Lampar (188 Niðurstöður)

Nýtískulegir lampar fyrir notaleg heimili

Það tekur góða hönnunarfærni að breyta íbúð eða hús í heimili. Fyrst þarftu að velja húsgögn sem eru þægileg. Húsgögnin ættu að skapa jafnvægi í rýminu og falla vel við stílinn þinn. Þú þarft líka að skapa notalega stemningu með góðri lýsingu. Góð ljós eru mikilvæg þar sem þau gera þér kleift að setja réttu stemninguna á rýmið. En hvernig velurðu réttu lampana? Eru borðlampar nóg? Hvaða tegund af loftlömpum hentar innréttingunum þínum?

Það getur verið afar gaman að kaupa lampa á heimilið og með ríkulegu úrvali vidaXL ætti ekki að vera neitt mál fyrir þig að finna rétta lampann.

Skoðaðu mismunandi gerðir af lömpum í úrvalinu okkar

Fyrsta skrefið er að velja lampa út frá tilganginum. Hér hjá vidaXL bjóðum við upp á mikið úrval af fallegum stílum á borð við:

• Hengilampa. Hengilampar eru einnig þekktir sem loftlampar. Þessi tegund lampa er frábær til að skapa umhverfisljós. Hengilamparnir hjá vidaXL fást í ýmsum hönnunum. Þú gætir til dæmis valið hæðarstillanlega hengilampa fyrir borðstofuna. Loftlampar úr náttúrulegum efnum eru einnig tilvaldir til að skapa réttu stemninguna á heimilinu.

• Loftljós. Loftljós eru með grunni sem er festur í loftið og þau eru stílhrein og praktísk. Sum ljósin eru nútímaleg, fyrirferðarlítil og gefa af sér afslappandi birtu. Önnur loftljós eru skrautlegri. Ef þú vilt hafa innréttingarnar tímalausar þá gætirðu valið loftljós með hangandi kristalperlum.

• Skrautlegar ljósakrónur. Ef þú ert í leit að áberandi ljósi þá gæti ljósakróna verið nákvæmlega það sem þú ert að leita að. Þessi glæsilegi ljósabúnaður er með örmum með þremur eða fleiri perum. Sumar ljósakrónur eru með akrílperlum sem eru yfirleitt gegnsæjar til að endurkasta ljósinu. Ljósakrónur grípa augað og gefa hvaða rými sem er ríkulegan blæ. Þó má nota þær í hvaða rými sem er, allt eftir hönnuninni. Þær virka vel í borðstofunni, stofunni eða ganginum.

• Vegglampar. Þessir lampar eru hannaðir á annan hátt en aðrir lampar og þeir eru frábærir þegar þú þarft beina lýsingu. Þeir gefa umhverfisljós en beina ljósinu jafnframt á ákveðinn blett, sem þýðir að þeir eru tilvaldir fyrir borðstofuna eða leskrókinn. Sumir eru með sveifluarmi svo auðveldara sé að stilla ljósið. Aðrir eru með fallegum viðargrunni og málmskermi.

• Gólflampar. Gólflampar gefa næga birtu fyrir allt rýmið þar sem þeir eru oft nokkuð háir. Þeir eru venjulega settir í hornið á rýminu, bakvið sófa eða við hliðina á hægindastól. Sumir gólflampar lýsa niður á við á meðan aðrir skína upp í loftið. Sumir lampar geta svo verið nokkuð skrautlegir, á meðan aðrir eru fágaðir eða minimalískir.

• Borðlampar. Borðlampar gefa frábæra umhverfislýsingu og eru tilvaldir við vinnu. Þú getur sett þá á skrifborð ef þú þarft að fókusera á eitthvað sérstakt eða þú getur notað þá sem almenna lýsingu á öðrum stöðum til að lesa eða snattast. Borðlampar eru fullkomnir á hliðarborð við hliðina á sófanum, en þeir virka líka vel á veggborð í forstofunni. Hér hjá vidaXL finnurðu borðlampa úr mangóviði, áli með LED ljósum og ýmis önnur módel. 

• Fallegir lampar fyrir barnaherbergi. Ef þú vilt að andrúmsloftið í barnaherberginu sé róandi og skapandi, sjáðu þá til þess að þú veljir rétta ljósabúnaðinn. Við mælum með borðlampa fyrir náttborðið og loftljósi eða loftlampa. Þessir lampar eru oft hannaðir sérstaklega fyrir börn og þeir eru með litríkum lampaskermum með skemmtilegri hönnun - og svo eru þeir oft með undirstöðu í dýralögun.

Fallegir lampar í ýmsum stílum

Þegar það kemur að stíl þá geta lampar spilað afar mikilvægt hlutverk. Lampar gera þér kleift að setja ákveðna áferð á hönnunina sem þú ert að reyna að ná fram. Það eru allskyns lampaskermar í boði og því skiptir í rauninni litlu máli hvaða tegund lampa þú velur. Hjá vidaXL finnurðu réttu lampana fyrir heimilið þitt.

Nýtískulegir og vinsælir lampar í iðnaðarstíl

Við bjóðum upp á allskonar lampa fyrir iðnaðarlegar innréttingar eins og til dæmis hengilampa með lampaskermi úr koparhúðuðu járni. Ef kopar er ekki þinn stíll þá skaltu velja aðra liti á borð við látúnslit, hvítan, dökkgráan eða svartan. 

Lampar með retróútliti

Langar þig í lampa sem stelur sviðsljósinu og gefur herberginu auk þess heillandi yfirbragð? Veldu gólflampa á viðarþrífæti. Svo gætirðu valið lampaskerm úr stáli með látúnsáferð ef þig langar til að setja retrólega stemningu á rýmið.

Sígildir lampar

Ef innréttingarnar eru klassískar þá mælum við með því að þú veljir tímalausa ljósahönnun. Veldu ljósakrónu ef þú vilt hafa smá glans á rýminu eða veldu loftlampa í einfaldri en fallegri hönnun fyrir borðstofuna. Gerðu umhverfisljósið í stofunni eða svefnherberginu notalegt með borðlömpum með ýmsum lampaskermum.

Nútímalegir lampar

Allir nútímalegu lamparnir okkar fylgja einfaldri hönnunarreglu: Þeir eru með stílhreinum línum. Nútímalegu lamparnar sem við bjóðum upp á eru í minimalískri og einfaldri hönnun sem passar vel við nútímalegar innréttingar. 

Flottir bóhemlegir lampar

Til að hafa útlitið aðeins afslappaðra skaltu velja bóhemlegan lampa úr bambus. Hann ýtir undir náttúrulegt útlit og er fullkominn í notalegar stofur eða svefnherbergi. Samblanda af víðitág og málmi er líka önnur leið ef þig langar til að setja bóhemlegan blæ á heimilið.

Hvernig þú velur rétta lampann fyrir hvert herbergi

Hvert herbergi á heimilinu hefur sinn tilgang og því þarf lýsingin að þjóna alveg sérstökum tilgangi. Kynntu þér hvar þú þarft að vera með umhverfislýsingu, finndu rétta staðinn fyrir vinnulýsingu og skoðaðu hvar er sniðugt að vera með áberandi lýsingu.

• Forstofa. Flikkaðu upp á forstofuna með sígildum loftlampa eða jafnvel ljósakrónu ef rýmið er rétt fyrir glamúrinn. Ekki gleyma borðlömpum – þeir eru fullkomnir fyrir veggborð.

• Stofa. Hér þarftu vinnuljós í ákveðna kima, eins og til dæmis í leskrókinn. Fyrir setusvæðið er sniðugt að nota stærri loftlampa. Vertu með lýsinguna í lögum og settu borðlampa hér og þar til að gefa rýminu notalegt andrúmsloft.

• Eldhús. Þetta er staðurinn þar sem allt fjörið er og því er gott að forðast skugga í þessu rými. Við mælum í staðinn með loftljósi eða loftlömpum sem aðallýsingu. Góð lýsing þar sem vinna er unnin er líka mikilvæg - þetta gæti til dæmis verið undir eldhússkápunum til að gefa gott ljós við matreiðslu.

• Borðstofa. Ljósakróna eða loftlampi fyrir ofan borðstofuborðið er ómissandi. Þessi lýsing nægir til að búa til heillandi stemningu yfir borðhaldinu.

• Svefnherbergi. Loftljós getur verið afar þægilegt í svefnherberginu en ekki gleyma borðlömpum á náttborðunum. Veldu hlýja liti fyrir lampaskermana til að skapa draumkennt og notalegt útlit.

• Baðherbergi. Rétt eins og með eldhúsið þá verður baðherbergið að vera með góðri lýsingu. Loftlampi er frábær en hann veitir þó oftast ekki næga lýsingu. Festu pípulaga ljós eða hliðarljós á spegilinn til að skapa tilvalda birtu fyrir daglega förðunarrútínu.

• Heimaskrifstofan. Ef þú ert með heimaskrifstofu þá skaltu nota loftljós eða loftlampa sem aðalljósið. Bættu við ljósabúnaði á borð við skrifborðslampa til að þú sért alveg örugglega með næga birtu við vinnuna.

Réttu efnin fyrir lampa

Lampi er oftast samansettur úr grunni og lampaskermi. Þú getur valið ýmis efni við kaup á lampa, allt eftir lögun og stíl lampans.

• Lampar úr málmi. Málmur fæst með allskyns áferðum sem henta smekk hvers og eins. Málmlampar eru traustir og endingargóðir og þeir fást með antíklegri látúnsáferð, koparáferð og öllu þar á milli. Málmlamparnir okkar fást í ýmsum litum eins og svörtum, hvítum og gráum. Þeir líta sérstaklega vel út á heimilum í nútímalegum eða iðnaðarlegum stíl. 

• Lampar með skermum úr hríspappír. Lampaskermar úr hríspappír eru afar heillandi. Þeir fást í ýmsum stærðum og gerðum og þú getur því haft lýsinguna alveg nákvæmlega eins og þú vilt. Hríspappír er tilvalinn til að búa til umhverfislýsingu í rýminu. Pappírinn er venjulega hvítur, en þú getur líka valið aðra tóna.

• Flottar ljósakrónur úr blöndu af málmi og akrýl. Sum herbergi þurfa hreinlega bara smá glans. Þetta er ástæðan fyrir því af hverju við bjóðum upp á ýmsar laganir og liti sem setja glamúr á rýmið. Við notum traustan málm í grunninn í mismunandi litum eins og hvítum, bleikum og öllu þar á milli. Akrýlperlurnar hafa þann tilgang að gera ljósabúnaðinn flottan og stílhreinan.

• Lampar úr bambus og víðitág. Settu náttúrulega stemningu á heimilið með lampa úr bambus eða víðitág. Hjá vidaXL bjóðum við upp á þessa heillandi lampa í hlutlausum litum og þú getur því auðveldlega valið hönnun sem hentar heimilinu þínu. Ef þig langar til að setja bóhemlegan blæ á heimilið, veldu þá tágalampa. Hvítir, svartir eða drappaðir - þessi lampar geta verið sporöskjulaga og háir, sem gerir þá tilvalda á gólfið. Þú hefur einnig möguleika á vera með loftlampa úr víðitág sem verður miðpunktur herbergisins.

Veldu rétta stærð fyrir lampann

Vertu viss um að velja réttu stærðina af lampa, allt eftir því hvaða tegund af lampa þú velur. Best er að velja ekki lampa sem er of stór eða of lítill. Þú getur fylgt þessum þumalputtareglum þegar þú velur lampa.

• Grunnurinn á borðlampa ætti að vera í augnhæð.

• Lampaskermurinn ætti að vera í kringum ⅓ af heildarhæð lampans.

• Hæð lampans ætti ekki að vera meiri en 1,5 sinnum hæð borðsins sem þú setur lampann á.

• Hengilampi fyrir ofan eldhúsborð eða borðstofuborð ætti að vera um 80 til 90 sentímetrum fyrir ofan borðið.

• Þvermál lampaskermsins ætti að vera tvisvar sinnum stærð grunnsins.

• Gólflampi verða að fylgja skipulagi herbergisins. Hann getur verið allt að 170-190 sentímetrar á hæð en við mælum með því að þú veljir stillanlega stöng.

Ef þú ert með spurningar, ekki hika við að hafa samband við þjónustuverið okkar.