Tjöld (734 Niðurstöður)

Hvernig þú velur tjald sem uppfyllir útileguþarfir þínar

Tjald er einn mikilvægasti búnaður sem þarf að hafa með í pökkunarlistanum þegar tjaldferð er skipulögð. Hvort sem þú ert á leið í útilegu til að komast í ódýrt frí eða langar hreinlega að endurupplifa æskuna, þá eru útilegur frábær leið til að verja meiri tíma utandyra og njóta samverustunda með vinum og vandamönnum.

Val þitt á tjaldi getur haft mikil áhrif á útileguupplifunina. Óviðeigandi tjald getur hleypt inn mýflugum eða rigningu, eða jafnvel hrunið algjörlega niður. Þú þarft einnig að hafa tilgang útilegunnar í huga, þ.e.a.s. hvort þú gætir þurft að útbúa þér skjól af nauðsyn.

Mikið úrval af tjöldum er í boði og því getur reynst flókið að velja rétta tjaldið. Sem betur fer höfum við útbúið einfaldar leiðbeiningar til að hjálpa þér að finna tjald sem uppfyllir þarfir þínar.

Mismunandi tjaldtegundir

Tvær megintegundir af tjöldum fyrirfinnast. Annars vegar er hægt að fá bakpokatjöld og hins vegar er hægt að fá tjaldstæðatjöld. Hér að neðan skoðum við nánar þessar tvær tegundir tjalda.

• Bakpokatjöld

Frábær valkostur fyrir bakpokaævintýri og fyrir þá sem eru í leit að ódýru tjaldi. Bakpokatjöld fást með léttum stöngum og efnum. Þau fást einnig í mismunandi hönnunum, hvort sem þær eru litlar eða stórar. Jafnvel þótt bakpokatjöld séu léttari og minni en tjaldstæðatjöld þá eru þau engu að síður nógu harðger til að standast erfiða veðráttu.

• Tjaldstæðatjöld

Tjaldstæðatjöld eru í meginatriðum hönnuð fyrir stóra hópa og fjölskyldur og þeim fylgir því meira dvalarrými og alls kyns aðrir eiginleikar. Þau eru líka þægilegri og praktískari. Auk þess er auðvelt að tjalda þessari tegund tjalda og þau veita þurrt og áreiðanlegt skjól við erfið veðurskilyrði.

Hvaða hönnun tjalds ættirðu að velja?

Tjöldin fást í fjölmörgum gerðum og stærðum. Algengustu hannanirnar eru tjöld með A-ramma, hvelfingu, sívalningslaga hólfi eða í formi skála. Þó hefur orðið endurvakning á nýjum hönnunum eins og hraðtjöldum sem notast við mjög fáa íhluti og auðvelt er að setja upp. Skoðum nánar hinar ýmsu tjaldhannanir.

Hvelfingartjöld

Hvelfingartjöldin eru vinsælasta hönnunin þar sem þau eru rúmgóð og auðvelt er að tjalda þeim. Þau eru með stöðugri og léttri byggingu með tveimur stöngum sem fara hvor yfir aðra á hæsta punkt tjaldsins. Þetta gerir tjöldin hærri fyrir miðju, sem gefur þér meira pláss til setu. Þau eru kannski ekki sterkustu tjöldin, en þau eru engu að síður góður kostur á svæðum með mildri veðráttu. Hvelfingartjöld eru oftast hönnuð fyrir 2-3 manns.

Skálatjöld

Ef þú ert í leit að tjaldi sem er nógu stórt til að þú getir staðið upp þá er skálatjaldið besti kosturinn. Þessi tjöld eru með næstum lóðréttum veggjum sem hámarka heildarhæðina. Þau veita mikið pláss til að hreyfa sig og þau eru því tilvalin fyrir fjölskyldur eða að minnsta kosti fjögurra manna hóp. Skálatjöld eru einnig þyngri og eru því oft góður kostur fyrir bílaútilegur.

Sívalningslaga tjöld

Auðvelt er að setja sívalningstjöld upp og þau henta því prýðilega fyrir eintaklinga sem vilja setja tjaldið upp á hverjum degi. Þau eru svipuð hvelfingartjöldum fyrir utan að þau eru lengri og meira sívalningslaga í lögun. Sívalningstjöld eru oft með aðskildu geymsluplássi fyrir farangur og því er nóg af plássi fyrir þig inni í tjaldinu sjálfu. Þau eru með góðu höfuðrými og rými til að hreyfa sig og þau eru því frábær kostur fyrir fjöldskyldur eða stærri hópa. Þau standa hins vegar ekki ein, sem þýðir að þau reiða sig algjörlega á að hælar og stög séu vel fest niður til að veita stöðugleika.

Landmælingatjöld

Landmælingatjöld bjóða upp á alla kosti hvelfingartjalds en með bættum stöðugleika, stuðningi og endingu. Þau eru með fleiri stöngum sem fara þvert á hver aðra og mynda skel af þríhyrningum sem styrkja heildaruppbyggingu tjaldsins. Mikill styrkur og stöðugleiki tjaldsins gerir það að frábærum kosti fyrir útilegur í öfgakenndum veðurskilyrðum. Þessi tegund tjalda rúmar fjóra einstaklinga á þægilegan hátt.

A-ramma tjöld

Þegar þessari tegund tjalda er slegið upp þá lítur hún út eins og bókstafurinn A. Þessi tjöld eru mjög vinsæl í húsbílum þar sem hönnunin er afar einföld. Áður fyrr voru tjöldin gerð úr dúkaefni og þau voru oft með málm- eða viðarstöngum. Nútímaútgáfur eru með léttum efnum og álstöngum. Auðvelt er að tjalda A-ramma tjöldum og þau eru einnig afar stöðug. En þau skortir þó höfuðrými.

Pop-up tjöld

Pop-up tjöld eru einnig þekkt sem hraðtjöld þar sem auðvelt og fljótt er að setja þau upp. Fjöðrunarbúnaður fylgir með sem auðveldar uppsetningu á örskotsstundu. Tjöldin eru þó ekki besti kosturinn á tjaldsvæði þar sem hvasst er í veðri. Helsti kosturinn við þessi tjöld er hversu auðvelt er að nota þau.

Hver er rétta tjaldstærðin?

Tjaldstærðir eru flokkaðar sem 1 manns tjöld, 2 manna tjöld, 3 manna tjöld o.s.frv. Þessar stærðarmælingar gefa til kynna þann fjölda einstaklinga sem kemst fyrir í tjaldinu á meðan hver einstaklingur liggur við hliðina á hver öðrum. Þeir sem vilja nota uppblásanlega dýnu í stað svefnpoka þurfa að hafa það í huga við valið á tjaldinu þar sem það getur haft áhrif á stærðina. Hér eru nokkur atriði sem gott er að hafa í huga þegar þú leitar að réttu tjaldstærðinni fyrir næsta ævintýri.

Eins manns tjald

Eins manns tjald er besti kosturinn fyrir einstaklinga sem ferðast einir eða fara í göngur með tjaldið. Þar sem tjaldið er í minnstu stærð þá er einungis pláss fyrir eina manneskju og farangur hennar. Gólfflöturinn er um 1,4 – 1,85 m². Þú getur fest þessa tegund tjalds á sterkbyggðan bakpoka sem þýðir að þú hefur ávallt þægilegan svefnstað.

Tveggja manna tjald

Tveggja manna tjald er rúmgott og rúmar tvo einstaklinga í meðalhæð. Flatarmál þessa tjalds er yfirleitt um 2,8 – 3,25 m². Hæð þín og búkstærð skipta miklu máli við val á tveggja manna tjaldi ef þér á að líða þægilega. Þú þarft einnig að taka tillit til tjaldsvæðisins þar sem tjaldið verður reist. Aðrir meginþættir sem ættu að hafa áhrif á valið á tjaldi eru auðveld tilfærsla og fljótleg uppsetning.

Þriggja manna tjald

Þessi stærð af tjaldi hefur nægt pláss til að rúma litla fjölskyldu. Tjaldið er yfirleitt með 3,7 – 4,2 m² gólffleti og rúmar par með lítið barn eða hund. Hægt er að nota það sem bakpokatjald en þó verður að segjast að ein manneskja gæti þurft að bera sjálft tjaldið á meðan önnur ber stangir og aukahluti fyrir tjaldið. Einnig er auðvelt að setja upp þriggja manna tjald og þú ættir því að geta sett það upp af sjálfsdáðum á stuttum tíma.

Fjögurra manna tjald

Fyrir flestar fjölskyldur er nóg pláss í fjögurra manna tjaldi. Tjaldið er einnig frábært val fyrir fólk sem langar að fara í lengri ferðir. Flatarmál þessara tjalda er yfirleitt um 5,6 – 6,5 m². Þessi tjöld rúma auðveldlega þrjá fullorðna með lítið barn eða hund. Þú getur valið þyngri eða léttari gerðir, allt eftir þörfum. Ef þér finnst gaman að fara í göngu á daginn áður en þú tjaldar þá er sniðugt að velja léttara módel.

5 manna tjald

Fimm manna tjaldið hentar best fyrir fjögurra eða fimm manna fjölskyldu. Ef þú hyggst eyða fleiri dögum í útilegunni þá muntu án efa kunna að meta aukaplássið sem þetta tjald gefur þér. Gólfflöturinn er yfirleitt um 7 – 7,4 m². Þessi stærð (ásamt enn stærri tjöldum) býður upp á meira höfuðrými. Einstaklingar sem eru allt að 213 cm á hæð geta staðið uppréttir í þessu tjaldi.

6 manna tjald

Sex manna tjaldið er vinsælasta stærðin meðal fjölskyldna og er meðalflatarmálið yfirleitt um 8,3 – 9,3 m². Vert er þó að taka fram að það er munur á þægindaflokki og svefnplássi. Þó að sumar gerðir tjalda séu með svefnpláss fyrir sex manns þá gæti vel hugsast að þægindaflokkurinn sé aðeins fyrir fjóra. Sex manna tjöld veita nóg pláss til að tveir fullorðnir og tvö börn geti sofið og hreyft sig um þægilega. Tjaldið geymir einnig allan aukabúnað. Til að gera notkunina sem þægilegasta í þessum tjöldum þá er sniðugt að velja tjald með góðri loftræstingu.

8 manna tjald

Átta manna tjaldið er með nægu þægindaplássi fyrir fjóra fullorðna með tvö börn eða hunda. Þessi tjöld eru yfirleitt með 11,1 – 12 m² gólffleti sem ætti að vera nógu stór fyrir alla fjölskylduna. Mundu að hafa flatarmálið í huga þegar þú leitar að góðum reit til að tjalda.

Hversu miklu máli skiptir þyngdin þegar þú velur útilegutjald?

Þyngd er einn mikilvægasti þátturinn þegar kemur að því að velja tjald. Til að ákvarða hversu mikilvæg þyngd tjaldsins er þá þarftu að átta þig á því hvað þú þarft að labba langt með tjaldið áður en þú tjaldar því. Þetta gæti verið stutt fjarlægð eða jafnvel nokkurra klukkutíma ganga. Tveir þyngdarflokkar eru á tjöldum sem gott er að þekkja þegar þú leitar að tjaldi á netinu.

• Minnsta þyngd: Þessi þyngd telur einungis nauðsynlega hluti tjaldsins eins og efni tjaldsins, tjaldskör og stangir. Þetta er minnsta þyngdin og hún er tilvalin fyrir einstaklinga sem vilja bera eins litla þyngd og mögulegt er.

• Pökkuð þyngd: Þetta er mesta þyngdin. Hér má telja allan búnað sem fylgir tjaldinu eins og búk tjaldsins, poka fyrir stangir, poka fyrir tjaldið, hæla, umbúðir og handbækur.

Hvaða efni ættirðu að velja fyrir tjaldið?

Margir gleyma að veita efniviðnum athygli þegar þeir skoða tjöld. Þó verður að segjast að efni tjaldsins er mikilvægur þáttur þegar kemur að því að velja tjald. Efnið hefur áhrif á vatnsþol, loftræstingu og einangrun. Eftirfarandi eru algengustu efnin.

Nælon

Nylon er létt og andar vel en er þó nokkuð dýrt efni. Þegar það er húðað með vatnsheldu efni þá fælir það frá sér vatn og heldur tjaldinu þurru alla nóttina. Eini ókosturinn er að það slitnar með tímanum.

Pólýester

Líkt og nælon þá andar pólýester vel og hrindir frá sér vatni. Það hefur þann kostinn yfir nælon að það endist lengur og þolir sólarljós mun betur. Þú þarft ekki að hafa áhyggjur af því að liturinn fölni á pólýestertjaldi.

Segldúkur

Ef þyngd er ekki vandamál fyrir þig þá geturðu alltaf valið hefðbundinn segldúk. Efnið er þekkt fyrir að bæði anda og endast vel. Segldúkur heldur á þér hita í köldu veðri og kælir þig á sumrin. Hann eru einnig vatnsheldur en hentar þó allra helst fyrir fólk á bíl frekar en göngufólk.

Skoðaðu úrvalið okkar til að finna frábært hágæðatjald sem uppfyllir þarfir þínar.