Hengirúm (10 Niðurstöður)

Komdu þér í frígírinn með þínu eigin hengirúmi

Hengirúm er alveg kjörið ef maður vill hafa það náðugt og gleyma sér í suðrænum sólskinsdraumum. Fyrir utan peninga- og tímasparnaðinn, þá er hengirúm alveg tilvalið til slökunar eftir langan dag. Og ekki halda að þú verðir að setja það í garðinn - þú getur líka auðveldlega sett það upp innivið. Fyrir utan hengirúm með reipi, þá bjóðum við einnig upp á hengirúm á standi. Þetta er bókstaflega auðveldasta leið í heimi til að setja upp hengirúm eða færa það.

En ef þú fílar ekki hengirúm en langar engu að síður til að geta notið fullkominnar slökunar, þá gæti hangandi stóll hugsanlega verið fyrir þig. Með slökunarstól hefurðu færi á að slaka á án þess að þurfa að leggjast aftur, sem er algjörlega fullkomið fyrir góða bók á sólríkum degi. Skoðu allt úrvalið okkar af hengirúmum á þessari síðu.

Hvernig þú notar hengirúm

Hið sígilda hengirúm er gert úr tauefni og þú hengir það með reipi á sitthvorum endanum. Þetta er fljót og auðveld leið til að hengja upp hengirúm og njóta slökunar um leið. Hér hjá vidaXL hefurðu úr eftirfarandi hengirúmum að velja:

• Hið hefðbundna hengirúm: Sígild hengirúm sem er gert úr tauefni. Auðvelt er að hengja það upp með tveimur traustum reipum.

• Hengirúm með standi: Þessi tegund er tilvalin fyrir fólk sem hefur ekki möguleika á að hengja rúmið á aðra hluti. Rúm sem er afar þægilegt í tilfærslu.

• Útihengirúm: Ef þú ert að leita að alvöru ævintýri þá bjóðum við einnig upp á hengirúm í garðinn í netversluninni okkar. Þessi tegund rúma er gerð úr afar sterkbyggðum efnum og flugnanet fylgir með.

Ef þú vilt hefðbundið hengirúm þá þarftu að vera viss um að þú sért með tvo trausta hengifleti til að festa reipin á. Það finnst fáum gaman að detta úr hengirúmi. Tvö sterkbyggð tré eru allra besta lausnin fyrir hengirúm. Þegar þú hengir rúmið upp innivið þá geturðu notað tvo króka úr loftinu.

Ef þessar lausnir virka ekki fyrir þig þá hefurðu auðvitað alltaf kost á að velja hengirúm á standi. Standurinn gerir þér kleift að setja hengirúmið hvert sem er og þetta er alveg tilvalið ef þér finnst til dæmis gott að geta fært þig í eða úr sólinni eftir hentisemi. Önnur góð ástæða fyrir því að velja hengirúm á standi er að þú þarft ekki að festa það við neitt.

Hinni fullkomni hengistóll

Eins og við nefndum hér að ofan þá er hengistóll alveg tilvalinn fyrir einstaklinga sem finnst gott að slaka á en vilja þó helst ekki liggja. Hangandi stóll er fullkominn fyrir bókalestur á meðan maður sveiflast fram og til baka. Þú getur valið einfaldan hengistól eða valið stól með fótstigi fyrir aukin þægindi. Stóllinn er tilvalinn á útisvæðið, en hann hentar þó einnig vel í stofunni eða jafnvel í barnaherberginu.

Hugsaðu vel um hengirúmið

Það er auðvitað mikilvægt að þú hugsir vel um nýja hengirúmið þitt. Með því að hugsa vel um hengirúmið geturðu stuðlað að góðri endingu og notkun í áraraðir. En hvernig á að hugsa um hengirúm?

Þú þarft fyrst og fremst að vernda það gegn núningi. Þetta þýðir að þú þarft að íhuga vel hvar þú festir hengirúmið. Þú þarft til dæmis að ganga úr skugga um að þú getir ruggað þér örlítið í rúminu án þess að það snerti jörðina, plöntur eða annað. Hengirúmið á að geta ruggað frjálslega. Ef rúmið er úti þá þarftu líka að vernda það gegn allskyns veðráttu. Best er að taka hengirúmið inn í rigningu og miklum vindi þar sem það kemur í veg fyrir óþarfa tæringu.

Svo þarftu auðvitað að þvo hengirúmið. Það skiptir ekki máli hvort þú sért með það inni eða úti - hengirúm þarfnast þrifa eins og allt annað. Flest hengirúm þarf að þvo í höndunum, en best er þó auðvitað að lesa þvottaleiðbeiningarnar sem fylgja.

Annað gott ráð er að geyma hengirúmið innivið á nóttunni. Þú vilt auðvitað vernda hengirúmið gegn leiðinlegu veðri, en þó er einnig mikilvægt að þú verndir það gegn raka þegar þú getur. Við mælum því með því að þú geymir hengirúmið innivið á nóttunni til að skýla því frá næturdögg. Svo er mikilvægt að þú setjir hengirúmið aldrei í geymslu þegar það er blautt. Leyfðu því að þorna algjörlega fyrst. Við mælum einnig með því að þú geymir rúmið á þurrum stað yfir veturinn - ekki freistast til að geyma það í rökum skúr.

Síðast en ekki síst er mikilvægt að þú hugir að almennu viðhaldi með því að fara úr skónum þegar þú kemur þér fyrir eða drekka kaffibollann annars staðar til að forðast óþarfa bletti.

Tími hengirúmanna er núna

Þú hefur kannski séð hengirúm hjá vini í útilegunni, eða kannski áttu hengirúm nú þegar og langar í annað? Það skiptir ekki máli hver ástæðan er - hengirúm eru sjóðheit þessa dagana og hafa sjaldan verið vinsælli. En hvernig urðu þau eiginlega svona vinsæl á alheimsvísu og af hverju urðu þau alþjóðlegt tákn fyrir frí og slökun? Það er engum blöðum um það að fletta að hengirúm eru mun vinsælli núna en þau voru fyrir áratug síðan.

Það eru eflaust margar ástæður fyrir því af hverju hengirúm hafa rokið upp í vinsældum síðustu árin, en við erum með þrjár kenningar varðandi vinsældirnar á alheimsvísu:

• Útivistar- og útilegufólk er farið að taka hengirúm með sér á vit ævintýranna

• Hannanir og efni eru orðin mun betri síðustu árin

• Fólk er almennt farið að verja meiri tíma útivið í náttúrunni

Það er auk þess gífurlega auðvelt að taka hengirúm með sér. Þú hendir því einfaldlega í bílinn og heldur af stað í ferðalagið.

Hengirúm: Alveg eins og hangandi rúm

Þótt hengirúm sé vissulega frábært til slökunar og hvíldar hvaða tíma dags sem er, þá er það líka tilvalið til svefns. Og við erum ekki bara að tala um eftirmiðdagslúr í sólinni. Það er orðið sífellt vinsælla síðustu misserin að nota hengirúm sem svefnrúm - það eru meira að segja þónokkrir kostir við að sofa í hengirúmi:

• Það er talið vera gott gegn bakverkjum þar sem þrýstipunktar eru færri

• Margir segjast upplifa betri og dýpri svefn og telja þar að auki að auðveldara sé að sofna í ruggandi rúminu

• Fókus og einbeiting verða betri þegar svefn er betri

• Hengirúm er þar að auki ódýrara en rúm

Ef þú ert að spá í að kaupa þér rúm og ráðstöfunarféð er af skornum skammti, eða ef þig langar hreinlega til að prófa nýjasta trendið, þá er tilvalið að þú prófir að sofa í nýja hengirúminu þínu.

Saga hengirúmsins

Ja hérna hér, þið teljið að maður geti sofið í hengirúmi, er kannski það sem þú ert að hugsa núna. En þetta er einmitt nákvæmlega hvernig hengirúm voru notuð í denn. Hengirúm voru notuð sem rúm til að halda fólki fyrir ofan jörðina og öruggu frá næturdýrum. En skoðum aðeins betur sögu hins sígilda hengirúms. Eins og við nefndum hér að ofan þá hafa hengirúm verið notað í hundruðir ára í frumskógum Suður-Ameríku og Mið-Ameríku og á ströndum í Karíbahafinu.

Fyrsta hengirúmið er talið hafa verið hannað fyrir svefn af frumbyggjum í Suður-Ameríku og Mið-Ameríku. Rúmin voru einnig mikið notuð á eyjum í Karíbahafinu. Fyrstu hengirúmin voru ofin með trjáberki af Hamack trénu, en þessi efniviður er auðvitað lítið notaður núna. En hvernig gerðist það eiginlega að hengirúmið haslaði sér völl á alþjóðavísu?

Frá Karíbahafinu til Evrópu

Hengirúm náðu vinsældum í Evrópu eftir að Kristófer Kólumbus sigldi til Karíbahafsins á 15. öldinni. Eftir það fann hengirúmið leið til Bandaríkjanna. Hengirúm, eða „hammock“ á ensku, fékk nafn sitt frá „hamacas“ af frumbyggjum, þar sem rúmið var gert úr berkinum af Hamack trénu. Það var ekki fyrr en Evrópubúar byrjuðu að nota hengirúm sem þau umbreyttust endanlega í þau hengirúm sem við þekkjum í dag.

Hengirúmið náði hratt fótfestu í Evrópu og varð vinsælt á skipum þar sem það auðveldaði svefn. Og af hverju var það? Hengirúmið ruggaðist í takt við hreyfingu skipsins og því minnkaði það líkurnar á að sjómenn köstuðust úr rúminu um miðja nótt. Áhugavert er að segja frá því að sjómenn notuðu meira að segja hengirúm í styrjöldunum tveimur, ásamt Víetnam stríðinu og bandarísku borgarastyrjöldinni á 19. öld. Og gettu hvað? Hengirúm voru líka notuð fyrir svefn á sjöunda áratug 20. aldar þegar geimferðir fóru að verða veruleiki. Hengirúm hafa því komið víða.

Frá trjáberki yfir í stílhreina efniviði

Í dag eru hengirúm auðvitað mest notuð til slökunar, þá sérstaklega af þúsaldarkynslóðinni. Hengirúm hafa einnig tekið nokkrum breytingum í gegnum árin og nú til dags eru þau gerð úr afar þægilegum og stílhreinum efnum og þau fást auk þess í ýmsum stílum og hönnunum. Þau eru þar að auki létt og auðfæranleg, sem gerir þau afar vinsæl um allan heim.

Verslaðu hengirúmið þitt í netverslun vidaXL

Hér hjá vidaXL bjóðum við upp á fjölbreytt úrval af stílhreinum og þægilegum hengirúmum í ýmsum stærðum, efnum, litum og hönnunum. Við efumst ekki um að þú finnir hengirúm sem hentar þér. Þó getur reynst snúið að finna rétta hengirúmið þegar úrvalið er mikið. En engar áhyggjur. Þér er alltaf velkomið að hafa samband við þjónustuverið okkar. Við aðstoðum þig með gleði og hjálpum þér að finna rétta hengirúmið fyrir heimilið þitt.