Heitustu trendin: Gylltar áherslur

Þessi dass af glamúr sem heimilið þarf til að blómstra

 

Gull hefur alltaf verið tákn velmegunar og lúxuss. Notkun þess í innanhússhönnun hefur þróast með tímanum, frá glæsileika til ofskrauts. Ef gætt er að jafnvægi gefur gull fágað yfirbragð.

Gylltar áherslur eru komnar aftur í tísku og hafa sannarlega gripið athygli okkar. Leyfðu þér að nota gylltar áherslur til að ná fram elegant tilfinningu, eða gríptu athyglina með flottum, gylltum aukahlutum. Skreyttu heimilið með gylltum smávörum eða húsgögnin með gylltri áferð til að fá fram nettu lúkki.

 

 

Litasamsetningar sem bæði eru djarfar og róandi

Það gæti virst yfirþyrmandi að nota gylltar áherslur, en sem betur fer getur þetta flotta trend kennt okkur að forðast klisjukennda hönnun. Gull ætti að tóna niður með því að nota úthugsaða litapallettu og við getum gefið góð ráð.

Öruggast er að nota svart og hvítt með gylltum áherslum. Þessi samblanda skapar fágað útlit. Annars er hægt að nota hlutlausa tóna í sambland við gull. Þetta ljáir heimilinu hlýju. Í síðasta lagi gætirðu einnig valið að nota mjög djarfa litapallettu og þannig blandað gulli við djúpgrænan- eða bláan, eða mjúkri kampavínsbleikri pallettu til að grípa augað með hönnuninni.

 

 

Gull þarf að nota með réttu efni

Gulli ætti alltaf að blanda við rétt efni. Þar sem það býr yfir svo sterkri lúxustilfinningu þarf gull að hafa með sér íburðarlítinn bakgrunn svo það fái að njóta sín, en ekki þannig að það taki yfir. Þegar kemur að húsgögnum og aukahlutum þarf að velja efni sem fellur við rýmið og myndar jafnvægi. Ef gulli er blandað við stál eða gler næst fram nútímaleg tilfinning. Annars er hægt að blanda gylltum áherslum við við til að gera flott rými. Fyrir íburðarmikla hönnun er hægt að blanda gylltum áherslum við marmara eða flauel.

 

      

Notaðu gylltar áherslur til að gera rólegt rými stórglæsilegt.

Svartar og hvítar, mínímalískar innréttingar mega líka standa framúr. Dass af gulli er hin fullkomna lausn. Skrautpúðar, gluggatjöld eða lampar er eitthvað sem hægt er að dressa í gulli til að fá líflegt og nútímalegt lúkk. Dragðu fram ákveðin rými á heimilinu með því að skapa hlýtt og notalegt andrúmsloft í innréttingunni sem fyrir er. Taktu líka eftir að gylltar áherslur geta dregið athyglina að smærri rýmum. Gullglansinn lætur rýmið virðast opnara og stærra.