Hvernig þú velur réttu sólbekkina

Fjárfesting í góðum sólbekkjum er frábær leið til að gera útisvæðið þægilegt og afslappandi þegar sólin brýst út. Sólbekkir eru ómissandi fyrir flesta húseigendur yfir sumarmánuðina. Þeir eru eitt eftirsóttasta útihúsgagnið um þessar mundir þar sem þeir bjóða upp á fullkomna blöndu af stíl og þægindum sem henta mismunandi görðum.

En hvaða sólbekk ættirðu að velja? Hvaða stærð eða stíll hentar eigninni þinni? Þetta eru spurningar sem vakna þegar leitin að sólbekk hefst. Úrvalið er mikið og hægt er að velja á milli margra mismunandi tegunda. Því getur verið snúið að finna rétta sólbekkinn fyrir útisvæðið.

Sem betur fer bjóðum við hér upp á gagnleg ráð sem ættu að auðvelda þér valið. Þessar leiðbeiningar aðstoða þig við að velja sólbekk sem er bæði þægilegur í sólinni og falleg viðbót við útisvæðið.

Tegundir af sólbekkjum

Einn mikilvægasti þátturinn í vali á sólbekk er hvernig þú vilt nota hann. Sólbekkir fást í nútímalegum og fjölbreyttum stílbrigðum sem henta þörfum hvers og eins. Sólbekkur sem er lagður algjörlega niður er frábær fyrir sólbað og afslöppun. Hálfuppréttur bekkur er hins vegar tilvalinn fyrir notaleg samtöl eða bókalestur.

Samfellanlegir eða fastir

Ekki þarf að kynna samfellanlega bekki. Þeir eru algengir á heimilum eða tómstundaheimilum. Þeir taka minna pláss á útisvæðinu þegar þeir eru felldir saman. Þeir eru einnig auðveldir í flutningi og tilfærslu. Fastir sólbekkir taka meira pláss en samfellanlegir bekkir en þeir eru hins vegar rammgerðari.

Alveg flatir

Sólbekkir sem eru alveg flatir, eða sem hægt er að stilla í flata stellingu, eru besti kosturinn til að ná góðri brúnku á magann. Stillanlegar gerðir eru sérstaklega vinsælar og fást oft í mismunandi efnum.

S-laga

Eins og nafnið gefur til kynna þá líta S-laga sólbekkir út eins og bókstafurinn S. Sólbekkirnir fylgja útlínum líkamans og veita yfirleitt góðan stuðning við mjóbakið, þá sérstaklega fyrir einstaklinga sem eru gjarnir á að fá bakverki. Þessi tegund sólbekkja fæst í ýmsum efnum.

Fjölnota

Þessi tegund sólbekkja er afar fjölhæf. Hún gerir þér kleift að hvíla þig á allskyns hátt, hvort sem það er í uppréttri stöðu eða nánast liggjandi. Flest módel af þessari tegund bekkja verða þó aldrei algjörlega flöt. Fjölnota sólbekkir eru oft með stórum armhvílum fyrir aukin þægindi. 

Hvaða efni ættirðu að velja fyrir sólbekkinn?

Sólbekkir fást í mismunandi efnivið sem hver hefur sína kosti og galla. Efnisvalið hefur áhrif á útlit og endingu sólbekksins. Því er mikilvægt að þú veljir efni sem mætir þínum þörfum sérstaklega. Hér að neðan ræðum við mismunandi efni fyrir sólbekki.

Viður

Sólbekkir úr viði eru oft smíðaðir úr harðviði eins og tekkviði. Þó er einnig hægt að finna sólbekki úr mjúkvið, en þó er mikilvægt að meðhöndla viðinn áður en hann er notaður utandyra. Akasíuviður er frábær valkostur í stað tekkviðar. Hann er ekki bara harðger heldur einnig ónæmur fyrir óhreinindum og sveppum. Viður er sígildur og tímalaus efniviður sem ljáir útisvæðinu náttúrulegan blæ. Með réttri umhirðu haldast sólbekkir úr viði í góðu standi í mörg ár.

Plast

Plast er slitsterkt, ódýrt og auðvelt í þrifum og það er því eitt algengasta efnið við gerð sólbekkja. Sólbekkir úr plasti fara aldrei úr tísku og þeir eru frábær og ódýr kostur fyrir fólk sem hefur minna færi á að verja miklum tíma á sólbekknum. Þó verður að hafa í huga að laus sessa er nauðsynleg til að bæta þægindin, annars getur yfirborð bekksins verið of hart. Þar að auki hitnar bekkurinn í sólinni, sem getur gert hann óþægilegan án sessu.

Ál

Sólbekkir úr áli eru léttir, veðurþolnir og endingargóðir. Efnið er þó einungis notað í ramma sólbekksins. Ál er fáanlegt með duftlakkaðri eða málaðri áferð. Þessi tegund sólbekkja er auðveld í tilfærslu. Ál tærist þar að auki ekki og það þarf afar lítið viðhald.

Stál

Stál er þekkt fyrir styrkleika, hagkvæmni og glansandi útlit og það er því eitt algengasta efnið fyrir húsgögn. Það er afar marghæft þar sem það hentar vel inn í flest rými. Þú hefur án efa séð þau í mörgum mismunandi útirýmum – á veröndum, svölum, líkamsræktarstöðvum, sundlaugarbökkum eða veitingastöðum. Í samanburði við önnur efni er stál umhverfisvænt. Ef umhverfisvernd er mikilvæg fyrir þig þá er sólbekkur úr stáli besti kosturinn til að sýna umhverfinu virðingu. Garðhúsgögn úr stáli eru einnig auðveld í þrifum og viðhaldi.

Pólýrattan

Náttúrulegt rattan er afar fallegt en náttúrulegar trefjarnar eru hins vegar gjarnar á að rotna í óhagstæðri veðráttu. Það dofnar einnig og skemmist hraðar þegar það verður fyrir sólarljósi. Sem betur fer fæst betri kostur fyrir útisvæðið í formi pólýrattans, ðea gervirattans. Efnið lítur ekki aðeins út eins og náttúrulegt rattan heldur er það líka veðurþolið og endist lengur. Sólbekkir úr pólýrattani gefa garðinum náttúrulegt yfirbragð. Þeir eru einnig auðveldir í viðhaldi.

Pólýprópýlen

Pólýprópýlen er einnig þekkt sem gerviresín og það er hitadeigt efni sem er notað á allskyns hátt. Það er frábært efni fyrir sólbekki og garðhúsgögn almennt. Helstu kostir pólýprópýlens eru að það er létt, stöðugt, sterkt og endingargott. Það er einnig umhverfisvænt og þolir allskyns kemísk efni. Sólbekkir úr pólýprópýleni eru besti kosturinn fyrir strendur þar sem efnið þolir saltleifar.

Efni

Sólbekkir úr mjúku efni eru stöðugir, þægilegir og þorna tiltölulega fljótt. Einnig er auðvelt að gera við þá þegar þeir skemmast. Efnið sem notað er í flesta sólbekki þolir einnig útfjólubláa geisla og dofnar ekki í beinu sólarljósi. Þeir falla einnig vel við flesta garða þar sem efnin fást í mismunandi litatónum. Engin þörf er heldur á sessum þar sem bekkirnir eru náttúrulega þægilegir. Þó er ekki víst að efnið sem þú velur sé vindþolið og því gæti verið sniðugt að setja bekkinn inn þegar hvasst er úti.

Aukahlutir til að skoða þegar þú velur sólbekki

Gott er að hafa auga með nokkrum aukahlutum þegar þú velur sólbekk. Þessir eiginleikar tryggja þér hagnýtan og þægilegan sólbekk á útisvæðinu.

• Hjól:

Ef þú ert með stórt útisvæði og færir oft sólbekkinn frá einum stað til annars þá skaltu velja sólbekk með hjólum. Þannig er auðveldara að færa sólstólinn á mismunandi staði. Léttur sólbekkur auðveldar einnig tilfærslu.

• Þægindi

Þegar þú velur sólbekk þá skaltu ganga úr skugga um að hann sé annað hvort með þykkri eða þunnri bólstrun. Þú getur einnig bætt sessum við sólbekkinn til að auka þægindin. Ef þig langar hins vegar til að nota sólbekkinn nálægt sundlaug þá er líklegt að vatn eða sólkrem komist í snertingu við sessurnar og þá getur reynst snúið að þrífa þær.

• Hæð, breidd og burðargeta

Sumir sólbekkir eru of mjóir, sem gerir það að verkum að erfitt er að snúa sér á þeim. Breiddin getur verið afar mismunandi á milli módela og því er mikilvægt að velja réttu stærðina. Ef þú vilt fá aukinn sveigjanleika, eða ef þér finnst erfitt að eiga við sólbekk sem er lágt niðri við jörðina, þá gæti sólstóll verið betri kostur fyrir þig.

• Geymsla

Það er góð hugmynd að hylja sólbekki yfir vetrartímann. Athugaðu hvort þú hafir nóg geymslupláss fyrir sólbekkinn. Ef ekki, þá skaltu velja samfellanlegan sólbekk sem er auðveldari í geymslu.

Hvernig á að viðhalda sólbekknum

Eins og með önnur garðhúsgögn þá þurfa sólbekkir að þola allskyns veðurfar og því er mikil hætta á skemmdum. Þó að þú hafir auðvitað engin áhrif á veðrið þá eru aðrir hlutir sem þú getur gert til að halda sólbekknum í toppstandi allt árið um kring. Hér eru ráð varðandi viðhald sem vert er að prófa.

Viður

Harðviður er ekki bara sterkur heldur einnig harðger. Hann getur því verið utandyra allan ársins hring. Það þýðir þó ekki viðurinn þurfi ekki viðhald, þótt lítið sé. Þrif með klút vættum með sápuvatni ætti að vera nóg. Hins vegar er ekki ráðlagt að nota svarfefni eða sterk íðefni þar sem þau geta skemmt viðinn. Þurrkaðu varlega af til að skemma ekki náttúrulegt útlit viðarins. Þú getur leyft sólbekknum að þorna algjörlega í sólinni.

Plastefni

Plast missir lit og traustleika þegar á það fellur ryk, óhreinindi, fugladrit eða önnur óblíð efni. Þú hugsar vel um sólbekkinn með því að þrífa hann reglulega. Þú þarft klút bleyttan með sápuvatni til að þrífa plastbekkinn. Eftir hreinsun skaltu nota þurran klút til að þurrka allt vatn af honum. Leyfðu honum svo að þorna. Sólbekkur úr plasti þolir kraftmeiri þrif en sólbekkur úr viði.

Málmur

Þótt sólbekkir úr málmi séu yfirleitt málaðar eða dufthúðaðar þá þarftu samt að viðhalda þeim svo að þeir líti vel út allan ársins hring. Þú getur hreinsað málm með klút vættum með mildu sápuvatni. Skolaðu vel eftir þvott og láttu bekkinn þorna. Ef þú vilt gera viðhaldið ennþá ítarlegra þá er sniðugt að bera glært bílavax á sólbekkinn einu sinni á ári. Þú getur einnig málað bekkinn aftur með sama lit af málningu.

Efni

Þú getur hreinsað flest efni á sama hátt og þú þrífur við. Öll efni eru þó ekki eins. Sumt efni er viðkvæmara og þarf varfærna hreinsun. Heitt og milt sápuvatn ætti að virka. Þú getur einnig notað þvottaefni til að hreinsa efni. Berðu hreinsiefnið á hreinan klút og þurrkaðu efnið varlega. Þegar blettir og óhreinindi eru horfin þá er gott að hreinsa efnið með vatni til að fjarlægja sápuna. Leyfðu svo efninu að þorna í sólinni á náttúrulegan hátt.

Hér hjá vidaXL bjóðum við upp á mikið úrval af sólbekkjum. Skoðaðu úrvalið okkar til að finna fullkominn sólbekk fyrir eignina þína.