Fáðu sem mest úr geymslukössunum í geymslurýminu

Væri ekki þægilegt ef allt á heimilinu væri fullkomlega skipulagt í geymslukössum, hólfum og ílátum? Þetta hljómar kannski eins og mikil vinna, en þú þarft ekki að hafa neinar áhyggjur. Hér hjá vidaXL bjóðum við upp á húsgögn í allskyns lögunum, stærðum og hönnunum sem henta smekk hvers og eins og gera skipulagið mun skemmtilegra. Við eigum réttu geymslueininguna fyrir þig, hvort sem þú þarft stóra þvottakörfu, lítið og sætt geymsluílát fyrir eyrnapinna og aðrar snyrtivörur á baðherberginu, stóran geymslukassa fyrir barnaherbergið eða einfaldan geymslukassa fyrir skrifstofuna. Skoðaðu því feikimikið úrvalið okkar af geymslueiningum til að finna eininguna sem hentar þínum þörfum.

Geymslueiningar fyrir allar þarfir

Hér hjá vidaXL fást geymslueiningar í ýmsum stílum og stærðum sem henta hvaða herbergi sem er. Við trúum því að geymslukassar og körfur séu ómissandi á öll heimili. Geymslueiningar þjóna allskyns tilgangi og nýtast vel í hvaða rými sem er. Þær halda heimilinu auk þess vel skipulögðu og lausu við óreiðu. Hvort sem þú þarft geymslulausn fyrir sængurfatnað, leikföng, teppi eða annað þá finnurðu án efa réttu lausnina á endanum. Skoðum nánar á hvaða hátt geymslueiningar hjálpa til við að halda heimilinu snyrtilegu og skipulögðu:

• Það er auðvelt og þægilegt fyrir þig að nota fjölhæfa geymslukassa til að geyma skjöl eða skrifstofuáhöld.

• Þú getur notað kassa úr filtefni eða bambus til að geyma klæðnað og aukahluti á borð við töskur, hanska, trefla, belti og sokka í svefnherberginu. Þú gætir jafnvel sorterað hlutina eftir flokkum og verið með sér geymslukassa eða körfu fyrir hvern flokk. Þetta gerir morgnana mun auðveldari þegar þú þarft að velja útlit dagsins.

• Komdu reiðu á baðherbergið með því að skipuleggja hlutina í geymslueiningum úr víði. Þú getur líka notað laus ílát til að geyma snyrtivörur, förðunarvörur og hreinsivörur.

• Þarftu geymslueiningu fyrir ýmsa hluti á þvottahúsinu? Þá eru fjölhæfu geymslukassarnir okkar með vinnuhollum klemmum og handföngum nákvæmlega það sem þú þarft á að halda.

• Þú getur skapað meira pláss í barnaherberginu með því að nota gólfpúða úr flaueli frá vidaXL sem geymslulausn fyrir börnin.

• Sniðugt er að nota minni geymslueiningar til að koma skipulagi á eldhúsið. Veistu ekki alveg hvað þú átt að gera við allan dósamatinn? Geymslueiningar eru lausnin.

Geymslukassar og körfur eru nefnilega alveg ómissandi á hvaða heimili eða skrifstofu sem er. Trúðu okkur þegar við segjum að þetta muni gera líf þitt mun auðveldara. Örvæntingarfull leit að passanum, pappírsklemmu eða uppáhaldsleikfangi barnsins þíns heyrir sögunni til. Allt á sinn stað í geymslukössum. Þú getur meira að segja sett miða á hvern kassa til að auðvelda þér málið þegar þú þarft að finna ákveðinn hlut. Þetta þarf ekki að vera flóknara en það. 

Geymslukassar í ýmsum hönnunum

vidaXL býður upp á ýmsar geymslulausnir, hvort sem þú geymir eldhúshlutina í skápum eða búri. Við bjóðum upp á geymslusett úr gleri, plasti eða málmi, með eða án miðahólfs, og þú finnur því án efa þær vörur sem þú þarft til að geyma mat og lítil eldhúsáhöld. Þú finnur þar að auki líka geymsluílát fyrir gæludýrafóður í úrvalinu okkar. Við bjóðum upp á geymslueiningar í ýmsum efnum á borð við:

• Bambus

• Við

• Filtefni

• Plast

• Ál

• Gler

Geymslukassarnir og körfurnar okkar fást að sjálfsögðu líka í ýmsum stærðum. Ertu í leit að stórri geymslueiningu með hjólum og loki sem er tilvalin til að geyma sængurfatnað undir rúminu? Þú getur reitt þig á okkur. Eða vantar þig kannski lítið geymsluílát fyrir förðunarvörur? Þú ert á réttum stað! Við eigum bókstaflega geymslueiningu fyrir hvaða rými, tækifæri og tilgang sem er. Svo finnurðu auðvitað líka geymslukassa í öllum litum regnbogans. Við bjóðum upp á geymslukassa í litum eins og:

• Rauðum

• Grænum

• Hvítum

• Fjólubláum

• Gráum

• Bleikum

• Bláum

• Gulum

Þegar svo margir kostir eru í boði ættirðu alveg örugglega að geta fundið geymslulausn sem hentar þínum þörfum og heimili.

Staflanlegar geymslueiningar fyrir skipulagðan bílskúr

Bílskúr er tæknilega séð hannaður fyrir bílinn þinn, en raunveruleikinn er hins vegar sá að margir nota hann sem almenna geymslu. Það getir jafnvel virkað svolítið ógnvekjandi að opna bílskúrshurðina. Hver veit hvað þú finnur í bílskúrnum? Engar áhyggjur. Þú getur treyst á okkur. Við bjóðum upp á allskyns veggfestar geymslueiningar úr plasti í mismunandi stærðum og í mismunandi tilgangi. Þær eru auðveldar í festingu og hvert hólf er með svæði fyrir merkimiða svo að þú vitir nákvæmlega hvar þú settir hvaða hlut. 

Þú finnur allskyns aðrar tegundir af geymslueiningum á síðunni okkar, á borð við:

• Brauðbox

• Moltukassa

• Öskubakka

• Ruslatunnur

Við bjóðum upp á feikimikið úrval af allskyns geymslueiningum og þú finnur því án efa lausn sem ætti að passa frábærlega í bílskúrinn og á heimilið.

Geymslukassar og ílát úr plasti sem standast tímans tönn

Það er erfitt að ímynda sér nokkurt fyrirtæki, heimili, tómstundaiðju eða atvinnu sem getur verið án þægilegrar og hagnýtrar geymslulausnar. Hér hjá vidaXL elskum við að hjálpa þér við heimilisskipulagið með því að bjóða upp á geymslueiningar og ílát úr plasti sem halda rýminu hreinu, snyrtilegu og vel skipulögðu. Hvort sem þú ert í leit að geymslueiningum úr plasti fyrir eldhúsið, svefnherbergið, skrifstofuna eða bílskúrinn þá finnurðu réttu lausnina hjá okkur.

Við bjóðum upp á geymslueiningar í allskyns efnum, en plast er eitt af eftirlætisefnunum okkar. Það er traust, endingargott og auðvelt í þrifum og svo er hægt að nota það í nánast allt. Það skiptir ekki máli hvort plastvaran eigi að fara á skrifstofuna eða á heimilið - plastið stendur alltaf fyrir sínu. Þú finnur stóra geymslukassa í úrvalinu okkar sem henta jafnvel í iðnaðartilgangi. Þessar einingar eru tilvaldar fyrir fyrirtæki á borð við veitingastaði sem þurfa að geyma mikið magn að matvælum.

Ertu í leit að plásssparandi kössum? Til allrar hamingju bjóðum við upp á staflanlega kassa sem hjálpa þér að spara pláss. Þetta er sérstaklega tilvalið í rými þar sem pláss er af skornum skammti. Plastkassarnir fást í allskyns stærðum og litum og þú ættir því án efa að geta fundið eitthvað fyrir þig.

Góð ráð við geymslu og skipulag

Oft getur reynst snúið að henda reiður á óreiðunni. Geymslulausnir gera þetta þó mun auðveldara og það eru allskyns sniðugir hlutir sem þú getur gert til að halda heimilinu eða skrifstofunni í góðu standi. Skoðum hér nokkur af uppáhaldsráðunum okkar til að halda rýminu snyrtilegu:

• Taktu húsmunina í gegn. Best er að byrja á byrjuninni: Þú þarft að losa þig við hluti sem þú þarfnast ekki lengur. Það er nokkuð tilgangslaust að koma skipulagi á hluti sem hafa misst notagildið og þú þarft ekki lengur á að halda. Gefðu eða seldu hluti sem þú þarft ekki lengur á að halda.

• Byrjaðu á einum stað. Það getur auðveldlega orðið yfirþyrmandi að koma reiðu á allt heimilið. Við mælum því með að þú byrjir á einu svæði. Það gæti til dæmis verið sniðugt að byrja á svæðinu sem hefur verið að angra þig mest. Það er allt of stórt skref að taka allt heimilið í gegn í einu og við leggjum því alltaf til að fólk taki eitt rými fyrir í einu þangað til allt heimilið er komið.

• Taktu þér þinn tíma. Ekki halda að þú getir umbreytt heimilinu á einum eftirmiðdegi. Þú áttar þig fljótt á því þegar þú hefst handa, að verkið mun taka mun lengri tíma en þú bjóst við. Ekki drífa þig í gegnum þetta.

• Búðu til lista. Þegar þú hefur losað þig við það sem þú getur, þá er kominn tími á að skoða hvað er eftir. Hvað viltu geyma? Hvar á hluturinn heima? Gefðu hverjum hlut sinn stað svo að hlutirnir fari ekki í einhvern handahófskenndan kassa. Þetta gerir leitina að hlutnum mun auðveldari seinna meir.

• Hafðu augun opin fyrir illa nýttu plássi. Er pláss undir rúminu? Yfir hurðunum? Slepptu sköpunargáfunni lausri og notaðu plássið á hagnýtan hátt.

• Nýttu rýmið. Í staðinn fyrir að setja upp eina eða tvær hillur, settu þá upp hillur alveg upp í loft og geymdu hluti efst upp sem þú þarft sjaldnar að nota.

• Merkimiðar, merkimiðar, merkimiðar. Við getum ekki lagt nógu mikla áherslu á þetta. Það er ekki séns að þú eigir eftir að muna hvað er í hverjum einasta kassa og því er mikilvægt að þú merkir kassana. Þetta á eftir að gera líf þitt mun auðveldara þegar þú ert á hraðferð á leiðinni út og þarft að finna framlengingarsnúru eða hvaðeina annað 

• Hafðu hreyfingu á geymslunni. Ef þú ætlar að nýta plássið undir rúminu fyrir geymslu þá gæti verið sniðugt fyrir þig að velja geymslulausn með hjólum og loki. Þannig verður mun auðveldara fyrir þig að ná hlutum úr kössunum.

• Flokkaðu eftir litum. Ef þú elskar ekki miða, þá geturðu líkað notað liti til að flokka geymslueiningarnar. Þetta getur verið sérstaklega sniðugt á skrifstofunni þar sem yfirleitt eru nokkuð margir kassar með ýmsum hlutum. Þú getur auðvitað líka valið að vera með gegnsæja kassa svo að þú sjáir hvað er í kössunum án þess að þurfa að merkja þá.

• Við gleymum því sem ekki er fyrir framan okkur. Gakktu úr skugga um að þú náir auðveldlega í hlutina sem þú þarft mest á að halda. Þú vilt forðast að þurfa að teygja þig upp áefstu hilluna til að ná einhverju sem þú notar á hverjum degi.

Verslaðu geymlueiningarnar þínar hjá vidaXL

Ef þú ert með spurningar eða þarft hjálp við að velja réttu geymslueiningarnar þá aðstoðum við þig gjarnan. Hafðu samband við þjónustuverið okkar svo að við getum hjálpað þér. Saman finnum við réttu geymslulausnina fyrir heimilið þitt eða skrifstofuna. Við hlökkum til að aðstoða þig.