Sögunarbúkkar (1 Niðurstöður)

Finndu rétta búkkann fyrir næsta verkefni

Búkki er verkfæri sem notað er til að styðja við planka og við á meðan skorið er. Hann er í einfaldri hönnun sem samanstendur af einum beinum bjálka sem styðst við A-laga fætur og hann er oft notaður sem hluti af pari til að halda viðnum stöðugum á meðan sagað er. Hann er afar sveigjanlegur og auðveldur í tilfærslu. Þú getur einnig sérsniðið hann að þínum þörfum.

Þó er mikið úrval búkka í boði og því getur verið erfitt að velja. Ekki allir búkkar eru eins. Þeir fást í mismunandi efnum, hæð og með mismunandi burðargetu. Í þessum stuttu leiðbeiningum leiðum við þig í gegnum valið á búkka sem mætir þínum þörfum.

Hvaða efni ættirðu að velja fyrir búkkann?

Búkkar eru fáanlegir í mismunandi efnum og þar á meðal er viður, málmur og plast. Skoðum nánar mismunandi efni til að auðvelda þér valið.

Viður

Viður er vinsælasti efniviðurinn í smíði búkka. Ólíkt öðrum efnum þá er afar auðvelt að vinna með við. Mikil burðargeta gerir honum kleift að styðja þung efni án þess að hann skemmist. Einn helsti kosturinn við viðarbúkka er að hann skemmir ekki sagarblaðið þegar það kemst óvart í snertingu við viðinn. Viður getur þó verið nokkuð þungur, sérstaklega harðviður. Mjúkviður er hins vegar léttari en brotnar þó auðveldar. Þó það sé vissulega hægt að finna búkka með samleggjanlegum fótum, þá getur reynst nokkuð erfitt að finna þá úr viði.

Málmur

Sögunarbúkkar sem framleiddir eru úr málmi eru traustir, harðgerir og endingargóðir. Þeir eru tilvaldir fyrir ögrandi verkefni og krefjandi vinnuumhverfi. Flestir búkkar úr málmi eru með stillanlegri hæð og hægt er að leggja þá saman til að auðvelda geymslu. Þeir eru frábærir fyrir fólk sem er í leit að búkki sem hægt er að nota oft og mikið. Sumir málmbúkkar eru með allskyns öðrum eiginleikum eins og klemmu og geymsluplássi fyrir verkfæri. Eini ókosturinn er sá að þeir eru þyngri en viðar- og plastbúkkar. Þú þarft einnig að fara varlega þegar þú sagar, þar sem snerting milli málmsins og sagarblaðsins getur skemmt blaðið. Þó verður að segjast að sögunarbúkkar úr málmi eru frábærir fyrir fagfólk jafnt sem handlagið áhugafólk.

Plast

Plastbúkkar eru afar léttir, sem gerir það að verkum að auðveldara er að færa þá til. Þeir geta hins vegar ekki stutt þyngri planka eða bretti og eru því líklegast ekki besti kosturinn fyrir krefjandi vinnuskilyrði. Þeir henta best fyrir létt verkefni eins og skurð á krossviði eða úðamálun o.s.frv. Hægt er að brjóta saman flesta plastbúkka til að auðvelda geymslu og sumar gerðir eru með aukaeiginleikum eins og klemmum eða hillum til að geyma efnivið á meðan þú vinnur.

Burðargeta

Burðargeta eða hleðslugeta segir til um hversu mikla þyngd búkkinn getur borið. Búkkar geta verið með allt frá lítilli burðargetu til mjög mikillar burðargetu. Mikilvægt er að velja búkka með burðargetu sem hentar verkefninu þínu.

Ef verkefnið þitt felur í sér vinnu með stórum trjábolum þá er betra að þú veljir sterkan og harðgeran búkka - besti efniviðurinn er málmur eða harðviður. Ef verkefnið felur hins vegar í sér vinnu í léttari kantinum, eins og málun, þá eru léttari búkkar úr plasti eða mjúkviði tilvaldir. Því er mikilvægt að þú kynnir þér burðargetu mismunandi búkka áður en þú velur.

Þó er mikilvægt að hafa í huga að sumir framleiðendur merkja burðargetuna á hvern einasta búkka, á meðan aðrir gefa upp samanlagt burðargetumat. Ef þú ert t.d. með tvo búkka og hleðslugetan er 300 kg fyrir hvern búkka, þá væri matið fyrir parið 600 kg.

Hæð

Búkkar fást í mismunandi hæðum. Ef þú velur ranga hæð þá getur það haft áhrif á bakið á þér og valdið sársáuka ef þú beygir þig of mikið. Hæð búkkans ætti að fara eftir hæðinni þinni. Margir kjósa fyrirframstillta hæð og því eru flestir búkkar með fyrirframstilltri hæð.

Einnig má þó finna sögunarbúkka með stillanlegri hæð. Þessi tegund búkka gerir þér kleift að stilla hæðina eftir því hvað þér finnst þægilegast. Til að ákvarða hæð búkkans þá er sniðugt að þú setjir putta á miðju mjóbaksins og biðjir einhvern um að mæla fjarlægðina frá gólfi að puttanum.

Færanleiki

Ef þú vinnur að mestu á verkstæði þá er ekki víst að færanleiki sé þér efst í huga. Ef þú færð hinsvegar oft verkefni utan verkstæðisins þá er færanleiki eitthvað sem þú þarft að hafa í huga. Tveir helstu þættir sem hafa áhrif á færanleika búkkans eru þyngd og stærð.

• Þyngd 

Það er auðvitað mun auðveldara að bera léttan búkka miðað við þungan búkka. Þó verður að taka fram að engin tengsl eru á milli þyngd búkkans og burðargetu hans. Ef búkkinn þarf að vera auðveldur í tilfærslu þá gæti verið sniðugt fyrir þig að velja létt módel sem þolir mikla þyngd.

• Stærð

Sumir búkkar eru með samanbrjótanlegum fótum, sem auðveldar flutning og geymslu. Það getur reynst erfitt að færa búkka í fullri stærð. Ef þú ert í leit að búkka sem er auðveldur í tilfærslu þá er samanbrjótanlegur búkki málið.

Ertu í leit að rétta búkkanum fyrir næsta verkefni? Skoðaðu frábært úrval hjá okkur