Hvernig þú velur réttu borðstofustólana

Varstu að kaupa þér nýtt borðstofuborð og ert núna í leit að nýjum borðstofustólum í stíl? Kaup á borðstofustólum er ekki auðveld ákvörðun og eru ástæðurnar fyrir því nokkrar. Meginhlutverk borðstofustóla er að tryggja að þú sitjir þægilega við borðhald. Borðstofustólar geta auk þess haft afar mikil áhrif á heildarútlit borðstofunnar.

En hvaða borðstofustólar eru réttu stólarnir fyrir þig? Hvað vantar þig marga stóla? Hvaða stíll hentar borðstofunni þinni? Þú getur valið úr fjölbreyttum stílum, hönnunum, litum og efnum og því verður valið á borðstofustólum auðveldlega yfirþyrmandi. Þættirnir eru óramargir þegar þú leggst í leit að réttu stólunum. 

En engar áhyggjur — við erum hér til að hjálpa. Við höfum hér tekið saman einfaldar leiðbeiningar til að hjálpa þér að finna stóla sem bæta virkni og stíl við borðstofuna. Skoðum nánar nokkur þrep í valinu á réttum stólum. 

Hvað er besta efnið fyrir borðstofustóla?

Efnisvalið ákvarðar útlit og endingu borðstofustólanna. Borðstofustólar og eldhússtólar fást í miklu úrvali af efnum sem henta mismunandi smekk og stíl. Hér að neðan lítum við nánar á mismunandi efni sem hægt er að velja úr.

Málmur

Málmur er bæði sterkur og endingargóður og hann er einn algengasti efniviðurinn fyrir borðstofustóla. Logsoðin samskeyti eru alveg jafn sterk og sjálfur málmurinn. Málmstólar eru með nútímalegu yfirbragði og þeir passa því afar vel í nýmóðins rými. Málmur er ennfremur léttur og auðveldur í tilfærslu og er auk þess auðveldur í þrifum þar sem einungis þarf að renna klút yfir hann.

Viður

Viður er klassískur og tímalaus og hefur verið notaður í húsgögn bæði innan- og utandyra í áraraðir. Borðstofustólar úr viði gefa rýminu náttúrulegan blæ og auðvelt er að nota þá með öðrum húsgögnum fyrir hefðbundið yfirbragð. Hægt er að velja náttúrulegan, málaðan eða bæsaðan við, allt eftir smekk.

Rattan

Rattan er náttúrulegt efni sem þekkt er fyrir stæl og góða endingu. Húsgögn sem eru framleidd úr rattan eru vistvæn og endingargóð ef rétt er farið að. Einn helsti kosturinn við borðstofustóla úr rattan er að þeir virka með flestum innréttingum. Ef þú ert að leita að nútímalegum stólum þá má setja rattan saman við önnur efni (eins og t.d. málm). Ef borðstofan er hinsvegar innblásin af miðri síðustu öld, þá er rattan með viðargrind alveg tilvalið til að ýta ennfremur undir stíl rýmisins.

Tág

Borðstofustólar úr tág eru gullfallegir og fullkomnir fyrir lítil borðstofuborð. Stólar úr tág geta verið bæði þægilegir og óþægilegir til setu í lengri tíma, allt eftir því hvers konar efni þú velur. Þeir eru þar að auki ekki eins harðgerir og stólar úr viði eða málmi og matur fellur auðveldlega ofan í götótt yfirborðið, sem krefst ítarlegri þrifa en ella. Á móti kemur þó að auðvelt er að breyta um lit á tág svo að stólarnir passi við stílbrigði rýmisins.

Plast

Borðstofustólum úr plasti svipar til þeirra sem eru úr viði. Þó er kostur plaststóla sá að þeir fást í fjölmörgum litum sem virka vel með allskyns borðstofuborðum. Stólarnir eru með hörðu sæti og gætu því auðveldlega verið óþægilegir til lengri tíma, en þá er auðvelt að henda púðum á þá með svipuðu litaþema.

Bólstraðir stólar

Ef þú elskar langa matartíma og samverustund með fjöldskyldunni þá eru bólstraðir stólar mjög líklega gott val fyrir þig. Bólstrað sætið tryggir góð sætisþægindi og klæðið fæst í allskyns efnum eins og t.d. leðri og tauefni.

Borðstofustólar úr leðri eru fallegir, endingargóðir og auðveldir í þrifum og þeir grípa augað samstundis í stofunni. Gott er að hafa gólfmottu undir borðinu til að gefa rýminu jafnvægi. Ef leður er of dýrt þá er sniðugt að velja stóla með öðru efni. Þessi kostur er ódýrari og býður upp á sömu þægindin. Hann gerir þér einnig kleift að prófa mismunandi áferðir, en þó verður að hafa í huga að þrif gætu verið snúnari.

Hvaða stærð borðstofustóla ættirðu að velja?

Burtséð frá smekk og útliti þá er mikilvægt að borðstofustólar passi fullkomlega við borðstofuborðið. Í leitinni að nýjum borðstofustólum er mikilvægt að vera með réttu hæðina fyrir borðið á hreinu. Eftirfarandi eru tillögur að réttri stærð fyrir borðstofustólana.

Breidd

Fyrsta skrefið við val á réttu stólunum er að mæla fjarlægðina á milli fóta borðstofuborðsins. Stöðluð breidd á stólum er 46 cm til 51 cm, en stólar með örmum geta bætt 16 cm aukalega á breiddina. Áður en þú ákvarðar breidd stólsins er gott að hafa í huga hversu marga stóla þú vilt hafa sitthvoru megin við borðið. Fjöldi stólanna fer eftir fjarlægðinni á milli fóta borðsins.

Sporöskjulaga eða rétthyrnt borðstofuborð sem er 183 cm á lengdina getur rúmað 6 manns, á meðan 244 cm langt borð rúmar 8 manns og 305 cm langt borð rúmar 10 manns. Kringlótt eða ferhyrnt borð sem mælist 123 cm rúmar 4 manns, á meðan 152 cm borð rúmar 6 manns og 183 cm borð rúmar 8 manns.

Ef borðið þitt er í óvenjulegri lögun eða stærð þá er gott að skilja 15 cm pláss eftir (olnbogarými) á milli hvers stól. Láttu einnig 91 cm bil vera á milli stólsins og veggsins eða annarra húsgagna til að hreyfingar verði sem þægilegastar.

Hæð

Stólar og borð eru yfirleitt í staðlaðri hæð, en mikilvægt er að tryggja að mál stólanna séu rétt áður en þú kaupir þá. Fjarlægðin frá sæti stólsins að gólfinu ætti að vera um 45 cm, en þú getur þó valið hærri stóla allt eftir því við hvaða borð þú vilt nota þá.

Mikilvægast er að hafa u.þ.b. 30 cm bil á milli sætis stólsins og undirhliðar borðplötunnar. Gakktu úr skugga um að stólar með armhvílum geti runnið frjálslega undir borðið. Sum borð eru með styrktarbjálkum sem geta flækt málið.

Hvernig þú velur borðstofustóla sem henta þínum stíl

Mikilvægt er að finna stólahönnun sem hentar rýminu og fellur vel inn í heildarútlitið. Lítum nánar á mismunandi stílbrigði svo að ákvörðunin verði sem auðveldust.

Hefðbundinn stíll

Borðstofustólar í svörtum, brúnum eða grænum lit eru frábær valkostur fyrir borðstofur í hefðbundnum stíl. Þú getur bætt púðum við stólana til að gefa stofunni látlaust og afslappað yfirbragð. Dökkir viðarfætur í einfaldri hönnun fá aðra hluti í stofunni (eins og borðfæturna) til að skína. Annar efniviður sem er tilvalinn fyrir hefðbundnar borðstofur eru rattan, tág og leður.

Sveitalegur stíll

Ef þú ert að leita að stólum fyrir sumarbústað eða heimili í sveitalegum stíl þá eru borð og stólar úr viði með handunnum smáatriðum alveg tilvalin. Viðarstólar í grófum stíl virka vel með hvaða sveitastíl sem er. Auðvelt er að útfæra þennan stíl með því að velja stóla í björtum hlutlausum tónum, ópússuðum viði og grófum áferðum.

Nútímalegur stíll

Nútímalegir borðstofustólar eru oft með sléttum línum. Þessi stíll leggur áherslu á náttúrulega ljósan við, en þó má bæta svörtum viðartónum við rýmið ef það er með ljósum veggjum. Dökk húsgögn skapa þannig flottar andstæður í rýminu. Ef þú átt beint viðarborð þá er sniðugt að velja stóla með lágu kringlóttu baki.

Grófur stíll

Ef borðstofan þín er í grófum stíl þá er sniðugt að velja náttúrulegan efnivið eins og dökkan við og hlutlausa bólstrun. Viðarstólar skapa látlaust og náttúrulegt útlit. Þú getur einnig valið stóla eða önnur húsgögn með leðri, sem setur afslappaðan svip á rýmið.

Að hverju ber að leita þegar borðstofustólar eru valdir

Fyrir utan efni, stærð og stíl þá eru nokkur atriði sem gott er að hafa í huga þegar þú velur borðstofustóla. Eftirfarandi þættir ættu að gera þér auðveldara fyrir að velja stóla sem henta þínum þörfum. 

• Þægindi – Það kemur á óvart hversu oft fólk einblínir á liti og mynstur og gleymir þannig einum af mikilvægustu þáttunum: þægindum. Hversu lengi áætlarðu að þú munir sitja á stólnum hverju sinni? Þetta er afar mikilvægt atriði fyrir eldri einstaklinga, fólk með lítil börn og einstaklinga með léleg hné eða mjaðmir.

• Stöðug smíði – Sama hvaða efni er notað við smíði á stólnum þá er mikilvægt að hann sé nógu traustur til að geta borið fjölskyldumeðlimi og gesti án neinna vandkvæða.

• Þægileg tilfærsla – Mikilvægt er að stólarnir séu þægilegir í tilfærslu, þá sérstaklega þegar gesti ber að garði. Þú getur þá notað þá í stofunni þegar þörf er á aukasætum.

• Þægilegt viðhald – Einnig er mikilvægt að velja stóla sem eru auðveldir í viðhaldi, sérstaklega ef þú átt börn eða gæludýr. Veldu stóla án áklæðis eða leðurs til að auðvelda þrif. Ef þú telur bólstrun vera nauðsynlega þá er sniðugt að þú skoðir blettaþolið klæði.

Samsetning af allskyns borðstofustólum

Sumir vilja helst hafa samræmi milli borðsins og stólanna, á meðan aðrir velja gjarnan margs konar stóla sem virka vel saman. Gott er hinsvegar að stíga varlega til jarðar þegar mismunandi stólar eru valdir. Valið verður að vera rétt, því annars getur verið hætta á því að stofan virki óreiðukennd. 

Sniðugt er að velja sameiginlega þætti eins og efni, lit, stíl, form eða hæð. Þetta gefur stólunum samræmt útlit og undirstrikar jafnframt sérstöðu hvers stóls. Þú getur einnig blandað saman mismunandi efnum og áferðum. Viðarborð gæti t.d. farið vel við hvíta stóla. Leikur með mynstur, liti og efnivið ýtir undir afslöppun og sköpunargáfu og gefur færi á allskyns mismunandi sætum fyrir vini og vandamenn.

Hér hjá vidaXL bjóðum við upp á glæsilegt úrval af borðstofustólum fyrir öll heimili. Skoðaðu úrvalið hjá okkur.