Sundlaugasópar & loftsugur (19 Niðurstöður)

Veldu réttu hreinsisuguna fyrir sundlaugina

Ef þú ert eigandi sundlaugar þá er vel þess virði að fjárfesta í hreinsisugu til að halda lauginni hreinni og vatninu tæru. Afar auðvelt er að þrífa sundlaugina með nútímalegum tólum - þau eru hagnýt og taka styttri tíma í að þrífa laugina. Þeir geta hreinsað upp kvisti, lauf og annað rusl og haldið sundlauginni glitrandi hreinni allt árið um kring með lágmarksfyrirhöfn.

En hvaða hreinsisugu ættirðu að velja fyrir sundlaugina? Úrvalið er gríðarmikið og því getur reynst erfitt að finna hreinsivél sem hentar þínum þörfum. Sem betur fer höfum við útbúið þessar einföldu leiðbeiningar til að aðstoða þig við að finna réttu vélina fyrir laugina þína. Eftirfarandi eru þættir sem þú þarft að hafa í huga þegar þú velur hreinsisugu fyrir sundlaugina þína.

Hvaða tegundir af hreinsisugum hefurðu úr að velja?

Nokkrar mismunandi tegundir af hreinsisugum eru fáanlegar. Valið ætti að fara eftir tegund sundlaugarinnar og hversu reglulega þú gerir ráð fyrir að þurfa að hreinsa laugina. Þú ættir að geta valið hina fullkomnu hreinsivél fyrir þig ef þú kynnir þér nokkrar mismunandi tegundir.

Handvirkar sundlaugahreinsivélar

Handvirkar hreinsisugur eru vinsælasta tegundin. Þær eru með langri stöng með suguhaus á endanum. Þú þrýstir suguhausnum fram og til baka yfir gólf og veggi laugarinnar til að hreinsa laugina. Þessar sugur nota sogkerfi til að fanga og fjarlægja rusl úr lauginni. Hins vegar getur verið erfitt að þrífa djúpa endann á neðanjarðarsundlaugum með ryksugum af þessari tegund þar sem djúpa laugin þarfnast lengri stangar. Framleiðendur hafa þó betrumbætt þetta með því að þyngja suguhausinn.

Sjálfvirkar hreinsivélar

Vélmennissugur fyrir sundlaugar eru framtíð sundlaugarþrifa. Eins og nafnið gefur til kynna þá vinna tækin eins og vélmenni og þau eru yfirleitt látin vinna í lauginni upp á eigin spýtur. Þessi ótrúlegu tæki hreinsa allt gólf sundlaugarinnar. Þú gætir einnig fundið módel sem geta hreinsað veggi laugarinnar. Sjálfvirk sundlaugarhreinsitæki geta annað hvort verið rafknúin eða rafhlöðudrifin. Rafknúnar vélar nota vatnshelda snúru til að knýja suguna, en þú þarft að hlaða rafhlöðudrifin tæki á milli notkunar. Sjálfvirkar hreinsivélar eru oft með forritanlegum tímastilli sem gerir þér kleift að stilla hvenær og hversu lengi þú vilt að vélin sé í gangi. Þessar sugur geta verið svolítið dýrar en þær eru þó afar þægilegar.

Aðrir eiginleikar sem gott er að hafa í huga

Fyrir utan þessar gerðir hreinsitækja eru ýmsir aðrir þættir sem vert er að hafa í huga þegar þú kaupir hreinsivél fyrir sundlaugina. Þessir eiginleikar hjálpa þér að velja sugu sem hentar sundlauginni þinni.

Lögun og stærð sundlaugarinnar

Mikilvægt er að velja hreinsisugu fyrir sundlaugina sem passar við stærð laugarinnar. Ef laugin er lítil þá er engin ástæða til að velja sugu sem er í þyngra lagi þar sem það gerir notkun bara óþarflega leiðinlega. Þú gætir líka endað á að nota meiri pening en þig langaði til, sem er algjör óþarfi. Stórar laugar þurfa aftur á móti stóra hreinsisugu. Ef þú ert í leit að rafhlöðudrifinni vél þá skaltu tryggja að rafhlaðan endist í lengri tíma. Stórar laugar safna auk þess meira rusli og því þarftu sugu sem er fær um að geyma meira rusl.

Lengd slöngunnar

Áður en þú kaupir sundlaugasugu þá þarftu að ganga úr skugga um að slangan sé nógu löng til að gefa þrifið hvern einasta flöt sundlaugarinnar. Dýpri endi sundlaugarinnar krefst lengri slöngu. Flestar ryksugur eru með slöngu sem eru nógu löng til að passa við laug í meðalstærð, en þú gætir viljað lengja slönguna á einhverjum tímapunkti. Mikilvægt er því að slanga sé með réttu festingunum svo að þú getir tengt endana. Þannig geturðu bætt aukalengd við of stutta slöngu til að tryggja að sugan nái öllum krókum og kimum. Ef slangan er hins vegar of löng þá getur það valdið vandamálum. Slangan gæti auðveldlega flækst þegar sugan hreyfist um gólf laugarinnar. Lausnin í þessu tilfelli væri að klippa af lengd slöngunnar.

Síunarmöguleikar

Sundlaugasugur eru með síu sem fangar óhreinindi. Til að útrýma bakteríum, sýklum og öðrum aðskotahlutum skaltu velja hreinsisugu fyrir sundlaugina sem getur fangað örsmáar agnir. Þetta heldur vatninu tæru og hreinu.

Veggklifur

Ef þú vilt þrífa veggi sundlaugarinnar þá væri sniðugt fyrir þig að velja hreinsivél sem getur klifrað upp veggi laugarinnar. Þessar vélar klifra upp veggi með sogkrafti. Þær skrúbba og fjarlægja óhreinindin í leiðinni og skilja eftir sig glitrandi hreint yfirborð. Það er hins vegar ekki þess virði að kaupa veggklifrandi sugu ef sundlaugin er frístandandi. 90 gráðu hornið á milli gólfsins og veggsins gerir klifur erfitt fyrir tækið þar sem hjólin eiga erfitt með að fara á milli yfirborðanna tveggja út af bilinu. Önnur módel virka þó fyrir ofanjarðarlaugar.

Ertu í leit að rétta sundlaugarhreinsitækinu fyrir þig? Þér er velkomið að skoða úrvalið okkar til að finna rétta kostinn fyrir þig.