Skrifborð (732 Niðurstöður)

Hvernig þú velur rétt skrifborð fyrir þig

Skrifborð er ekki bara skrifborð – það er staður þar sem þú eyðir verulegum tíma í að vinna. Því er afar mikilvægt að velja skrifborð sem lætur þér líða vel og er hagnýtt. Vel hannað skrifborð gerir þér kleift að stilla líkamsstöðuna yfir daginn til að bæta blóðflæði og draga úr sálrænu álagi af einhæfum verkefnum. Það veitir einnig auðveldan aðgang að öllum þeim hlutum sem þú þarft fyrir dagleg störf. 

Ef þú ert með tómt rými, eða langar til að endurskipuleggja rýmið, þá getur valið reynst snúið. Sem betur fer hefurðu úr ýmsum möguleikum að velja. Hvort sem þú ert í leit að einföldu skrifborði, stóru skrifborði með skúffum fyrir allskyns skrifstofuhluti eða áberandi skrifborði á skrifstofuna, þá finnurðu skrifborð sem hentar öllum rýmum. Þessar leiðbeiningar aðstoða þig skref fyrir skref við að velja skrifborð fyrir vinnurýmið þitt.

Mismunandi tegundir skrifborða 

Það fyrsta sem þú þarft að huga að er hvernig þú vilt nota skrifborðið. Þarftu skrifborð fyrir tölvuskjá, fartölvu, skrif eða skipulagninu á skrám? Ætlarðu að nota það í lengri tíma eða bara einstaka sinnum? Stíllinn þinn ætti einnig að hafa áhrif á valið. Skrifborðið á heimilinu ætti að gleðja augað og falla vel við innréttingarnar á heimilinu. Eftirfarandi eru þrjár algengustu gerðir skrifborða:

Skrifborð fyrir skrif

Þessi gerð skrifborða er með flatri og einfaldri borðplötu fyrir skrif og vélritun. Þau eru í einfaldri og straumlínulagaðri hönnun og þessi tegund skrifborða hentar því vel inn í svo gott sem öll rými. Skrifborðin fást í fjölbreyttum stílbrigðum, allt frá hefðbundnum til nútímalegra. Flest skrifborðanna eru með litlum hillum eða skúffum undir borðplötunni. Þau eru einnig með mjóum fótum þar sem þau bjóða ekki upp á mikið geymslupláss. 

Tölvuborð 

Tölvuborð hefur allt sem tölvunotendur þurfa fyrir hagnýtt vinnusvæði. Hönnunin gerir þér kleift að halda tölvuskjánum, fartölvunni og prentaranum innan seilingar. Þessi tegund er með hillum fyrir lyklaborð og aðra hluti (eins og flakkara). Sum tölvuborð eru með skápum að ofan til að nýta plássið fyrir ofan tölvuna. Skrifborð eins og þessi eru yfirleitt stór og eru því tilvalin fyrir einstaklinga sem nota tölvur mikið. 

Stjórnandaskrifborð 

Þessi tegund skrifborða er oft stór og nálægt jörðinni. Þau eru einnig með flatri og sléttri borðplötu ásamt ríflegu magni af skúffum. Flest skrifborðin eru ennfremur með hólfum fyrir viðkvæm skjöl og skrifstofutól. Einkenni þessara skrifborða er breið borðplata sem veitir gott rými fyrir skrif, vélritun, körfur og möppur fyrir pappírsvinnu. Þessi stóru skrifborð eru algengari á viðskiptaskrifstofum en geta þó hentað hvaða heimaskrifstofu sem er. Þau eru frábær til að grípa augað í rýminu, þá sérstaklega fyrir einstaklinga sem eru í leit að skrifborði fyrir skrifstofuna heimavið. Þau eru einnig góður kostur fyrir fagfólk sem vill vekja aðdáun skjólstæðinga.

Hornskrifborð 

Hornskrifborð hjálpa þér að fá sem mest út úr rýminu. Eins og nafnið gefur til kynna þá passar þessi tegund skrifborða mjög vel í horn. Þegar rétti skrifborðsstóllinn er settur saman við skrifborðið þá verður borðið einnig tilvalið fyrir tölvu, þá sérstaklega fyrir þá sem vilja nýta plássið á skrifborðinu sem best. Þú getur sett tölvuskjáinn í miðjuna og haft vinnuskjöl og skrifstofutól sitthvoru megin við hann. Hornskrifborð er frábært sem tölvuleikjaborð eða skrifborð heimavið. 

Skrifborð sem hægt er að standa við

Þessi tegund skrifborða gerir þér kleift að standa við skrifborðið á meðan þú vinnur. Skrifborðin stuðla að góðri líkamsstöðu og koma blóðrásinni af stað, sem eykur orku og kemur þér í betra skap. Þau eru auk þess betri fyrir úlnliðinn. Þú getur einnig notað standandi skrifborð sem borð fyrir skrif í styttri tíma. 

Hver er besti efniviðurinn fyrir skrifborð?

Hvernig skrifborðið er byggt hefur áhrif á útlit og endingu. Skrifborð fást í mismunandi efnum sem henta smekk og óskum hvers og eins. En hvernig veistu hvaða efni hentar best fyrir þig? Skoðum aðeins mismunandi tegundir efna í skrifborð.

Viður

Skrifborð úr viði hafa yfir sér tímalausan sjarma sem enginn annar efniviður bíður upp á. Styrkur og ending viðarins gerir hann einn ákjósanlegasta efniviðinn fyrir skrifborð. Viðarskrifborð eru með fallegu og náttúrulegu útliti sem eykur hlýju og fágun vinnustaðarins. Þeir fást auk þess í miklu úrvali af áferðum, æðamynstrum og frágangi sem passa við hvaða innréttingar sem er. Ekta viður er endingarbetri en annar efniviður en þarf viðeigandi umhirðu til að hann haldist í toppstandi.

MDF 

MDF (spónaplata) er algengt í smíði á skrifborðum. MDF er gert úr aukaafurðum úr viðarframleiðslu og það er frábær valkostur í stað gegnheils viðar. Skrifborð úr MDF eru með sléttri og stöðugri áferð og það á jafnvel við vörur sem eru ekki með skrautáferðum úr öðru efni. MDF býður einnig upp á aukinn styrk og því svigna hillur ekki undan þunga. MDF í ómeðhöndluðu formi er viðkvæmt fyrir vatnstjóni, en þegar það er lagskipt eða með viðarþynnu þá verður það ónæmt fyrir vatni.

Málmur

Sterkur og harðger málmur er hvorki dýrari né ódýrari en viður. Skrifborð úr málmi bognar ekki auðveldlega né rispast og þú getur því auðveldlega sett það á stað í rýminu þar sem mikil umferð er. Málmur er besta efnið fyrir iðnaðarleg og nútímaleg skrifborð. Flest skrifborð úr málmi eru annað hvort dufthúðuð eða máluð til að koma í veg fyrir ryð. Nóg er að þurrka af skrifborðinu við og við með blautum klút og það ætti þannig að endast í allnokkur ár. Til að minnka þyngd eru flest skrifborð úr málmi með opinni grind, sem gerir þau einnig afar hentug fyrir lítil herbergi. 

Gler 

Glerborð eru sígild og flott og þau koma vel út á nútímalegum skrifstofum. Þau eru með gegnsæju yfirborði sem fær rýmið til að virka stærra og hreinna. Flest glerskrifborð eru með málmgrunni til stuðnings. Þau eru einnig með hertu gleri, tegund af öryggisgleri sem er hert til að auka styrk og viðnám gegn rispum. 

Hvernig þú velur rétta stærð skrifborðs

Rétta stærðin á skrifborði er mikilvæg ef þú vilt auka afkastagetu. Áður en þú velur stærð borðplötunnar þá skaltu mæla stærð rýmisins. Þú þarft einnig að hafa í huga þætti eins og þarfir og forgangsröðun, þar sem þessir þættir hafa áhrif á lögun skrifborðsins. 

Mál skrifborðsins innihalda lengd, hæð og breidd og þau hjálpa þér að velja þá stærð sem hentar þínum þörfum. Skoðum nokkrar stærðir af skrifborðum svo að þú fáir grófa mynd af því hvað gæti virkað í rýminu þínu. 

• Breidd: Þú mælir breidd eða lengd skrifborðsins með því að mæla frá vinstri hlið skrifborðsins til hægri hliðar, eins og þú myndir sitja við það. Lágmarkslengd skrifborðs er 50 cm, sem nægir fyrir tölvuskjá. Stöðluð mál eru þó 122 cm, 152 cm, og 18 cm. 

• Dýpt: Þú mælir dýpt borðsins með því að mæla frá framhliðinni til bakhliðarinnar þegar þú situr við skrifborðið. Venjulegt skrifborð er 61-91 cm á dýpt. Rétta dýptin fyrir skrifborðið þitt fer eftir því hversu mikið pláss þú þarft fyrir tölvuskjá eða önnur skrifstofuáhöld. 

• Hæð: Þú mælir hæð borðsins með því að mæla frá gólfi til efsta hluta skrifborðsins. Stöðluð hæð skrifborðs er 76 cm. Mikilvægt er að þú veljir skrifborð í réttri hæð til að koma í veg fyrir óþægindi eða krampa. 

Hvaða skrifborðsstíll hentar skrifstofurýminu þínu?

Skrifstofuhúsgögn eru sífellt að breytast og því er erfitt að vita hvaða skrifborð býður upp á hina fullkomnu samsetningu af hagnýtni og hönnun. Úrvalið er það mikið að núorðið þarf fólk ekki að sætta sig við hvaða skrifborð eða geymslueiningar sem er. Í dag er útlit skrifstofunnar alveg jafn mikilvægt og sjálft fyrirtækið. Hönnun vinnusvæðisins hefur áhrif á það hvers konar skrifborð þú þarft.

Sveitalegur stíll

Ef þú vilt hefðbundna skrifstofuhönnun þá er sniðugt að velja þægilegt viðarskrifborð. Það gefur vinnurýminu klassískan og hefðbundinn blæ. Viðarskrifborð virkar einnig vel við hvít skrifstofuhúsgögn eða húsgögn með æðamynstri.

Nútímalegur stíll

Nútímaleg húsgögn bæta samstundis útlitið á nýmóðins skrifstofu. Nútímalegt skrifstofuhúsnæði getur gefið þá mynd að þú sért mikið fyrir nýbreytni og hræðist ekki nýjungar. Skrifstofu- og heimilistölvur sem passa vel við nútímaleg rými eru oft með látlausu og stílhreinu útliti, með mjúkum útlínum og rúnnuðum brúnum eða hliðum. Þau geta verið úr málmi, viði og öðrum efnum. 

Iðnaðarlegur stíll

Skrifborð í iðnaðarstíl er oft með málmbyggingu. Málmskrifborð bjóða upp á framúrskarandi styrk og endingu. Þau eru frábær kostur fyrir einstaklinga sem vilja vera með tvo eða fleiri tölvuskjái eða stóra uppsetningu fyrir leikjatölvu.

Ráð varðandi viðhald á skrifborðum 

Ef þú vilt að skrifborðið þitt haldist í áraraðir þá er mikilvægt að þú viðhaldir því vel, sama hversu stórt það er eða af hvaða tegund og stíl það er. Snyrtilegt og vel skipulagt skrifborð er líklegra til að stuðla að betri afkastagetu og hugarró. Hér eru nokkur ráð varðandi umhirðu til að halda skrifborðinu í toppstandi.

• Vertu með þrifrútínu: Fyrsta skrefið til að tryggja að skrifborðið haldist snyrtilegt er að vera með þrifrútínu. Þú getur stillt vekjaraklukku á ákveðinn dag og tíma til að minna þig á að fara út með ruslið eða skipuleggja skjölin á skrifborðinu.

• Þurrkaðu af daglega: Besta leiðin til að losna við ryk er að koma í veg fyrir að það byggist upp. Notaðu klút eða pappírsþurrku til að þurrka ryk af á hverjum degi. Gott er að gera það annað hvort í byrjun eða lok dags.

• Skipuleggðu nauðsynjamuni: Gættu þess að raða hlutunum á skynsamlegan hátt. Allir nauðsynjamunir ættu að vera innan seilingar til að spara þér tíma. 

• Verndaðu viðarborð: Þurrkaðu burt vökva eins fljótt og auðið er. Stöðugt rakastig í kringum stór skrifborð er æskilegt til að koma í veg fyrir að viðurinn skekkist. 

Langar þig til að útbúa þægilegt vinnusvæði? Skoðaðu frábæra úrvalið okkar af skrifborðum