Útigeymslukassar (142 Niðurstöður)

Finndu hinn fullkomna geymslukassa í garðinn

Geymslukassi í garðinum heldur útiplássinu snyrtilegu og vel skipulögðu, sem er tilvalið fyrir húseigendur sem eiga ekki garðskúr. Geymslukassar fást í fjölmörgum hönnunum og efnum sem henta þörfum hvers og eins og þeir veita öruggan stað fyrir leikföng, garðverkfæri og aðra hluti. Hvort sem þú ert í leit að geymslulausn fyrir sérstaka hluti eða í leit að almennri geymslulausn útivið, þá er garðgeymslukassi kjörinn kostur.

Sterkbyggður geymslukassi í garðinum býður upp á fleiri sæti útivið. En hvaða geymslukassa ættirðu að velja? Til að geta valið rétta geymslukassann þá þarftu að vita að hverju þú ert að leita. Hér leiðum við þig í gegnum ferlið við að velja garðkassa sem bætir virkni og stíl við útisvæðið.

Hvaða efni ættirðu að velja fyrir geymslukassann?

Varanleiki og útlit útigeymslunnar fer eftir efnisvali. Þú getur valið úr nokkrum mismunandi gerðum af efni. Haltu áfram að lesa til að kynna þér nokkur af algengustu efnunum fyrir garðgeymslur.

Viður

Viður er náttúrulegt efni og viðargeymslukassar falla því fullkomlega inn í útisvæðið. Viður er einnig hefðbundnasta efnið fyrir geymslulausnir. Viður þarfnast þó reglulegs viðhalds, allt eftir því hvaða gagnvörn er notuð. Einnig má mála viðinn í mismunandi litum, allt eftir smekk. Þú getur valið úr mismunandi tegundum viða, en tekkviður er vinsælasti kosturinn. Helsti kostur tekkviðar er hátt olíuinnihald sem verndar gegn raka og skordýrum.

Málmur

Málmur er sterkur og rammgerður og geymslukassar úr málmi eru því almennt taldir afar öryggir. Hvort sem þú vilt verja garðinn gegn þjófum eða meindýrum þá gefur geymslukassi þér hugarró með því að halda hlutunum þínum öruggum. Kassarnir eru einnig tilvaldir til að geyma dýr verkfæri, garðbúnað, ruslatunnur eða reiðhjól. Málmur þarf ekki eins mikið viðhald og viður en hann hefur hins vegar tilhneigingu til að ryðga og sniðugt er því að dufthúða hann eða mála. Mismunandi tegundir af málmi eru notaðar í gerð garðkassa og stál er þar algengasti kosturinn. Stál þolir hversdagslegt slit afar vel og er þar að auki umhverfisvænt.

Plast

Plastgeymslukassi er ódýr kostur í stað viðar og málms. Hann krefst einnig minna viðhalds. Þú þarft aðeins að þurrka af eða spúla plastkassa til að fjarlægja leðju eða myglu af yfirborðinu. Nútímaplast er einnig ónæmt fyrir útfjólubláum geislum, sem þýðir að það dofnar ekki eða verður stökkt þegar veðrið er leiðinlegt. Af öllum efnum er geymslukassi úr plasti auðveldastur í samsetningu þar sem mismunandi partar læsast auðveldlega saman og gefa af sér traust og rammgert húsgagn. Þú gætir einnig rambað á hannanir sem líkja eftir tág eða viði og gefa útisvæðinu náttúrulegan blæ.

Mismunandi stíll útigeymslukassa

Garðgeymslukassar fást í mismunandi lögunum. Hér eru einfaldar leiðbeiningar til að aðstoða þig við að finna stíl sem hentar þér.

Venjulegir geymslukassar

Staðlaðir eða reglulegir geymslukassar liggja láréttir og eru með hefðbundnu áfestu og opnanlegu loki. Þeir eru að mestu smíðaðir úr endingargóðum og veðurþolnum efnum og fást í fjölmörgum stærðum til að mæta geymsluþörfum hvers og eins.

Garðgeymslubekkir

Útigeymslubekkir eru mismunandi langir og fást einsessa eða lengri. Sumar hannanir eru með armpúðum og baki til að auka þægindi og stuðning. Hafðu í huga að ekki allir geymslukassar styðja mikla þyngd og því er mikilvægt að skoða vörulýsinguna vel.

Geymslukassar fyrir lítil rými

Þessi tegund geymslukassa er tilvalin fyrir litla garða. Kassarnir eru frábærir til að geyma hluti sem eru notaðir mikið eins og garðvörur og útivistarfatnað.

Lóðréttir geymslukassar

Lóðréttir garðgeymslukassar líkjast meira skápum en kössum. Þeir eru oft með hillum og hurðum til að auðvelda geymslu og skipulagningu.

Sófaborðsgeymslubekkir

Eins og nafnið gefur til kynna þá virka þessir útigeymslukassar einnig sem sófaborð, sem bætir nútímalegu yfirbragði við hefðbundinn geymslukassa. Kassarnir eru einnig með lausu loki án lama.

Hvaða stærð af útigeymsluboxi ættirðu að velja?

Útigeymslukassar fást í ýmsum stærðum fyrir allskyns garðrými. En hversu mikið pláss er í garðgeymslukassa? Lítum nánar á mismunandi stærðir til að auðvelda valið.

• Litlir: Stöðluð stærð á litlum geymslukassa er 227 lítrar. Þessir kassar eru á stærð við mjóan bekk og geta geymt tvo púða eða vafna slöngu, með aukarými fyrir garðyrkjuhanska og plöntuskóflu.

• Miðlungstór: Stöðluð stærð er um 450 lítrar og miðlungsstórir geymslukassar rúma heilt púðasett. Þeir eru með nægu plássi til að geyma allar sundlaugarvörurnar þínar, sundlaugarleikföng, barnaflotholt og nokkrar garðslöngur.

• Stórir: Þessir geymslukassar eru með 450-682 lítra rúmmáli. Nóg pláss er til að geyma stóra hluti, sólhlífar og stór sundlaugarleikföng.

• Extra-stór: Geymslukassar sem rúma meira en 682 lítra eru extra-stórir. Þeir eru yfirleitt í formi lóðréttra geymsluskápa.

Aðrir eiginleikar sem þarf að hafa í huga við val á geymslukössum

Fyrir utan efni, stærð og stíl eru aðrir þættir sem þarf að hafa bakvið eyrað í leitinni að bestu garðgeymslulausninni. Hér að neðan lítum við nánar á nokkra þætti sem gætu aðstoðað þig í leitinni að rétta geymslukassanum.

Handföng

Veldu geymslubox með handföngum til að auðvelda tilfærslu. Handföng auðvelda einnig notkun á loki og skúffum.

Innri skilrúm

Skilrúm og net gera þér kleift að búa til hólf og gera þér þannig auðveldara fyrir að nýta geymsluplássið vel. Þú getur t.d. notað plássið í sjálfu lokinu til að geyma smáhluti.

Lásar

Þú getur einnig valið garðgeymslukassa með klemmum eða lokum sem þú getur læst og þannig verndað eignirnar þínar.

Mjúklokandi lamir

Ef þú þarft að velja garðgeymslubox með þungu loki eða hurð þá skaltu skoða mjúklokandi geymslubox til að draga úr skemmdum.

Kassar á hjólum

Ef þú ætlar að nota geymslukassann á sléttu yfirborði eins og steyptri verönd þá er gott að velja húsgagn á hjólum til að auðvelda tilfærslu.

Staflanlegir

Ef pláss er af skornum skammti þá kemur sér alltaf vel að gefa staflað kössunum. Sumir geymslukassar, og þá sérstaklega kassar með hryggjum á botninum, gera þér kleift að stafla nokkrum saman.

Umhirða á garðgeymslukössum

Garðgeymslukassi er prýðileg fjárfesting fyrir alla húseigendur. Líkt og önnur útihúsgögn á heimilinu þá þurfa geymslukassar reglulegt viðhald svo að þeir haldist í toppstandi og endist lengur. Hér að neðan eru ráð varðandi umhirðu á geymslukassanum.

Skoðaðu hvort sprungur séu að myndast

Mikilvægt er að athuga reglulega hvort sprungur séu á geymslukassanum og ef svo er, þá er mikilvægt að laga þær áður en þær verða of stórar og krefjast veigamikilla viðgerða. Erfiðar veðuraðstæður geta haft slæm áhrif á yfirborð kassans. Regluleg yfirferð gerir þér kleift að koma auga á leka og rakavandamál sem gætu skemmt kassann.

Þrífðu kassann reglulega

Mikilvægt er að þú þrífir útikassann reglulega til að losna við óhreinindi og ryk. Þrífðu kassann með mjúkum klút og sápuvatni og þurrkaðu hann með hreinum klút. Gættu þess að nota ekki mjög sterk efni þar sem það gæti skemmt efnivið kassans. Þú getur þurrkað af og spúlað plastkassa, en kassar í öðrum efnum eins og rattan og viði þola minna vatn. Gott er að þurrka af þeim efnum með blautum klút til að koma í veg fyrir myglumyndun.

Smyrðu viðarkassa með olíu

Gott er að fylgjast með kassanum og bera olíu á hann eftir vont veður, allt eftir tegund viðarins. Þetta kemur í veg fyrir að viðurinn verði of þurr og byrji að springa eða klofna. Áður en olían er borin á skaltu hreinsa geymslukassann, leyfa honum að þorna í 24 klukkustundir, léttsanda hann og þurrka af honum ryk. Notaðu bursta með löngum hárum til að bera olíuna á kassann í átt að æðamynstrinu.

Berðu viðarbæs á kassann til varnar

Viðarbæs gefur garðgeymslukössum úr viði ferskt útlit og ýtir undir náttúrulegt útlitið. Það verndar einnig timbrið gegn vatnsskemmdum og skemmdum af völdum útfjólublárra geisla. Mikilvægt er að þú þrífir kassann og þurrkir áður en þú berð viðarbæsið á hann. Notaðu málningarbursta eða klút sem skilur ekki eftir sig ló og leyfðu kassanum að þorna í að minnsta kosti 24 klukkustundir.

Af hverju þú þarft geymslukassa í garðinn

Nú ertu kannski nær því að vita hvaða geymslukassi er réttur fyrir þig. Ef þú ert hins vegar ennþá óviss um hvort þú viljir fjárfesta í garðgeymslukassa yfirhöfuð, þá eru hér nokkur atriði sem gætu aðstoðað þig við valið.

• Minnkar óreiðu

Helsti kosturinn við garðgeymslukassa er að hann minnkar óreiðuna á heimilinu. Útihúsgögn á borð við geymslukassa gera þér kleift að hafa skipulag á útisvæðinu og koma í veg fyrir óreiðu.

• Heldur eignunum þínum þurrum

Geymslukassi er einnig gagnlegur til að halda hlutum eins og garðbúnaði eða útileikföngum þurrum og í skjóli frá íslenskri veðráttu. Vertu viss um að velja geymslubox sem er vatnshelt svo að hlutirnir þínir séu varðir gegn vatni.

• Öryggi

Geymslukassi gerir þér einnig kleift að vernda eignirnar þínar gegn þjófnaði. Læsingar fylgja með sumum kössum, sem eykur auðvitað ennfremur öryggið.

• Ending

Garðgeymslukassar úr hágæðaefnum eins og málmi og viði geta enst í mörg ár.