Val á rétta krananum fyrir eldhúsið
Það er ekkert leyndarmál að eldhúsið er eitt af mikilvægustu rýmunum á heimilinu. Þetta er staðurinn þar sem þú eldar eða undirbýrð snarl og svo gæti þetta einnig verið staðurinn sem þú verð tíma með fjölskyldu og vinum á. En þrif fylgja auðvitað eldamennskunni. Til að viðhalda eldhúsinu þínu þarftu að þvo og þrífa notuð áhöld, diska og aðra hluti. Annars gæti allt eldhúsið endað í rúst. Og mundu að sóðalegt eldhús og sóðalegur vinnustaður getur stundum dregið allan vind úr manni og komið í veg fyrir að maður reyni sitt besta. Það er því mikilvægt að þrífa rýmið og halda því vel við. Hér kemur einnig inn að það er nauðsynlegt að vera með eldhúskrana sem er traustur, áreiðanlegur og gerir þér auðveldara fyrir að þrífa matreiðslusvæðið. Hvernig færirðu annars að því að halda eldhúsinu hagnýtu og hreinu?
Skipta eldhúskranar virkilega máli?
Já, þeir gera það. Þótt það geti virkað einfalt þá skiptir lögun, hönnun og efni eldhúskranans máli. Þessi atriði geta haft áhrif á hvernig þú notar kranann í eldhúsinu. Og ekki aðeins það, heldur ætti lögun tappans einnig að passa við vaskinn og eldhúsið á það heila litið. Ef þú hefur átt í erfiðleikum með að taka uppvaskið í eldhúsinu eða ef þér finnst eins og eldhúsið gæti haft gott af smá yfirhalningu þá getum við svo sannarlega aðstoðað þig við að átta þig á ýmsum atriðum svo að þér takist að finna rétta kranann!
Hvað þarf að hafa í huga við val á eldhúskrana
Efniviður
Þegar kemur að eldhúsinu þá ættirðu aldrei að sætta þig við eitthvað sem þér líkar ekki. Hvernig á þér að takast að elda dýrindis máltíðir og taka svo uppvaskið eftir á ef þú ert ekki með almennilegt svæði til að þrífa upp eftir herlegheitin? Af þessari ástæðu er gott að hafa efnivið eldhúskranans í huga svo að þú fáir krana sem er traustur og endingargóður. Sum af algengustu efnunum eru meðal annars brons, króm og nikkel.
-
Ef eldhúsið þitt er í grófum stíl þá ætti bronslitað blöndunartæki að vera besti kosturinn fyrir þig. Þessi tegund krana er með brúnlegum tónum og passar vel inn í grófar innréttingar.
-
Króm er hins vegar algengasta húðunin og sést reglulega í bæði íbúðar- og verslunarhúsnæði. Krómaðir kranar geta verið í mismunandi verðflokkum, allt eftir hönnuninni.
-
Því næst er nikkel, en það fæst með allskyns áferðum. Nikkel getur verið annað hvort ryðfrítt, burstað eða með satínáferð.
Stíll
Annar þáttur sem þú ættir að hafa í huga þegar þú velur eldhúskrana er í hvaða stíl kraninn er. Eins og við nefndum hér að ofan þá ættu stíll og lögun eldhúskranans að mótast af eldhúsinu og sjálfum vaskinum, og svo auðvitað af því hvernig þú notar kranann. Eftirfarandi eru nokkrir af algengustu stílunum þegar kemur að krönum:
-
Einföld blöndunarstöng - þessi stíll er einfaldur og hagnýtur. Hér hefurðu aðeins eina stöng sem stjórnar bæði vatnsflæðinu og hitastiginu.
-
Tvær blöndunarstangir - annar stíll sem er algengur. Hér hefurðu einn krana en tvær stangir sem hver stjórna hita og kulda.
-
Hár krani - eins og nafnið gefur til kynna þá er þessi tegund krana í hærra lagi, sem þýðir að það er meira pláss á milli blöndunartækisins og vasksins.
-
Útdraganlegir kranar og stútar - hér höfum við krana með færanlegum stút sem hægt er að draga út um nokkra sentímetra. Þetta er góður kostur fyrir eldhús sem mikið er að gera í, eins og til dæmis á veitingastöðum og kaffihúsum.
Staðsetning
Lögun og efni eldhúskranans ætti einnig að fara eftir staðsetningu eldhúsvasksins eða staðsetningu kranans í sjálfum vaskinum. Ef eldhúskraninn er til dæmis í horninu á vaskinum þá er hugsanlega ekki sniðugt að vera með blöndunartæki með tveimur blöndunarstöngum. Þetta er aðallega af því að stangirnar eru beinar og þær passa því ekki vel í horn. Ef vaskurinn er hins vegar nálægt eldhúsglugganum þá er hár krani sennilega ekki besti kosturinn þar sem hann gæti haft áhrif á útsýnið eða gert opnun á glugganum erfiða, þá sérstaklega ef glugginn opnast inn á við. Ef þú þværð oft hrúgur af diskum þá getur lágur krani með stút takmarkað hreyfingar og valdið meiri óþægindum en ella. Það er því mikilvægt að þú hafir alltaf staðsetningu kranans í huga í staðinn fyrir að velja kranann aðeins eftir útlitinu.
Vatnsþrýstingur
Annar þáttur sem þarf að hafa í huga er vatnsþrýstingur. Það fer ekki framhjá þér ef vatnsþrýstingurinn á krananum er lágur, þar sem vatnsflæðið verður hreinlega hægara. Svo gerist það líka stundum að heita vatnið er með lægri þrýstingi heldur en kalda vatnið. Í tilfellum eins og þessum þá hefurðu kost á að velja sérstakan krana sem hægt er að stilla, allt eftir þrýstingskerfinu. Þú hefur alltaf möguleika á því að hafa samband við pípulagningamann til að fá betri mynd af því hvað er í boði.
Hlutverk
Við nefndum stuttlega hér að ofan að valið á krana þarf að fara eftir hönnun eldhússins. Þetta ætti þó ekki að vera eini þátturinn sem þú ferð eftir. Það er alveg jafn mikilvægt að þú hafir virknina í huga. Ef rýmið er í stærra lagi og uppvaskið oft mikið, þá getur komið sér vel að vera með úðastút sem hægt er að taka af. Ef þarfir þínar í eldhúsinu eru hins vegar svolítið upp og niður, þá getur verið sniðugt að velja beygjanlegan eldhúskrana. Hægt er að beygja og breyta þessum sveigjanlegu krönum, allt eftir hæðinni sem þú þarft á að halda. Eins og við nefndum hér að ofan þá geturðu alltaf leitað til pípulagningamanns sem getur aðstoðað þig við að velja það besta fyrir þig. Þar að auki geturðu líka alltaf spurt í byggingavöruverslunum eða öðrum verslunum!
Hvernig þú hugsar um eldhúskranann
Þrif á eldhúskrananum þarf ekki að vera erfitt. Þú þarft alls ekki að gera það á hverjum degi. Hins vegar er nauðsynlegt að þú gerir það annað slagið svo að kraninn haldi ljómanum og líti út eins og nýr.
-
Notaðu rakan klút og mjög milda sápu við þrifin. Þetta tryggir að formúla sápunnar afliti ekki kranann. Mundu einnig að nota mjúkan hreinsiklút sem er á engan hátt grófur til að koma í veg fyrir að þú eyðileggir áferðina á krananum.
-
Eftir þrifin skaltu gæta þess að þurrka alla sápu og vatn af krananum. Notaðu aftur mjúkan klút þegar þú gerir þetta til að koma í veg fyrir rispur á yfirborðinu. Almennileg þurrkun kemur í veg fyrir ryð.
-
Steinefni og kalk í vatninu getur verið óumflýjanlegt. Þessi efni geta því oft fests á blöndunartækinu með tímanum. Hins vegar er nauðsynlegt að þú farir varlega þegar þú fjarlægir þessi efni. Reyndu því að forðast grófa svampa og ekki þvinga efnin af krananum ef þú vilt komast hjá því að skemma hann. Það eru einnig til upplausnir og sérhæfð hreinsiefni sem þú getur notað til að fjarlægja þessi efni án þess að skemma kranann. Það er mikilvægt að þú skoðir hvort efnið eða upplausnin sé örugg fyrir eldhúsvaskinn og kranann. Þú þarft til dæmis að skoða hvort upplausnin sé súr þar sem þetta getur haft neikvæð áhrif á vaska úr marmara.
Hvernig þú berð kennsl á vandamál við blöndunartækið
Fyrir utan þrifin þá mælum við einnig með því að þú reynir að kynna þér hvernig þú áttar þig á vandamálum sem koma upp við blöndunartækið. Þetta er svo að þú getir reynt að koma í veg fyrir meiriháttar tjón og kostnað.
-
Leki - þetta er sennilega algengasta málið þegar kemur að krönum. Þetta gæti stafað af því að kraninn er gamall, uppsetningin er óviðunandi eða það er vandamál með vatnsþrýstinginn. Þegar þetta gerist þá er mikilvægt að þú hafir samband við pípulagningamann svo að þú getir komið í veg fyrir mikil vandræði eða kostnað.
-
Uppsetning - þetta gerist oft þegar fólk setur krana upp sjálft eða þegar blöndunartækið er sett upp í flýti. Því miður getur það haft miður skemmtilegar afleiðingar þegar blöndunartæki er sett upp í flýti. Og þetta gildir ekki aðeins um kranann heldur líka vaskinn og pípulagnirnar.
-
Lækkun á vatnsþrýstingi - hefurðu tekið eftir því að vatnsþrýstingurinn hefur lækkað? Þetta gæti verið vandamál með pípulagnirnar eða uppsöfnun af steinefnum í blöndunartækinu. Sum blöndunartæki má taka í sundur og skoða að innan. En ef þú ert ekki viss um hvernig þú eigir að gera það þá er best að láta fagfólk um það.
-
Slit - í eldhúsi og heimili með mikilli umferð er kraninn vafalaust mikið notaður. Og þegar notkunin er mikil þá er óumflýjanlegt að slit eigi sér stað. Þannig að ef það þarf að skipta um blöndunartæki þá er það eðlilegasti hlutur í heimi, sérstaklega ef tækið er orðið gamalt!
Hvar þú finnur eldhúskrana í góðum gæðum
Eldhúskranar eru auðvitað afar algengir og það ætti því ekki að reynast erfitt að finna þá! Það eina sem þú þarft að gera er að skreppa í næstu verslunarmiðstöð eða byggingavöruverslun til að finna rétta blöndunartækið. Eða þú getur leitað á netinu og skoðað úrvalið af krönum frá vidaXL sem henta þörfum hvers og eins!
Blöndunartæki í eldhúsið
Hvort sem þú ert í leit að klassískum eða íburðarmiklum krana í eldhúsið þá finnurðu auðveldlega það sem þú ert að leita að hjá okkur. Við bjóðum upp á:
-
krana úr ryðfríu stáli
-
krómaða krana
-
matta svarta krana
-
útdraganlega úðakrana
-
lágþrýstikrana
Niðurfall með þrýstiopnun
Fyrir utan fyrsta flokks eldhúskrana þá bjóðum við líka upp á niðurföll með þrýstiopnun sem henta bæði fyrir eldhús og baðherbergi. Flest niðurföllin með þrýstiopnun frá vidaXL fást í fimm mismunandi litum og þú getur því valið þann lit sem hentar þínum vaski og smekk!
Blöndunartæki á baðherbergið
Fyrir utan eldhúskrana þá bjóðum við einnig upp á baðherbergiskrana. Þú getur í rauninni notað kranana okkar í hvaða rými sem er, hvort sem það er eldhúsið, baðherbergið eða allt annað herbergi.
Skoðaðu krana á baðherbergið og í eldhúsið
Á það heila litið getur val á rétta krananum fyrir eldhúsið (eða baðherbergið) farið eftir ýmsum þáttum. Þú þarft því að sjá til þess að taka þér nægan tíma til að velja krana sem hentar þínum þörfum, þínu eldhúsi, þínum vaski og fellur í verðflokk sem hentar þér. Það er auðvelt að hugsa um kranann ef þú veist hvað þú átt að gera til að koma í veg fyrir skemmdir. Kíktu á síðu vidaXL þegar þér finnst þú hafa náð nógu góðri yfirsýn til að velja rétta kranann! Við bjóðum upp á fjölbreytt úrval af krönum sem fullkomna eldhúsvaskinn þinn!