Viftur (5 Niðurstöður)

Hvernig þú velur réttu viftuna fyrir heimilið

Vifta veitir áreynslulausa kælingu á heimilinu þegar hlýtt er í veðri. Þetta hagnýta tæki kemur hreyfingu á loftið og heldur herberginu vel loftræstu. Það koma einnig í veg fyrir innöndun á gufum og ögnum sem gætu verið skaðlegar. Með dreifingu loftsins fær rýmið á sig ferskan blæ.

Fyrir utan skilvirknina þá eru viftur líka ódýrari heldur en loftkælitæki. Úrvalið af viftum er alveg gríðarmikið og því getur oft reynst snúnara að velja réttu viftuna heldur en maður skyldi halda. En þú þarft ekki að hafa neinar áhyggjur – við útbjuggum þessar leiðbeiningar einmitt til þess að valið yrði auðveldara.

Hvaða tegundir eru í boði?

Leitin að réttu viftunni verður mun auðveldari þegar þú áttar þig á því hvaða tegundir eru í boði. Tegundirnar eru fjölmargar allt eftir því hversu stórt rýmið er og hverjar þarfir þínar eru. Hér að neðan skoðum við hinar ýmsu gerðir af viftum fyrir heimili og skrifsto

Loftviftur

Loftvifta er langvinsælasta tegundin af viftum bæði á heimili og skrifstofur. Eins og nafnið gefur til kynna þá hanga loftviftur úr loftinu og dreifa þannig lofti um rýmið. Það sem er sérstaklega þægilegt við loftviftur er að þær taka ekkert gólfpláss og eru því ekki fyrir neinum. Þar að auki þarftu ekki að geyma þær í burtu á veturna. Loftviftur eru einnig tilvaldar fyrir einstaklinga sem eru í leit að viftu sem kemur mótvægi á rýmið og fellur vel inn í núverandi innréttingar.

Færanlegar viftur

Færanlegar viftur henta best á heimili þar sem auðvelt er að færa þær til. Þar að auki er hægt að setja þær hvert sem er, hvort sem það er á gólf, borð, skrifborð eða önnur yfirborð. Hægt er að nota vifturnar til að dreifa lofti um rýmið eða á milli herbergja. Algengustu gerðir færanlegra vifta eru kassaviftur, standviftur og skrifborðsviftur. Standviftur eru hæðarstillanlegar og stærð blaðanna gerir þeim kleift að dreifa loftinu í stórum rýmum. Skrifborðsviftur eru fyrirferðarlitlar og oft notaðar til að veita fljóta kælingu. Þú stingur þeim einfaldlega í samband og þá er allt tilbúið. Kassaviftur eru minni en standviftur og stærri en skrifborðsviftur. Þessi tegund vifta er yfirleitt á gólfinu og getur kælt herbergi í hvaða stærð sem er.

Gluggaviftur

Gluggaviftur virka með því að ýta annað hvort heitu lofti út eða draga kalt loft að utan inn á heimilið, allt eftir því hvernig blöðunum er snúið. Þessar viftur eru yfirleitt festar á glugga á móti vindi eða beint á móti glugganum. Þú getur líka verið með tvær viftur - eina sem tekur við lofti að utan og aðra sem blæs út lofti á hinum enda herbergisins (til að búa til vindáhrif).

Í hvaða efnivið ætti viftublaðið að vera?

Viftublaðið er einn mikilvægasti hluti viftunnar. Þótt stærð og fjöldi blaða skipti sköpum fyrir frammistöðu viftunnar þá er efnið sem er notað ísmíði blaðsins einnig mikilvægt. Þyngd viftublaðsins getur til dæmis haft áhrif á getu viftunnar til að blása lofti. Almennt séð flytja þyngri blöð loft á skilvirkari hátt heldur en léttari blöð. Einnig er mikilvægt að hafa hljóðstig viftunnar í huga. Hér að neðan skoðum við nánar ýmsa efniviði sem algengir eru í smíði viftublaðsins.

Viftublöð úr viði

Viður er einn algengasti efniviðurinn fyrir viftublöð, þá aðallega vegna þess hversu stífur og langlífur hann er. Blöð úr viði framleiða einnig afar lítinn hávaða við notkun og þau eru því tilvalin fyrir svefnherbergi og stofur. Hins vegar er loftstreymið með þessum blöðum takmarkað. Flestir framleiðendur leysa þó málið með því að blanda plasti við viðinn. Þetta kemur einnig í veg fyrir að viðurinn skekkist eða verði fyrir áhrifum af raka. Þú finnur einnig viftublöð úr samsettum viði á borð við MDF.

Viftublöð úr málmi

Viftublöð úr málmi eru afar sterk og endingargóð og þau snúast mjög auðveldlega. Þau henta því allra best í stór rými þar sem hátt er til lofts. Þó verður að segjast að þau geta verið í háværari kantinum og þau henta því ekki vel í svefnherbergi. Viftublöð úr málmi eru þyngri en önnur blöð og þau þurfa því sterkari mótor til að geta snúið blöðunum. Þar að auki hefur málmur tilhneigingu til að ryðga eða tærast þegar hann er notaður utandyra, á strandsvæðum eða á svæðum með miklum raka. Ef þú býrð á þessum svæðum þá mælum við með því að þú veljir ryðfrítt stál. Króm er annar frábær valkostur fyrir einstaklinga sem vilja bæta virkni, stíl og gljáa við rýmið í einum rykk.

Viftublöð úr plasti

Plast er annað efni sem er oft notað í viftublöð. Þetta efni er hægt að móta í nánast hvaða form sem er. Hönnunarmöguleikarnir eru því nánast endalausir. Þar að auki er plast létt, sem auðveldar uppsetningu á viftunni. Afl mótorsins verður þó einnig lægra. Ólíkt málm- og viðarblöðum eru plastblöð auðveld í þrifum og verða ekki fyrir áhrifum af leiðinlegri veðráttu.

Stílfæringar sem aðstoða þig við valið á viftunni

Mikilvægt er að þú veljir vöru sem hentar stíl og hönnun heimilisins ef þú vilt að útlitið verði fallegt, tímalaust og hagnýtt. Oft spáir fólk ekki mikið út í útlit viftunnar, en auðvelt er að fella viftuna inn á heimilið á saumlausan hátt. Hér eru nokkrar hugmyndir varðandi stílfæringu sem gætu hjálpað þér að velja viftu sem hentar stíl heimilisins.

Vifta sem passar inn á heimilið

Viftur eru til í allskyns efnum, litum og með ýmsum áferðum. Fjölbreytt úrvalið gerir þér auðveldara fyrir að finna rétta stílinn fyrir heimilið þitt. Í leitinni að viftu þarftu fyrst og fremst að ákveða hvort þú viljir fá þér áberandi viftu eða viftu sem blandast inn í restina af heimilinu. Ef þú elskar hreinar línur og saumlausar áferðir þá er tilvalið að velja viftu sem passar við litinn í loftinu. Viftan hverfur einfaldlega í loftið án þess að hún dragi að sér athygli.

Hafðu viftuna sem miðpunkt

Ef þú hafa viftuna sem miðpunkt þá er sniðugt að nota efni og lit á skjön við liti veggjanna og loftsins. Veldu viftu sem virkar vel með ýmsum áferðum og litum í herberginu. Þetta kemur fallegri heildarmynd á rýmið. Þú gætir t.d. haft viftuna í stíl við áferðir á dyrakörmum, ljósabúnaði, gluggakörmum, hurðarhúnum eða öðrum þáttum í herberginu. Vifta sem grípur augað getur umbreytt rýminu á örskotsstundu.

Lögun blaðanna

Viftublöð fást í ýmsum lögunum - hvort sem þau er þunn, rúnnuð eða slétt. Reyndu að hafa í huga þá stemningu sem þú vilt hafa í rýminu eða lögunina á öðrum húsgögnum. Viftur með hreinum línum eru frábær kostur fyrir heimili í minimalískum eða skandinavískum stíl. Á hinn bóginn eru rúnnaðar viftur afar fallegar á heimilum í strandstíl. Skoðaðu laganir og efni sem virka vel með öðrum áferðum í herberginu svo að heildarsvipurinn verði fallegur.

Stærðin skiptir máli

Mikilvægt er að þú veljir rétta stærð fyrir viftuna til að tryggja góða hagnýtni. Þar að auki hefur stærð viftunnar áhrif á útlit og stemningu herbergisins. Litlar viftur eru afar fjölhæfar og henta nánast hvar sem er í lítil eða meðalstór rými, á meðan stærri viftur með stórum blöðum gefa heimilinu orlofsstemningu.

Hvaða aðra þætti ættirðu að hafa í huga?

Burtséð frá öllum mikilvægu þáttunum hér að ofan þá eru nokkur fleiri atriði sem gott er að hafa í huga við kaup á viftu. Gott er að þú spyrjir þig eftirfarandi spurninga:

• Hvert ætlarðu að setja viftuna?

Valið á viftu fer eftir því í hvaða herbergi þú ætlar að hafa hana. Vifta á stalli eða í loftinu virkar vel í stofu eða stóru herbergi. Ef þú vilt hafa viftuna í svefnherberginu þá er sniðugt að velja turnviftu eða viftu sem ekki er hávær. Á hinn bóginn hentar skrifborðsvifta með minna afli afar vel fyrir skrifstofur.

• Hvers konar loftflæði þarftu?

Loftflæði viftunnar fer eftir því hversu miklum krafti hún býr yfir. Því meira sem aflið er, því meira er loftflæðið. Þetta er yfirleitt mælt í rúmmetrum á mínútu (m³/mín) eða rúmmetrum á klukkustund (m³/klst.). Flestar litlar skrifborðsviftur eru með 15 m³/mín straumhraða. Ef viftan á að vera í stofu þá er gott að velja 150 m³/mín straumhraða.

• Hvaða hávaðastig þolirðu?

Allar viftur gefa frá sér einhvern hávaða! Þú færð hvergi viftu sem er algjörlega þögul. Mikilvægt er að þú áttir þig á því hversu mikinn hávaða þú þolir. Þetta fer auðvitað líka eftir því hvar þú velur að staðsetja viftuna. Auðvitað er frábært að geta haldið heimilinu svölu á heitum dögum, en þó einungis ef viftan er ekki of hávær. Best er að velja hljóðlátustu viftuna sem þú finnur fyrir svefnherbergið. Athugaðu að hávaðastigið getur verið mismunandi á milli módela og því er mikilvægt að þú lesir vörulýsinguna vel. Hljóðstyrkur er mældur í desíbelum (dB). Hávaði sem fer yfir 60 dB er yfirleitt óþægilegur fyrir eyrun.

Verslaðu hina fullkomnu viftu á netinu

Hér hjá vidaXL státum við af miklu úrvali af flottum viftuhönnunum til að halda skrifstofunni eða heimilinu svölu. Markmiðið okkar hefur alltaf verið að útvega bestu vörurnar fyrir viðskiptavini okkar. Úrvalið okkar af vörum inniheldur viftur í mismunandi efnum, stærðum, lögunum og litum í ýmsum verðflokkum. Það skiptir því ekki máli hvort þú sért að leita að viftu fyrir lítið eða stórt rými - þú finnur alveg örugglega viftu sem hentar heimilinu þínu.

Ef þú ert í leit að stílhreinni og fágaðri viftu þá erum við svo sannarlega með viftur fyrir þig. Við erum með mikið úrval af glæsilegum viftum með fallegum áferðum sem henta beint inn á heimilið.