Góð ráð til að velja rétta brimbrettið
Það getur verið afar spennandi að velja brimbretti, þá sérstaklega ef það er allra fyrsta brimbrettið! Þú gætir jafnvel verið að undirbúa dag á ströndinni þar sem þú getur loksins stigið ölduna eins og þig hefur dreymt um svo lengi. Ef þú vilt nýta daginn vel í öruggu og skemmtilegu umhverfi þá er mikilvægt að þú sért með rétta brimbrettið.
En hvað gerir eitt brimbretti betra en annað? Óteljandi þætti þarf að hafa í huga áður en hægt er að svara þessari spurningu. Hlutir sem gott er að hafa í huga eru t.d. hversu háar öldurnar eru, hversu góðu formi þú ert í og hvernig þú vilt að upplifunin verði. Hönnunin ætti að sjálfsögðu líka að passa við persónuleikann þinn, svo að enn skemmtilegra sé að stíga öldurnar á brimbrettinu.
Hvaða lögun, stærð og hönnun hentar þér? Við bjóðum upp á frábær ráð varðandi val á rétta brimbrettinu. Skoðum þetta nánar.
Að hverju ertu að leita þegar þú skoðar brimbretti?
Til að auðvelt sé að stjórna brimbrettinu þá þarf það að vera traust en ekki of stöðugt. Það þarf að vera auðvelt að finna jafnvægið, en ekki gleyma að þú hefur frelsið til að stíga ölduna á þann hátt sem hentar þér. Lögun brimbrettisins ætti að auðvelda þér róður, jafnvel í háum öldum. Eftirfarandi eru eiginleikar sem gott er að skoða til að finna rétta brettið:
Hversu vel flýtur brimbrettið?
Ef við skoðum vísindin bakvið flot, þá sjáum við að rúmtak brettisins skiptir máli. Brimbrettið ætti að lyftast hratt og á réttum tíma og veita þér þannig þann hraða sem þú þarft til að ná öldunum. Bretti með stærra rúmtaki eru því betri, þar sem þau eru ekki eins líkleg til að missa hraða og bretti í minna lagi. Löng og meðalstór brimbretti eru yfirleitt með stærra rúmmáli og gera brimbrettafólki kleift að stíga ölduna fyrr og á dýpri stað.
Drif brimbrettisins
Drifið útskýrir hvernig samblandan af þinni orku og orku öldunnar stuðlar að hreyfingu fram á við. Þú þarft bretti með góðri sveigju, viðeigandi ugga og réttri tegund af framhluta til að ná réttri blöndu. Þegar við tölum um tegund framhluta þá erum við í rauninni að tala um þykkt brimbrettisins, sem ákvarðar flothæfni eða fleytikraft. Harðari framhlutar bjóða upp á betri stjórn á brettinu, á meðan mýkri framhlutar bjóða upp á betri flothæfni og knúningsafl.
Hversu mikið líkist brimbrettið banana?
Eins og sést á hlið brettisins þá færist bretti með minni snertingu við vatn (líkist banana, meiri sveigja) betur áfram og byggir þar að auki upp betri róðrarhraða mun skjótar heldur en bretti sem er beinna. Einnig er auðveldara að stjórna bananabrettum á vatninu og snúa þeim. Ennfremur getur mikil sveigja komið í veg fyrir að framhluti brettisins grafi sig almennilega ofan í vatnið þegar þú stígur brattari öldur.
Hvernig þú velur rétta stærð af brimbretti
Allir byrjendur geta vottað það að stærra brimbretti er ávallt betra en minna bretti. Ýmsar ástæður geta hins vegar verið fyrir því að þú viljir velja aðra stærð af bretti þegar þú ert að læra að stíga öldurnar.
Ef þú ert á lengra bretti þá geturðu samt sem áður róið inn í öldurnar þótt þú sért aftarlega á brettinu. Þessi bretti renna vel og þar sem þau eru löng og flöt þá er mun minni fyrirhöfn að róa á þeim heldur en á minni brettum. Ef þú ert of aftarlega á minna bretti þá dregur það úr hraða og þú nærð aldrei öldunum á þann mátann. En til að velja rétta stærð þá verðurðu að skoða rúmtak brettisins og einnig hafa til hliðsjónar hversu mikla eða litla reynslu þú hefur.
Ef þú ert byrjandi þá ætti brimbrettið að vera 91 cm lengra heldur en hæðin þín. Þessi stærð hjálpar þér að læra að snúa og róa auðveldlega á löngu bretti.
Meðalreyndir einstaklingar geta leikið sér meira þegar kemur að stærð brimbrettisins. Löng bretti ættu samt að vera 91 cm lengri en hæðin þín, en venjuleg brimbretti til skemmtunar gætu verið á bilinu 30-60 cm lengri, allt eftir lögun og hönnun brimbrettisins. Stærð á fiskilaga bretti er t.d. venjulega um 5–10 cm minni en stutt bretti. Tilvalin stærð á stuttu bretti er hins vegar 5-15 cm lengri en hæðin þín. Það fer þó einnig eftir hæð aldanna sem þú ætlar þér að stíga.
Lengdin á brettinu styttist þó ekki alltaf eftir því sem brimbrettaiðkendur verða reyndari. Reyndur brimbrettakappi breytir hins vegar oft um æfingastíl og getur því minnkað brettið ef hann vill einbeita sér að ákveðnum hlutum. Reyndur brimbrettakappi reynir alltaf sitt besta, jafnvel þótt öldurnar séu ekki upp á sitt besta.
Mismunandi efniviður í brimbrettum
Efnið sem brimbretti er búið til úr ákvarðar styrk þess, hreyfigetu og færni til að sveigja. Eftirfarandi eru þau efni sem oftast eru notuð við framleiðslu á brimbrettum.
Svampbretti
Svampbretti eru tilvalin fyrir byrjendur! Þeir eru sterk og stöðug og almennt er auðveldara að stíga öldur og fljóta á þeim heldur en á brettum úr trefjagleri. Stöðugleiki, léttleiki, góð ending og auðveldur róður eru aðeins nokkrir eiginleikar sem vert er að nefna. Svampbretti taka sjaldnar á sig dældir miðað við trefjaglersbretti.
Brimbretti úr trefjagleri
„Brimbretti úr trefjagleri“ vísar í þá staðreynd að brettið er með kjarna úr pólýúretani sem húðaður er með trefjagleri. Trefjaglersbretti eru vissulega gjarnari á að brotna heldur en brimbretti úr epoxý, en þau sveigjast hins vegar betur með öldunum. Þau henta því betur fyrir meðalreynda eða reynda brimbrettakappa.
Brimbretti úr epoxý
Þökk sé léttri þyngd, ásamt sérstakri tegund froðu í miðju brettisins, þá fljóta epoxýbretti afar vel. Epoxýbretti eru yfirleitt með kjarna úr svampi, þá sérstaklega EPS-svampi, sem gerir brettið léttara og flothæfara. Byrjendur eiga mun auðveldara með að stíga ölduna með brimbretti á borð við þetta.