Baðmottur (50 Niðurstöður)

Hvernig þú velur réttu baðmottuna á baðherbergið

Baðherbergi er ekki fullbúið án baðmottu. Hún veitir þér stað til að stíga á, standa á og labba á og hún gerir þér þar að auki kleift að bæta skemmtilegum litum og áferðum við baðherbergið. Þegar baðmotta er notuð fyrir utan sturtuna eða baðkarið þá er mikilvægt að hún sé hagnýt, stílhrein og þægileg. En hvaða baðmottu ættirðu að velja?

Ýmsir möguleikar eru í boði og því getur reynst snúið að velja réttu mottuna, sérstaklega ef þú ert að kaupa mottu í fyrsta sinn. Þó kemur á móti að umfangsmikið úrvalið hentar þörfum, stíl og verðflokki hvers og eins. Þessar leiðbeiningar aðstoða þig við að greiða úr hinum ýmsu þáttum við val á baðmottu.

Hvaða efni ættirðu að velja fyrir baðmottuna?

Meginatriðin við val á efni eru þægindi og notagildi. Baðmottur fá á sig vatn á hverjum degi og þær þurfa því að vera fljótar að þorna svo að þær verði ekki gróðrarstía fyrir bakteríur. Hér að neðan skulum við skoða þau efni sem þú hefur úr að velja.

Bómull

Flestir þekkja bómull ansi vel. Hún dregur vel í sig vökva og hún er ennfremur fljót að þorna. Einnig er auðvelt að þvo bómull og hún er mjúk viðkomu. Hægt er að þvo flestar baðmottur í venjulegri þvottavél en það fer þó eftir vefnaðarmynstri og hönnun. Bómull er þó ekki eins endingargóð og önnur efni og hún er gjörn á að renna til á flísum.

Bambus

Þótt bambusmottur séu ekki eins algengar og aðrar baðmottur þá eru þær engu að síður að aukast í vinsældum. Þær eru frábær valkostur í stað hefðbundinna baðmotta. Þú finnur einnig módel sem passa í kringum klósettið. Motturnar eru þó framleiddar úr viði og þær draga því ekki í sig vatn á sama hátt og mottur úr efni. Bambusmottur fást í mismunandi stílum, hvort sem það eru mottur sem liggja flatar á gólfinu eða upprúllanlegar mottur. Flestar bambusmottur eru með stömu undirlagi. Þær skortir þó mýktina og þægindin sem önnur efni veita en á móti kemur að þær eru með afar stílhreinu og minimalísku útliti.

Pólýester

Meginhlutverk baðmotta er að draga í sig vatn og pólýesterefni er því oft notað í motturnar. Í flestum tilfellum eru baðmottur sem skráðar eru sem pólýester í rauninni úr míkrófíberefni. Þetta efni er auðvelt í þrifum og fljótt að þorna. Það er einnig endingargott, sem gerir það frábært fyrir baðherbergi með miklum umgangi. Baðmottur úr pólýester má einnig þvo í þvottavél en mikilvægt er að lesa leiðbeiningar framleiðanda varðandi þrif. Eini ókosturinn við pólýester er það er ekki fljótt að draga í sig vökva.

Plast

Baðmottur úr plasti eru oft notaðar í baðkör, sturtur eða jafnvel utandyra. Þær draga ekki í sig vatn og fást ekki í flottum hönnunum. Á móti kemur að þær eru auðveldar í þrifum og renna ekki til, jafnvel þótt gólfið sé blautt.

Tekkviður

Mottur úr gegnheilum tekkviði umbreyta baðherberginu samstundis og fá rýmið til að virka stærra. Tekkviður er með háu olíuinnihaldi, sem gerir hann ónæman fyrir vatni og termítum. Tekk er þó oft meðhöndlað með lakki sem ver gegn mjöldögg og myglu til að tryggja að viðurinn sé varinn aukalega þegar hann er geymdur á blautum eða rökum svæðum. Með réttri umönnun getur viðurinn enst í mörg ár.

Pólýprópýlen

Baðmottur úr pólýprópýleni gefa af sér náttúrulegt trefjaútlit. Efnið dregur þó betur í sig vökna heldur en flestar náttúrulegar trefjar. Þessi eiginleiki gerir mottur úr pólýprópýleni að frábærum kosti fyrir baðherbergi eða útivistarsvæði. Mjöldögg eða mygla vex ekki á baðmottum úr pólýprópýleni og þær eru því afar viðhaldslítill valkostur.

Hvaða stærð af baðmottum eða baðteppum ættirðu að velja?

Að efninu undanskildu þá er afar mikilvægt að hafa stærðina í huga þegar þú skoðar mottur eða teppi á baðherbergið. Mikilvægt er að þú gangir úr skugga um að mottan passi þægilega inn á baðherbergið. Of lítil motta lítur skringilega út en motta eða teppi sem er of stórt getur reynst hættulegt ef það vill ekki liggja flatt á gólfinu.

Mikilvægt er að þú takir mál á baðherberginu, baðkarinu og sturtunni áður en þú pantar mottu. Hún þarf ekki að ná yfir allt gólfplássið heldur frekar svæðið rétt fyrir utan baðkarið sem þú stígur á þegar þú kemur úr baði.

Baðmottur sem eru hannaðar til að draga í sig vatn sem skettist úr sturtunni eða baðkarinu eru yfirleitt í minni kantinum, eða á bilinu 43cm x 61cm til 53cm x 34cm. Á hinn bóginn er baðteppi í stærð 56cm x 152cm fallegt fyrir framan tvöfaldan snyrtiskáp.

Stærð baðteppisins ákvarðar einnig hversu langan tíma það mun taka að þorna, en efnið spilar einnig stóran þátt í þessu.

Hvernig þú velur baðmottu og teppi fyrir lítið baðherbergi

Lítil baðherbergi eru í flestum tilfellum annað hvort frekar stutt eða lítil á breiddina. Þú getur alltaf snúið teppi eða mottu um 90 gráður í fyrirferðarlitlum rýmum. Einnig gæti verið sniðugt að prófa lengri mottu ef baðherbergið er í smærra lagi.

Motta eða teppi í löberstærð sem nær frá baðkarinu að vaskinum er frábær viðbót við lítið baðherbergi. Það gefur baðherberginu heildstæðara útlit miðað við ef þú notar tvær mottur við hliðina á hvor annarri.

Hvaða liti af baðmottum og teppum ættirðu að velja?

Baðmottur og mottur eru auðveld og fljótleg leið til að gefa baðherberginu dass af lit. Best er að þær virki vel með öðrum aukahlutum og heildarþema baðherbergisins. Þú getur leyft persónuleikanum þínum að skína við val á baðherbergishönnuninni. Eftirfarandi eru nokkur atriði sem gott er að hafa í huga við val á litum þegar kemur að mottum eða teppum fyrir baðherbergið.

Gólfefni

Gólfefnið á baðherberginu getur haft áhrif á litavalið á mottunni. Þó að meginhlutverk baðmottu sé hagnýtni þá er engu að síður mikilvægt að mottan passi vel við restina af baðherberginu. Ef þú ert til dæmis með ljóst gólf þá er gott að forðast ljósar mottur (og öfugt).

Festingar

Stíllinn á baðherbergisbúnaðinum hefur einnig áhrif á lit mottunnar. Æskilegt er að allar innréttingar passi vel saman, hvort sem það er snyrtiskápur, krani eða ljós. Þetta gefur baðherberginu fallegt heildarútlit. Hvað varðar innréttingar þá geta litlir hlutir eins og litur ljósaperunnar haft áhrif á það hvernig mottan lítur út í rýminu.

Handklæði

Þig gæti hugsanlega langað til að hafa handklæðin og baðmottuna í stíl. Þetta er frábær leið til að binda herbergið saman og koma jafnvægi á rýmið. Þú þarft ekki endilega að kaupa mottu sem passar við litinn á handklæðunum - svo lengi sem litaþemað og mynstrin passa vel saman þá geturðu búið til heildstætt útlit á baðherberginu.

Litaþema á heildina

Litapalletta baðherbergisins er annar þáttur sem mikilvægt er að hafa í huga. Liturinn á mottunni hefur áhrif á heildarlitaþema baðherbergisins. Það er góð hugmynd að velja lit sem passar vel við núverandi litaþema baðherbergisins. Þetta á þó ekki við ef þú vilt að mottan sé miðpunktur baðherbergisins.

Hver er munurinn á baðmottu og baðteppi?

Baðmottur og baðteppi virka meira eða minna á sama hátt. Motta eða teppi er oftast sett fyrir framan baðkarið eða sturtuna til að draga í sig vatn eftir sturtu eða bað. Mikilvægast er að motta eða teppi dragi í sig vatn og haldi gólfinu þurru svo að þú eigir ekki á hættu að renna. Þó er mikilvægur munur á baðmottu og baðteppi sem allir ættu að þekkja.

• Baðmottur er hægt að geyma eða hengja upp þar til þörf er á þeim aftur. Baðteppi eru hins vegar alltaf á baðherbergisgólfinu.

• Baðmottur gegna ákveðnu hagnýtu hlutverki, þó að þú getir vissulega fundið mottur sem eru fallegar.

• Baðteppi eru að jafnaði mýkri og eru gjarnari á að gefa baðherberginu íburðarmikið útlit heldur en mottur. Teppi eru yfirleitt með stömu undirlagi til að koma í veg fyrir að fólk renni til.

• Baðmottur draga vökva í sig fljótt og vel og það er einnig auðveldara að þvo þær.

• Baðteppi eru frábær til að halda hita á fótunum á köldum vetrarmorgnum.

Hvernig þú hugsar um baðmottuna þína

Ef þú passar vel upp á baðmottuna eða baðteppið þá lengir það líftímann. Regluleg þrif eru mikilvæg til að tryggja að baðmottan haldist laus við óhreinindi, ryk og bakteríur. Þú getur hent baðmottu í þvottavélina að minnsta kosti einu sinni í mánuði og hengt hana yfir sturtuna eða baðkarið til að leyfa henni að þorna. Hins vegar getur reynst örlítið snúnara að þrífa baðteppi.

Mismunandi mottur þurfa mismunandi viðhald, en hér koma þó almennar leiðbeiningar.

• Farðu með mottuna út og hristu hana eða lemdu kröftuglega til að fjarlægja hár, óhreinindi og annað rusl.

• Skoðaðu leiðbeiningar framleiðanda um hvernig á að þrífa mottuna. Þetta er mikilvægt fyrir rétta hreinsun.

• Þrátt fyrir að hægt sé að þvo flestar mottur í vél þá er mælt með því að þú veljir létt prógramm til að koma í veg fyrir að þú skemmir undirlag mottunnar. Veldu hlýtt eða heitt hitastig fyrir teppi úr vefnaði til að drepa myglu og bakteríur.

• Hægt er að þrífa baðmottur úr bambus og öðrum náttúrulegum trefjum með heitu vatni, þvottaefni og svampi. Hreinsaðu teppið varlega og skolaðu það með köldu vatni til að fjarlægja alla sápu.

• Meðhöndlaðu bletti áður en þú þværð baðmottuna. Settu blettahreinsi beint á viðkomandi svæði og gefðu honum nægan tíma til að virka.

Ertu í leit að baðmottu sem hentar baðherberginu þínu? Skoðaðu endilega umfangsmikið úrvalið okkar