vökvunarkerfis þarf nánast sama búnað og fyrir úðara. Í staðinn fyrir úðahausa þarf dreypi eða bleytuslöngur. Einnig er hægt að fá sjálfvirk dropunarkerfi sem auðvelda allt ferlið.

Helstu kostir vökvunarkerfa

Þú getur valið það kerfi sem hentar best út frá þörfum útirýmisins, þínum áætlunum fyrir garðinn og fjárhag. Við viljum þó í lokin ítreka nokkra af kostum þess að koma upp vökvunarkerfi.

• Betri skilvirkni: Þú getur hugsað betur um plönturnar án þess að þurfa að fylgjast með veðurspánni.
• Betri uppskera: Með góðu vökvunarkerfi geturðu hámarkað uppskeru og ræktað fleiri tegundir plantna samtímis og jafnvel selt afurðirnar. Vökvunarkerfi er því frábært fyrir framleiðendur plantna og afurða.
• Lágmarkaðu vökvatap: vökvunarkerfi stuðlar að varðveislu vatns og orku, gerir umhirðu plantnanna auðveldari og eykur líkurnar á góðri uppskeru.