Réttu eldhúsáhöldin fyrir heimilið þitt

Hvort sem þig langar til að gera eldhúsið upp, prófa nýja matarrétti eða undirbúa þig fyrir eldamennskuna þá er mikilvægt að þú sért með réttu eldhúsáhöldin. Það getur þó reynst erfitt (jafnvel fyrir fagaðila) að velja potta og pönnur sem henta eldhúsinu, þá sérstaklega þar sem sífellt er verið að þróa ný eldhúsáhöld og merki.

Eldhúsáhöld eru fjárfesting og því er mikilvægt að velja rétt. Besta leiðin til að hefja leitina að hinum fullkomnu eldhúsáhöldum er að þekkja eigin þarfir í eldhúsinu. Hversu oft eldarðu? Við höfum útbúið þessa handhægu handbók til að auðvelda þér valið á réttu eldhúsáhöldunum fyrir heimilið þitt.

Hvaða efni ættirðu að velja fyrir eldhúsáhöldin?

Fyrsta atriðið sem gott er að hafa í huga er efniviður áhaldanna. Það er reyndar eitt mikilvægasta atriðið. Hér fyrir neðan skoðum við þau efni sem eru í boði fyrir pönnur og potta.

Ryðfrítt stál

Ryðfrítt stál er bletta- og tæringarþolið og er því einn vinsælasti efniviðurinn á markaðnum. Það er ekki góður varmaleiðari eitt og sér, en sameinað með öðrum efni getur það bætt leiðni.

Mikilvægt er að tryggja að potturinn eða pannan sé með innsteyptum botni. Innsteypt ryðfrítt stál er ekki aðeins hagkvæmt heldur leiðir það einnig hita miklu betur. Ryðfrítt stál má einnig sameina við önnur efni eins og ál og kopar til að bæta hitadreifingu og leiðni.

Þar að auki þarf ekki að bera olíu reglulega á ryðfrítt stál, eins og þarf svo oft með eldhúsbúnað. Það er því fullkomið val fyrir þá sem eru að leita að fyrsta flokks eldhúsáhöldum en nenna ekki að standa í leiðinlegu viðhaldi.

Steypujárn

Ekkert slær fjölhæfni eldhúsbúnaðar úr steypujárni. Hægt er að nota steypujárn í ofni, á eldavél eða á opnum eldi. Þykkur málmurinn er með stöðugri kristallaðri byggingu sem gefur honum gríðarlega góða endingu. Steypujárn er einnig betri varmaleiðari en mörg önnur efni. Efnið eldar og geymir mat, hvort sem hann er hægeldaður eða steiktur á háum hita.

Helsti ókostur steypujárns er að það getur brotnað upp úr því eftir lengri tíma og það getur ryðgað. Ef það er hinsvegar nuddað með olíu og síðan hitað þá myndar það olíuvörn sem heldur búnaðinum í góðu standi. Ef vel er hugsað um eldhúsbúnað úr steypujárni þá getur hann veitt margra ára saumlausa eldamennsku.

Þar sem steypujárn er næmara fyrir ryði þá er mælt með að vökvi sé ekki geymdur í pottinum eða pönnunni til lengri tíma. Einnig er góð hugmynd að þurrka hreinan eldhúsbúnað úr steypujárni eftir eldun og aðeins handþvo.

Ál

Eldhúsbúnaður úr áli er ekki aðeins léttur heldur einnig góður hitaleiðari. Ál er jafnfram ódýrt og þarf lítið viðhald. Hins vegar er það létt og er því líklegt til að skekkjast og taka á sig dælir.

Mælt er með því að súr eða alkalískur matur sé ekki eldaður í álpottum eða -pönnum þar sem þessi tegund matar bregst við áli. Fjarlægið einnig mat strax eftir eldun til að koma í veg fyrir að hann taki upp málm.

Hvaða þættir eru mikilvægir við val á eldhúsbúnaði

Nú þegar þú veist aðeins meira um efnivið þá er næsta skrefið að komast að því hvaða aðrir þættir eru mikilvægir við kaup á eldhúsáhöldum.

Varmaleiðni

Ekki eru allir málmar góðir varmaleiðarar. Steypujárn er til dæmis góður varmaleiðari en ryðfrítt stál er það ekki. Eldhúsbúnaður með betri varmaleiðni tryggir jafnari eldun á matnum. Góðir varmaleiðarar bregðast einnig hraðar við hitabreytingum þegar þú minnkar eða hækkar hitann.

Hvaða efni bregst við matvælum

Óháð því hvaða tegund af eldhúsbúnaði þig langar til að velja þá þarf heilsan alltaf að koma fyrst. Sum eldhúsáhöld bregðast við matvælum og geta valdið alvarlegum heilsufarsvandamálum. Ál bregst til dæmis við súrum matvælum eins og tómötum, þannig að ef þú eldar slíkan mat á álpönnu eða álpotti þá mun hluti af málminum fara ofan í þig. Hafðu alltaf viðbrögð efna við ákveðnum matvælum í huga þegar þú velur eldhúsáhöldin.

Ending

Sum eldhúsáhöld haldast í toppstandi árum saman, sama hversu oft þú notar þau. Eitt besta efnið fyrir frábæra endingu er ryðfrítt stál.

Viðhald

Þú þarft einnig að hafa viðhald í huga þegar þú kaupir þér eldhúsáhöld. Ef þér finnst leiðinlegt að þurfa að pússa eldhúsáhöld eftir notkun þá er sniðugt fyrir þig að velja efni sem þarf lítið viðhald, eins og steypujárn. 

Hvernig þú hugsar um eldhúsbúnaðinn

Mikilvægast er að þú hafir efniviðinn í huga þegar þú hugsar um eldhúsbúnaðinn þinn. Sum efni krefjast meiri umhyggju en önnur.

• Steypujárn krefst lítils viðhalds. Gott er að undirbúa steypujárn með því að bera olíu reglulega á eldunaryfirborðið og hita svo. Þetta heldur steypujárninu í góðu standi í áraraðir. Einnig er gott að þrífa það sem minnst.

• Ryðfrítt stál er það efni sem er auðveldast í viðhaldi. Þú einfaldlega handþværð það með klút og sápuvatni eftir notkun. Ekki nota stálull eða harkaleg áhöld sem geta rispað efnið.

• Ál á það til að upplitast. Þú getur vatið eldhúsáhöld úr áli með því að leggja þau í bleyti í sápuvatn til lengri tíma. Þú getur einnig notað stálull með sápu til að losna við brenndan og áfastan mat.

Skoðaðu frábært úrval hjá okkur af eldhúsáhöldum fyrir heimilið þitt.