Borð (6,494 Niðurstöður)

Hinar einu sönnu leiðbeiningar til að velja rétta borðið

Óþarfi er að útlista í þaula hversu mikilvægt borð er á hvert heimili en þó er gott að hafa nokkra þætti í huga sem ættu að aðstoða þig við að velja rétta borðið fyrir heimilið.

Þú finnur eitthvað fyrir alla í úrvali vidaXL á borðum. Hvort sem þig dreymir um stórt borðstofuborð fyrir borðhald með vinum og vandamönnum, sófaborð í sveitalegu stofuna þína eða iðnaðarlegt náttborð - við eigum þau öll.

vidaXL býður upp á borð í allskyns hönnunum og stílum og sérstök áhersla er lögð á efniviðinn. Þú finnur hágæðaefni eins og akasíuvið, flottan endurnýttan við eða Sheesham-við sem allir eru t.d. fallegir þegar þeir eru paraðir við ýmis konar málmefni.

Vertu með grunnatriðin á hreinu þegar þú velur borð

Ef þér tekst að finna rétta borðið í fallegri og hagnýtri hönnun þá ertu án efa að fara að njóta þess til lengri tíma. Hið fullkomna borð er auðvitað það borð sem er í þínum verðflokki og mætir þörfum þínum og smekk.

Gott er að hafa ýmsa þætti í huga til að tryggja að þú veljir rétta borðið. Hönnun og notkun borðsins fer t.d. eftir rýminu sem borðið á að vera í. Sniðugt væri að vera með veggborð úr gleri ef þig vantar mjótt borð í forstofuna. Klassískt borðstofuborð væri hins vegar alveg tilvalið úr sterkbyggðum gegnheilum viði. Efniviður borðsins er nefnilega afar mikilvægur.

Ímyndaðu þér borðstofuborð fyrir sex til átta manns í pínulítilli borðstofu. Langar þig í svona þrengsli? Hvað með lítið sófaborð með 45 cm þvermáli fyrir framan 5-sæta sófa? Það væri svolítið einmanalegt, er það ekki? Stærð borðsins fer eftir stærð rýmisins, notkun borðsins og sætisfjölda í kringum það, svo ekki sé minnst á önnur húsgögn í kringum það.

Önnur leið til að velja vel er að veita stíl og hönnun borðsins athygli. Mikilvægt er að þú veljir borð sem fellur vel við rýmið. Ef svefnherbergið er t.d. í sveitalegum stíl þá mælum við ekki með því að þú veljir borð í iðnaðarlegum stíl. En engar áhyggjur, við förum yfir öll meginatriðin hér á eftir.

Tegundir borða

Veistu að hvernig borði þú ert að leita? Leyfðu okkur að kynna þig fyrir allskyns fallegum borðum úr úrvali vidaXL og deila með þér mismunandi eiginleikum þeirra.

Tímalaus eldhús- og borðstofuborð

Svæðið í kringum eldhúsborðið eða borðstofuborðið er hugsanlega mikilvægasti staðurinn á heimilinu fyrir utan svefnherbergið. Þú ferð þangað til að njóta góðra máltíða með fjölskyldunni, plana daginn yfir morgunmatnum eða deila skemmtilegum sögum með vinunum í matarboði. Sumir nota meira að segja eldhúsborðið eða borðstofuborðið til að vinna heima eða til að dunda sér að tómstundaiðjunum sínum.

Eldhúsborðið eða borðstofuborðið þarf því að vera hið eina rétta. Borð úr gegnheilum viði er vinsælasti kosturinn þar sem það er harðgert, endingargott og fallegt. Ef rýmið er lítið þá er sniðugt að hafa borðið annað hvort ferkantað eða kringlótt. Ef þú velur sporöskjulaga eða rétthyrnt borð þá býður það hins vegar upp á sæti fyrir fleiri. Ef hið hefðbundna borðstofuborð er ekki alveg þinn tebolli þá standa þér til allrar hamingju allskyns aðrir kostir til boða.

• Barborðið

Ef rýmið er lítið þá er barborð alveg tilvalið. Barborð er ávallt hærra en venjulegt borð og yfirleitt minna líka. Sum eru í sígildri hönnun á meðan önnur eru með hillum sem veita geymslupláss sem getur verið bæði hagnýtt og fallegt ef þig langar til dæmis að vera með pottaplöntur. Ef þú ert að íhuga að kaupa barborð þá er gott að hafa í huga að þú þarft einnig að kaupa barstóla og þeir gætu reynst óþægilegir ef börn eru á heimilinu.

• Bístróborðið

Bístróborð gefa borðstofunni, eldhúsinu eða jafnvel svölunum rómantískan blæ. Heimilið fær á sig notalegt og róandi fransk yfirbragð með þessari tegund borða. Ef þú ert að íhuga bístróborð þá er gott að hafa í huga að þau eru oft í minna lagi og bjóða einungis upp á sætispláss fyrir tvo til fjóra.

• Samleggjanlega borðið

Felliborð geta verið afar þægileg þar sem þau spara pláss. Hægt er að finna pínulítil felliborð eða stærri gerðir fyrir lítil eldhús eða svalir þar sem þau fást í ýmsum lögunum og stærðum. Samleggjanleg borð eru afar þægileg í tilfærslu og geymslu.

Skrautborð

Skrautborð eru þessi litlu borð sem við þekkjum öll sem hægt er að setja hvert sem er. Þú getur notað þau sem sófaborð fyrir framan sófann, hliðarborð við hlið uppáhaldsarmstólsins eða endaborð í forstofunni. Þau fást í allskyns stærðum, lögunum, efnum og stílum og það eina sem þú þarft er gott ímyndunarafl. Þú finnur án efa rétta skrautborðið fyrir hvaða herbergi sem er á heimilinu.

Náttborð

Við vitum öll hversu mikilvæg nátortbð eru. Þau eru frábær leið til að innramma rúmið þitt og setja heildstæðan svip á svefnherbergið. Náttborð er auk þess hagnýtt húsgagn í svefnherbergið þar sem þú getur geymt ýmsa nauðsynjamuni innan seilingar, hvort sem það er vatnsglas, sími, bók eða hvaðeina annað.

Hver er besti efniviðurinn fyrir borðið?

Viðarborð

Náttúruleg fegurð viðarborða gerir þau að einum vinsælustu borðunum. Hver viðartegund hefur upp á eitthvað einstakt að bjóða varðandi áferð, lit eða sjarma, hvort sem það er eikarviður, akasíuviður, furuviður eða óvenjulegar viðartegundir eins og rósaviður, mangóviður og endurnýttur viður. Gegnheil viðarborð eru bæði sterkbyggð og endingargóð og þau eru því sígilt húsgagn sem endist til margra ára.

Borð úr MDF

Borð gerð úr MDF eru ekki einungis á góðu verði heldur passa þau einnig inn á hvaða heimili sem er. Þau eru harðger, endingargóð og vatnsþolin og þau eru því afar vinsæl sem skrautborð eða eldhúsborð. Þau fást einnig í allskyns stærðum í mismunandi tónum og áferðum - bæði glansandi og möttum.

Borð sem grípa augað

Svo eru auðvitað til borð úr trefjagleri, málmi, gleri og marmara. Þessir efniviðir bjóða upp á einstakar hannanir og einstök borð. Vertu þó viss um að velja borð sem hentar þínum lífstíl. Borð úr gleri eða málmi með beittum brúnum eru til dæmis ekki öruggasti kosturinn ef þú átt börn sem finnst gaman að ærslast um.

Hvernig þú velur rétta stærð fyrir borðið

Fyrir utan lögunina og notkunina þá ákvarðast stærð borðsins af því hvernig borðið passar við önnur húsgögn í herberginu. Gott er að hafa í huga hversu margir eiga að geta sitið við borðið - mikilvægt er líka að þú hafir í huga hversu mikið pláss þarf að vera fyrir aftan stólinn þegar honum er ýtt frá borðinu. Gakktu ávallt úr skugga um að nóg pláss sé fyrir innganga og önnur húsgögn, t.d. ef húsgagnið er með skúffu sem tekur pláss þegar hún er dregin út.

Þú þarft að minnsta kosti 75 cm af opnu rými á milli sætanna og næsta hlutar til hliðar við borðið, hvort sem það er húsgagn, veggur, hurð eða gluggi. Ef borðið er við hurð frekar en við opið rými, reyndu þá að hafa það um 120 cm frá hurðinni. Borð sem er of langt frá útjaðri herbergisins lítur skringilega út og því er gott að hafa það í mesta lagi 183 cm frá útjaðrinum til að hafa jafnvægi á rýminu.

Sófaborð fást hins vegar í allskyns stærðum og lögunum. Þumalputtareglan er að lengd sófaborðsins ætti að vera u.þ.b. tveir þriðjuhlutar af stærð sófans. Gott er að hafa borðplötuna um 5 cm lægri en hæð sætissessanna. Endaborð ættu að vera a.m.k. 5 cm lægri en armur sófans. Til að tryggja þægindi þá mælum við með því að þú veljir frekar borð í lægra lagi heldur en í hærra lagi.

Þú þarft líka að hafa stærð rúmsins þíns í huga þegar þú velur náttborð. Til að þú náir alveg örugglega að borðplötunni úr rúminu þá er gott að hafa náttborðið í um 5 cm fjarlægð frá rúmgrindinni. Breidd náttborða getur verið mismunandi en þó er dæmigerð hæð um 61-71 cm. Ef rúmið er queen-size þá virka náttborð með 50-70 cm breidd t.d. mjög vel.

Topp 5 ráðin til að stílfæra borðið

1. Leyfðu náttúrulegri fegurð borðsins að skína og láttu það standa autt. Það skiptir ekki máli hvernig borð þetta er - það er alltaf gaman að sjá áferðina. Leyfðu því að standa auðu svo að áferðin sjáist.

2. Farðu grænu leiðina. Vertu með pottaplöntur eða fersk blóm í fallegum vösum. Þetta hefur svo sannarlega áhrif á útlit borðsins, svo ekki sé nefnt á skapið þitt.

3. Vertu með löber á eldhús- eða borðstofuborðinu. Hann bætir ekki bara heimilislegum blæ við borðið heldur verndar hann það líka við borðhald.

4. Veldu fallegan bakka til að hafa skreytingar á. Bakkinn kemur í stað þess að vera með skrautið út um allt borð og hann bindur hönnunina saman og gefur borðinu stílhreint útlit.

5. Hafðu þetta einfalt. Því minna því betra. Ekki vera með of mikið af hlutum á borðinu - hafðu í huga að það þarf líka að vera praktískt.