Vönduð garðtjöld og skyggni

Hvort sem það er í garðinum, á palli eða svölum, ættu öll útirými að bjóða upp á einhvers konar vörn gegn skaðlegum geislum sólar. Þetta getur t.d. verið einfalt skyggni, garðtjald eða partýtjald. Með skjóltjaldi eða skyggni ertu vel varin/n gegn sól, regni eða vindi. Með réttu skjóltjaldi geturðu slakað á í garðinum, algerlega áhyggjulaus!

Hjá vidaXL finnurðu fjölbreytt úrval af tjöldum og skyggnum fyrir hvers konar útirými. Það er góð hugmynd að nota einfalt garðtjald yfir setsvæðið í garðinum en það hentar einnig vel yfir leiksvæði barnanna. Veldu veislutjald ef þú hefur gaman af því að bjóða gestum heim í garðinn. Þau fást bæði með hliðarveggjum og án, en hliðarveggirnir skapa gott næði og skýla gegn veðri og vindum.

Hvaða tegund af garðtjöldum er best?

Markmiðið með garðtjöldum er að veita skugga og skjól. Þau fást í ýmsum stærðum og gerðum og hafa mismunandi eiginleika. Sum er hægt að leggja saman, önnur hafa svokallaða pop-up grind sem er einfalt og fljótlegt að setja upp. Kíkjum aðeins yfir úrvalið af garðtjöldum og skyggnum og finnum hið rétta fyrir þig.

Samanbrjótanlegt tjald

Partýtjöld sem hægt er að brjóta saman á einfaldan hátt koma sér vel bæði í garðinum, útilegum, útihátíðum o.fl. Tjaldgrindin er úr ryðfrírri álblöndu, sem er afar traust. Dúkurinn í skyggninu er úr oxfordefni með PVC húðun sem ver gegn útfjólubláum geislum sólar. Partýtjöldin fást í mörgum litum, allt frá náttúrutónum upp í skæra tískuliti. Einnig er hægt að fá partýtjöld með hliðarveggjum. Veggpanilarnir eru slitsterkir og gefa meira næði en opin tjöld. Veggirnir koma sér einnig vel ef veðrið versnar.

Pop-up garðtjöld

Ef þú vilt hafa skjól í garðinum en hefur kannski ekki tíma til að setja upp hefðbundið tjald, ættirðu að skoða pop-up tjöldin okkar. Pop-up tjöldin er hægt að setja upp og taka niður á örfáum mínútum og nýtast sem skjól fyrir veðri og vindum. Þau eru slitsterk og einfalt að taka þau með í bílinn fyrir ferðalög eða bara setja upp í garðinum. Tjalddúkurinn í skyggninu er vatnsþolinn og ver gegn útfjólubláum geislum. Grindin er afar stöðug og er úr dufthúðuðu stáli. Tjöldunum fylgja stög og hælar til að festa þau tryggilega niður.

Grilltjöld

Hvað er betra en góð grillveisla í garðinum?! Grilltjöld skýla grillmeistaranum fyrir sólinni á meðan eldamennskunni stendur. Þau eru með traustri stálgrind og með tveggja laga skyggni úr veðurþolnum og eldtefjandi dúk. Loftop á milli laganna tveggja skapar hringrás sem veitir reyknum frá grillinu út úr tjaldinu án óþæginda fyrir þá sem eru inni í því. Grilltjöldunum fylgja tvö borð til hægðarauka fyrir kokkinn!

Veislutjöld með hliðarveggjum

Veislutjöld með hliðarveggjum koma sér einstaklega vel þegar boðið er til veislu í garðinum. Þau eru gerð úr vatnsþéttum pólýetýlendúk með vörn gegn útfjólubláum geislum sem hentar afar vel við íslenskar aðstæður. Hliðarveggirnir skapa næði fyrir gestina og mynda gott skjól þó vindur sé úti. Hver veggeining er með glugga sem hleypir birtu vel í gegn. Inngangurinn í tjaldið er með sterkum rennilás og hægt að hafa hann opinn eða lokaðan eftir þörfum. Fylgdu stærðartöflunni hér að neðan til að velja rétta stærð af veislutjaldi fyrir útirýmið þitt.

Veggfest garðtjald

Fáðu meira út úr pallinum eða svölum með veggföstu tjaldi! Þó garðtjöld séu oftast frístandandi, fást þau einnig í þessari hagnýtu útgáfu sem hægt er að koma fyrir á verönd,  nýta sem skjól fyrir plöntur í hábeði eða til að útbúa kósí afdrep fyrir sumarslökun. Veggfest grindin er framleidd úr dufthúðuðu stáli sem endist í áraraðir. Dúkurinn er úr pólýesterefni sem er varið gegn útfjólubláum geislum. Tjöldin fást í ýmsum litum svo það er auðvelt að finna það sem passar útirýminu þínu best.

Frístandandi garðskálar

Frístandandi garðskálar setja notalegan svip á rýmið. Garðskáli með grind úr gegnheilli furu er bæði fallegur og traustur. Rimlaskreytt hornin má einnig nýta sem grind fyrir klifurjurtir og skapa þannig einstaka stemningu. Með garðskálanum er óþarfi að hafa áhyggjur af skaðlegum geislum sólar, þekjan er framleidd úr pólýesterefni með UV-þolinni PVC húðun.

Dásamleg garðtjöld í ýmsum útfærslum

Form garðtjaldsins ræður miklu um það hversu mikinn og góðan skugga garðurinn fær. Við höfum gott úrval af sexhyrndum tjöldum en þó koma ýmsir aðrir valkostir til greina. Veldu rétt form tjaldsins út frá stærð og gerð rýmisins sem það á að standa í.

Rétthyrnd garðtjöld

Fyrir svalir eða palla mælum við eindregið með réttyrndu tjaldi. Plássið nýtist afar vel undir rétthyrndu tjaldi og það skýlir vel gegn sól. Til að brjóta upp útirýmið er hægt að velja grind með inndraganlegu skyggni. Með því er líka auðveldara að stjórna því hversu mikinn skugga þú vilt hafa á hverjum tíma.

Hringlaga garðtjöld

Hringlaga tjöld eru falleg og stílhrein. Lögunin skapar skemmtilega andstæðu við manngert útirými, t.d. á verönd eða á palli. Hringlaga tjöldin eru einstaklega notaleg og skýla vel gegn sólinni. Til þess að tjaldið nýtist sem best, skaltu velja útfærslu með lausum hliðartjöldum. Með þeim verður betra næði og þau halda skordýrum frá gestunum þegar kvölda tekur.

Sexhyrnd garðtjöld

Sexhyrningur er eitt skynsamlegasta formið fyrir garðtjald. Þessi tjöld taka ekki mikið pláss en mynda þó afar góðan skugga. Sexhyrningslögunin eykur einnig stöðugleika tjaldsins, hvort sem um er að ræða tjöld með málm- eða viðargrind. Fyrir einstakt útlit, er hægt að nota grindina til að styðja við fallegar klifurplöntur.

Hvers konar efniviður hentar þínum þörfum best?

Öll garðtjöld og skyggni frá vidaXL eru úr slitsterkum og endingargóðum efnum. Málmgrindur eru klassískar og hafa yfir sér fallegan vintage-sjarma. Ál er endingargott og módernískt en um leið afar létt. Einnig er mikilvægt að huga að efninu í skjóldúk og skyggni til að vera viss um að garðtjaldið skili því hlutverki sem þú ætlast til.

Málmgrindur

Garðtjöld með grind úr smíðajárni eru einkar stöðug og praktísk. Með fallegu mynstri og skreytingum verða þessi tjöld miðpunkturinn í garðinum. Járngrindurnar eru einstaklega endingargóðar og henta bæði fyrir heimili og rekstraraðila. Bogadregnar línurnar setja fallegan svip á öll útirými og henta sérstaklega vel til að lýsa upp með ljósaseríu eða sem bakgrunnur fyrir klifurplöntur.

Veislutjöld með álgrind

Veislutjöld með álgrind henta bæði fyrir heimili og rekstraraðila, enda er álið létt, ryðþolið og afar traust og hentar við allar aðstæður. Álgrindur henta vel fyrir pop-up tjöld en það er auðveldlega hægt að taka þau með í útilegu eða ferðalög og setja upp á örfáum mínútum.

Tjalddúkar

Garðtjald er frábær viðbót við garðinn þinn. Hlutverk tjaldsins er tvíþætt, það þarf að koma vel út í rýminu og veita gott skjól við allar aðstæður. Þess vegna notum við vönduð efni í tjöldin okkar, t.d. vatnsþétt oxfordefni með PVC húðun sem ver gegn útfjólubláum geislum og gefur góðan skugga. Oxfordefnið fæst í fjölmörgum litum, veldu þann sem passar best í garðinn þinn!

Tjalddúkar í ýmsum stærðum

Gott garðtjald verður auðveldlega að uppáhaldsstaðnum þínum í garðinum. Það ætti að líta vel út og bjóða upp á góðan skugga. Eitt af því fyrsta sem þarf að hafa í huga er stærð skyggnisins. Tjald sem er 3x3 m (L x B) er tilvalið fyrir svalir eða verönd. Veldu 3x6 m (L x B) veislutjald ef þú ert með gott pláss í garðinum þínum og vilt hafa möguleikann á að bjóða gestum heim. Gættu þess þó að garðurinn beri tjald af þessari stærð.

Stöðluð 3x3 m Garðtjöld

Flest garðtjöldin okkar er hægt að nýta við margskonar aðstæður. Tjald í stærð 3x3x2,7 m (L x B x H) hentar til dæmis vel í langflesta garða eða annars konar útirými. Þessi stærð hentar vel fyrir útiborðsvæði fyrir meðalfjölskyldustærð eða sem lítið veislutjald. Við mælum þó alltaf með því að mæla útirýmið vandlega og velja garðtjald í hæfilegri stærð út frá flatarmáli.

6x3 m veislutjöld

Ef þú vilt halda garðveislur og bjóða vinum að eiga notalega stund í garðinum er hentugt að taka veislutjald í stærð 6x3x2,55 m (L x B x H) Hæð upp að þakbrúninni er 2 m og því rúmgott og þægilegt að ganga inn í það. Vissir þú að þú getur haldið garðveislu, sama hvernig veðrið er? Þó veðrið hagi sér ekki alveg eftir pöntun má komast í kringum það með góðu tjaldi með hliðarveggjum sem veita bæði skjól og næði. Í góðu veðri má líka fjarlægja hliðarnar og nýta plássið betur.

Hjá okkur finnurðu örugglega rétta tjaldið fyrir garðveisluna þína. Það er ekkert vandamál þó gestalistinn sé stór, því við eigum veislutjald sem er 12x6 m að stærð. Það þarf auðvitað talsvert pláss til að koma því fyrir en þegar það er komið upp eiga gestirnir eftir að skemmta sér konunglega. Þessi tjöld er einnig hægt að nota í atvinnuskyni.

Hvernig er hægt að stílisera garðtjaldið?

• Veldu garðtjald með skrautgrind. Þau fást bæði með málm- og viðargrindum og setja afskaplega fallegan svip á rýmið. Fínlegar skreytingar og útskurður fara vel í náttúrulegum garði.

• Gróðursettu klifurplöntur og notaðu tjaldgrindina sem stuðning fyrir þær til að vaxa eftir.

• Settu upp ljósaseríur í mildum tónum eða kauptu garðtjald með innbyggðri lýsingu. Þau nota sólarorku til að hlaða sig yfir daginn og skapa notalega stemningu þegar kvölda tekur.

• Fáðu þér tjald í sterkum lit. Vandaður tjalddúkur í upplífgandi lit gefur útirýminu skemmtilegt yfirbragð.