Snyrtiborð (420 Niðurstöður)

Falleg snyrtiborð fyrir svefnherbergið

Þegar þú ert að flýta þér út úr dyrunum kemur það sér vel að hafa snyrtivörur og skart á einum stað. Með snyrtiborði í svefnherberginu er einfaldlega einfaldara að hafa sig til á morgnana. Snyrtiborð er ekki bara hagkvæm viðbót við svefnherbergið heldur gefur það rýminu klassískt yfirbragð.

Þessi dásamlegu húsgögn eru í tísku um þessar mundir og ekki furða, því þau nýtast afar vel. Ef þú ert að leita að fallegu húsgagni í svefnherbergið er snyrtiborð málið. Hjá vidaXL finnurðu snyrtiborð af ýmsum stærðum og gerðum. Skoðaðu úrvalið og finndu það sem hentar þér best.

Úr hverju ætti borðið að vera?

Það er mikilvægt að huga að því hvaða efniviður er notaður. Efniviðurinn hefur mikið að segja um endingu og útlit en einnig um heildarstílinn og hvernig það passar með öðrum húsgögnum í rýminu.

1. Snyrtiborð úr gegnheilum viði

Gegnheil viðarhúsgögn, sérstaklega ef þau eru í klassískum stíl, eru tímalaus viðbót við heimilið. Snyrtiborð úr mangóviði henta þeim sem vilja svolítið grófan stíl þar sem einstakt viðarmynstrið fær að njóta sín. Eik og fura eru einnig góðir valkostir, enda traustar og endingargóðar viðartegundir sem setja hlýlegan svip á heimilið.

2. Snyrtiborð úr MDF

MDF er ein tegund af samsettum viði og er gert úr viðartrefjum. MDF hefur marga kosti, meðal annars er það tiltölulega ódýr en traustur efniviður og hentar því vel í húsgagnasmíði. MDF er traust og endingargott og þolir áralanga notkun án viðhalds. MDF húsgögn er hægt að mála og því er einfalt að láta MDF snyrtiborð passa við þau húsgögn sem fyrir eru í rýminu. MDF er auk þess léttari og ódýrari efniviður en gegnheill viður.

Hvaða gerð af snyrtiborði ættir þú að velja?

Snyrtiborðin fást í ýmsum útfærslum og því er hægt að velja þá hönnun sem hentar þér best. Snyrtiborð er hægt að nota á fjölbreyttan hátt, jafnvel á baðherbergi eða á gangi en algengast er að sjá þau notuð í svefnherbergi eða fataherbergi.

Förðunarborð með spegli

Þessi borð eru sérstaklega hönnuð fyrir förðun og snyrtingu. Á þeim er áfastur spegill sem kemur sér afar vel. Sum þeirra hafa einnig innbyggða LED lýsingu sem gefur ákjósanlega lýsingu við förðunina. Í hirslum borðsins er hægt að geyma förðunar- og snyrtivörur á handhægan og þægilegan hátt.

Módernísk snyrtiborð

Þessi borð eru í stærra lagi og henta vel sem stærri geymsluhirsla fyrir snyrtivörur og/eða aðra persónulega muni. Í þeim geta verið bæði hillur og skúffur sem henta vel fyrir skart, snyrtivörur og annað fyrir persónulega umhirðu. Þessi borð fást bæði með spegli og án. Þau fara vel hvort sem er í forstofu, fataherbergi eða á rúmgóðu baðherbergi.

Hornsnyrtiborð

Hornborð eru frábær fyrir minni herbergi þar sem þau nýta plássið vel og hafa gott geymslupláss. Í þeim er rúmgóður skápur með hliðaropnun og opin hilla undir borðplötunni fyrir allt sem þarf að hafa við höndina. Með hornborðum er tilvalið að nota þriggja þilja spegil með lýsingu til að fá þrívíða spegilmynd við snyrtinguna. Á sumum hornborðum eru snyrtivöruhillurnar festar við hliðarplöturnar af hagkvæmnisástæðum.

Hvað ætti snyrtiborðið að vera stórt?

Hvaða stíl sem þú velur, ætti að vera auðvelt að athafna sig við borðið í sitjandi stöðu. Dæmigerð hæð á snyrtiborði í svefnherbergi er um það bil 75 cm en almennt eru þau frá 69-75 cm á hæð.

Stærð og umfang borðplötunnar er það helsta sem þarf að huga að; hversu mikið pláss þarf undir snyrtivörur og annað þú vilt hafa á borðinu.

Ef þú velur snyrtiborð með spegli skaltu athuga vel að það sé pláss til hliðanna svo spegillinn standi eins og hann á að gera. Þetta á sérstaklega við ef þú kaupir borð og spegil hvort í sínu lagi. Gerðu ráð fyrir minnst ca 5-10 cm bili frá borðbrún að spegli.

Hvaða snyrtiborð hentar best fyrir svefnherbergi?

Snyrtiborð er bæði nýtilegt og fallegt húsgagn. Hjá okkur finnurðu úrval af snyrtiborðum við allra hæfi. Þau spanna allt frá barokkstíl að módernískri hönnun og því ættu allir að finna eitthvað fyrir sinn smekk.

• Módernísk snyrtiborð

Fyrir þau sem aðhyllast módernískan stíl er úr nægu að velja. Hvítt MDF snyrtiborð með tréfótum er einn af okkar frábæru kostum. Slétt áferðin virkar vel með módernískum innréttingum og hægt er að velja úr ýmsum litum, þar á meðal hvítt, svart og grátt. Þú getur einnig valið um matta eða háglans áferð.

• Klassísk snyrtiborð

Snyrtiborð í klassískum stíl eru afar glæsileg og setja einstakan svip á rýmið. Fallegt snyrtiborð kemur vel út sem áhersluhúsgagn í rýminu, t.d. borð í barokkstíl úr gegnheilum við. Flest klassísku snyrtiborðin eru með sporöskjulaga spegli í fallega útskornum og skreyttum ramma.

• Snyrtiborð í bóhemstíl

Til að undirstrika bóhemstílinn í rýminu kemur virkilega vel út að velja snyrtiborð úr endurnýttum við. Sérstök áferð viðarins og viðarmynstrið setur kraftmikinn svip á rýmið. Þessi snyrtiborð eru einstök í útliti þar sem efniviðurinn í þau er fenginn úr gömlum húsgögnum eða jafnvel byggingum og því mikil saga á bak við hvert stykki. Þessi sérstaða gerir þau tilvalin fyrir heimili þar sem bóhemstíll ræður ríkjum, enda eru þau bæði falleg og umhverfisvæn.

Hvernig er hægt að stílisera snyrtiborð?

• Snyrtiborð eru notuð á persónulegan hátt og því misjafnt hvað hentar best þegar kemur að stíliseringu. Í opnar hillur er hægt að setja persónulega muni á borð við myndir og minjagripi.

• Góður lampi eða ljósasería fyrir ofan borðið getur komið sér vel ef ekki er innbyggð lýsing í borðinu og nýtist líka sem óbein lýsing fyrir rýmið.

• Afskorin blóm í vasa eða lítil pottaplanta skapa hlýlega stemningu við borðið.

• Settu upp myndavegg fyrir ofan snyrtiborðið með uppáhalds tískumyndunum eða innblæstri fyrir förðun og stíl.

• Að lokum skaltu velja réttan stól. Athugaðu vel að hann henti stærð og stíl borðsins.