Tau, Rúmfatnaður & Handklæði (2,093 Niðurstöður)

Finndu rétta vínskápinn fyrir heimilið þitt

Vínskápur er þægileg geymslulausn fyrir vínsafnið þitt. Hann skapar fullkomnar aðstæður fyrir bæði skammtíma- og langtímageymslu á vínflöskum. Sama hversu oft þú drekkur eða geymir vín þá þarftu stað til að geyma og vernda vínið gegn óhóflegri birtu, hitabreytingum og skaðlegum titringi.

Mikið úrval af vínskápum er í boði og margir skápar eru í fallegri og stílhreinni hönnun. Ekki eru þó allir vínskápar eins og því er mikilvægt að velja af skynsemi. Þessar leiðbeiningar aðstoða þig við að velja vínskáp sem bætir virkni og flottum stíl við eldhúsið eða borðstofuna.

Mismunandi tegundir vínskápa

Þegar leitin að rétta vínskápnum hefst þá er sniðugt að þú byrjir á því að kynna þér mismunandi tegundir skápa. Skoðum algengustu gerðirnar.

Vínskápar án kælis

Vínskápar án kælingar eru hagnýt geymslulausn fyrir vínflöskur, en þeir geta þó einnig gegnt hlutverki fallegs skrautmunar á heimilinu. Þeir eru ekki með kerfi sem stýrir loftslaginu inni í geyminum en eru þó með innbyggðri lýsingu. Vínskápar án kælis eru frábær valkostur fyrir einstaklinga í leit að geymslu sem fegrar heimilið eða fólk sem langar að fjárfesta í skáp úr gegnheilum við.

Vínskápar til að framreiða vín

Þessir vínskápar eru tilvaldir fyrir vín sem á að geyma til þroskunar eða bera fram samstundis. Þú getur því bæði geymt uppáhaldsrauðvínið þitt í skápnum til lengri tíma á meðan það þroskast og einnig borið fram hæfilega kalt hvítvín í næsta matarboði.

Fjölnota vínskápar

Fjölnota vínskápar eru með mörgum hitasvæðum, sem gerir þá að frábærum valkosti fyrir geymslu á mismunandi tegundum af víni. Þessi tegund skápa gerir þér kleift að geyma sumar flöskur á hillu til þroskunar, á meðan aðrar flöskur gætu verið tilbúnar til neyslu á annars konar hillu, eða jafnvel á þriðju hillunni að bíða eftir að ná stofuhita. Þessi tegund skáps er því ein sú besta fyrir langtímageymslu á víni.

Vínskápar fyrir þroskun

Þessir vínskápar viðhalda einu hitastigi. Þeir eru notaðir til að geyma vín í nokkur ár þar til vínið er komið á besta aldur. Vínskápar fyrir þroskun eru oft notaðir á veitingastöðum, börum og heimilum. Þeir fást í mismunandi stærðum og gerðum fyrir þarfir hvers og eins. Fyrirferðarlitlar gerðir henta vel undir borðplötu í eldhúsi, á meðan stærri gerðir eru tilvaldar í borðstofuna.

Eiginleikar sem gott er að hafa í huga við val á vínskáp

Nú þegar þú þekkir muninn á vínskápum þá er næsta skref að þú áttir þig á því að hverju þú ert að leita. Skoðum aðeins mismunandi eiginleika vínskápa.

Stærð

Einn mikilvægasti þátturinn í vali á vínskáp er hversu margar vínflöskur þú þarft að geyma. Ekki kaupa skáp fyrir áfengi sem rúmar aðeins það magn sem þú átt á núverandi tímapunkti. Hafðu aukapláss í skápnum ef þig skyldi langa til að stækka vínsafnið í framtíðinni. Þú þarft einnig að hafa stærð flasknanna í huga.

Rými og staðsetning

Hvar viltu setja upp vínskápinn þinn? Sjáðu til þess að nóg pláss sé fyrir vín- eða áfengisskápinn. Reyndu að forðast að setja skápinn upp nálægt glugga eða í beinu sólarljósi. Ef eldhúsið þitt hleypir mikilli birtu inn þá er best að setja nýja skápinn í stofuna. Hitastigið í eldhúsum getur einnig oft verið í hærra lagi sökum eldunar, svo ekki sé minnst á hita frá heimilistækjum á borð við ísskápa. Best er að geyma vín á svölum stað. Finndu stað með góðri loftræstingu og við stofuhita.

Stíll og styrkur

Vínskápar úr viði eru sterkir og endingargóðir. Þeir setja einnig hefðbundinn og náttúrulegan blæ á eignina. Skápar úr viði henta best í hefðbundin eða sveitaleg rými. Sumar nýjar hannanir henta þó fullkomlega í nútímalegar innréttingar. Vínskápar úr málmi eru grófari og nútímalegri í útliti. Líkt og vínrekkar þá fást vínskápar í allskyns gerðum og efniviðum sem henta þörfum hvers og eins.

Frístandandi eða innbyggðir vínskápar 

Eins og fyrr var nefnt þá þarftu að átta þig á því hvar þú vilt hafa vínskápinn og hversu mikið pláss þú þarft fyrir hann. Þetta ætti einnig að aðstoða þig við að velja á milli frístandandi og innbyggðs vínskáps.

• Frístandandi vínskápar

Þetta eru vinsælustu vínskáparnir. Þú getur komið þeim fyrir hvar sem er - hvort sem það er í eldhúsinu, borðstofunni eða á heimabarnum. Frístandandi skápar fást í allskyns stærðum og gerðum (háir, stuttir, breiðir o.s.frv.) og því eru engin takmörk fyrir því hvar þú getur stillt þeim upp.

• Innbyggðir vínskápar

Hægt er að fela innbyggða skápa hvar sem er á heimilinu. Þessi tegund skápa er þó dýrari en frístandandi skápar. Flöskumagnið takmarkast einnig við minni stærð skápanna. Staðlaður innbyggður vínskápur getur geymt um 60 vínflöskur, þannig að ef þig langar til að geta bætt í vínsafnið smátt og smátt þá gæti verið sniðugra að velja frístandandi vínskáp.

Ertu í leit að rétta vínskápnum? Skoðaðu úrvalið okkar af vínskápum til að finna réttu eininguna fyrir eldhúsið eða borðstofuna.