Hvernig þú velur kodda sem mætir þörfum þínum

Koddi er lykillinn að góðum nætursvefni. Koddar fást í mismunandi efnum, stærðum og þægindaflokkum. Ef koddinn er ekki réttur þá getur það valdið óþægilegum svefni, sem hefur auðvitað áhrif á lífsgæðin þín. Góður koddi fyrir einstakling sem sefur á maganum getur verið slæmur koddi fyrir manneskju sem sefur á bakinu. Úr ýmsu er að velja og það getur því reynst flókið að átta sig á því hvers konar koddi hentar best fyrir hvaða svefnstöðu.

Koddar eru mismunandi eftir fyllingarefni, stærð, stífleika, öndun og öðru. Hinn fullkomni koddi fer eftir svefnstöðunni þinni, hvers konar fylling þér finnst best og hvaða þarfir þú ert með. Þessar einföldu leiðbeiningar hjálpa þér að velja kodda sem gerir þér kleift að sofa rótt alla nóttina.

Hvaða fyllingarefni er best fyrir kodda?

Koddar geta verið fylltir með mismunandi efni og þeir geta verið dúnkenndir, stífir og allt þar á milli. Í kjarnann er hægt að skipta fyllingarefnunum upp í tvo flokka: Gerviefni og náttúruleg efni. Gervifyllingar eru oft úr sílíkonhúðuðum pólýestertrefjum sem eru mýkri og halda lögun sinni, á meðan náttúrulegar fyllingar eru úr náttúrulegum efnum sem grípa loft og veita þannig betri einangrun. Eftirfarandi eru algengustu fyllingarefnin fyrir kodda.

Koddar úr minnissvampi

Koddar úr minnissvampi aðlagast höfuð- og hálslögun notandans. Með því að laga sig að lögun líkamans fær höfuðið á þér tækifæri til að hvílast í náttúrulegri stöðu. Þessi tegund kodda lagar sig stanslaust að höfðinu á þér alla nóttina og tryggir þannig þægilegan svefn. Koddarnir henta yfirleitt best fyrir einstaklinga sem eiga það til að fá verki í kringum hálsinn, axlirnar og bakið. Eini ókosturinn við kodda úr minnissvampi er að þeir anda ekki eins vel og aðrir koddar og þeir eiga það því til að verða heitari en aðrir koddar á nóttunni.

Koddar úr pólýester

Pólýesterkoddar eru afar fjölbreyttir og ódýrir og þeir eru því einir vinsælustu koddarnir. Þeir eru léttir, mjúkir og draumkenndir. Þeir þjappast ennfremur mjög vel saman og eru oft með rennilás sem gerir þér kleift að bæta við fyllinguna eða taka úr henni allt eftir því hvernig þú sefur. Pólýesterkoddar eru auðveldir í viðhaldi. Þú getur hent þeim í þvottavélina og þurrkað þá í þurrkara. Gallinn við þessa kodda er að þeir hafa tilhneigingu til að laða að sér ryk og svo halda þeir ekki forminu sérlega vel. Þú gætir því þurft að skipta oftar um kodda miðað við ef þú ættir kodda úr náttúrulegum efnum.

Koddar úr bambus

Bambuskoddar fá nafn sitt frá bambustrefjum sem mynda efni sem er náttúrulega ofið inn í áklæði koddans. Koddinn sjálfur er fullur af rifnum bútum af minnissvampi. Bambustrefjarnar í áklæðinu eru með litlum bilum og götum sem losa út raka og hita. Sem efni er bambus betri en önnur efni þegar kemur að því að halda höfðinu svölu og þurru. Þar að auki eru bambustrefjar mjúkar og gljáandi, eins og silki. Bambus getur einnig verið með þol gegn bakteríuvexti og því er hann ólíklegri til að valda ofnæmisviðbrögðum. Gallinn við bambuskodda er að þeir geta verið örlítið þungir og svo eiga þeir það til að missa loftkenndan mjúkleikann eftir einhvern tíma.

Koddar með dúni

Hér höfum við sennilega dýrasta fyllingarefnið, en dúnkoddar eru afar mjúkir og höfuðið hreinlega sekkur ofan í þá. Þessir koddar eru fylltir með dún af öndum og gæsum. Dúnn er yfirleitt mældur samkvæmt fyllingargetu („fill power“).Þetta vísar í hversu mikið pláss únsa af dúni tekur. Því hærra sem gildið er, því lengur helst koddinn stífur. Dúnkoddar eru léttir og mjúkir en veita ekki mikinn stuðning.

Hvaða kodda ættirðu að velja fyrir svefnstöðuna þína?

Svefnstaðan þín hefur áhrif á val þitt á kodda. Þetta er vegna þess að svefnstaðan þín hefur áhrif á stöðu hryggsins. Óviðeigandi staða gerir nóttina óþægilega og þú vaknar mjög líklega með auman háls. Því er mikilvægt að þú veljir kodda sem hentar svefnstöðunni þinni.

Svefn á bakinu

Ef þú sefur á bakinu þá mun miðlungsstífur koddi styðja höfuðið og halda náttúrulegri lögun efri hluta hryggjarins. Minnissvampur, dúnn og ull eru vinsælir valkostir fyrir fólk sem sefur á bakinu þar sem þessi efni veita þægilegt yfirborð sem er ekki of mjúkt.

Svefn á hliðinni

Fólk sem sefur á hliðinni þarf kodda sem er örlítið stífari en koddi sem fólk sem sefur á bakinu þarf. Veldu kodda sem heldur höfðinu og hálsinum í réttri stöðu. Koddi milli hnjánna og beygðir fætur geta einnig hjálpað til við að halda hryggnum í náttúrulegri láréttri stöðu. Koddar með minnissvampi eða náttúrulegu fyllingarefni eru tilvaldir fyrir fólk sem sefur á hliðinni.

Svefn á maganum

Svefn á maganum þvingar hrygginn í beygða stöðu. Val á réttum kodda getur komið í veg fyrir álag á hrygginn. Þykkur koddi lyftir höfðinu um of og gæti valdið því að hryggurinn beygist of mikið afturábak. Almennt séð eru mjúkir koddar á borð við dún eða fjaðrir betri fyrir fólk sem sefur á maganum.

Hvaða koddi er bestur fyrir þínar þarfir?

Þótt það sé mikilvægt að þú veljir kodda sem hentar svefnstílnum þínum þá er einnig mikilvægt að þú hafir þínar sérstöku þarfir í huga. Til dæmis, ef þú ert með asma eða finnur oft fyrir sársauka í hálsi og öxlum þá ættirðu að geta fundið kodda sem hentar þessum sérstöku þáttum. Skoðum aðeins nokkrar tegundir af koddum sem ættu að virka vel gegn svefnleysi.

Koddar fyrir hálsverki

Ef þú þjáist af sársauka í hálsi þá ættirðu að geta minnkað sársaukann með því að nota kodda úr minnissvampi. Þessi tegund kodda tryggir rétta stöðu fyrir háls og höfuð.

Koddar fyrir heitfengna

Hátt líkamshitastig á nóttunni er eitthvað sem margir þjást af. Ef þú átt það til að ofhitna þá eru kælandi púðar besta lausnin. Koddi sem gleypir í sig hita ætti að tryggja þér friðsælan nætursvefn.

Koddar fyrir asma

Ef þú ert með asma þá skaltu velja kodda sem kemur í veg fyrir mikla fjölgun rykmaura og annarra ertandi þátta. Púðar gegn ofnæmi eru tilvaldir fyrir einstaklinga með asma þar sem þeir eru hannaðir til að vernda gegn ryki og bakteríum en þeir veita á sama tíma næg þægindi fyrir góðan nætursvefn.

Púðar fyrir viðkvæma húð

Besti koddinn fyrir fólk með viðkvæma húð er koddi sem veldur ekki útbroti eða kláða. Sum gerviefni laða að sér rykmara, sem getur þá valdið ofnæmisviðbrögðum á borð við kláða.

Meðgöngukoddar

Ólétta er ekki alltaf góð uppskrift fyrir góðan svefn þar sem erfitt getur verið að finna réttu svefnstöðuna. Meðgöngukoddar eru hannaðir til að veita þægindi fyrir allan líkamann. Þeir eru þó yfirleitt í stærra lagi og taka mikið pláss í rúminu. Þú gætir líka viljað velja kodda sem gleypir í sig hita og heldur líkamanum þægilega kældum.

Hvaða stærð af kodda er best?

Koddar eru til í ýmsum stærðum sem passa við mismunandi stærðir af dýnum. Ef þú veist hvaða stærðir af koddum eru til þá ætti valið á rétta koddanum að verða mun auðveldara. Hver koddi hefur sína kosti. Sumir eru tilvaldir fyrir háls- og bakstuðning á meðan aðrir styðja við allan líkamann. Almennt séð má flokka púða eftir stífleika og þú ættir að velja púðann eftir því hversu mikið stuðning og þægindi þú þarft. Hér að neðan skoðum við mismunandi stærðir á koddum og þetta ætti að gera þér auðveldara fyrir að velja réttu stærðina fyrir dýnuna þína.

Hefðbundnir koddar

Hér höfum við staðlaðan kodda. Hann passar flestum stærðum af rúmum og styður við háls og höfuð. Koddinn mælist 75cm x 50cm og passar fullkomlega í koddaver í staðlaðri stærð. Flestir geta notað hefðbundinn kodda - það fer í rauninni algjörlega eftir fyllingunni. Það hentar yfirleitt að vera með stakan koddi á tvíbreiðu rúmi, tvo á full/queen size rúmi og þrjá á king size/California dýnu.

Queen koddar

Koddar í queen size mælast 51 cm x 76 cm og þeir passa yfirleitt í hefðbundið koddaver. Koddi í þessari stærð passar þó auðvitað enn betur í queen size koddaver. Þessi tegund kodda er búin til fyrir queen size rúm – tveir koddar passa fullkomlega á dýnu í full size eða queen size.

King koddar

King koddar mælast 51 cm x 91 cm og passa fullkomlega í king size koddaver. Þessir koddar eru sérstaklega langir, sem gerir þá tilvalda til að veita aukinn líkamsstuðning fyrir barnshafandi konur og fólk með vöðva- og liðverki. Tveir koddar passa fullkomlega á dýnu í king eða California king stærð.

Evrópskir koddar

Þessir koddar mælast 66cm x 66cm og eru oft notaðir sem skrautpúðar. Þeir gefa rúminu ákveðinn stæl þegar þeir eru settir upp við höfuðgaflinn.

Líkamskoddar

Langir og sívalir líkamskoddar eru tilvaldir seint á meðgöngunni. Þessir koddar veita þér stuðning þar sem þú þarft á honum að halda. Líkamskoddi getur einnig veitt góðan stuðning þegar ungabarni er gefið uppí rúmi. Þú gætir þurft á því að halda eftir fæðinguna.

Er í lagi að sofa án kodda?

Það er kannski ekki lífshættulegt fyrir þá sem sofa á hliðinni eða bakinu að sofa án kodda en það getur þó valdið miklum verkjum á hálsi til lengri tíma. Þar að auki getur svefn án kodda gert háls- og bakverki eða hryggkvilla ennþá verri. Fólk sem sefur á maganum getur þó auðveldlega sofið án kodda.

Viðhald á koddum

Best er að lofta koddann út reglulega til að losna við raka sem hann gæti hafa dregið í sig yfir nóttina. Þetta frískar upp á koddann og losar einnig um fyllinguna. Það er einnig mikilvægt að skoða merkimiða á koddanum varðandi þrif. Sumir koddar eru með yfirbreiðslu sem hægt er að þvo. Í röku umhverfi geta dún- og fjaðurkodda auðveldlega þróað með sér ólykt. Sem betur fer geturðu leyst úr þessu vandamáli með því að lofta úr koddanum. Þú getur líka notað koddavörn til að halda koddanum hreinum og auka líftímann.

Verslaðu kodda hjá vidaXL

Hér hjá vidaXL bjóðum við upp á mikið úrval af koddum í frábærum gæðum í mismunandi efnum, stærðum og litum. Við seljum aðeins vörur frá leiðandi framleiðendum til að tryggja að þú fáir kodda sem uppfyllir þínar þarfir. Hvort sem þú ert í leit að venjulegum kodda eða kodda úr minnissvampi sem aðlagast hálsinum og gefur fullkomin þægindi, þá ættirðu alveg örugglega að geta fundið kodda sem hentar þér. Við eigum kodda fyrir hvaða svefnstöður sem er. Við bjóðum upp á kodda úr náttúrulegum efnum og gerviefnum sem ættu að bæta svefninn til muna.