Hvernig þú finnur rétta ruggustólinn

Hinn sígildi ruggustóll er meðal vanmetnustu húsgagnanna á heimilinu. Ruggustóllinn hefur verið notaður til að svæfa börn og hjálpa fullorðnum að draga úr streitu og kvíða í meira en þrjá áratugi. Margir tengja þægilegar armhvílur og ruggandi hreyfingu við rólega morgna og afslappaðar helgar.

Frá vísindalegu sjónarhorni hefur ruggandi hreyfingin fram og til baka góð áhrif á þig. Yfirleitt er ruggustóll með hallandi baki sem hjálpar þér að slaka á og ná jafnvægi og veitir þér jafnframt bestu stöðuna fyrir hvíld. Það kemur því líklegast ekki á óvart að ruggustólar hafa aldrei almennilega dottið úr tísku.

Þeir fást í mismunandi gerðum, stærðum, stílum og hönnunum sem henta þörfum hvers og eins. Ef þú ert óviss um hvaða ruggustóll hentar best þá getum við aðstoðað þig við valið.

Mismunandi hannanir

Í leitinni að rétta ruggustólnum er sniðugt að byrja á því að skoða mismunandi tegundir. Ruggustólar fást í þremur megintegundum. Þar á meðal má telja stóla með sveigðum löppum sem rugga, stóla á föstum löppum með gormabúnaði og stóla á föstum standi með innbyggðum búnaði sem færist fram og aftur. Skoðum betur mismunandi hannanir til að auðvelda valið á stólnum.

Hefðbundnir ruggustólar

Þessi tegund af ruggustólum er í einfaldri hönnun og er yfirleitt með tveimur fótum úr bognum viði. Fæturnir tveir eru eini snertipunkturinn milli stólsins og gólfsins. Hönnun og útlit ruggustóla af þessari tegund hefur þróast í gegnum árin. Í dag finnurðu háþróaðar hannanir á borð við stóla úr beykiviði sem grípa augað.

Ruggustólar með gormabúnaði

Þessi tegund stóla er á föstum grunni með fjöðrunarbúnaði sem stjórnar hreyfingu stólsins og ruggar honum fram og til baka. Ruggustólar á borð við þessa hafa náð nokkrum vinsældum en hafa þó aldrei náð að fara fram úr hefðbundnum ruggustólum hvað varðar vinsældir. Sumir undirstöðupallar bjóða upp á hallanlegt bak og fótskemil sem teygist út fyrir meginhluta stólsins. Þessir stólar eru þó ekki eins mjúkruggandi og hefðbundnir ruggustólar þar sem fjöðrunarbúnaðurinn þarf reglulega smurningu til að koma í veg fyrir ískur. Á móti kemur að stóllinn er með stöðugri undirstöðu sem kemur í veg fyrir að stóllinn skauti um gólfið við notkun.

Ruggustólar á föstum standi

Líkt og ruggustólar með undirstöðu þá veita ruggustólar á föstum standi stöðugan grunn. Stóllinn er festur á með stoðum og stoðirnar gera stólnum kleift að hreyfast fram og til baka og skapa þannig ruggun. Þessi tegund stóla er afar vinsæl og oft fylgir annað húsgagn með, eins og fóthvíla. Ekki er hægt að velta afturábak á stólnum sem veitir fólki oft aukið öryggi.

Hvernig þú velur rétta efnið fyrir ruggustólinn

Það leikur enginn vafi á því að efniviðurinn er einn af mikilvægustu þáttunum í vali á ruggustól. Efnið ákvarðar endingu stólsins og stólarnir fást í ýmsum efnum fyrir ýmsar þarfir. Hér eru algengustu efnin.

Viður

Viður er hefðbundinn en jafnframt tímalaus og er einn vinsælasti efniviðurinn fyrir ruggustóla. Náttúrulegt og hlýtt útlit viðarinn setur einstakan svip á rýmið sem fæst ekki frá öðrum efnum. Mismunandi viður ber með sér mismunandi gæði og eiginleika sem vert er að hafa í huga. Viðartegundir af ýmsu tagi gefa einnig möguleika á fjölbreyttum verðflokkum.

Ef þú ert að leita að ruggustól til að hafa utandyra þá er sniðugt að velja harðvið. Tekkviður er einn vinsælasti harðviðurinn. Ruggustólar úr tekki eru bæði harðgerir og endingargóðir. Tekkviður er með háu olíuinnihaldi og hann verður því fyrir litlum áhrifum frá rigningu, meindýrum og sólargeislum. Akasíuviður er önnur tegund af harðviði. Hann er ekki einungis með fallegum viðaræðum heldur þolir hann einnig vatn og er náttúrulega bakteríudrepandi.

MDF

MDF (spónaplata) er framleitt úr viðarleifum og trefjaefnum og það er því ódýrari kostur samanborið við gegnheilan við. Það er vissulega ekki eins endingargott og gegnheill viður en ruggustólar úr MDF hafa þó vaxið í vinsældum síðustu árin. Einn af helstu kostum efnisins er slétt yfirborð og lögun. Það skilar sér í heillandi ruggustól sem fellur vel við rýmið.

MDF er frábært efni fyrir ruggustóla útivið þar sem það höndlar raka vel. Það er af því að það þenst út og þéttist á stöðugan hátt. Það á þó til að draga í sig vatn snögglega sökum fínna trefja. 

Pólýrattan

Rattan er einn vinsælasti efniviðurinn fyrir húsgögn og plastútgáfan af rattani, pólýrattan, er að verða sífellt vinsælli. Pólýrattan er einnig þekkt sem gervirattan og er einn besti efniviðurinn fyrir útihúsgögn, sem gerir það tilvalið fyrir ruggustól í garðinum.

Ruggustólar úr gervirattani eru ekki einungis náttúrulegir í útliti heldur eru þeir einnig endingargóðir, fjölnota, veðurþolnir og viðhaldslitlir. Þeir fást með allskyns áferðum, allt frá hefðbundnum til nútímalegra.

Pólýprópýlen

Pólýprópýlen er sveigjanlegt efni sem aflagast við háan hita og heldur lögun sinni þegar það er kælt. Það er talið öruggara en aðrar tegundir af plasti og ruggustólar úr þessu efni eru viðhaldsfríir. Þú þarft einfaldlega að koma þeim heim og setja þá saman - meira þarf ekki.

Stólar úr pólýprópýleni eru einnig umhverfisvænir og þola hnjask af hinum og þessum toga án þess að brotna. Pólýprópýlenstóll skemmist ekki ef þú missir hann. Stólarnir fást einnig í fjölmörgum litum.

Hvaða stíl ættirðu að velja?

Burtséð frá efni þá þarftu einnig að vita hvaða stíll hentar í rýmið. Langar þig í nútímalegan eða hefðbundinn ruggustól? Stóll í réttum stíl ýtir undir heildarútlit rýmisins. Hér eru leiðbeiningar varðandi rétta stílinn fyrir eignina.

Sveitalegur stíll

Sveitastíll er oftast útlitið sem hugurinn leitar í þegar hugsað er um ruggustól. Hönnun stóla í sveitastíl er yfirleitt sú sama. Eina breytan er sætisbyggingin og hún er annað hvort hallandi eða í einu lagi. Ef hún er hallandi þá þarftu púða, sérstaklega ef þig langar til að sitja í stólnum til lengri tíma. Stóll í heilu lagi getur hins vegar verið þægilegur til lengri tíma. Þessi gerð er góður kostur fyrir hreint og skipulagt útlit.

Ruggustólar í sveitastíl eru hýrlegir og gefa rýminu náttúrulegan blæ. Þeir falla vel inn við innréttingarnar. Flestir ruggustólar í sveitalegum stíl eru gerðir úr viði, en þó er ekki ómögulegt að finna stóla í öðrum efnum.

Skandinavískur, retrólegur og nútímalegur stíll

Ef þú vilt að rýmið sé einfalt, nútímalegt og afslappandi þá er sniðugt að skoða ruggustóla í skandinavískum stíl. Þessi tegund ruggustóla er fyrirferðarlítil og með hreinum línum sem henta fullkomlega í nýmóðins rými.

Nútímaleg húsgögn með hefðbundnum innréttingum eru þó einnig frábær leið til að setja nýmóðins svip á rýmið. Ef þú býrð í eign frá miðri síðustu öld þá flikka retrólegir stólar skemmtilega upp á heimilið. Margir ruggustólar eru innblásnir af 20. aldar hönnunum.

Bólstraðir/ekki bólstraðir

Ruggustólar fást með eða án bólstrun. Ef þú er að leita að mjög þægilegum stól í stofuna þá er bólstraður stóll á standi gott val. Ef stóllinn á að vera í eldhúsinu eða á pallinum þá er sniðugt að velja plast eða stílhreinan við, þar sem báðir efniviðir eru auðveldir í þrifum. Púði fylgir oft með stólum án bólstrunar og þú nýtur því í rauninni góðs af báðum tegundum stóla ef þú kaupir stól án bólstrunar. Þú getur einnig keypt þína eigin púða eða sett teppi yfir stólinn sem passar við innréttingarnar.

Hvaða stærð af ruggustól ættirðu að velja?

Þar sem ruggustóll ruggar fram og aftur, og er þar að auki með stærra sæti en aðrir stólar, þá þarf hann meira gólfpláss en venjulegir stólar. Mikilvægt er að mæla rýmið fyrst til að tryggja að nóg pláss sé fyrir stólinn.

• Stöðluð mál ruggustóla eru 102–127 cm á hæðina, 102–127 cm á dýptina og 66–76 cm á breiddina.

• Gefðu stólnum 60–90 cm aukapláss á sitthvorri hliðinni svo að þú rekist ekki í veggi eða fólk þegar þú ruggar stólnum. Þetta auðveldar einnig öðru fólki hreyfingu.

Viltu ráð varðandi umhirðu og viðhald á ruggustólnum?

Þegar þú hefur fundið rétta ruggustólinn þá er næsta skref að læra rétta umhirðu og viðhald. Annars getur mygla farið að vaxa á stólnum og boltar og festingar geta losnað. Hér eru leiðbeiningar sem hjálpa þér að halda ruggustólnum í góðu standi.

• Málning og vatnsþétting

Gott er að mála, innsigla og vatnsþétta stólinn endrum og eins. Ef óvarinn viður er hafður útivið er líklegt að hann byrji að rotna og það eyðileggur stólinn á endanum.

• Þrífðu ruggustólinn þinn

Mikilvægt er að halda ruggustólnum hreinum til að tryggja langan líftíma. Ólíkt venjulegum óhreinindum þá mun mygla halda áfram að dreifa sér ef hún er ekki fjarlægð. Hún vex inni í viðnum og þvingar að lokum liði stólsins í sundur. Oftast tekur maður ekki eftir þessu fyrr en varan dettur hreinlega í sundur.

• Smyrðu hreyfanlega hluti

Ef þú átt ruggustól á föstum standi þá er mikilvægt að þú smyrjir hann reglulega til að tryggja mjúkrennandi hreyfingu. Notaðu feitara smurefni fyrir útistóla til að koma í veg fyrir rakaskemmdir. Innistólar þurfa aðeins þunnt lag af venjulegri olíu. Mikilvægt er að nota ekki of mikla olíu eða smurefni þar sem það gæti lekið á gólfið og eyðilagt það.

• Hertu lausa bolta

Lausir boltar geta valdið því að allur stóllinn detti í sundur, sem gerir viðgerð nokkuð snúna. Taktu þér tíma við og við til að skoða stólinn og herða lausa bolta til að koma í veg fyrir vandræði í framtíðinni.

Skoðaðu úrvalið okkar til að finna rétta ruggustólinn fyrir heimilið þitt