Falleg fuglaböð sem laða að sér fugla

Fuglabað í garðinum er frábær leið til að laða fleiri fugla að útisvæðinu. Fuglaböð eru kjörinn kostur til að veita fiðruðum vinum ferskt vatn til drykkju og böðunar og þau gefa garðinum þar að auki fallegan blæ.

Böðun er ekki bara ánægjuleg afþreying fyrir fugla. Hún fjarlægir einnig óhreinindi úr fjöðrunum og gerir þeim auðveldara fyrir að snyrta fjaðrirnar, sem heldur fjöðrunum í góðu standi. Mikilvægt er að finna rétta fuglabaðið fyrir hvert umhverfi til að tryggja að fuglarnir snúi aftur.

Við hjá vidaXL bjóðum upp á gríðarlegt úrval af fuglaböðum í mismunandi gerðum, stærðum, stílum og efnum. Hvort sem garðurinn er í nútímalegum eða hefðbundnum stíl - þú finnur vafalaust fuglabað sem hentar þínum smekk. 

Skoðaðu úrvalið okkar af fuglaböðum til að finna hið eina sanna fyrir garðinn þinn. 

Mismunandi tegundir fuglabaða

Fuglaböð finnast í ýmsum stílum og tegundum sem gera þér auðveldara fyrir að velja bað sem hentar þér. Hér eru algengustu tegundir fuglabaða í garðinn.

Á jörðinni

Jarðfuglabað er einfaldasta tegundin af fuglaböðum. Það er í formi skálar og það eina sem þú þarft að gera er að setja það á jörðina. Jarðfuglaböð eru frábær fyrir stóra garðfugla eins og endur, gæsir o.fl. Smáfuglar geta þó einnig drukkið úr skálinni og baðað sig í henni. Einnig er hægt að búa til jarðfuglabað upp á eigin spýtur með grunnum diskum. 

Á standi

Þessi tegund fuglabaða er sú allra vinsælasta. Hún fæst í mismunandi hönnunarstílum og því finnurðu auðveldlega eitthvað sem hentar þér. Þessi tegund er einnig fljót og auðveld í samsetningu þótt sumar gerðir geti vissulega verið þungar. Fuglabaðið er með upphækkuðu keri sem verndar fuglana gegn rándýrum á borð við refi og rottur. Það laðar að sér bæði stærri og smærri fugla.

Hangandi

Hangandi fuglabað er í kjarnann grunnt ker sem er hengt upp með streng eða snúru á stöng, krók eða tré. Þessi tegund fuglabaða er ódýr en með minna plássi fyrir fugla og hún fæst yfirleitt í færri hönnunum.

Á gosbrunni

Fuglabað á gosbrunni samanstendur af keri með stanslaust rennandi vatni. Þessi gerð er frábær til að laða að sér villta fugla. Hreyfing vatnsins og hljóðið sem fylgir gerir fuglabaðið auðkennilegra fyrir garðfugla.

Upphitað

Upphituð fuglaböð eru vinsæll kostur í svalara loftslagi. Fuglar geta vissulega brætt ís sjálfir með því að nota hitaorku, en þessi tegund fuglabaða gerir þeim kleift að spara orku sem gæti reynst þeim góð í köldu veðri seinna meir. Fuglabaðið hitar ekki vatnið en kemur þó í veg fyrir að það frjósi. Hægt er að finna háþróaðar gerðir sem nota nýjustu tæknina á markaðnum.

Sólknúin

Sólknúin fuglaböð koma í veg fyrir að vatnið frjósi. Þau eru með sólarsellum sem sjá hitarist eða gosbrunnskerfi fyrir orku. Í sumum gerðum geturðu fjarlægt sólarsellurnar. Þær eru örlítið dýrari en aðrar tegundir en eru þó fjölhæfari. 

Hvaða efni er gott fyrir fuglabaðið?

Efniviður er einn af mikilvægustu þáttunum þegar kemur að því að velja fuglabað fyrir garðinn. Fuglaböð fást í allskyns mismunandi efnum. Ekkert eitt efni er betra en annað en hjá flestum snýst efnisvalið um einstaklingsbundinn smekk og þarfir. 

Sum af algengustu efnunum eru meðal annars:

• Málm/steypujárn
• Plast
• Steinsteypa
• Leir 
• Marmari 
• Granít 

Fuglaböð úr steypu og plasti eru oft í einfaldri hönnun og þau eru því auðveldari í þrifum. Þau eru einnig harðgerari og endast lengur en böð úr leir og gleri. 

Ef aðrir skrautmunir eru á útisvæðinu (eins og plöntur eða smíðar) þá er sniðugt að velja efnivið sem fellur vel inn í núverandi stílinn.

Þyngd efnisins getur einnig skipt sköpum í valferlinu. Það á sérstaklega við hvað varðar þrif og tilfærslu á fuglabaðinu.

Er fuglabað góð hugmynd fyrir þig?

Fuglaböð eru frábær leið til að flikka upp á útisvæðið og þau veita auk þess fallegan stað fyrir fugla til að baða sig og slökkva þorstann. Þau fást í allskyns gerðum og því finnurðu auðveldlega rétta baðið fyrir garðinn þinn.

• Veldu minimalíska hönnun

Minimalísk fuglaböð eru að verða sífellt vinsælli. Í stað þess að velja áberandi hönnun þá geturðu valið fínlegt fuglabað sem fellur vel inn við hönnunina í garðinum. Gler og málmur eru einn besti efniviðurinn fyrir einfaldar og látlausar hannanir. 

• Hangandi fuglaböð eru frábær kostur fyrir litla garða

Þau þurfa ekkert gólfpláss og eru því tilvalin fyrir lítil útisvæði. Fuglabað sem hangir á tré eða stöng laðar ekki einungis að sér fugla heldur ver þá einnig gegn rándýrum. Passaðu þig á að velja rétta stöðu fyrir fuglabaðið. 

• Veldu upphitað fuglabað eða gosbrunn með fuglabaði á veturna

Fuglabað sem getur verið úti allan ársins hring er ómissandi ef þú vilt að fuglarnir leggi leið sína endurtekið í garðinn. Frosthörkur yfir vetrartímann gera dýrunum erfitt um vik þegar þau vantar vatn. Fuglabað með innbyggðum hitara kemur í veg fyrir að vatnið frjósi. Gosbrunnur með fuglabaði minnkar einnig líkurnar á að vatnið frjósi.

• Haltu fuglabaðinu hreinu

Það er ákaflega mikilvægt að halda fuglabaðinu alltaf hreinu, sama hvaða bað þú velur. Þrífðu það að minnsta kosti þrisvar í viku. Tæmdu fuglabaðið í hvert skipti sem þú þrífur það og skrúbbaðu það vel með hreinsiefni og bleikiefni. Skolaðu það síðan með hreinu vatni og fylltu á það aftur. 

Langar þig til að laða fleiri fugla að garðinum þínum? Skoðaðu úrvalið okkar af fallegum fuglaböðum.