Baðhúsgagnasett (1,669 Niðurstöður)

Hagnýt og stílhrein húsgagnasett fyrir baðherbergi

Hagkvæmni og stíll baðherbergisins ákvarðast yfirleitt af húsgögnunum í rýminu. Baðherbergið er yfirleitt staðurinn sem við bæði hefjum daginn á og endum hann og því er mikilvægt að það sé vel hannað eftir þörfum hvers og eins.

Þó eru auðvitað ekki allir með stórt baðherbergi og því er mikilvægt að velja húsgögnin vel. Þú getur auðveldlega undirstrikað kosti baðherbergisins með réttu húsgögnunum.

Gott er að hafa nokkur atriði í huga þegar þú skoðar mismunandi baðherbergissett. Hversu stór geta húsgögnin á baðherberginu verið? Hvaða stíll og efni hentar best fyrir húsgagnasett og hvers konar sett hentar þínum þörfum?

Úr hvaða efnivið eru baðherbergishúsgögn?

Til að ná góðu jafnvægi í rýminu þá er sniðugt að velja húsgagnasett frekar en stök húsgögn. En hvað er sett eiginlega? Baðherbergi þarf yfirleitt nokkur mismunandi húsgögn til að nýtast sem best. Skoðum nánar hvað þú færð úr flestum húsgagnasettum fyrir baðherbergið.

Snyrtiskápur

Snyrtiskápur er húsgagn sem líkist skáp með vaski að ofan. Snyrtiskápur líkist kannski venjulegum handlaugarskápi en hann hefur þó nokkra kosti yfir venjulegan baðherbergisskáp. Hann er yfirleitt fyrirferðarminni og bíður upp á afar góða geymslulausn.

Hillurnar og skúffurnar undir vaskinum gera þér kleift að geyma allskyns baðherbergisnauðsynjar og þú getur því haldið baðherginu snyrtilegu og vel skipulögðu. Þessi tegund húsgagna fæst í ýmsum stærðum og hönnunum og þú hefur því úr nægu að velja.

Veggfestir snyrtiskápar eru tilvaldir fyrir lítil baðherbergi þar sem þeir eru afar fyrirferðarlitlir og með minni dýpt (um 25 cm) heldur en aðrir skápar. Vegghengdur hornsnyrtiskápur gæti verið svarið ef uppsetning baðherbergisins er snúin. Ef nóg pláss er fyrir hendi þá mælum við oft með snyrtiskáp með tveimur vöskum. Þetta er fullkominn valkostur ef þú vilt gera baðherbergisupplifunina með makanum þínum sem þægilegasta eða ef þú átt stóra fjölskyldu.

Veggfestir snyrtiskápar nota ekkert gólfpláss, sem kemur sér vel ef þig langar að hafa enn fleiri geymslulausnir á baðherberginu. Þessi uppsetning er afar snyrtileg og fær rýmið til að virka stærra en það er. Hún kemur sér því vel á baðherbergjum af öllum stærðum.

Rúmgóðar geymslureiningar

Sama hvaða sett þú velur, vertu viss um að vera með nóg af geymslueiningum. Ríflegt geymslurými gefur þér færi á að skapa notalegt og snyrtilegt baðherbergi sem þó gerir þér kleift að hafa alla þá hluti sem þú þarft innan seilingar. Þetta eru valkostirnir:

Frístandandi geymslueiningar. Helsti kosturinn við þessa tegund baðherbergishúsgagna er hversu fjölhæf þau eru. Auðvelt er að færa skápana til og þú getur því skipulagt baðherbergið á hvaða hátt sem er. Frístandandi skápar eru auk þess með allskyns geymsluhólfum sem henta ýmsum þörfum. Þar á meðal má telja opnar hillur, skúffur og lokaðar hillur með hurð.

Veggfestir skápar. Veggfestir skápar eru afar vinsælir þar sem þeir fá rýmið til að virka stærra en það er. Þeir eru einnig yfirleitt í nokkuð minimalískri hönnun sem gefur rýminu nútímalegt yfirbragð.

Speglaskápar. Það að speglaskápar bjóði bæði upp á geymslu og spegil gerir þá að frábæru vali. Þessi tegund skápa er fáanleg í allskyns stærðum sem henta hinum ýmsu baðherbergisinnréttingum. Skáparnir taka auk þess lítið veggpláss og ekkert gólfpláss. Ef þú velur speglaskáp með ljósi þá geturðu verið viss um að baðherbergið bjóði upp á bestu aðstæðurnar fyrir rakstur eða förðun.

Háir geymsluskápar. Hvort sem geymsluskápurinn er frístandandi eða vegghengdur þá er tilvalið að hafa hann háan ef þú vilt geta geymt mikið af hlutum í honum. Þú hefur færi á að geyma allt sem þú þarft inni í háum baðherbergisskáp, þar á meðal handklæði, snyrtivörur eða jafnvel þvottakörfur.

Geymsla fyrir aukahluti. Ef þú vilt fullkomna útlit eignarinnar þá geturðu valið fylgihluti sem eru ekki endilega hluti af húsgagnasettinu á baðherberginu. Bekkur með eða án geymslu er nokkuð hagnýtur og viðarstigi lítur frábærlega út með nokkrum litríkum handklæðum hangandi á honum.

Góð ráð varðandi val á húsgagnasettum fyrir baðherbergið

• Besti efniviðurinn fyrir baðherbergissett er sá efniviður sem hentar aðstæðum baðherbergisins best. Viðarhúsgögn eru til dæmis tímalaus kostur en þú þarft þó að ganga úr skugga um að búið sé að meðhöndla viðinn svo að hann þoli mikinn raka. Einn vinsælasti efniviðurinn fyrir baðherbergishúsgögn er MDF. Það er ónæmt fyrir sveiflum í hita og raka og er fáanlegt í ýmsum litum og með allskyns áferðum. Það skekkist þar að auki ekki auðveldlega.

• Stærð baðherbergishúsgagnanna fer eftir því hversu mikið pláss þú hefur að leika þér með. Mundu að taka mál á baðherberginu áður en þú velur húsgögn til að vera viss um að rýmið verði ekki of draslaralegt.

• Njóttu þess að hanna draumabaðherbergið með því að velja húsgagnasett í uppáhaldsstílnum þínum. Þú hefur ýmsa valmöguleika, allt frá nútímalegum og stílhreinum hönnunum yfir í iðnaðarlegar og sveitalegar hannanir.