Baðherbergisvaskar (335 Niðurstöður)

Hvernig þú velur rétta baðherbergisvaskinn

Baðherbergisvaskurinn hefur mikil áhrif á heildarmynd baðherbergisins. Baðherbergið er þó líka rými sem mikið er notað og því er það ekki bara útlitið sem gildir. Ef þú átt stóra fjölskyldu þá er baðherbergið mikið notað á hverjum degi. Mikilvægast er að vaskurinn sé bæði sniðugur og þægilegur í notkun.

Hins vegar getur verið flókið að velja rétta vaskinn fyrir baðherbergið. Úr ýmsu er að velja og margt sem þarf að hafa í huga hvað varðar efni, laganir og stíl. Taktu þér tíma til að velja baðherbergisvask sem hentar þér. Stærð baðherbergisins hefur einnig áhrif á valið á vaski.

Hvort sem þú ert að byggja nýtt heimili eða endurnýja baðherbergið þá munu þessar einföldu leiðbeiningar hjálpa þér að velja rétta vaskinn fyrir baðherbergið þitt. Lestu því áfram!

Hvaða tegundir af vöskum eru til?

Það eru til nokkrar mismunandi gerðir af vöskum allt eftir festingarmöguleikum, lögunum og öðru. Eftirfarandi eru algengustu gerðir af baðherbergisvöskum.

Innfelldir baðherbergisvaskar

Baðherbergisvaskar undir borðplötu eru einir af algengustu baðherbergisvöskunum. Eins og nafnið gefur til kynna þá eru þessir vaskar hannaðir til að vera settir ofan í borðplötu með útskornu gati þar sem brúnirnar hvíla á borðplötunni. Brúnirnar eru festar á borðplötuna með sílíkoni eða festingarklemmum. Þegar innfelldur vaskur er settur upp þá þarf þó að hafa í huga að óhreinindi geta safnast upp á milli borðplötunnar og brúnanna og mygla getur byrjað að myndast.

Undirfestir vaskar

Þessir vaskar eru settir upp undir yfirborði borðplötunnar sem þýðir að brúnir vasksins hvíla ekki á borðplötunni. Þetta auðveldar þrif á borðplötunni. Pípulagnirnar eru einnig faldar bakvið vaskaskápinn. Þetta þýðir þó að vatn er líklegra til að enda á borðplötunni og þú þarft því að ganga úr skugga um að hún sé vatnsheld. Þar að auki þarf gatið á borðplötunni að vera mjög nákvæmt og því getur reynst erfitt að setja nýjan vask ef þig langar til að skipta um vask. Ef þú ætlar því seinna meir að skipta um vask þá þarftu að sjá til þess að þú sért með nákvæm mál og að þú skoðir málin frá framleiðandanum varðandi undirfestingarstærð. Þessir tegund vaska er frábær fyrir fjölskyldubaðherbergi með miklum umgangi.

Baðherbergisvaskar á fæti

Þessir vaskar eru hefðbundnir, plásssparandi og stílhreinir. Hér höfum við sígildan vask sem flestir kannast við. Helsti kosturinn við vask á fæti er að hann felur allar pípulagnir, sem þýðir að lokaútgáfan er afar stílhrein. Vaskurinn er studdur af veggfestingu og fóturinn ber því ekki þyngd vasksins. Helsti gallinn við þessa vaska er að þeir bjóða ekki upp á pláss til hliðar til að geyma snyrtivörur. Þar að auki minnkar þetta geymsluplássið á baðherberginu þar sem þessi uppsetning býður ekki upp á skápapláss undir vaskinum.

Veggfestir baðherbergisvaskar

Þessi tegund baðherbergisskápa hangir á vegg, sem þýðir að vaskarnir eru frábærir á baðherbergi með litlu plássi. Þeir eru hvorki ofan á né í borðplötunni. Þeir geta verið afar stílhreinir og gefið baðherberginu minimalískan blæ. Pípulagnir eru oft sýnilegar en þó er einnig möguleiki á að fela þær bakvið vegg. Veggfestir baðherbergisvaskar bjóða þó ekki upp á geymslupláss og þeir eru heldur ekki með yfirborði sem getur gripið vatn þar sem þeir eru án borðplötu.

Baðherbergisskálar

Baðherbergisskálar eru yfirleitt staðsettar ofan á borðplötunni, þótt þú finnir vissulega skálar sem sitja hálfvegis undir borðplötunni. Þessi handlaug lítur út eins og skál sem auðvelt er að taka upp og færa. Vaskaskálar eru frábær leið til að gera baðherbergið bæði nútímalegt og íburðarmikið. Þær virka yfirleitt með flestum baðherbergjum. Ólíkt vöskum undir borðplötunni þá grípur vaskaskál augað og hægt er að nota hana sem miðpunkt á baðherberginu. Helsti gallinn við þessa tegund vaska er hversu snúið getur verið að þrífa þá að neðan. Þessir vaskar henta best í hjónaherbergi.

Hvaða efni ættirðu að velja fyrir baðherbergisvaskinn?

Baðherbergisvaskar fást úr ýmsum efnum. Efnið sem þú velur hefur áhrif á útlit og endingu vasksins. Það er af þessum sökum sem efnisvalið er eitt mikilvægasta atriðið sem þarf að hafa í huga þegar baðherbergisvaskur er valinn. Hér að neðan skoðum við þau efni sem þú hefur úr að velja.

Leir 

Vaskar úr leir eru sígildir og þeir eru auk þess þekktir fyrir glansandi yfirborðið. Liturinn helst óbreyttur jafnvel þegar vaskurinn er þrifinn með vörum á borð við klór. Svo eru flestir þessara vaska endurunnir og þeir eru því tilvaldir fyrir umhverfisvæna. Ef þú ert í leit að vaski með einföldu útliti þá skaltu velja vask úr leir. Vaskarnir fást ekki í mörgum mismunandi litum en þú ættir þó að geta fundið vaska með skrautmynstrum eða jafnvel mattri áferð. Leir er þó viðkvæmt efni og þú þarf því að meðhöndla hann varlega.

Steinn

Baðherbergisvaskar úr steini eru úr efnum á borð við granít, sandsteini, lindakalki og marmara. Þessir vaskar eru yfirleitt í þyngra lagi. Mismunandi gerðir af steini búa yfir einstökum eiginleikum, þar á meðal litabreytileika, steinefnaögnum og æðamynstri. Sumir steinar eru mótaðir í ákveðna lögun og pússaðir, á meðan aðrir fá að vera með grófri áferð til að gefa baðherberginu dramatískt yfirbragð. Baðherbergisvaskar úr steini þurfa þó meira viðhald þar sem steinar eru holóttir. Hafðu auga með blettum á borð við ryð þar sem ryð getur myndast af því að skilja málm eftir á yfirborði vasksins.

Viður

Gegnheill viður er þéttur og harður, sem gerir hann að einu besta efninu fyrir vaska. Þó er ekki hægt að nota allar viðartegundir í vaska. Tekkviður er oft notaður í baðherbergisvaska þar sem hann er afar fjölhæfur, fallegur og býr yfir náttúrulegri fegurð. Hann er með háu olíuinnihaldi sem gerir hann rakaþolinn. Hann er einnig með afar góðu þoli gegn sprungum, aflögun og stökkleika. Baðherbergisvaskar úr tekki eru frábær kostur fyrir fólk sem vill bæta náttúrulegu og óvenju efni við baðherbergið. Viður þarfnast þó reglulegs viðhalds og bæði útlitið og virknin gætu því breyst með tímanum.

Gler

Gler gæti kannski hljómað brothætt en það getur þó verið afar traust. Þessir vaskar eru oft gerðir úr perlugleri, ákveðinni tegund af hertu gleri, og þeir þola því mikla notkun án nokkurra vandkvæða. Þessi tegund af gleri brotnar einnig í lítil stykki frekar en í stór og skörp stykki sem eru líklegri til að valda meiðslum. Þó er mælt með að þú reynir að forðast að missa þunga hluti á vaskinn eða nota skarpa hluti sem gætu rispað hann. Þar að auki þarf að þrífa gler mjög vandlega, sérstaklega ef harka vatnsins er há.

Hvaða stærð af baðherbergisvaski er best?

Stærðir á vöskum eru mismunandi eftir löguninni, en stærðin fellur þó yfirleitt innan ákveðinna marka fyrir hverja hönnun fyrir sig. Þótt það geti verið freistandi að velja vaskinn eftir útliti þá er einnig mikilvægt að átta sig á því hvort vaskurinn passi inn í vaskaskáp sem er nú þegar á baðherberginu eða hvort vaskur á borð við vaskaskál þurfi hærri krana og styttri skáp. Hér að neðan skoðum við hefðbundnar stærðir á vöskum, en þú getur valið hvaða stærð sem er við hönnun baðherbergisins.

Algengasta baðherbergið

Stærð vasksins fer aðallega eftir stærð baðherbergisins og smekknum þínum. Algengustu laganir vaska eru sporöskjulaga, kringlóttir, rétthyrndir eða ferkantaðir. Kringlóttir vaskar eru yfirleitt minni og dýpri, á meðan rétthyrndir vaskar eru breiðari og grunnari.

Staðlaðar stærðir á kringlóttum vöskum – Þessi tegund vaska er að meðaltali 41 – 51 cm í þvermál og 13 – 20 cm á dýpt.

Staðlaðar stærðir á rétthyrndum vöskum – Þessir vaskar eru um 48 – 61 cm á breidd, 41 – 58 cm á lengd og 13 – 20 cm á dýpt.

Vaskar í minna lagi eru algengari en stórir vaskar, aðallega vegna þess að þeir passa í nánast hvaða rými sem er, sem er afar þægilegt ef baðherbergið er lítið. Litlir vaskar eru mjög oft kringlóttir en þó með ágætri dýpt eða í kringum 15 - 18 cm. Þú finnur einnig vaska sem eru 86 cm langir, 56 cm breiðir og 30 cm djúpir. Litlir vaskar eru yfirleitt 38 cm á breidd, 23 cm á lengd og 14,6 cm á dýpt.

Meðalmál stórra vaska sem oft eru notaðir til að þvo föt og hár eru 86 cm á lengdina, 56 cm á breiddina og 30 cm á dýptina. Þú finnur líka vaska sem eru allt að 183 cm á breidd, 61 cm á lengd og 61 cm á dýpt. Það er alltaf mikilvægt að hafa málin í huga þegar þú kaupir baðherbergisvask.

Góð ráð varðandi umhirðu á vöskum

Mikilvægt er að þú þrífir vaskinn reglulega svo að hann haldist í toppstandi í mörg ár. Eftirfarandi eru nokkur góð ráð varðandi viðhald á vaskinum.

• Skolaðu hann áður en þú notar hreinsiefni

Fyrsta skrefið er að skola vaskinn með volgu vatni og nota hreinsiefni sem ekki eru of sterk. Notaðu klút eða svamp til að fjarlægja óhreinindi eða skán af vaskinum.

• Losaðu þig við þrjóska bletti

Þegar þú hefur skolað baðherbergisvaskinn vel þá skaltu finna alla þrjóska bletti sem eru eftir. Þú gætir fundið harða bletti eða jafnvel ryð í kringum blöndunartækið. Blettir á borð við þessa gætu þurft sterkari efni, en þeir ættu þó að nást af ef þú fylgir leiðbeiningunum hér að neðan.

• Notaðu blöndu af vetnisperoxíði

Vetnisperoxíðblanda er áhrifarík gegn þrjóskum blettum. Settu lag af pappírsþurrkum í vaskinn og settu einn part af vetnisperoxíði og einn part af vatni. Láttu pappírsþurrkurnar liggja í nokkrar mínútur og fjarlægðu þær svo. Skolaðu vaskinn vandlega.

Verslaðu baðherbergisvaska hjá vidaXL

Við bjóðum upp á mikið úrval af af fyrsta flokks baðherbergisvöskum í mismunandi efnum, stærðum og uppsetningum. Hvort sem baðherbergið er lítið eða stórt þá ættirðu að geta fundið rétta vaskinn hjá okkur. Skoðaðu endilega úrvalið okkar í leitinni að fullkomnum vaski fyrir baðherbergið.