Samanbrjótanleg borð (12 Niðurstöður)

Hvernig þú velur rétta felliborðið

Samleggjanlegt borð er eitt besta húsgagnið sem þú getur bætt við heimilið. Það er afar fjölhæft og sveigjanlegt húsgagn sem er tilvalið í lítið rými. Það er auk þess auðvelt í tilfærslu og geymslu. Samleggjanleg hönnunin þýðir að fljótt er að setja það upp og gera þannig tómt rými að borðstofusvæði sem hentar fyrir fjölskylduboð eða spilakvöld.

Felliborð fást í fjölbreyttu úrvali efna, forma og stærða og kaupendur hafa því úr nógu að velja. Þó getur reynst áskorun fyrir flesta að finna það borð sem hentar hverjum og einum fullkomlega hvað varðar notagildi og stíl. Við höfum útbúið þessar þægilegu leiðbeiningar til að hjálpa þér að velja rétta felliborðið fyrir heimilið þitt.

Hvaða efni ættirðu að velja fyrir felliborðið?

Efniviðurinn er einn mikilvægasti þátturinn sem þarf að hafa í huga þegar felliborð er keypt. Valið á efni hefur áhrif á útlit og endingu felliborðsins. Sum borð eru búin til úr blöndu af mismunandi efnum. Hér að neðan skoðum við þau efni sem þú hefur úr að velja.

Viður

Viður er tímalaus klassík og er eitt algengasta efnið við gerð bæði úti- og innihúsgagna. Hann er traustur, endingargóður og gefur rýminu náttúrulega fegurð. Í flestum tilfellum er viður notaður í borðplötuna og fótleggina en fellibúnaðurinn er gerður úr málmi. Þetta gerir borðið stöðugt. Þú getur valið úr mismunandi viðartegundum, þar á meðal tekkviði og akasíuviði. Tekkviður hefur hátt olíuinnihald, sem gerir hann ónæman fyrir raka og termítum. Hann er einnig sterkur og endist í áraraðir án mikils viðhalds í allskyns loftslagi. Akasíuviður er harðger og veðurþolinn. Hann er einnig í hlýlegum tón og býður upp á einstaklega fallegt og náttúrulegt æðamynstu

Málmur

Felliborð úr málmi eru afar slitsterk. Ef vel er farið með þau þá geta þau varað ævilangt. Málmur þolir betur hversdagslegt slit heldur en aðrir efniviðir. Algengustu tegundir af málmi fyrir felliborð eru stál og ál. Stál er algengasti kosturinn fyrir flesta heimilishluti þar sem það er ryðþolið, endingargott og auðvelt í viðhaldi. Felliborð úr stáli geta borið mikinn þunga og þau stinga ekki í stúf við aðra liti í rýminu. Ál er létt og auðvelt í tilfærslu og þú getur því auðveldlega breytt til í rýminu eins oft og þig langar. Auk þess er felliborð úr áli afar endingargott og tærist ekki með tímanum. Ál þarf einnig lítið viðhald.

Gler

Borðstofuborð úr gleri setur látlausan og stílhreinan svip á rýmið. Flest borðstofuborð úr gleri eru með viðar- eða málmgrindum til að veita styrk og stöðugleika. Þau eru einnig frábær valkostur fyrir lítil herbergi þar sem glerborð fyllir herbergið með birtu og fær það til að virka stærra en það er. Hert gler er oftast notað í glerborð. Gler virkar með nær öllum innréttingum og þú þarft því ekki að aðlaga litaþemað í rýminu. Þótt efnið sé langvarandi þá verður þó að hafa í huga að það rispast og brotnar auðveldlega. Gler er því kannski ekki besti kosturinn fyrir fólk með gæludýr eða börn.

Samsettur viður

Samsettur viður er frábær kostur í stað gegnheils viðar. Hann er ódýr og er því tilvalinn fyrir fólk sem vill ekki að borðið kosti of mikið. Algengustu tegundir samsetts viðar eru MDF og krossviður. Felliborð úr þessu efni eru létt og auðveld í tilfærslu. Einnig er auðvelt að sérsníða samsettan við eftir þínum kröfum og þú finnur því auðveldlega felliborð úr MDF eða krossviði í allskyns lögunum og hönnunum sem henta þínum smekk. Þó þarf að viðhalda efninu nokkuð vel og ekki er auðvelt að gera við það.

Hvaða laganir af felliborðum er hægt að velja úr?

Líkt og með venjuleg borð þá fást felliborð í mismunandi lögunum. Hver borðlögun hentar til ákveðinnar notkunar eða fyrir ákveðið rými. En hvernig áttarðu þig á því hvort tiltekin lögun af borði henti þér? Lítum nánar á mismunandi laganir til að auðvelda þér valið.

Kringlótt og sporöskjulaga borð

Kringlótt og sporöskjulaga felliborð eru fjölhæf og afar hagnýt og þau eru því frábær kostur fyrir matarboð, veislur og félagslegar samkomur. Hönnun felliborðanna gerir fólki kleift að sitja í hring, sem gerir samræður þægilegar og auðveldar. Margar stórar fjölskyldur, fyrirtæki og samtök kjósa kringlótt eða sporöskjulaga borð í fundarherbergjum þar sem þau gefa fólki færi á að sitja augliti til auglitis við hvert annað. Borðin fást að mestu í einum stíl en þó í mismunandi stærðum til að koma til móts við þarfir hvers og eins. Hafðu þó í huga að því stærra sem borðið er því meira pláss þarftu ef þú ætlar að fella það alveg út. Stærri borð eru líka þyngri.

Rétthyrnd og ferhyrnd borð

Rétthyrnd og ferhyrnd felliborð eru líklegast algengustu tegundir felliborða. Þessar laganir borða eru afar fjölhæfar og hægt er að nota þær í nánast hvaða rými sem er. Þetta telur meðal annars borðstofuna, skrifstofuna, ráðstefnusalinn og fleira. Þessi lögun felliborða fæst í mismunandi breiddum og lengdum til að tryggja að borðin passi á allskyns heimili. Þau eru einnig með 90 gráðu brúnum og því er hægt að ýta nokkrum borðum saman í svipaðri hæð til að búa til meira sætispláss. Ferhyrnd felliborð koma afar vel út í ferhyrndum herbergjum. Þau eru góður kostur fyrir fólk sem á ekki stóra fjölskyldu eða er ekki mikið fyrir að vera með stórar samkomur.

Hversu hátt ætti felliborð að vera?

Mikilvægt er að þú veljir rétta hæð fyrir felliborðið til að tryggja að þú sitjir þægilega. Hæð borðsins hefur áhrif á líkamsstöðu þína, heilsu og framleiðni. Með því að velja rétta hæð geturðu komið í veg fyrir hluti eins og bakverki, liðverki o.fl. Þegar kemur að hæð þá er hægt að setja felliborð í tvo flokka.

Föst hæð

Ekki er hægt að stilla eða færa þessi felliborð til að auka eða minnka hæðina. Hefðbundin hæð á felliborðum er á bilinu 71-91cm. Þessi hæð ætti að henta vel fyrir flestar tegundir stóla.

Stillanleg hæð

Þessi felliborð eru með hnöppum og götum sem gera þér kleift að gera borðið hærra eða styttra allt eftir þörfum þínum. Hægt er að hækka eða lækka þau um 15-20 cm. Þó er hægt að hækka eða lækka hæð stillanlegra felliborða með krosslaga fótum nokkuð meira en þetta.

Aðrir eiginleikar felliborða

Að efni og stærð undanskildum þá eru nokkrir aðrir þættir sem þú þarft að hafa bakvið eyrað þegar þú kaupir felliborð. Þessir þættir aðstoða þig við að velja borð sem hentar þínum þörfum.

Tvöfaldur samleggjanleiki

Hægt er að leggja fótleggi þessa borðs saman og einnig er hægt að leggja borðplötuna saman. Þessi tegund borðs er mun fyrirferðarminni en venjuleg felliborð. Sumar gerðir eru með handfangi sem auðveldar burð á borðinu. Borð með tvöföldum samleggjanleika eru frábær valkostur fyrir heimili með takmörkuðu geymsluplássi.

Borð í barhæð

Ef viðburður er á kortunum þar sem boðið verður upp á drykki, þá eru borð í barhæð besti kosturinn. Þessi tegund felliborða er hönnuð til að gefa rýminu barlegt útlit og stemningu.

Hvolfborð

Einnig fást felliborð með borðplötu sem hægt er að fella saman lóðrétt. Þessi þægilegi eiginleiki gerir geymslu á borðinu afar auðvelda.

Meginpartar felliborðs

Felliborð er samansett úr nokkrum pörtum sem allir kaupendur ættu að þekkja. Þessir partar gera borðið að því sem það er.

• Borðplata

Þetta er flatt yfirborð sem fest er ofan á borðgrindina. Borðplatan getur verið úr viði, gleri, málmi, samsettum viði eða öðrum efnum.

• Læsingarbúnaður

Læsingarbúnaðurinn er venjulega falinn undir borðplötunni. Hann er tengdur við fætur borðsins og gerir þér kleift að læsa borðinu til að tryggja öryggi og stöðugleika við notkun. Þú getur opnað búnaðinn þegar borðið er ekki í notkun og brotið saman fæturna.

• Borðsvunta

Málmstykki sem fest er undir borðplötuna veitir stöðugleika og dreifir þyngd borðplötunnar jafnt.

• Fætur eða grind

Fæturnir og grindin eru stuðningskerfi borðplötunnar. Þau fást í allskyns efnum og stílum og þau gefa borðplötunni jafnvægi.

• Fótahettur

Með fótahettum erum við að vísa í verndarhettur úr plasti eða gúmmíi sem festar eru á borðfæturna. Þær koma í veg fyrir að gólfið rispist eða skemmist og þær minnka einnig hávaða þegar borðið er fært til.

Hvernig þú viðheldur felliborði

Líkt og með önnur húsgögn þá þarftu að viðhalda felliborðum til að halda þeim í toppstandi. Mismunandi efniviðir gætu þurft mismunandi viðhald. Hér eru nokkur ráð varðandi viðhald sem gott er að hafa bakvið eyrað.

• Áttaðu þig snemma á hlutum sem þarf að viðhalda sérstaklega vel

Mælt er með því að þú skoðir felliborðið reglulega til að koma auga á vandamál áður en þau versna og það verður dýrara að gera við þau. Skoðaðu alla hluta borðsins til að tryggja að allt virki rétt.

• Byrjaðu á grunnþrifum

Með því að þrífa felliborðið reglulega geturðu fjarlægt óhreinindi og ryk sem hefur tilhneigingu til að safnast fyrir á borðplötunni og grindinni. Létt hreinsun með vatni og mildri sápu er allt sem þarf. Þurrkaðu húsgagnið með hreinum klút eða leyfðu því að þorna útivið undir berum himni.

• Skolaðu vandlega eftir hreinsun

Gakktu úr skugga um að búið sé að skola alla sápuskán af felliborðinu. Í stuttu máli: Skolaðu húsgögnin þín vandlega eftir hreinsun.

• Forðastu hreinsiefni sem innihalda sterk kemísk efni.

Reyndu að nota ekki hreinsiefni sem innihalda sterk kemísk efni sem geta tært efnivið húsgagnanna eða látið litinn dofna.

• Ekki nota hrjúf áhöld

Notaðu aldrei hrjúf áhöld eins og stálull og harða bursta nema þú þurfir að fjarlægja ryð. Áhöldin skemma málninguna og geta skilið eftir sig rispur á húsgögnunum.

• Hreinsaðu vökva af húsgögnunum samstundis

Því lengur sem vökvi er á borðinu því meiri líkur eru á að hann valdi blettum sem erfitt er að fjarlægja.

Ertu í leit að rétta felliborðinu? Skoðaðu úrvalið okkar til að finna besta kostinn fyrir þig.