Plaköt, útprent og sjónlist (190 Niðurstöður)

Hvernig þú velur réttu vegglistina fyrir heimilið þitt

Vegglist er ein auðveldasta leiðin til að setja persónulegan svip á heimilið. Tómir veggir geta litið einmanalega og óspennandi út. Vel valin vegglist getur hins vegar umbreytt útliti og stemningu heimilisins. Listin dregur augað að veggnum auk þess sem hún getur skapað jafnvægi á heimilinu og gefið því heillandi blæ.

Ein stærsta áskorunin er að átta sig á því hvers konar list hentar fyrir vegginn og fyrir heimilið alfarið. Gríðarlega mikið úrval er til af mismunandi vegglist og því getur valið reynst erfitt. Ef þú ert í vandræðum með að finna list á vegginn í svefnherberginu, stofunni, forstofunni eða öðru rými þá eru þessar leiðbeiningar tilvaldar til að aðstoða þig við ákvörðunina.

Hvaða efnivið ættirðu að velja fyrir vegglistina þína?

Kaup á listaverki snýst ekki einungis um sjálfa myndina heldur einnig um innréttingarnar á heimilinu og smekk þinn á list. Þú þarft líka að hafa efnivið verksins í huga. Lítum á mismunandi efniviði hér að neðan.

Vegglist á striga

Strigi er vinsælasti og fjölhæfasti efniviðurinn fyrir vegglist. Hann er hlýr og fallegur og gefur rýminu þar að auki dýpt. Málverk á striga geta annað hvort verið í ramma eða fest á viðargrind þar sem striginn hefur verið heftur að aftan. Þetta gefur hið klassíska útlit af olíumálverki sem getur verið afar fallegt í hefðbundnum rýmum. Fjölhæfni striga sem efniviðar þýðir að þú getur notið verksins í áraraðir, jafnvel þótt smekkurinn þinn breytist. Strigi í ramma er einnig afar léttur og auðveldur í meðhöndlun. Strigi getur þó rifnað og hann er því hugsanlega ekki besti efniviðurinn á heimili með börnum og gæludýrum.

Vegglist úr viði

Viður er einnig frábær kostur fyrir vegglist. Hann gefur rýminu sveitalegt yfirbragð. Málverk úr viði eru í sérstakri hönnun þar sem æðamynstur viðarins sést á alveg einstakan hátt. Ef þér finnst viðarlegt útlit og stemning notaleg þá er vegglist úr viði tilvalin fyrir þig. Myndirnar eru yfirleitt festar á við eða spónaplötu (MDF). Þó er mikilvægt að hafa í huga að hvítir litir sjást oft ekki vel á viði.

Vegglist úr málmi

Þessi tegund vegglistar er afar nýmóðins og er oft í björtum litum með gljáandi áferðum. Hún er tilvalin til að gefa rýminu dass af lit. Hún þolir einnig vel rispur, beyglur og allskyns veðráttu (ef þú vilt hafa listaverkið útivið) og er auk þess endingargóð, sem þýðir að þú getur notið hennar til margra ára. Vegglist úr málmi fæst með allskyns áferðum sem henta stíl hvers og eins.

Vegglist úr akrýl

Vegglist úr akrýl gefur rýminu nútímalega og minimalíska stemningu. Efniviðurinn blæs lífi í listina með stílhreinum línum og gegnsæju útliti sem er alveg einstakt. Myndir sem prentaðar eru á akrýl eru bæði skarpar og skýrar og glansandi áferð akrýldúksins virkar afar vel með sterkum litum og gefur myndinni stórglæsilegt útlit. Akrýldúkur hefur þar að auki yfir sér 3D áhrif þar sem ljós endurspeglast hér og þar. Þetta gerir efniviðinn tilvalinn fyrir landslagsmyndir.

Hvernig þú velur vegglist í réttri stærð

Stærð vegglistarinnar er alveg jafn mikilvæg og efniviðurinn. Jafnvel fallegustu listaverk geta litið skringilega út þegar stærðin hentar ekki rýminu. Hvort sem listaverkið á að vera fyrir ofan sófann, á stórum vegg í ganginum eða á tómum vegg í stofunni þá er mikilvægt að þú veljir stærð sem er rétt fyrir rýmið. 

Of stórt listaverk fær rýmið til að virka óreiðukennt og of lítið listaverk fær rýmið til að virka tómt. Eftirfarandi eru leiðbeiningar varðandi rétta stærð á vegglist.

• Vegglist ætti að taka um 75% af tómu veggplássi. Þetta á við um pláss sem ekki er hulið með gólflistum, vegglistum eða húsgögnum. Mældu hæð og breidd veggsins og margfaldaðu með 0,6 og 0,75. Sem dæmi: Ef mál veggsins eru 3m og 1,5m þá þarftu að margfalda þau með 0,6 og 0,75. Kjörin stærð fyrir vegglistina væri því 1,8 - 2,25m á annan veginn og 0,9 - 1,2m á hinn veginn.

• Þegar þú hengir vegglist fyrir ofan húsgögn eins og sófa, arin eða rúm þá er tilvalið að verkið sé 2/3 eða 3/4 af breidd húsgagnsins. Ef sófinn þinn er t.d. 1,8m á breidd þá mælum við með því að þú margfaldir breiddina með 0,66 og 0,75. Vegglist sem er 1,3m eða 1,35m á breidd myndi því henta fullkomlega fyrir ofan sófann.

Ef þú ert óviss um stærðina þá er betra að velja listaverk sem er örlítið stærra en það sem þú hafðir áætlað. Stærra verk virkar oft betur þegar kemur að list. Stór vegglist sem samsvarar sér vel getur umbreytt rýminu og náð þeim áhrifum fram sem þú vildir.

Hvaða stíl ættirðu að velja?

Þegar þú kaupir vegglist þá ættirðu að reyna að velja listaverk sem truflar ekki flæðið í rýminu heldur ýtir frekar undir innréttingar rýmisins. Skoðum hvers konar vegglist hentar best fyrir mismunandi hönnunarstíla.

Iðnaðarstíll

Iðnaðarstíllinn einkennist af sterkum og einföldum húsgögnum. Rúmfræðileg mynstur í einlitum eða sterkum litum virka vel hér. Vegglist úr málmi er einnig frábært val í iðnaðarleg rými.

Nútímalegur stíll

Einfalt útlitið sem fæst af rúmfræðilegum mynstrum er fullkomið fyrir nútímaleg rými. Þú gætir einnig valið að vera með einlitt plakat. Nýmóðins vegglist gefur rýminu stílhreinan og skemmtilegan blæ. Nútímalist á sér margar mismunandi myndir, en þó hafa nokkur mismunandi stílbrigði notið mikilla vinsælda síðustu árin. Þar á meðal er abstrakt vegglist úr málmi sem dregur innblástur úr miðri síðustu öld ásamt eftirprentunum, strigum og málmhönnunum í abstrakt stíl.

Retróstíll

Forsíður á tímaritum og gömul landakort virka vel í retrólegu rými. Gamaldags blómalist felur í sér lauf, blóm og aðra náttúrulega hluti sem henta prýðilega á heimili í retróstíl. Þú getur líka blandað retrólegum innréttingum við nútímalegar innréttingar. Einlitir hlutir eru frábær leið til að gefa heimilinu nútímalegt yfirbragð.

Skandinavískur stíll

Ef rýmið er í skandinavískum stíl þá er tilvalið að velja vegglist í klassískum skandinavískum litum á borð við gráan, sinnepsgulan og bleikan. Kosturinn við vegglist í skandinavískum stíl er að hún virkar vel á flest heimili. Það gildir jafnvel ef stofan er í sveitalegum stíl; skandinavísk listaverk gera þá einfaldlega rýmið að blöndu af sveita-skandínavískum stíl.

Hvernig þú velur vegglist eftir herbergjum

Fyrir utan ofangreinda þætti þá þarftu einnig að hafa staðsetningu listaverksins bakvið eyrað. Sniðugt er að velja listaverkið með staðsetningu þess til hliðsjónar. Ætlarðu að hafa það í forstofunni, borðstofunni eða stofunni? Hér að neðan lítum við á mismunandi vegglist allt eftir því hvar á heimilinu verkið á að vera.

Stofan

Þegar hugsað er um listaverk þá hugsa flestir um stofuna. Stofan er tilvalinn vettvangur til að leyfa sköpunargáfunni að ráða og koma með yfirlýsingu í gegnum list. Þú getur valið að hafa stemninguna hýrlega, róandi, villta eða djarfa. Stofan er sá staður þar sem þú verð mestum tíma með fjölskyldu, vinum og gestum. Við mælum því með að þú veljir þema sem þér finnst endurspegla þinn persónuleika og gildi.

Borðstofan

Gott er að velja klassísk og einföld listaverk í borðstofuna sem falla vel við aðra hluti. Þú getur jafnvel valið bólstruð listaverk eða verk gerð úr viði. Þetta passar vel við innréttingarnar á flestum heimilum.

Svefnherbergið

Svefnherbergið er besti staðurinn til að leyfa ímyndunaraflinu að ráða ríkjum. Hér geturðu sýnt persónuleikann þinn á einstakan hátt með því að vera með listaverk í mismunandi litum og hönnunum. Þú verð líka tiltölulega miklum tíma í að slaka á í þessu rými og þú þarft því vegglist sem endurspeglar það. Þú getur beint athyglinni að ákveðnum svæðum í herberginu með því að setja málverk eða striga fyrir ofan svæðið. Þú gætir einnig verið með bjarta vegglist fyrir ofan snyrtiborðið þitt til að lyfta stemningunni í rýminu.

Forstofan

Oft gleymist að hugsa um forstofuna þegar listaverk eru valin. Vegglist er frábær leið til að flikka upp á forstofuna í hvelli. Þú getur einnig verið með hógværan striga í hlutlausum tónum og nýmóðins hönnun. Myndir út um allt á ganginum gætu einnig litið frábærlega út.

Hvernig þú hugsar um vegglistina þína

Eins og með aðra hluti á heimilinu þá á vegglist á hættu að eyðileggjast ef ekki er hugsað vel um hana. Mikilvægt er að þú vitir hvernig þú átt að þrífa og viðhalda vegglistinni ef þú vilt að hún haldist falleg í áraraðir. Hér eru nokkrar ábendingar varðandi viðhald.

• Haltu listaverkinu frá beinu sólarljósi

Vegglist á það til að fölna þegar hún stendur berskjölduð í beinu sólarljósi til lengri tíma. Þú gætir hafa nælt þér í fallegustu viðarlist í heimi, en ef þú geymir hana í beinu sólarljósi þá á hún eftir að fölna á örskotsstundu. Strigi á það til að rifna og fá á sig sprungur þegar hann er í beinu sólarljósi.

• Þurrkaðu ryk af vegglistinni

Einnig er mikilvægt að þú þurrkir ryk af vegglistinni þinni reglulega (sérstaklega striga). Ryk safnast auðveldlega saman á verkinu og eyðileggur það. Notaðu því mjúkan klút til að þurrka ryk af verkinu. Æskilegast er að vera með áætlaðan tíma fyrir þrifin til að tryggja að vegglistin haldist í toppstandi.

• Ekki hengja listaverkin á fjölfarna staði

Listaverk sem hengd eru á fjölfarna staði á heimilinu eru fljót að skemmast. Almennt slit gerist mun hraðar ef sífellt er verið að raska verkinu. Veldu veggi sem lítið eða ekkert er rekist í. Þetta gæti t.d. verið fyrir aftan eða ofan sófann.

Við bjóðum upp á mikið úrval af vegglist. Skoðaðu frábært úrvalið okkar af vörum til að finna rétta listaverkið fyrir heimilið þitt