Skemmtileg flotleikföng

Er nokkuð betra en að skella sér í sund með flotleikföng meðferðis? Kannski eitthvað en við vitum ekki hvað það ætti að vera! Það hafa allir gaman af flotleikföngum og ekki að ástæðulausu. Þau eru ekki bara litrík og skemmtileg heldur hjálpa þau börnum að bæta sundfærni og auka öryggi þeirra í vatninu.

Fullorðnir sjá þau kannski sem tækifæri til að smella af hinni fullkomnu Instagram-mynd en þau eru líka frábær þegar maður vill slaka á í vatninu. Við getum hjálpað þér að finna akkúrat rétta flotleikfangið fyrir næstu sundlaugarferð, allt eftir þínum smekk.

Helstu eiginleikar flotleikfanga

Á sumrin fyllast sundlaugar og önnur vatnssvæði af fólki sem vill skemmta sér í sólinni. Uppblásanleg leikföng eru frábær til að hafa með sér, enda hægt að slaka vel á fljótandi á vatninu.

• Þau eru einfaldlega frábær aukahlutur fyrir sundferðina! Flotleikföng fást í margs konar stærðum og gerðum. Þau geta verið hvernig sem er í laginu, til dæmis eins og teiknimyndafígúrur eða matur! Það er einfaldlega erfitt að kaupa sér ekki flotleikfang.

• Flotleikföng eru þægileg. Flest eru þau framleidd úr slitsterkum vínyldúk og fljóta notalega með notandann á vatnsyfirborðinu. Þau má nota tímunum saman á meðan þú nýtur útiverunnar og sólarinnar. Sum flotleikföng hafa bak eða armhvílur eða jafnvel glasahaldara svo þú þarft ekkert að gera nema halla þér aftur og njóta. Að ekki sé minnst á hversu auðvelt það er að bæði blása þau upp og losa loftið úr þeim aftur og taka þau með hvert sem er.

Flottustu flotleikföngin stela senunni algjörlega í hvaða sundlaug sem er. Flotleikföng eru ómissandi á ströndinni eða í sundlaugarpartýi, enda setja þau skemmtilegan svip á svæðið með litum og lögun. Vinsælustu flotleikföngin eru t.d. flamingóar og svanir. Önnur vinsæl form eru t.d. pítsu- eða vatnsmelónusneiðar, sem er eitthvað fyrir matgæðingana.

Flotleikföng eru fyrir alla fjölskylduna

Á sumum flotleikföngum er setið í reiðstellingu sem getur hentað bæði fyrir börn og fullorðna. Önnur eru ætluð til þess að liggja á og fá þannig bestu hugsanlegu slökun út úr sundferðinni.

Skemmtileg flotleikföng fyrir börn

Flotleikföng fyrir börn fást í mörgum mismunandi útfærslum. Ein vinsælasta útgáfan sem börn nýta í leik er sjóþotuflekinn. Einhyrningar og drekar slá líka í gegn hjá flestum börnum, sérstaklega í hópi. Á þeim eru handföng svo börnin geta auðveldlega haldið sér á meðan leiknum stendur. Athugaðu vel þyngdarmörk og burðargetu áður en gengið er frá kaupum. Við viljum einnig taka það fram að börn undir 3 ára aldri ættu alltaf að nota flotleikföng undir umsjón fullorðinna.

Flotleikföng fyrir fullorðna

Flestir fullorðnir hafa jafngaman af flotleikföngum og börnin. Þó eru hinir fullorðnu ef til vill eilítið rólegri og vilja frekar nýta þau fyrir slökun, til dæmis í fljótandi sólstól með bók í hönd á meðan sólin vinnur í brúnkunni. Ef sólbrúnka er ekki það sem fólk sækist eftir er einfalt að fá sér flotleikfang með skyggni sem ver þig fyrir sólinni. Ef ferðalagið liggur um árlendi getur verið gaman  að fá sér ferð á gúmmíslöngu eftir ánni. Í góðri sundlaugarveislu er hálfpartinn nauðsynlegt að hafa minnst einn flamingóa sem verður miðpunktur veislunnar!

Tveggja (eða fleiri) sæta flotleikföng 

Það er dásamleg tilfinning að fljóta á vatni. Af hverju ekki að deila þeirri tilfinningu með annarri manneskju? Tveggja sæta flotleikföng fást í ýmsum útfærslum og þau stærstu taka allt að 6 manns í sæti. Njóttu þess að vagga á vatninu á tveggja manna flotdýnu eða vatnsmelónulaga floteyju.

Ef þú vilt hafa allan vinahópinn eða fjölskylduna með fást uppblásanlegar eyjur fyrir 5-6 manns. Á þeim eru handföng svo allir geti haldið sér fast, skyggni sem ver fyrir sólinni og glasahaldarar fyrir köldu drykkina sem fólk vill eflaust hafa með sér.

Hvaða stærð hentar best?

Stærð og þyngd flotleikfanga fer eftir lögun þeirra og hversu mörgum manneskjum er gert ráð fyrir á þeim.

• Flotleikföng fyrir börn: Fást í nokkrum stærðum og eru hönnuð með þægindi og skemmtun barnsins í huga. Til dæmis eru þyngdarmörk setleikfanga 40 kg og stærð þeirra getur verið allt frá 117 × 77 cm (L x B) til 201 x 191 cm (L x B).

• Flotleikföng fyrir fullorðna: Þau sem setið er á eru yfirleitt minni, eða um 152 x 99 cm (L x B) og þola flest 90 til 100 kg en fljótandi sólstólar eru stærri;  188 x 99 cm (L x B).

• Flotleikföng fyrir 2: Stærð tveggja manna flotleikfanga er 193 x 142 cm (L x B) og þau bera hámark 180 kg. Uppblásanleg eyja fyrir 5 manns í stærð 291 x 265 cm (L x B) getur borið 450 kg Stærsta floteyjan sem tekur allt að sex manns í sæti er 389 x 274 cm (L x B) að stærð og ber 540 kg